ޚަބަރު / ރައީސް އިބްރާހިމް މުހައްމަދު ސޯލިހް

މިހާރު ހިންގާ މަޝްރޫއެއް ނުހުއްޓުވާނަން: އިބޫ

އިދިކޮޅު ކޯލިޝަނުން ކުޅުދުއްފުށީގައި މިރޭ ބޭއްވި ޖަލްސާގައި އިބޫ، އެ ރަށާ ގުޅޭ ބައެއް މައުލޫމާތުތައް ކަރުދާގަނޑެއްގައި ނޯޓު ކުރައްވަނީ.

ހދ. ކުޅުދުއްފުށިން، އަހުމަދު ސާއިލް އަލީ، މިހާރު

14 އޯގަސްޓް 2018 - 00:07

27 comments

މިހާރު ކުރިއަށް ގެންދާ އެއްވެސް ތަރައްގީގެ މަޝްރޫއެއް، އިދިކޮޅު ކޯލިޝަންގެ ވެރިކަމެއްގައި ނުހުއްޓުވާނެ ކަމަށް އެ ކޯލިޝަންގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހް(އިބޫ) މިރޭ ވިދާޅުވެއްޖެ އެވެ.

އެމްޑީޕީ އަށް ބޮޑު ތާއީދެއް އޮންނަ ހދ. ކުޅުދުއްފުށީގައި ބޭއްވި ކޯލިޝަންގެ ކެމްޕެއިން ޖަލްސާގައި ވާހަކަ ދައްކަވަމުން އިބޫ ވިދާޅުވީ، ތަރައްގީގެ އެއްވެސް މަޝްރޫއެއް އޭނާގެ ސަރުކާރުން ހުއްޓާ ނުލައި، ގަވައިދާ ޚިލާފަށް ކޮށްފައިވާ ކަންކަން އިސްލާހު ކުރައްވާނެ ކަމަށެވެ.

"އެއީ ބޭރުގެ ފަރާތްތަކުން ހިންގާ މަޝްރޫއެއް ވިޔަސް ސަރުކާރުގެ ބަޖެޓުން ޚަރަދު ކުރާ މަޝްރޫއެއް ނަމަވެސް ތަރައްގީގެ މަޝްރޫއެއް ހުއްޓާ ނުލާނަން،" އަންނަ މަހުގެ 23 ގައި ބާއްވާ މި އަހަރުގެ ރިޔާސީ އިންތިޚާބުގައި ވާދަކުރައްވާ އިދިކޮޅު ކެންޑިޑޭޓު އިބޫ ވިދާޅުވި އެވެ.

އިދިކޮޅު ކޯލިޝަނުން މިރޭ ކުޅުދުއްފުށީގައި ބޭއްވި ޖަލްސާގައި ބައިވެރިވި ބައެއް މީހުން.---ފޮޓޯ: އެމްޑީޕީ

އެމްޑީޕީގެ ޕާލަމެންޓްރީ ގުރޫޕުގެ ލީޑަރު އިބޫ ވިދާޅުވި ގޮތުގައި، މިހާރު ކުރިއަށް ގެންދާ މަޝްރޫއުތަކުގެ ތެރެއިން ގަވައިދާ ޚިލާފަށް ކޮށްފައިވާ ކަންކަން، އެއްބަސްވުމަށް ބަދަލު ގެނެސްގެން އިދިކޮޅު ކޯލިޝަންގެ ސަރުކާރެއްގައި އިސްލާހު ކުރާނެ އެވެ.

