މާލެ-ހުޅުމާލޭގެ ޓެކްސީ ދަތުރެއްގެ އަގު 40ރ.

ސިނަމާލެ ބްރިޖަށް ބަޔަކު އަރަނީ: މާލެ އާއި ހުޅުމާލެއާ ދެމެދު ކުރާ ޓެކްސީ ދަތުރުތަކުގެ އަގު ސަރުކާރުން ވަނީ މިއަދުން ފެށިގެން ކޮންޓްރޯލް ކޮށްފައި.---ފޮޓޯ: މިހާރު

10 ސެޕްޓެމްބަރ 2018 - 17:09

136 comments

ސިނަމާލެ ބްރިޖު ހުރަސްކޮށް މާލެއިން ހުޅުމާލެއަށް އަދި ހުޅުމާލެއިން މާލެއަށް ކުރާ ޓެކްސީ ދަތުރަކަށް އެންމެ ގިނަވެގެން ނެގޭނެ އަގަކީ 40ރ. ކަމަށް ޓްރާންސްޕޯޓް އޮތޯރިޓީން މިއަދު ހަމަޖައްސައިފި އެވެ.

މިގޮތަށް، ސަރުކާރުން ހަމަޖެއްސިއިރު، މާލެ އާއި ހުޅުމާލެއާ ދެމެދު ކުރާ ކޮންމެ ދަތުރަކަށް 100-250ރ. އާ ދެމެދުގެ އަގެއް ޓެކްސީ ޑްރައިވަރުން ދިޔައީ ނަގަމުންނެވެ.

ސިނަމާލެ ބްރިޖު އާންމު ދަތުރުފަތުރަށް މި މަހުގެ ހަތްވަނަ ދުވަހުން ފެށިގެން ވަނީ ހުޅުވާލައިފަ އެވެ. އެއާ އެކު، މާލެ-ހުޅުމާލެއާ ދެމެދު ކުރާ ޓެކްސީ ދަތުރުތަކުގެ އަގު އިންތިހާއަށް ބޮޑުވުމުން އެތައް ބަޔަކު އައީ ޝަކުވާ ކުރަމުންނެވެ.

ޓެކްސީ ދަތުރުތަކުގެ އަގުތައް:

- މާލޭގެ އެއް ތަނުން އަނެއް ތަނަށް 25ރ.

- ހުޅުމާލޭގެ އެއް ތަނުން އަނެއް ތަނަަށް 25ރ.

- މާލެއިން ހުޅުލެއަށް ނުވަތަ ހުޅުލެއިން މާލެއަށް 35ރ.

- ހުޅުމާލެއިން ހުޅުލެއަށް ނުވަތަ ހުޅުލެއިން ހުޅުމާލެ އަށް 35ރ.

- މާލެއިން ހުޅުމާލެއަށް ނުވަތަ ހުޅުމާލެއިން މާލެއަށް 40ރ.

ސައިކަލް ޓެކްސީގެ އަގުތައް:

- މާލޭގެ އެއް ތަނުން އަނެއް ތަނަށް 10ރ.

- ހުޅުމާލޭގެ އެއް ތަނުން އަނެއް ތަނަށް 10ރ.

- މާލެއިން ހުޅުލެއަށް ނުވަތަ ހުޅުލެއިން މާލެއަށް 15ރ.

- ހުޅުމާލެއިން ހުޅުލެއަށް ނުވަތަ ހުޅުލެއިން ހުޅުމާލެއަށް 15ރ.

- މާލެއިން ހުޅުމާލެއަށް ނުވަތަ ހުޅުމާލެއިން މާލެއަށް 20ރ.

މި މައްސަލަ ހައްލު ކުރުމަށް، މާލެ-ހުޅުމާލެއާ ދެމެދު ޓެކްސީ ދަތުރުކުރެވޭނެ އަގުތައް ކަނޑައަޅައި ޓްރާންސްޕޯޓް އޮތޯރިޓީން ކޮށްފައިވާ އިއުލާންގައިވާ ގޮތުން، ހުޅުމާލެއިން ހުޅުލެއަށް އަދި ހުޅުލެއިން ހުޅުމާލެއަށް ކުރާ ޓެކްސީ ދަތުރަކަށް ނެގޭނީ 35ރ. އެވެ. މާލެ އާއި ހުޅުމާލޭގެ ތެރޭގައި ވެސް އެއްތަނުން އަނެއް ތަނަށް ކުރާ ޓެކްސީ ދަތުރެއްގެ އަގަކީ ކުރިއެކޭ އެއްގޮތަށް 25ރ. އެވެ.

