13 ޖުލައި 2018 - 11:03
23 comments
އެމްޑީޕީ ސަރުކާރުގެ ހައުސިން މިނިސްޓަރު މުހައްމަދު އަސްލަމްގެ ފޯނު ބިލަށް ދައުލަތުން ޚަރަދުކުރި ތިން ލައްކަ އަށް ވުރެ ގިނަ ރުފިޔާ އޭނާ ދައުލަތަށް އަނބުރާ އިއްޔެ ދައްކަވައިފި އެވެ.
ސިވިލް ކޯޓުން މިދިޔަ މަހު 24 ގައި ހުކުމްކުރީ ޖޫން 2009 އިން ފެށިގެން އޮގަސްޓް 2011 ވަނަ އަހަރުގެ ނިޔަލަށް މިނިސްޓަރަކަށް ހުންނެވި އަސްލަމްގެ ފޯނު ބިލް ދެއްކުމަށް ދައުލަތުން ޚަރަދުކުރި 312،000 އަށް ވުރެ ގިނަ ރުފިޔާ އަނބުރާ ދެއްކުމަށެވެ.
އެފައިސާ ފިނޭންސް މިނިސްޓްރީއަށް އިއްޔެ ދައްކަވާފައިވާއިރު އަސްލަމް "މިހާރު" އަށް ވިދާޅުވީ އެފައިސާ އަކީ ދައްކަން ޖެހޭނެ ފައިސާކަމަށް ގަބޫލު ނުކުރައްވާ ކަމަށެވެ. ފައިސާ ދެއްކެވީ ކޯޓުގެ ހުކުމަށް ތަބާވުމަށް ކަމަށް އޭނާ ވިދާޅުވި އެވެ.
Phone bill ah kharadhu kuri faisaa anburaa dhakkan Aslam ge mahchah hukum koffi
The most trusted news source in the Maldives
Mihaaru
ފޯން ބިލަށް ދެއްކި ފައިސާ ދައްކަން އަސްލަމްގެ މައްޗަށް ހުކުމް ކުރުން--
އެ މައްސަލައިގެ ހުލާސާ ބަޔާން އިއްޔެ ސިވިލް ކޯޓުން ލިބިފައިވާ ކަމަށާއި އެމައްސަލަ ހައިކޯޓުގައި އިސްތިއުނާފު ކުރާނެ ކަމަށް އަސްލަމް ވިދާޅުވި އެވެ.
އަސްލަމް ވިދާޅުވީ ފޯން ބިލް ދައުލަތުން ދައްކާފައިވަނީ ޕާމަނަންޓް ސެކްރެޓަރީގެ އެންގުމަށް ކަމަށެވެ. އެއީ މިނިސްޓަރުންނަށް ކުރީންސުރެ އޮންނަ އުސޫލު ކަމަށް އޭނާ ވިދާޅުވި އެވެ.
"ޕާމަނަންޓް ސެކްރެޓަރީ ވިދާޅުވީ ވަޒީރުންގެ ފޯން ބިލް ދައްކަނީ އޮފީހުންނޭ. އަޅުގަނޑު ދެއްނެވިން އަޅުގަނޑު ނަމްބަރު ބަދަލެއް ނުކުރާނަމޭ. ދެން ޕާމަނަންޓް ސެކްރެޓަރީ އެންގެވީ ބިލް އެޑްރެސް ބަދަލުކުރަން. ދެން ބަދަލުކުރީމަ މިނިސްޓްރީން ބިލް ދެއްކީ،" ކަން ހިނގިގޮތް ކިޔައިދެމުން އަސްލަމް ވިދާޅުވި އެވެ.
އަސްލަމް ވިދާޅުވީ ދައުލަތުގެ ބޭނުމަށް އޭނާ ކުރި ހަރަދު އަމިއްލައަށް ދައްކަން ޖެހުމަކީ ގަބޫލު ކުރެވޭ ކަމެއް ނޫން ކަމެއް ކަމަށެވެ.
"އަޅުގަނޑު ސަރުކާރުގައި އުޅުނު ދުވަސްވަރު ސަރުކާރު މަސައްކަތައް ކުރި ފޯންތަކަށްވެސް އަޅުގަނޑު ފައިސާ ދައްކަން ޖެހުނީ،" އަސްލަމް ވިދާޅުވި އެވެ.
