ފައިސަލް ށ. އަތޮޅަށް މިހާރު ކުރައްވަމުން ގެންދަވާ ކެމްޕެއިން ދަތުރުގައި ގޮއިދު އަށް ވަޑައިގެން ކުޑަކުއްޖަކާ ވާހަކަ ދައްކަވަނީ.
27 އޯގަސްޓް 2018 - 00:48
13 comments
އިދިކޮޅު ކޯލިޝަންގެ ވެރިކަމެއްގައި، ކުޑަކުދިންގެ ހައްގުތައް ކަށަވަރު ކުރަން އެކަށީގެންވާ ބަޖެޓް ހޯއްދަވައި ދެއްވާނެ ކަމަށް އެ ކޯލިޝަން ރަނިންމޭޓް ފައިސަލް ނަސީމް މިރޭ ވިދާޅުވެއްޖެ އެވެ.
ށ. މިލަންދޫގައި ބޭއްވި ކެމްޕެއިން ޖަލްސާއެއްގައި ވާހަކަ ދައްކަވަމުން، އިޖުތިމާއީ ދާއިރާގެ ތަފާތު ކަންކަމަށް ވަރަށް ކުރިއްސުރެ ފެށިގެން ޚަރަދު ކުރައްވަމުން ގެންދަވާ ފައިސަލް ވިދާޅުވީ، ރާއްޖެ ދެކެމުން މިދަނީ ދުވަހަކު ވެސް ނުދެކޭ ފަދަ އަނދިރި ދުވަސްތަކެއް ކަމަށާއި އެހެންވެ، އިދިކޮޅު އިއްތިހާދުގެ ވެރިކަމެއްގައި އެ ކަންކަމަށް ހައްލު ގެނެސް ދެއްވާނެ ކަމަށެވެ.
އެގޮތުން، މީގެ އަހަރުތަކެއް ކުރިން މަންމައެއްގެ އަނިޔާތަކުން ރަހުމު ކުޑަގޮތަކުން މަރާލާފައިވާ މުހައްމަދު އިބްތިހާލްގެ މަރު ފަދަ ކަމެއް ތަކުރާރު ވިޔަ ނުދެއްވާނެ ކަމަށް ފައިސަލް ވިދާޅުވި އެވެ. އިބްތިހާލަށް އެ އަނިޔާތައް ލިބެމުން ދިޔަކަން ކަމާ ބެހޭ ފަރާތްތަކަށް އެންގި ނަމަވެސް އޭރު އެ ކަންކަމަށް އަޅާލާފައި ނެތް ކަން ފާހަގަ ކުރައްވައި އެ ކަންކަން އިސްލާހު ކުރައްވާނެ ފައިސަލް ވައުދުވެވަޑައިގަތެވެ.
ފައިސަލް ށ. އަތޮޅަށް މިހާރު ކުރައްވަމުން ގެންދަވާ ކެމްޕެއިން ދަތުރުގައި މިލަންދު އަށް ވަޑައިގެން ކުޑަކުއްޖަކާ ސަލާމް ކުރައްވަނީ.
ކާށިދޫ ދާއިރާގެ މެމްބަރުކަން ވެސް ކުރައްވަމުން ގެންދަވާ ފައިސަލް ވިދާޅުވިގޮތުގައި، ކުޑަކުދިންގެ ހައްގުތައް ކަށަވަރު ކޮށްދިނުމުގައި ކުރިމަތިވެފައިވާ އެންމެ ބޮޑު ހުރަހަކީ މުއައްސަސާތަކަށް ބޭނުންވާ ބަޖެޓު ނުލިބުމެވެ. އެހެންވެ، އަންނަ މަހުގެ 23 ގައި ބާއްވާ ރިޔާސީ އިންތިޚާބު އިދިކޮޅު އިއްތިހާދަށް ކާމިޔާބު ވެއްޖެ ނަމަ އެ ކަންކަން ހައްލު ކޮށްދެއްވާނެ ކަމަށް އޭނާ ވިދާޅުވި އެވެ.
"ކޯލިޝަން ސަރުކާރެއްގައި އެންމެ އިސްކަމެއް ދޭނީ ކުޑަކުދިންގެ ހައްގުތައް ހިމާޔަތް ކުރުމަށް. އެކަން ކުރުމަށް ތަންފީޒީ އިދާރާތައް ބޭނުންވާ ބަޖެޓު އަޅުގަނޑުމެން އިރާދަކުރެއްވިއްޔާ ހަމަޖައްސާނަން،" ފައިސަލް ވިދާޅުވި އެވެ.
އިންސާނީ ހައްގުތަކުގައި ވާހަކަ ތަފާތު ޕޯޑިއަމްތަކުގައި ވަރަށް ގިނައިން ދައްކަވާ ފައިސަލް ވަނީ އަންހެނުން ބާރުވެރި ކުރުވާނެ ކަމަށް ވެސް ވިދާޅުވެފަ އެވެ. ރައްޔިތުންގެ މަޖިލީހާއި މަތީ މަގާމުތަކުގައި އަންހެނުންނަށް ލިބިފައިވާ ފުރުސަތުތައް ކުޑަކަން ފާހަގަ ކުރައްވައި އެކަން ހައްލުކޮށްދެއްވާނެ ކަމަށް އޭނާ ވިދާޅުވި އެވެ.
