ދ. ކުޑަހުވަދޫގައި އިދިކޮޅު ކޯލިޝަނުން ރޭ ބޭއްވި ޖަލްސާގައި އިބޫ ވާހަކަ ދައްކަވަނީ. - ފޮޓޯ: އެމްޑީޕީ
17 ސެޕްޓެމްބަރ 2018 - 08:38
53 comments
ރައީސް އަބްދުﷲ ޔާމީން އަމިއްލަފުޅަށް އިސްނަންގަވައިގެން ކަމެއް ކުރައްވަން އެނގިވަޑައިނުގަންނަވާ ކަމަށާއި އެމަނިކުފާނު އަބަދުވެސް ކަންކަން ކުރައްވަނީ އިދިކޮޅު ކޯލިޝަނުން ކަމެއް ކުރުމުން، އޭގެ ފަހަތުން ކަމަށް ކޯލިޝަންގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) ދ. ކުޑަހުވަދޫގައި ވިދާޅުވެއްޖެ އެވެ.
އިދިކޮޅު ކޯލިޝަނުން ދ. ކުޑަހުވަދޫގައި ރޭ ބޭއްވި ޖަލްސާގައި އިބޫ ވިދާޅުވީ ރައްޔިތުންނަށް ކޮށްދޭނެ ކަންކަން މެނިފެސްޓޯއެއްގައި ލިޔެ އާންމުކުރިއިރު، ވާދަވެރިންގެ މެނިފެސްޓޯއެއް ނުފެންނަ ކަމަށެވެ. އަދި އަބަދުވެސް އެބޭފުޅުން ކަންކަން ކުރައްވަނީ ކޯލިޝަނުން ކަމެއް ކުރީމާ އޭގެ ފަހަތުން ކަމަށް ވިދާޅުވި އެވެ.
"ކަމެއް ކުރީމަ އޭގެ ފަހަތުން ކަމެއް ކުރުން މި އޮންނަނީ. އަމިއްލައަށް ރާވައިގެން އިސްވެ ކަމެއް ކުރުމުގެ ވިސްނުމެއް ރައީސް ޔާމީންގެ ނެތް. އެއީ އަޅުގަނޑުމެންނަށް ފެންނަން އޮތް ހަގީގަތެއް. ހަމައެކަނި ސިކުނޑީގައި އޮތް އެއްޗަކީ އެންމެ ކަމެއް. އަޅުގަނޑު އިތުރަކަށް އެއީ ކޮން ކަމެއްކަން ދަންނަވާކަށް ނެތިން،" ގިނަ އަދަދެއްގެ ބަޔަކު ބައިވެރިވި ޖަލްސާގައި އިބޫ ވިދާޅުވި އެވެ.
ދ. ކުޑަހުވަދޫގައި އިދިކޮޅު ކޯލިޝަނުން ރޭ ބޭއްވި ޖަލްސާ. - ފޮޓޯ: އެމްޑީޕީ
އިބޫ ވިދާޅުވީ ދެ އަހަރުގެ ތެރޭގައި ބަޖެޓް ބެލެންސްކޮށް ތިންވަނަ އަހަރު އެއީ ނަފާ އޮތް ސަޕްލަސް ބަޖެޓަކަށް ހައްދަވާނެ ކަމަށް ރައީސް ޔާމީން ވިދާޅުވި ނަމަވެސް، ފަސް އަހަރު ނިމޭއިރު، 100 ޕަސެންޓު ދަރަނި ބަޖެޓަކަށް ވެފައިވާ ކަމަށެވެ. އަދި ދައުލަތުގެ ދަރަނި މިހާރު 50 ބިލިއަނަށް އެރުމަކީ ދައްކާ ވާހަކަ ދެކޮޅު ނުޖެހޭ ކަމުގެ ހެއްކެއް ކަމަށް ވެސް އިބޫ ވިދާޅުވި އެވެ.
ޑޮލަރުގެ އަގު ތިރި ކުރާނެ ކަމަށް ރައީސް ޔާމީން ވިދާޅުވި ނަމަވެސް، ޑޮލަރުގެ އަގަށް ބަދަލެއް އައިސްފައި ނުވާ ކަމަށް ވެސް އިބޫ ވިދާޅުވި އެވެ. އޭނާ ވިދާޅުވި ގޮތުގައި ރައީސް ޔާމީން ވެވަޑައިގެންނެވި ވައުދުތައް ހުރީ ނުފުއްދި އެވެ. އަދި ކަންކަން ކުރައްވަނީ މުޅިން އެހެން ގޮތަކަށް ކަމަށް އޭނާ ވިދާޅުވި އެވެ.
އިދިކޮޅު އިއްތިހާދުގެ ވެރިކަމެއްގައި މަސައްކަތް ކުރައްވަނީ އިންސާފުގެ ތެރެއިން ދެ ފުށް ފެންނަ، ގާނޫނު އަސާސީގައި ބަޔާންކުރާ އުސޫލުގެ މަތިން ކަމަށް އިބޫ ވިދާޅުވި އެވެ.