ސިވިލް ކޯޓުން ކުރި ހުކުމުގައި ވަނީ އަސްލަމްގެ ފޯނު ބިލް ދެއްކުމަށް ހައުސިން މިނިސްޓްރީގެ ބަޖެޓުން ޚަރަދުކުރި 312،000ރ. އަކީ އަސްލަމްގެ ފަރާތުން ދައުލަތަށް އަނބުރާ ދައްކަންޖެހޭ ފައިސާއެއް ކަން ޝަރީއަތަށް ސާބިތުވާ ކަމަށެވެ. އެހެންވެ، ހުކުމްކުރި ދުވަހުން ފެށިގެން ފަސް މަސް ތެރޭގައި އެ ފައިސާ ދައުލަތަށް ދެއްކުމަށް އަސްލަމަށް އަންގާ ކަމަށް އެ ހުކުމުގައި ވެ އެވެ. އަސްލަމްގެ ފޯނު ބިލަށް ދައުލަތުން ފައިސާ ދެއްކި މައްސަލަ ފެންމަތި ކުރީ، އޮޑިޓާ ޖެނެރަލް ނެރުއްވި ހައުސިން މިނިސްޓްރީގެ 2010 ވަނަ އަހަރުގެ އޮޑިިޓް ރިޕޯޓުގަ އެވެ. އެ ފައިިސާ ދައުލަތުން ޚަރަދުކުރީ ގާނޫނާ ޚިލާފަށް ކަމަށާއި އެހެންވެ، އެ އަނބުރާ ހޯދަން އޮޑިޓާ ޖެނެރަލް އޭރު ލަފާ ދެއްވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
14 July 2018
އަސްލަމް ގެ ފޯނުނުން ނުޖެހޭނެ ދަވްލަތުގެ ކަންކަމަށް ފޯނުކުރާކަށެއް ދަވްލަތުން ފޯނު ނަންބަރެއް އޮންނާނެ ނުވަތަ ސިމެއްނޫނި ފޯނެއް އޮންނާނެ ދަވްލަތުގެ ހުރިހާކަމަކަށް ކޯލް ކުރަންވާނީ ދަވްލަތުގެ ފޯނުން. އަސްލަމް ގެ ފޯނުންކުރަންވާނީ އަސްލަމުގެ އަމިއްލަ ކޯލް ތައް އެހެންނޫނީ އަމިއްލަ ބާލީހަށް ބަންޑާރަ ކަފަ އެޅިފަ ހުންނާނީ
އަހަންމަދު ހަސަން
13 July 2018
ދައްކަން ނުޖެހޭނަމަ ނުދައްކާނެ މީހެއް ބައި ރުފިޔާވެސް. ހަމަ ދައްކަން ޖެހުނީމަ އެހާބޮޑު އަދަދެއް އެދެއްކީވެސް. ސިމްޕަލް ލޮޖިކް.
ޥައްލޯ
13 July 2018
ހާދަ ފައިސާ އެއް އޮތް މީހެކޭ ދޯ މީ. ޢަސްތާ ސޮރީ ނަޝީދުގެ ހައުސިން މިނިސްޓަރު ދެއްތޯ
ައާސިމު
13 July 2018
ކޯޓުތަކުގައި ހުކުމްތައް ކުރަން ތިއްބަވަނީ މިލިޓަރީ އަދި ހަތިޔާރު އެޅިބައެއްނޫން.. ގާނޫނު ތައް ރައްޔަތުންގެ މެދުގައި ހިފެހެއްޓުމުގެ ބޭނުމުގައި ބާރުތަކެއް ދީފައިވާ ބައެއް... އެމީހުން ހުކުމެއް ކުރުމުން އެ ގަބޫލު ބުކޮށް އެކޯޓުތަކައްވަދެ ގަނެ ހުކުމް ކުރި ގަޒީންތައް އެތަނުގެ ތެރޭގައި ބައިތިއްބައި އޮރިޔާންކޮށްގެން މަގުމައްޗަށް ނެރެފައި ބުނަންވީތޯ މިކަލޭގެ މެން މިކުރި ހުކުމަކީ މަށައް އުފުލޭ އަދި ގަބޫލު ކުރެވޭނެ ހުކުމް ތަކެއްނޫންކަމުން މަގޭ އަތުގައި ބާރު އޮތުމުން މިކަން ކުރަންލާޒިމު ވީކަމަށް... އާދެ. މިދަދަ އަމަލު ހިންގާފައި ތިބޭ މީހުނާއި އިންސާނުންނައި ތަފާތު.. އަސްލަމު އަށް ހެޔޮ ދުޢާއު އާއި ސާބަސް... ތިޔައީ ލިބިފައިވާ ތަޢުލީމުގެ ތަފާތު..