ސައިކަލް ޓެކްސީގައި މާލެއިން ހުޅުމާލެއަށް އަދި ހުޅުމާލެއަށް ދަތުރެއް ކުރެވޭނެ އަގަކީ 20ރ. އެވެ. އަދި މާލެއިން ހުޅުމާލެއަށް ނުވަތަ ހުޅުލެއިން މާލެއަށް ކުރާ ސައިކަލް ޓެކްސީގެ ދަތުރެއްގެ އަގަކީ 15ރ. އެވެ. ހުޅުމާލެއިން ހުޅުލެއަށް ނުވަތަ ހުޅުލެއިން ހުޅުމާލެއަށް ސައިކަލް ޓެކްސީ ދަތުރަކަށް ނަގާނީ ވެސް ސަރުކާރުން ހަމަޖައްސާފައިވާ ގޮތުން ނަމަ 15ރ. އެވެ.

ޓެކްސީ ޑްރައިވަރުން ސިނަމާލެ ބްރިޖު ޓްރާންސްޕޯޓް އޮތޯރިޓީ ޓެކްސީ ހިދުމަތް ޓެކްސީ އަގު ދަތުރުފަތުރު ހުޅުމާލެ މާލެ

136 ކޮމެންޓް, 322 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

Thhhk

12 September 2018

މާލޭގެ އެއްކޮށިން ޖެހިގެން އިއްނަ ކޮށްޓަށްވެސް -/25 ރ ... ދަތުރެއް ކޮަށްގެން ކިހާ ފައިސާއެއް ...މީޓަރަށް ނަގަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާސިމް

11 September 2018

އެއްބަޔަކު މިކިޔަނީ މާލެ ކޮންމެތާކުން އަރާފަވެސް ހުޅުމާލެ ގެންދިއުމުގެ އަގަކީ 40 ކަމަށް.ނޫނީ ޓްރާންސްޕޯޓުން މީތިތަފްސީލް ކޮށްދޭން ޖެހޭއެބަ. މާލޭގެ އެއް ތަނުން އަނެއް ތަނަށް މިކިޔަނީ ބުރިޖާ ހަމަޔަށް އެއީ 25ރ . ދެން ބުރިޖް ހުރަސްކުރަން (މާލެއިން ހުޅުމާލެއަށް ނުވަތަ ހުޅުމާލެއިން މާލެއަށް) 40ރ. ހުޅުމާލޭގެ އެއް ތަނުން އަނެއް ތަނަަށް 25ރ. ވީމާ މާލެއިން ހުޅުމާލެ އަށް ދާމީހާ ދޭންޖެހޭނީ 90ރ އިއުލާން ގައި އިން ގޮތުން ގާސިމްބެއަށް ފަހުމް ވަނީ މިގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

11 September 2018

މާލެ/ހުޅުމާލެ ޓެކްސީގެ އަގުތައް ރަނގަޅު ކަމަށް ދެކެމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު

11 September 2018

މާލެއިން ބުރިޖާހަމައަށް 25 ބުރިޖު ހުރަސްކޮށް މާލެއަށް ނުވަތަ ހުޅުމާލެއަށް 40 ހުޅުމާލެ އެތެރެއަށް 25 = ޖިމްލަ 90 ރުފިޔާ ހުޅުލެއަށް ފުރަންދާމީހާ ދާގީނާ އަރުވާނަމަ35+40= ޖުމްލަ 75 ރުފިޔާ ޓްރައިވަރުންނަށްވެސް ގޯހެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުބަސް

11 September 2018

އެމްޓީސީސީ ބޮޑު ވިޔަފާރި ކުންފުންޏަކުން ރައްޔިތުން އަތުން 20ރުފިޔާ ހުޅުމާލެއިން ހުޅުލެއަށް ނަގާއިރު ޢާއްމުމީހާ ހުޅުމާލެއިން މާލެއަށް ދަތުރު ކޮށްދީފައި ހުޅުމާލެއަށް އަންނަންވީ 40 ރުފިޔާއަށް ހެއްޔެވެ. ކޮންމެ މީހަކުވެސް އަތުންދޭންޖެހޭ އެއްޗެއް ކުޑަވާން ބޭނުންވާނެއެވެ. އަދި ޚިދުމަތެއް ދޭމީހާވެސް ކުޑައަގެއްގައި އެޚިދުމަތެއް ދޭން ބޭނުންވާނެއެވެ. އެގޮތަށް އެކަންވާނީ ހުރިހާ ކަމެއްގެ އަގުވެސް ކުޑަވެގެންނެވެ. ޓެކްސީ ކުރާމީހާ އުޅޭތަނުގެ ކުލި ކުޑަވެގެންނެވެ. އެމީހާ ކާހޮޓާ ތަކުގެ ކެއުމުގެ އަގު ކުޑަވެގެންނެވެ. ކާރުގެ ސްޕެއަރ ވިއްކާއަގު ކުޑަވެގެންނެވެ. ކާރުމަރާމާތުކޮށްދޭ ގަރާޖުން މަސައްކަތަށް ނަގާ އަގުވެސް ކުޑަވެގެންނެވެ. ކާރުގެ ވެރިމީހާއަށް ދުވާލަކު ދައްކަންޖެހޭވަރުވެސް ކުޑަވެގެންނެވެ. ކާރަށް އަޅާ ޕެޓްރޯލްގެ އަގުވެސް ކުޑަވެގެންނެވެ. މިއުސޫލުން ބަލާއިރު 40 ރުފިޔާއަކީ ކުޑައަގެއްކަމަށް އަމިއްލަ ސިކުނޑިން ވިސްނާލީމާ އެނގޭނެއެވެ. ހަމައެކަނި އަގު ރަނގަޅޭ ބުނެލުމަކުން ނުފުދެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަކަމެއް

11 September 2018

ބަލަ ޑްރައިވަރޫ!!! ޓެކްސީ ޑްރައިވަރުން އެކަނިތަ ބޮޑު ކުލި ދައްކައިގެން ކައިގެން ބޮއެގެން އުޅެނީ.. ހަމަ ތިބުނާ ބޮޑު ކުލި ދައްކަން އާއިލާ ގޮވައިގެން ދިރިއުޅޭމިހުން އެ ފައިސާކޮޅޮ ހޯދުމަށް ވަޒީފާ އަށް އައުމަށް ކުރާ ދަތުރަށް އެމީހުން ކުރާ މަސައްކަތުން ލިބޭހާ އެއްޗެއް ފޭރުމުގެ ނިޔަތް ތި ޑްރައިވަރުންގެ ތިއޮތީ. ޢެވެސް ހަތަރުދަމު އެމީހުން މަސައްކަތުގައި އުޅެގެން. ޑްރައިވަރުން ހެން ބޭނުން އިރަކު ޓެކްސީ އިން ފައިބާ ރެސްޓްކޮށް ނިދާލާ ކޮފީއަށް ގޮސް ދަރި ސްކޫލް ދޮށުން ނަގާ އަނބިމީހާ އޮފީހުން ގެއަށް ގެންގޮސްދީ ހިތައް އެރީމާ ޓެކްސީ ދަތުރު ކުރާ ގޮތަކަށް ނޫން. ޑްރައިވްރުންނަށް އާއިލާގެ ދަތުރުތައް ކޮށްދިނުމުނ ދަތުރު ހަރަދު ޖީބުން ކުރާކަށް ނުޖެހޭ. އެކަމަކު އެއްކަލަ ހަތްހާސް އަށްހާސް ރުފިޔާ ލިބޭމީހާގެ މުސާރައިންނޭ އޭނަގެ ޓެކްސީ ޚަަރަދާ ދެން ތިބި އަންބެއް ދަރިއެއް ފިރިއެއްގެވެސް ދަތުރު ޚަރަދު ކުރަން ޖެހެނީ އެ މުސާރައިން ތިބުނާ ހަމަ އެ ބޮޑު ކުލި ދައްކާފައިވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުބަސް

11 September 2018

ކޮންމެހެން ޓެކްސީގަ ދާކަށް ނުޖެހެއެވެ. ފައިސާ ނުދީ ހިނގާފަވެސް ދެވެން އެބައޮތެވެ. ޓެކްސީގެ އަގު ބޮޑުނަމަ ފެރީގަވެސް 33.50ރުފިޔާ ދީގެން ދެވެން އެބައޮތެވެ. ގެއިން ނުކުމެ ކާރަކަށް އަރައިގެން ގޮސް ލޯންޗްގައި އެއަށްފަހުބަހުގައި 53ރުފިޔާ ދީގެންވެސް ދެވެން އޮވެއެވެ. ފަސޭހަ އަރާމު ކޮންމެ ކަމެއްގެ އަގުވެސް ބޮޑުވާނެއެވެ. ފެރީފައި އަގުހެޔޮން ދަނީ ތަކުލީފުތަކެއް އުފުލައިގެން ދިގުއިންތިޒާރެއްކޮށް ވަގުތުތަކެއް ދުއްވާލައިގެންނެވެ. ކަނޑުމަތީގައި ތެޅިބާލަމުން އަރާހާ ހޫނެއްގައެވެ. މިހުރިހާކަމެއް ދޫކޮށް ބޭނުންވަގުތެއްގައި އޭސީ ޓެކްސީ ގައި 15 މިނިޓުން މާލޭގެ ގެއިން ހުޅުމާލޭގެ ގެއަށް 40 ރުފިޔާއަށްގެންގޮސްދީފައިއެނބުމާލެދާންއެއީ ކާކު ކުރާނެކަމެއްހެއްޔެެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜޔyyިހުމmeެހ

11 September 2018

15 މިނިޓް ގެ ދަތުރަކަށް 40 ރ ރަގަޅު ދޯ. މީޓަރ ޖަasއްސައިގެން ދަތުރު ކުރަންވީ. ބްރިޖް ގަ ނަގަނީ 10 މިނުޓް. މާލޭގަ ވެސް ތާކަށް ދެވެނީ 10މިނުޓް އިން. އެހެން ވީމާއަސްލު މިއަށް ވުރެ ވެސް އަގު ހެޔޮ ވާން ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔާ

11 September 2018

ހައްލަކީ އޫބަރ. އޭރުން މީޓަރު ހަރުކުރާކަށް ނުޖެހޭނެ. ފޯނުގެ އެޕުން ދަތުރަށް ނަގާނެ ފީ ދުރުމިނަށް ބަލާފަ ކަލްކިއުލޭޓްކުރާނެ. އޭރުން ޓެކްސީކުރާމީހާވެސް އަދި ފަސިންޖަރުންވެސް އިތުރަށް ކިޔާނެ އެއްޗެއް ނޯންނާނެ. ރާއްޖޭގައި ސައިކަލްޓެކްސީކުރަން މަސައްކަތް ކުރި ޓީމުންވަނީ މިކަމަށް ބޭނުންވާ ފޯން އެޕްލިކޭޝަންވެސް އުފައްދާ ފުރިހަމަކޮއްފައި. އެކަމަކު އެއިރު ޓްރާންޕޯޓުން އެއްބަސްނުވެ ޓްކެސީސެންޓަރުތަކަށް އިހުޒަމާނުގޮތަށް ފޯންކޮއްގެން އެކަންކުރަން ބޭނުންވީ. މިއެޕްލިކޭޝަނަށް ހުޅުމާލެ އަދި އެއަރޕޯޓް އިތުރުކޮށް އޫބަރ ސިސްޓަމް މިހާރުން މިހާރަށްވެސް ގާއިމް ކުރެވޭނެ. އެއިރުން ޓެކްސީގެ މައްސަލަ ހައްލުވީ. ޑްރައިވަރުންނަށްވެސް ފައިދާ ފަސިންޖަރުންނަށްވެސް ފައިދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާޓު

11 September 2018

ޓެކްސީ ތަކަށް މާލެއިން ހުޅުމާލެއަށް 40 ރުފިޔާ, ދެން ހުޅުމާލެއިން އެދާ ގެޔަކަށް ނުވަތަ ތަނަކަށް ހަމަ އެހެނަސް ނަގާ 25 ރުފިޔާ ލާގެން 65 ރުފިޔާ ނެގީމަ ރަގަޅެންނު. 100 ބޮޑު...