ރަށްރަށަށް ވަޑައިގެން ރައްޔިތުން އެންމެ ބޭނުންވާ ކަމެއް އެއްސެވުމުން ގިނަ ރައްޔިތުން އެދެނީ އިންސާފު ގާއިމުކުރުމަށް ކަމަށާއި އިދިކޮޅު ވެރިކަމެއްގައި އިންސާފު ގާއިމުކޮށް ދެއްވާނެ ކަމަށް ވެސް ރައްޔިތުންގެ މަޖިލިހުގެ ހިންނަވަރު ދާއިރާގެ މެމްބަރުކަން ކުރައްވާ އިބޫ ވިދާޅުވި އެވެ.
ކުޑަހުވަދު އަށް އިބޫ ވެވަޑައިގެންނެވި ވައުދުތަކުގެ ތެރޭގައި އެ ރަށުގައި އާބަން ސެންޓަރެއް ހެދުމާއި ކޮމާޝަލް ބަނދަރަކާއި މަގާއި ހޮސްޕިޓަލާއި ސްކޫލް ތަރައްގީކުރައްވާނެ ކަމަށް ވިދާޅުވި އެވެ. ކުޑަހުވަދޫއަށް ބަދަލުކޮށްފައިވާ ވާނީ ރައްޔިތުންނަށް ސަރުކާރުން ދޭން ނިންމާފައިވާ ބަދަލު މިހާތަނަށް ވެސް ލިބިފައިނުވާތީ އެ ބަދަލު ވެރިކަމުގެ ފުރަތަމަ އަހަރުގެ ތެރޭގައި ހަމަޖެހިގެން ދާނެ ކަމަށް އިބޫ ވިދާޅުވި އެވެ.
އިބޫ ވިދާޅުވި ގޮތުގައި، ރައްޔިތުން ތިބީ އަންނަ އާދިއްތަ ދުވަހު ނުކުމެ، ވޯޓުލުމަށް ތައްޔާރަށެވެ. އިދިކޮޅު ކޯލިޝަނުން މިހާ ހިސާބަށް އައިއިރު، މިނިވަން، އިންސާފުވެރި އިންތިހާބެއް ހޯދުމަށް ކުރިމަތިވި ހުރަސްތަކެއް ގިރާ ކުރެއްވި ކަމަށާއި ކުރިއަށް އޮތް ތަނުގައި އެފަދަ ހުރަސްތަކެއް ކުރިމަތިވެއްޖެ ނަމަ، އެކަން ގިރާކުރައްވަން ތައްޔާރަށް ހުންނެވި ކަމަށް ވެސް އިބޫ ވިދާޅުވި އެވެ.
"މިއީ މުހިންމު ވަގުތެއް، މުހިންމު ވޯޓެއް. އިންތިހާބު ކާމިޔާބުވެގެން ދާއިރު، ބަދަލުތަކެއް ގެންނައިރު، މީގެ ހިއްސާ ނެގުމަކީ ކޮންމެ ރައްޔިތަކަށް ލިބޭނެ އުފަލަކަށް ވެގެންދާނެ،" އިބޫ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަބޫސް
20 September 2018
އިބޫ ތިބުނި ވާހަކަ ހަމަ އަމިއްލައަަށް ނިސްބަތް ވަނީ. މަށައް މިވޭތުވެދިޔަ ދުވަސް ތަކުގަ މުޅިންވެސް ފެނުނީ އިބޫ އާއި ފައިސަލް ރައީސް ޔާމީން ފަހަތުން ދުވިތަން.
ހާމަ
18 September 2018
އިބޫގެ ވާހަކައިން އެގެނީ، އެއްވެސް ރަނގަޅު ނިޔަތެއް، ހަރުދަނާ ސިޔާސަތެއް ނެތްކަން. ހުސް ޖެއްސުމުގެ ވާހަކަ.
އަހެމް
17 September 2018
ކޯލިޝަނުން ހަދާ ދޮގުތައްވެސް އެބަ ކޮޕީކުރޭދޯ ޔާމީން؟ ޔާމީނަށް ރަގަޅަށް ކުރެވޭ އެއްކަމެއްވެސް ނެތް ކަމަށް ބުނެފަ ހުރިހާ ކަމެއް ކޯލިޝަނުން ކުރީމައޭ ކުރަނީ ބުނީމަ ދެން މާނަ ނަގަންވީ ކޮން ގޮތަކަށް؟ ރަގަޅަށް ބަލާނަމަ ކުރީގެ ކޮރަޕްޝަންގެ ވެރިންތައް މިހާރު ތިބީ ކޯލިޝަންގަ، ދީން ހަތިޔާރަކަށް ކުރިން ހެދި މީހުންވެސް މިހާރު ތިބީ ކޯލިޝަންގަ، ސިޔާސީ ވެރިން ޖަލަށްލުމުގެ ސަގާފަތް ކުރިން ގެންގުޅުނު މީހުންވެސް މިހާރު ތިބީ ކޯލިޝަންގަ. ކޮންކަމެއްތަ ތަފާތީ؟
އަންކަލޯ
17 September 2018
ވައްކަންްވެސް ކުރަނީ އިބޫމެެން ކުރީމަ، ބުރިޖުވެސް އެޅީ އިބޫމެން އެޅީމަ.... ބަހުސްއަށް ފިލި ކެނޑިޑޭޓް.