ކޯޓުގެ ޙުކުމަށް ތަބާވީ
13 July 2018
ދައްކަވަން ޖެހޭ ފައިސާ އެއް ނޫން ކަމަށް ޤަބޫލު ކުރެއްވިޔަސް ގަދަބަސް ވިދާޅުނުވެ، ކޯޓުގެ ޙުކުމަށް ތަބާވުމުގެ ގޮތުން ފައިސާ ދައުލަތަށް ދެއްކެވުމަކީ، މަތިވެރި އަޚްލާޤީ ރިވެތި ސިފައެކެވެ. ހަމަގައިމުވެސް، އަޅުގަނޑުފަދަ މިނިވަން ޚިޔާލުގެ މީހުން ބޭއިޚްތިޔާރުގައި ބަލައިގަންނާނެ ކަމެކެވެ. ޔާﷲ! އަސްލަމަށް ހެޔޮވިސްނުންމަތީ ދެމިހުންނެވުމުގެ ޘާބިތުކަމާއި، ހެޔޮ ރަޙްމަތާއި، ކުރިއެރުން މިންވަރު ކުރައްވާށި! އާމީން
ފަހީމް
13 July 2018
އަމިއްލަ ނަމުގައި އޮންނަ ފޯން ބިލްދައްކާކަށް ސަރުކާރަކަށް ނުޖެހޭ. އަމިއްލަ ފޯން ބޭނުން ކުރާކަށް ސަރުކާރު ކަންކަމުގައި ނުޖެހޭ. އަމިއްލަ ފޯން އަނބިދަރިންވެސް ބޭނުންކުރާނެ، އެކޯލްތަށްވެސް ސަރުކާރުންތޯ ދައްކަންވީ. ސަރުކާރަށް އަރާފަ އޮތް ބަލަދެއްތޯ އަސްލަމްގެ ފޯނަކީ؟
ޔާމިން
13 July 2018
ސަރުކާރުގެ ރަސްމީކަންކަމުގަ އަމިއްލަ ފޯނާއި އަމިއްލަ ކުރެޑިޓްކާޑު ބޭނުން ކުރުމަކީ ރަނގަޅުކަމެއް ނޫން. މިނިސްޓަރުންގެ އަމިއްލަ އޮފީސް ނަމްބަރެއް އިއްނަންވާނެ ކަމައް ގަބޫލްކުރަން
ހަސަންމަނިކުފާނު
13 July 2018
އަސްލަމް ކުރިޔަސް ވަރަށް ރަނގަޅު! ކޯޓްގެ ހުކުމަށް އިހްތިރާމްކޮށް ނަމޫނާ ދެއްކީތީ ޝުކުރުވެރިވަން!
ޢިބަ
13 July 2018
ކޮބާ މި ސަރުކާރުން މިލިޔަނުން ހިޔާނާތއތެރޮބި ފައިސާ
އަމީތު
14 July 2018
އަދި އެއްވެސް ކަމެއް ސާބިތުވެފައެއްނެތް! ތޮތޯ ވާހަކަ ދައްކަނީ!
އަލީ ނަސީމް
13 July 2018
ތިކުރީ ވަރައް ސަޅި ކަމެއް. ދައުރު ބަދަލު ވެގެން، ކުއްލިއަކައް މުއްސަދި ވިމީހުން ނައް ފައިސާ ޖަމާކުރި ގޮތް ބަލާ، އޭގައި ހިޔާނާތެއް ވެތޯ ބަލަން، ހުޅުވާލި ދޮރެއް!!!!
އަލީ_
13 July 2018
މީގައި މައްސަލަ އަކަށް ވެގެން މި އުޅެނީ ފޯނު ލައިން އަސްލަމްގެ އަމިއްލަ ނަމުގައި އޮތީމާ. އެތަންކޮޅުގައި ހިފައިގެން ދަމަނީ. އޮފީހުގެ ނަމުގައި ހުރި ލައިންތަކުން ވަރިހަމަ 2 މިލިޔަން ރުފިޔާއަރަންދެން ފޯނު ކުރިޔަސް!