ފޮނަދޫގައި މިއަދު ބޭއްވި ރަސްމިއްޔާތުގައި އަބްދުއްރަހީމް ވާހަކަ ދައްކަވަނީ. - ފޮޓޯ: ހައުސިން މިނިސްޓްރީ
06 ޖުލައި 2018 - 22:23
68 comments
ކުރިއަށް އޮތް ރިޔާސީ އިންތިހާބުގައި ރައީސް އަބްދުﷲ ޔާމީނަށް ވޯޓު ނުދޭނީ ގައުމުގެ އަދުއްވުން ކަމަށް ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.
ލ. ފޮނަދޫ މަގުތަކުގައި ތާރު އެޅުމުގެ މަސައްކަތް އިފްތިތާހު ކުރުމަށް މި ރަށުގައި ބޭއްވި ރަސްމިއްޔާތުގައި އަބްދުއްރަހީމް ވިދާޅުވީ ރާއްޖޭގެ އެކި ހިސާބުތަކުން ފެންނަނީ ރައީސް ޔާމިން ގެންނެވި ތަރައްގީ ކަމަށާއި ރައީސް ޔާމީން ދެވަނަ ދައުރަކަށް އިންތިހާބު ކުރުމަށް "ވިއްކަން" ވަރަށް ބައިވަރު ވާހަކަ ހުރި ކަމަށެވެ.
"އިދިކޮޅު މީހުން އަޅުގަނޑުމެންނާ ކުރެވޭނެ ޖަދަލެއް، ދެއްކޭނެ ހެއްކެއް ނޯންނާނެ،" އޭނާ ވިދާޅުވި އެވެ.
އަބްދުއްރަހީމް ވިދާޅުވި ގޮތުގައި އެމްޑީޕީގެ ސަރުކާރުގެ ތިން އަހަރު ދުވަހުގެ ތެރޭގައި ފޮނަދޫގައި ހިންގި ތަރައްގީގެ އެއްވެސް މަޝްރޫއެއް ފެންނާކަށް ނެތެވެ. އެކަމަކު، ރައީސް ޔާމީންގެ ސަރުކާރުން ފޮނަދޫގެ ތަރައްގީ އަށް 700 މިލިއަނަށްވުރެ ގިނަ ރުފިޔާ ހަރަދުކުރި ކަމަށް އޭނާ ވިދާޅުވި އެވެ.
"ފޮނަދޫ އަށްވުރެ ރައީސް ޔާމީނަށް އެއްވަނަ ހޯދައިދޭން ހައްގު އެހެން ރަށެއް ރާއްޖޭގައި ނޯންނާނެ. އާބާދީގެ ނިސްބަތަށް ބަލާއިރު މިހާ ބޮޑު ކުރިއެރުމެއް ހޯދި އެއްވެސް ރަށެއް ނޯންނާނެ. އެއީ ރައީސް ޔާމީންގެ ހިތްޕުޅުގައި މި ރަށާ މެދު އޮތް ޝައުގުވެރިކަން،" އަބްދުއްރަހީމް ވިދާޅުވި އެވެ.
ގުޅިފައިވާ އިދިކޮޅު ޕާޓީތަކުގެ ކެންޑިޑޭޓު، އެމްޑީޕީ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) އަށް ފާޑު ވިދާޅުވެ އަބްދުއްރަހީމް ވިދާޅުވީ އިބޫ މަޖިލީހުގައި މަސައްކަތް ކުރައްވާތާ އެތައް އަހަރެއްވީ އިރު، މައިނޯރިޓީ ލީޑަރަކަށް ހުންނަވައިގެން މަގާމުގެ މަސްއޫލިއްޔަތާއި ވާޖިބު އަދާކުރައްވާފައި ނުވާ ކަމަށެވެ.
