27 އޯގަސްޓް 2018 - 13:30
40 comments
ބަރުލަމާނީ ނިޒާމަކަށް ރާއްޖޭގެ ވެރިކަމުގެ ނިޒާމު ބަދަލުކުރަން އެމްޑީޕީން ހުށަހަޅާފައިވާ އިރު އެއީ ރާއްޖެއާ ގުޅޭ ނިޒާމެއް ނޫން ކަމަށް ރައީސް އަބްދުﷲ ޔާމީންގެ ރަނިން މޭޓް، ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.
އަންނަ މަހު 23ގައި ބާއްވާ ރިޔާސީ އިންތިހާބުގެ ކެމްޕެއިންގައި ލ. މާވަށު ރައްޔިތުންނާ ބައްދަލު ކުރައްވައި ޝަހީމް ވިދާޅުވީ ދުނިޔޭގެ ތަރައްގީވަމުން އަންނަ ގައުމުތަކުން ބަރުލަމާނީ ނިޒާމް ދޫކޮށް ރިޔާސީ ނިޒާމަކަށް ބަދަލުވަމުން އަންނަ އިރު ރާއްޖެ އެއާ ހިލާފު ވަނީ ކީއްކުރަންތޯ އެވެ.
ބަރުލަމާނީ ނިޒާމަކީ ރާއްޖެއާ ގުޅޭ ނިޒާމެއް ނޫން ކަމަށާއި އެ ނިޒާމް ގެނެސްފި ނަމަ ޖެހޭނީ ގައުމުގެ ކުރިއެރުން ދޫކޮށް ސިޔާސީ ހަމަނުޖެހުންތަކުގެ ތެރެ އަށް ދާން ކަމަށް ޝަހީމް ވިދާޅުވި އެވެ.
"އޭރުން މިތާ އޮންނާނީ ގަޑުބަޑު. ރައްޔިތުންގެ މަޖިލިސް ތެރޭ އޮންނާނީ މުޒާހަރާ. ދެ ދުވަހުން އެއް ދުވަހު ސަރުކާރު ވެއްޓޭނެ. މިފަދަ ކިތަންމެ ކަމެއް މިތާ ހިނގާނެ،" އިސްލާމިކް ޔުނިވާސިޓީގެ ޗާންސެލަރުގެ މަގާމުގައި ވެސް ހުންނެވި ޝަހީމް ވިދާޅުވި އެވެ.
އިދިކޮޅު ކޯލިޝަންގައި ހިމެނޭ އެމްޑީޕީގެ މެނިފެސްޓޯގައި ރާއްޖޭގައި ބަރުލަމާނީ ނިޒާމެއް ބޭއްވުމަށް ހިމަނާފައިވާ އިރު ކޯލިޝަންގެ އެހެން ޕާޓީތަކުން ހުށަހަޅާފައިވަނީ ރިޔާސީ ނިޒާމެއް ބޭއްވުމަށެވެ. އެ ޕާޓީތަކުގެ ހުށަހެޅުންތަކާ މެދު މަޝްވަރާކޮށް ކޯލިޝަންގެ މެނިފެސްޓޯ ވަރަށް އަވަހަށް އެކުލަވައިލާނެ ކަމަށް އިދިކޮޅު ފަރާތްތަކުން ބުނެ އެވެ.
އިދިކޮޅު ޕާޓީތަކުން ތަފާތު މެނިފެސްޓޯތައް ހަދައި އާންމު ކޮށްފައިވާ އިރު އެ ކަންކަން އެއް ފޮތަކަށް ނުހެދޭނެ ކަމަށް ޝަހީމް ވިދާޅުވި އެވެ.
އެއް ފިކުރެއްގެ މައްޗަށް އޮންނަ ސަރުކާރުތައް ގިނަ ދުވަސްތަކަކަށް ދެމިގެން ދިޔަ ނަމަވެސް ތަފާތު ފިކުރުތަކުގެ ކޯލިޝަން ސަރުކާރުތަކަކީ ވަރަށް އަވަހަށް ރޫޅިގެންދާނެ ވެރި ކަންތައް ކަމަށް ޝަހީމް ވިދާޅުވި އެވެ.