އިދިކޮޅު ކޯލިޝަންގެ ސަރުކާރެއްގެ އަމާޒަކީ ޖަޒީރާ ރަށްތަކުގައި އަބުރުވެރި ދިރިއުޅުމެއް އުޅުމުގެ ފުރުސަތު ތަފާތު ކުރުމެއް ނެތި ހޯދައި ދިނުން ކަމަށް ވެސް ފައިސަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިސަމްް
27 August 2018
ފައިސާގެ ވާހަކަނުދައްކާ! އެމްޑީޕީގެ ވެރިކަމުގައި 1.57 ބިލިއަން ރުފިޔާ ވީނުވީއެއް ނޭންގި ގެއްލުވާލީ އެމްޑީޕީ އިސްސަފުގައި ހަރަކާތްތެރިވާ މީހުންގެ ހައްގުތަށް ކަށަވަރުކުރަން ދޯ
ވައްސަލާމު
27 August 2018
ބަޖެޓުނެތިގެންތަ ހައްގުތަ ހިމާޔަތް ނުކުރެވެނީ. ޝިދާތާ އެހެންބުނިތަ. މިހާރު ކީއްވެ ބަޖެޓަށް ވޯޓުނުދެނީ.. މިހާރު ބަޖެޓުބޭނުން ނުވާނެތަ ހައްގުތަ ހިމާޔަތްކުރަން. ބަޖުޓުހިފައިގެން ހައްގުތަ ހިމާޔަތްކުރަން ތިކޯލިޝިނަނުން ނެރޭނީ ހައްގުތަ ގެއްލުވާލި މީހުން. ދެންހުންނާނީ ހައްގުގެ ބަދަލުގަ ހައްދު ޖަހަންޖެހިފަ.. ތިއީ ދޮޅުއަހަރަށް އަންނަބައެއް ހައްގުއޮތްވަރު ނޭގެނީސް ދައުރުނިމި ބޭފުޅާ ގޭގަމަޑުކުރަން ޖެހޭނެ. 5އަހަރުގަ ހުންނަން ތިބޭފުޅާ ކިތައްމެ ބޭނުންވިޔަސް ރނަޝީދުވެސް ގާސިމުވެސް މޑޕވެސް އެފުރުސަތު ދޭގޮތަކަށްނުން މެނިފެސްޓޯ ލިޔެފަ އިބޫލައްވާ އިގުރާރުގަ ސޮއިކޮއްފައޮތީ.. މިއޮތް މަދުދުވަސްކޮޅުތެރޭގަވެސް ރނަޝީދަށް ފުރުސަތެ ލިބިއްޖެނަމަ ޓިކެޓްދޫކުރަންޖެހޭ.. ދެންވިސްނާ ތިދެމީހުންގެ ވެރިކަމުގެ ބާރުހުންނާނެވަރު.. ސަލާމުން ސަލާމު.
ރަދީފްް
27 August 2018
މިއީ ކޮންހާ ބޭކާރު ވައުދެއްވާމީހެއްތަ؟ނައިބު ރައީސްގެ މަގާމަކީ ރަމްޒީމަޤާމެއް. އިދިކޮޅު ކޯލިސަނަށް ވެރިކަން ލިބުނަސް ނައިބު ރައީސް ކަމުން ފައިސަލް ބޭރުކޮށްލާނެ
ނޫރައްދީން
27 August 2018
ކުޑަކުދިންގެ ހައްގު ހިމާޔަތް ކުރަންދޯ 2008ގައި ޖެންޑަރ އުވާލީ؟؟؟؟
ހޮޓްކިންގ
27 August 2018
މިހާތަނަށްވެސް ބަޖެޓަށް ވޯޓް ނުދޭ ބަޔަކު ކޮން ބަޖެޓެއްގެ ވާހަކަތޯ ތި ދައްކަވަނީ؟ އެހެން ނޫނަސް ބަޖެޓް ނެތިގެން ކުޑަކުދިންގެ ހައްގު ގެއްލިފައި ނެތް. ބޭކާރު ވާހަކަ މުޅިންވެސް ދައްކަނީ.
ލާލީ
27 August 2018
އެމްޑީޕީ މީހުން ކުޑަކުދިން ގެ ހައްގޭ ބުނުމުން ޢަންނަނީ ހަމަ ހިނި.
ހަސަން މަނިކު
27 August 2018
މިޤައުމުގައި އެންމެ ފަހުން ކުޑަކުދިންގެ ހައްގު ރައްކާކުރަން ބަޖެޓު ކަނޑާލީ ތިޔަ ޕާޓީއިން. އެއީ 2008 ގައި ޖެންޑާމިނިސްޓްރީ އުވާލާފައި ޑިޕާރޓްމަންޓަކަށް ހަދައި ހެލްތު މިނިސްޓްރީ ތެރެއަށް ވެއްދީ.
ޝޮކްތެރަޕީ
27 August 2018
ފައިސަލް ނަސިމް ބޭރުކޮއްލާނެ ކޮންވައުދެއްތަތިވަނީ.
ސިފާން
27 August 2018
ކުޑަކުދިންގެ ހައްގަށް ބަޖެޓު ދީފި އެކުދިންގެ މައިންބަފައިންގެ މުސާރަ ބޮދުތަނުން ކަނޑާނީ! ވަރަށް ވާހަކަ!
ދިވެހި
27 August 2018
ކުރިން މިކަހަލަ ވާހަކަތަކެއް އެމް.ޑީ.ޕީ ކެމްޕޭން ތަކަކު ދައްކާ ތަނެއް ނުފެނޭ. ޔާމީންގެ ސިޔާސަތު ކޮޕީ ކުރަން ފެށީދޯ.