އެހެންކަމުން އިބޫ އަށް ރާއްޖޭގެ ވެރިކަމަށް ވަޑައިގަތް މަސްއޫލިއްޔަތުތައް އަދާ ކުރެވޭނެ ކަމާމެދު ސުވާލު އުފެދޭ ކަމަށް އަބްދުއްރަހީމް ވިދާޅުވި އެވެ.
އަބްދުއްރަހީމް ވިދާޅުވީ ރިޔާސީ އިންތިހާބު ގާތްވަމުން އަންނަ އިރު މިދިޔަ ފަސް އަހަރުގެ ތެރޭގައި ރާއްޖެ އަށް އައިސްފައި ހުރި ބަދަލުތަކާ މެދު ފުންކޮށް ވިސްނައި، އަންނަ ދައުރުގައި އާ މީހަކު ތަޖުރިބާ ކުރާ ބަޔަކަށް ދިވެހިން ވެގެން ނުވާނެ ކަމަށާއި އޭގެ ބަދަލުގައި ކުރިއަށް ދާންވީ ތަޖުރިބާކާރަކާ އެކުގައި ކަމަށެވެ.
ރައީސް ޔާމީންގެ ތަޖުރިބާއާ ދޭތެރޭ ސުވާލު އުފައްދާނެ އެއްވެސް ރައްޔިތަކު ނުހުންނާނެ ކަމަށާއި ރައީސް ޔާމީން ފަދަ ބޭފުޅަކު ރިޔާސީ އިންތިހާބަށް ކުރިމަތިލާފައި ވަަނިކޮށް އެމަނިކުފާނާ ވާދަ ކުރަން ނިކުންނަ އެހެން މީހަކަށް އާ ބަސް ބުނާނީ ދިވެހި ގައުމާއި ރައްޔިތުންގެ އަދުއްވުން ކަމަށް ވެސް އަބްދުއްރަހީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަމްސު
25 July 2018
ޢެއްފަހަރު ދީނުގެ އަދުއްވުން އަނެއްފަހަރު ޤައުމުގެ އަދުއްވުން. ކިޔޭނުކިޔޭ އެބައެނގޭތަ. މީ ރާއްޖޭގެ ކަނޑުއަޑިން އެންމެ ފުނުން މިހާތަނަށް ފެނުނުނު ޓިނުބުރަކީގެ ވިސްނުމުގެ ފެންވަރު.
މުޖާހިދު
08 July 2018
ޢަބްދުރަހީމް ވިދާޅުވިބަސްފުޅާމެދު ހިތްހަަމައެއްނުޖެހޭ ވޯޓްދެއްވާނީ އެބޭފުޅަކު ހިތްހަމަޖެހޭ ފަރާތަކަށް ޔާމީނަށް ވޯޓްނުދެއްވާފަރާތަކީ ގައުމުގެއަދުއްވެއްކަމަށް ވިދާޅުވެލެއްވުމަކީ ޔާމީނަށްވޯޓްހޯއްދެވުމަށް ކުރައްވާ މަޖުބޫރެއްކަމަށް ދެކުމުގެ ފުރުޞަތުވަރަށްބޮޑު ގައުމަށް އަދުއްވުވާފަރާތެއްވެސްހުރެދާނެ ނަމަވެސް ޔާމީނަށްވޯޓްނުދެއްވާ ހުރިހާފަރާތެއް ގައުމުގެ އަދުއްވުންކަމަށް ވިދާޅުވުމަކީ ވަރަށްދެރަކަމެއް އަހަރެންމީ ގައުމުދެކެލޯބިވާ އަދި ޔާމީން ގައުމަށްގެނެސްދެއްވާ ތަރައްޤީއަށް އުފާކުރާ ފަރާތެއްޔާމީނަށްވޯޓްދޭންވެސް ބޭނުންވާ ފަރަރެއް ނަމަވެސް ޔާމީނަށް ވޯޓްނުދީ ގައުމަށް އަދުއްވު ވުމަށް އަހަރެންބޭނުމެއްނުވޭ
mw 108
08 July 2018
މިއީ ބިރުދެއްކުމުގެ ޢަމަލެއް
ނުދޭނަމޭ މިބުނީނު
07 July 2018
އަހަރެންގެ ވޯޓެއް ޔާމީނަކަށްނުދޭނަން...