"ތަފާތު ފިކުރުތައް ހިމެނޭ ކޯލިޝަން ސަރުކާރަކީ ގައުމުގެ ކުރިއެރުމަށް އޮތް ވަރަށް ބޮޑު ހުރަހެއް. އެ ސަރުކާރެއް ހޮވިއްޖެ ނަމަ އެ މީހުންގެ ތެރޭގައި އޮންނާނީ ތަޅާފޮޅުން. ކާކަށްތޯ ކޮން ވުޒާރާއެއް ދޭނީ. ދައުލަތް ހިންގެވުމުގައި އުސޫލީ ހަރުދަނާ ސިޔާސަތުތަކެއް ނޯންނާނެ،" ޝަހީމް ވިދާޅުވި އެވެ.
ރައީސް ޔާމީން ރާއްޖެ ތަރައްގީ ކުރައްވަން ބޮޑެތި މަޝްރޫތައް ހިންގަވަމުން ދަނީ އެތައް ގޮންޖެހުންތަކާއެކު ވެސް ރައްޔިތުންނަށް އެއްވެސް ތަކުލީފެއް ނުޖައްސައި ކަމަށް ވެސް ޝަހީމް ވިދާޅުވި އެވެ. އަދި އިލްމާއި ތަޖުރިބާ ނެތް މީހަކަށް ވެރިކަން ދީފި ނަމަ ގައުމު "ފަރަށް އަރާނެ" ކަމަށް ވިދާޅުވެ އިދިކޮޅު ފަރާތްތަކަށް ފާޑު ވިދާޅުވި އެވެ.
ރައީސް ޔާމީނާއެކު މަސައްކަތް ކުރައްވާ ނަމަ ދާންޖެހޭނީ ޖަލަށް ކަމަށް ބައެއް މީހުން އޭނާ ގާތު ބުނަމުން އަންނަ ކަމަށާއި ޖަލަށް ދާން ޖެހޭނީ ކުށެއް ކޮށްފިނަމަ އެކަނި ކަމަށް ޝަހީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރީ
28 August 2018
ބަލަ ޝަހީމޫ!! ތިޔަ ބަރުލަމާނީ ނިޒާމެއް ގެންނަން ފައިވިއްދައިގެން އުޅުނު މީހާ ކައިރީގަ ދުވާމޭޓަކަށް މިހާރު ތިހުރީ. އެކަން ތިބޭލާއަށް އެނގޭތަ؟؟؟
ހާސް
28 August 2018
ކީކޭބާ މީނަ ކިއަން މިއުޅެނީ، ކޮންމެ ވާހަކައެއް ކޮންމެގޮތަކަށް ދެއްކިއަސް ނުލިބޭނެ ވޯޓެއް، އަދާލަތުން ވަކިކޮށްފަ ތިބި ދެތިން މީހަކު ގޮވައިގެން ރައްރަށަށް ބުރު ޖަހާލުމަކުން އަދި ވޯޓެއް ނުލިބޭނެ، ރަނިންމޭޓު ޗާންސަލަރުކަމުގަ ބަގުޑި ބައްދައިގެން ހުރެ ސިޔާސީ ހަރަކަތް ހިންގުމަކީ ޤަބުލުކުރެވޭނެ ކަމެއް ނުން، މިސަރުކާރު ނިމުނީމަ އެނެމެ ފުރަތަމަ ބަލާ ދައުވާކުރެވޭ މައްސަލަތަކުގެ ތެރޭގަ ތި މައްސަލަ ހިމެނެން ޖެހޭނެ> ޢިލްމުވެރިއަކަށްވެހުރެ ތިއަދައްކަނީ ވަރަށް ހުތުރު ނަމޫނާއެއް
ދިވެހިމީހާ
27 August 2018
ދިވެހިން ހާދަ ގަމާރޭ
ދަތްނެތްކުއްޖާ
27 August 2018