ޕީޕީއެމްގެ ޓިކެޓުގައި ރިޔާސީ ދެ ވަނަ ދައުރަކަށް ވާދަކުރައްވާ މިހާރުގެ ރައީސް އަބްދުﷲ ޔާމީންގެ ސަރުކާރުން ތަރައްގީގެ ގިނަ މަޝްރޫއުތަކެއް ހިންގަމުން ގެންދާއިރު، އެއީ ކޮރަޕްޝަންގެ ތެރެއިން ނުއަގުގައި ކުރިއަށް ގެންދާ ކަންކަން ކަމަށް އިދިކޮޅު ފަރާތްތަކުން ދަނީ ބުނަމުންނެވެ. އޭގެ ތެރޭގައި މާލެ-ހުޅުލެ ބްރިޖާއި އައިޖީއެމްއެޗްގެ 25 ބްރީގެ އިމާރާތުގެ މަޝްރޫއު ހިމެނެ އެވެ. ނަމަވެސް، ރައީސް ޔާމީންގެ ސަރުކާރުން އެ ވާހަކަތައް ދޮގުކުރެ އެވެ.

ރަށްރަށުގެ ކައުންސިލްތަކަށް ބާރުތައް ދޭނެ ކަން ފާހަގަ ކުރައްވައި އިބޫ މިރޭ ވިދާޅުވީ، އޭނާގެ ސަރުކާރެއްގައި ރަށްރަށު މަގުތައް ހެދުމާއި ކުނި މެނޭޖް ކުރުން ފަދަ ކަންކަން ކުރާނީ ކައުންސިލްތަކުން ކަމަށެވެ. އަދި ތަރައްގީ ގެންނާނީ ލާމަރުކަޒީ ނިޒާމުގެ ތެރެއިން ކައުންސިލްތަކަށް ބާރު ދީގެން ކަމަށް ވިދާޅުވި އެވެ.

އިބޫގެ ސަރުކާރެއްގައި ކޮށްދެއްވާނެ ކަންކަން ހާމަކުރައްވަމުން ވިދާޅުވީ، ކުދި އަދި މެދުފަންތީގެ ވިޔަފާރިތަކަށް ހާއްސަ ކޮށްގެން ބެންކެއް ގާއިމްކޮށް، އެ ބެންކު މެދުވެރިކޮށް އަންހެނުންނަށާއި ޒުވާނުންނަށް ހާއްސަ އުސޫލުތަކެއް ގާއިމް ކޮށްދެއްވާނެ ކަމަށެވެ.

އިގްތިސާދު ތަރައްގީގެ މަޝްރޫއުތައް އިދިކޮޅު ފަރާތްތައް ހދ. ކުޅުދުއްފުށި ރައީސް އިބްރާހިމް މުހައްމަދު ސޯލިހް ސިނަމާލެ ބްރިޖު ހދ. އަތޮޅު

27 ކޮމެންޓް, 72 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދު ސަލީމް

14 August 2018

ގާނޫނު އަސާސީ ބައްލަވާ ލައްވާ! ވެރިކަމުގެ ދައުރަކީ 5 އަހަރު! އިބޫ ބުނާކަށް ނުޖެހޭ.... ދެން މަކަލޯ ހީ ހީ.... ކޮންމެސް އެހެން ވާހަކައެއް ދައްކަބަލަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު

14 August 2018

ތިޔައީ ކުޅުދުއްފުށީގަ އެއަރ ޕޯޓެއް އަޅަން ސަރުކާރުން ނިންމީމަ ލޮލަށް ނިދި ނައަސްގެން ނުކައި ނޮބޮއި އެކަން ކުރިޔަނުދީ ހުއްޓުވަން ދުވި މީހުން. ކުޅުދުއްފުއްޓައް އަރައި ރައްޔިތުން ކުރިމަތީގައި މަޝްރޫއޭ ތަރައްގީއޭކިޔާފަ އަނގަހުޅުވަން ލަދުގަންނަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤާދިރު

14 August 2018

ދައްކަން ވީ ވާހަކައާއި އެރަށަކަށް ވާންވީ ވައުދު މިލިޔަނީ ޖަލްސާއަށް ގޮނޑީގައި އިށީނުމަށް ފަހު ނުވަތަ ނިކަގަހެއްގެ ހިޔަލު ގަނޑީގައި އިނދެގެން. ބުނާނެ ދިރާސާކޮށްފައޭ މި ވަޢުދު މިވަނީ.. ހުންނާނީ ދިރާސާކުރެވިފައެއްނުން.. އެންމެންނަށް ވެސް ތިމަންޒަރުތައް ފެނޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބީބާ

14 August 2018

އިބޫ އަކަށް އަދި ނުދެއްކޭ ޔާމީނާ ގާތް ކުރެވޭ ވަރުގެެވެސް ތަރައްޤީގެ ޕްލޭނެއް... ވެއިޓިން ފޮރ އިޓް.. އުފާވެއްޖެ އޮޕޮޒިޝަނުންވެސް މިހާރު މިހިނގާ ތަރައްްޤީއަކީ ވެލިޑް އެއްޗެެއްކަމަށް ނިންމައި ދެއްވީތީ،. ޝުކުރިއްޔާ.. ތިޔައި ޒިންމާދާރު އޮޕޮޒިޝަން ތަކުގެ ގޮތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތތތތތ

14 August 2018

ރާއްޖެތެރޭގެ ކުރިއެރުން ބިނާވެފައިވަނީ ކަރަޕްޝަން ހުއްޓުވުނު މިންވަރެއްގެ މައްޗަށެވެ. މާލެއަށް ކަންކޮށްފައި ރާޢްޖެތެރެއަށް ކަން ކުރަން ހުންނަ ލާރި ވަގަށްނަގަނީ ތާކުންތާކުނުޖެހޭ ކަންކަމަށް ކަމާއެކަށީގެންނުވާ މިލއަނުން ޚަރަދުކުރިކަމަށް ދައްކައިގެން (ފައިސާ ދޮވުން، ބަށިކޯޓު 1 މިލިއަން) ރިޝްވަތަށް ނޫނެކޭ ބުނެ ތެދުވެރިމީހުން ސިޔާސީ ދާއިރާތަކަށް ހޮވުމަކީ ރާއްޖެތެރޭގެ އަސްލު ކުރިއެރުމުގެ ފެށުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަރީމާ ރައީސް

14 August 2018

ނޫނޭ. ޖަޒީރާ ވަންތަކަމުގައި ކަލޭމެން އުޅެންވާނީ. ގޮނޑުދޮށަށް އަތިރިއަށް ދިޔުން. ފީ އިލޮށިން ގެދޮރުވެރިކުރުން. ފަން ޖިފުޓީގައި ނިންދެވުން. މިވަރުގެ ނާތަހުޒީބު ބަޔަކަށް ވެރިކަންދޭން ވިސްނާނީވެސް ހޭނުޖެހޭ މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއްބުލް ވަތަން

14 August 2018

އެހެންވީމަ ޔާމީނުގެ ވިސްނުން މިއުޅެނީ މާކުރީގަ ދޯ؟ ޖަޒީރާ މިވީ މިހާރު ކޯއްޗަކަށޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭބެ

14 August 2018

ކަމަކު ނުދޭ!! މިމީހުންގެ މެނިފެސްޓޯގައި ލިޔެފައިވާ އެއްޗަކާ މިމީހުން ރަށްރަށަށް ގޮސް ރައްޔިތުން ކައިރީ ދައްކާ ވާހަކަތަކާ ވަރަށް ތަފާތު!! އެހެންކަމުން މީގެން މިއެނގެނީ މިމީހުންގެ ސިޔާސަތަކީ ހަރުދަނާ ދެކޮޅުޖެހޭ ސިޔާސަތެއް ނޫންކަން!! މިކަން ރައްޔިތުންދަނީ ފާހަގަވެސް ކުރަމުން!! އަދި އެމްޑީޕީގެ ތިން އަހަރުގެ ވެރިކަމުގައި ކަންތައްތައް ހިނގައިދިޔަގޮތްވެސް ރައްޔިޔުން ހަނދާންނުނެތޭ!!