ހެހެ ހޭ
07 July 2018
އަދުރޭވެސް ޔާމީން އައް ވޯޓް ނުދޭނެ.
ދަބަރުޓިނު ނަގާ އަބުދު
07 July 2018
ނުދޭނަން ޔާމީން އަށް ވޯޓެއް! ޟަގޭވޯޓެއްވެސް މަގޭޢާއިލާވޯޓެއްވެސް ނުދޭނަން! ދެން ލަލަލާ!
އިދުރީސް
07 July 2018
ރައީސް ޔާމީން ވ.އަތޮޅަށް އަރަށް ނުކެރެނީ ކީއްވެ؟ މިއަތޮޅުގައި ވޯޓް ދިނުން ހައްޤުވާ މީހަކު ނެތީތަ؟ ނޫނީ މައުމޫނަށް 99% އޮތް ތަނަކަށް ވީމާ މިތަނަށް އައުން ބޭކާރު ކަމަށް ވަނީތަ؟ ތިޔަހެން އުޅެގެން ވޯޓެއް ނުލިބޭނެ.
މުރާސިލު
07 July 2018
ފޮނަދޫގެ ކަންކަން ނޭނގޭމީހަކު އަދުރޭގެ ވާހަކަ ޤަބޫލުކޮށްފާނެއެވެ. ނަމަވެސް ނަޝީދުގެ ވެރިކަމުގެ 3 އަހަރުގައި ފޮނަދޫގައި ނަރުދަމާ ޤާއިމްކޮށް ޚިދުމަތްދޭން ފެށިއެވެ. ބަނދަރު މަރާމާތުކޮށް ނިންމިއެވެ. ޔާމީންގެ ވެރިކަމުގައި 5 އަހަރު ނިމެންދާއިރު ބައެއް މަގުތައް ހަދަންފެށިތާ 3 އަހަރަށްވުރެ ގިނަދުވަސްވެފައިވާއިރު އަދި ނިމޭނެދުވަހެއްވެސް ނިމޭނެކަމެއްވެސް ނޭނގެއެވެ. ފެނުގެ ޚިދުމަތް ދިނުމަށްޓަކައިވެސް މަސައްކަތްތަކެއް ކޮށްފައިވެއެވެ. ނަމަވެސް އެޚިދުމަތްވެސް އަދިވެސް ދޭންފެށިފައެއް ނުވެއެވެ. މިސަރުކާރުން އެންމެ ބޮޑު ތަރައްޤީއެއް ގެނައީ ފޮނަދުއަށް ކަމަށްވަންޏާ ރަށްރަށަށް ގެންނަކަމަށް ބުނާ ތަރައްޤީ އެއޮތީވަރަށް ރަނގަޅަށް ފެނިފައެވެ.
ާއާންތު
07 July 2018
ކަލެއަކަށް ޤައުމުގެ ޢަދުއްވުން ބުނެދޭކަށް ނޭގޭނެ ފުރަތަމަތިޔަހުރީ މިހާރުވެސް ޤައްދާރު ޤައުމަށްވެފައި ރައްޔެތުންނަށްވެފައިވާ ހަރާންކޯރުވުން އެހެންބަޔަކު އައިސްބަލާފާނެތީ މޭގަ ރިއްސާ ހިތްތެޅެނީދޯ ވޯޓް ނުލިބޭނެ އިންޝާ ﷲ
އައިޖޭ
07 July 2018
ދީނުގައި އޮންނަނީ ކޮރަޕްޝަނައި ދުރުވާން، އަނިޔާވެރިކަމާއި ދުރުވަން، މަކަރު ހީލތްތެރިކަމުން ދުރުވާން...ދެން ކިހިނެއް މިސަރުކަރަށް ތާއިދު ކުރާނީ