ޝަހީމުއެވެ. ކޮންމެ އިންސާނެއްގެ ވެސް ފޮނި ފޮނި އުއްމީދު ތަކެއް ހުންނާނެއެވެ. އަދި ދެކެން ބޭނުންވާ ހުވަފެން ތަކެއްވެސް ހުރުމަކީ އެކަށީގެންވާ ކަމެކެވެ. އަދި އެ ހުވަފެންތައް ޙަޤީގަތަކަށް ހެދުމަށްވެސް މަސައްކަތް ކުރުމަކީ ހަމަ އޮތް ކަމެކެވެ. ނަމަވެސް ހިތާމަ އަކީ މި ރާއްޖޭގެ ސިޔާސީ ހާލަތު މިވަޤުތު ހުރި ގޮތުންނާއި ރައްޔިތުން ތިބި ގޮތް ޙުދު މަނިކުފާނަށްވެސް އެނގި ހުރެ ތިކަހަލަ ހުވަފެން ތައް ދުށުމަކީ މިވަޤުތު ބުއްދި ސަލާމަތުން ހުރި އެއްވެސް އިންސާނަކު ކުރާނެ އަދި ކޮއްފާނެ ކަމެއްކަމަށް މަމެން އެއްވެސް އިރެއްގައި އުއްމީދެއް ނުކުރަމުއެވެ. އަދި ތިމާއަށް ލިބިފައިވާ އިއްޒަތާއި ޤަދަރު ރައްޔިތުންގެ ކުރިމަތީގައި މަނިކުފާނު އަމިއްލަ އަށް ވެއްޔާ މޮޑެލާނެ ކަމަކަށް މަމެންގެ ބުއްދިއަކަށް ޤަބޫލެއް ނުކުރެވުނެވެ . ކުރާނެ ކަމެއްނެތެވެ. އެކި މީހުންގެ ވިސްނުންވެސް ތަފާތު ވެދާނެ ދޮތައެވެ. ވ ސަލާން.
ޝާހީ
27 August 2018
އިންޝާﷲ. ﷲގެ އިރާދަފުޅާއިއެކު ބޮޑު ތަފާތަކުން މިފަހަރުގެ އިންތިހާބު ކާމިޔާބު ކުރާނީ ރައީސް ޔާމީން.
އަބިިއޯ
27 August 2018
ތި ބަރުލަމާނީ ނިޒާމަކީ ރާއްޖޭގައި ފިތުނަ ފަސާދަ އާ ހަމަ ނުޖެހުން އުފައްދާ އަމަން އަމާންކަން ނިގުޅައިގަންނަންވެގެން ތައާރަފް ކުރަން އުޅޭ ނިޒާމެއް
ހޫރު ކަނބާ
27 August 2018
ޔަޤީނުންވެސް ޤައުމަށް ތަރައްޤީއެއް ނާންނާނެ ބަރުލަމާނީ ނިޠާމްއެއް މިރާއްޖޭގައި އޮވެގެން. 2 އިރު 2 ދަޅައަށް ވެރިކަން ބަދަލުކޮށް ނޫނީ އެދަމަހައްޓަން މަސައްކަތް ކުރެވޭނީ. ޤައުމާއި ރައްޔިތުންނާ ދޭތެރޭ ވިސްނާލާނެ ވަގުތެއް ނޯއްނާނެ
އަބިިއޯ
27 August 2018
ހޫރު ކަނބާ ތިބުނީ ހަމަ ރަނގަޅަށް. އެހެންވެ ކުރިންފަހަރު ނެގުނު ބަރުލަމާނީ ރިޔާސީ ވޯޓުންވެސް ރައްޔިތުންވެސް ބޭނުންވީ ރިޔާސީ ނިޒާމު.
އެމްސް
27 August 2018
ޝަހީމް ކަހަލަ ދީނީ މީހަކު ސިޔާސީ ވީމަ ދެން ދެއްކޭނީ ހުސް ތިކަހަލަ ވާހަކަ
ފެންވަރު
27 August 2018
ޝަހީމް އެކަނި ކުޑަނަންގަވައިގެން ހިއްޗަށް ވަދައިގަންނަވަނީތޯ؟
ދޯދޯ
27 August 2018
ޝަހީމު މެނައް ކަމުދަނީ ކަންދަހާރުގަ އޮންނަ ކަހަލ ސިސްޓަމެވެ.
އަބިިއޯ
27 August 2018
އެ ކޮންކަހަލަ ސިސްޓަމެއްބާ؟