އަސްލުކަން
17 September 2018
ބަލަ އިބޫ ހުރެގެންނޭ ޑޮލަރު އަތްނުފޯރާފަށަށް ދިޔައީ... މޮޔަ ނުގޮވާ!!! އަހަރުން 17-20 ދޭތެރޭ ޑޮލަރު އެމްޑީޕީ ވެރިކަމުގައި ގަންނަން ޖެހުނީ. މިހާރު 15.42 ދަތިކަމެއް ނެތި ލިބޭ. އެޔޮތީ އެކަން ހައްލުވެފައި. އެމްޑީޕީ އަށް ނުވިކަން އެއީވެސް. ދެން އޮތީ 12 އަށް ދަށްކުރުން، ނުކުރެވޭނެ ކަމެކޭ ނުބުނެވޭނެ. އެމްޑީޕީ މީހުން ނުކިޔަވާ ތިބީމަ ބުނަން އެނގުނީ ޑޮލަރެއް ފަހަތައް ފުލުހެއް ލާން. އިކޮނޮމިކްސް އިން އޮޔޮތީ އެކަން ހައްލުކޮށްފައި.
އިއްބެ...
17 September 2018
މިފަހަރު 1✔️ ޔަޤީން إِنْ شَاءَ ٱللَٰه
ގުދޯ ވޯލްޑް
17 September 2018
އެކަންވެސް ޙައްލުކުރީ ހަމަ އެއްކަލަ ލާދީނީ ނަޝީދުގެ ސިޔާސަތުން. ނޭނގޭބަޔަކަށް ވަރަށް ތިލަކޮށް ކިޔައިދީފާނަން. 2009 ވަނަ އަހަރު ދިވެރާއްޖޭއަށް ޖުމުލަ ލިބެނީ 7-9 ބިލިއަނާ ހަމަޔަށް ލާރި. އެގޮތުން، ޓޫރިޒަމް ލީސް އާއި، ބެޑް ޓެކްސް ގެ ގޮތުގައި ލިބޭއެއްޗެއް އެކަނި ލިބެނީ. ޤައުމުގެ ޚަރަދުތައް އިތުރުވުމުން، ދެންފައިސާ ހޯދަން މިސްރާބު ޖެހީ ޓެކްސްގެ ފައިސާއިން، %3 ގައި ޓެކްސް ބަހައްޓާއިގެން ފުރަތަ އިޤްތިސާދަށް ވާގޮތް ބެލީ. ދެން ޖެހީ މެކުހަށް
ހަތްގުދު
17 September 2018
ބަލަ ގުދޯ ވޯލްޑްއަށްވެސް ނޭގެ އެންނު ވީގޮތެއް. ތިބުނީ ފުރަތަމަވެސް 7-9 ބިލިއަން ވަކިލާރިއޭ. ދެންތިބުނީ ލީސްއޭ ޓެކްހޭ. ދެން ޓައްކިޔާފަ ތިބުނީ މެކުހަށް ޖެހީއޭ. ބަލަ ތިބުނާ ނަޝީދަކު ވެރިކަމުން އިސްތިއުފާ ދީފަ ދިޔައިރު ރާއްޖޭގެ ރިޒާވް އޮތީ ޑެފިސިޓްގައޭ. ދެން ކޮން މެކުނެއް މެކުހެއް ތިޔަ ކިޔަނީ.
ވަތޮނީ
17 September 2018
ރޭގައި ކުޑަހުވަދޫގައި ވާހަކަދައްކަމުން އިބޫ ބުނި، ތިމަންނަ ރަށްރަށަށް ދަތުރުކުރާއިރު 99 ޕަސަންޓްމީހުން ބުނެއޭ ވައްކަން ހުއްޓުވާ ދޭށޭ އަދި ވައްކަންކުރިމީހުން ޖަލަށް ލައިދޭށޭ! އިބޫ ބުނީ ތިމަންނަ މިބުނަނީއޭ ހަމައާ އިންސާފުން ތިމަންނަ އެކަން ކުރާނަމޭ! ސަހަރޯ! 30 އަހަރުގެ އެފްޕީއަޑީގެ 8 ބިލިއަން! އެމްޑީޕީ ސަރުކާރުގެ 4.3 ބިއަން ރުފިޔާ! މިކަން ކުރަން ކެރޭނެބާ؟ އެއަށްފަހު ޔާމީނު ސަރުކާރުގެ އެމްއެންޕީއާރުސީ!
ފާތިމާ
17 September 2018
އެހެންވެތޯ ރައީސް ޔާމީން މި މަހު 04 ވަނަ ދުވަހު ކުޑަހުވަދޫއަށް ވަޑައިގެން، ދެން އަންނަ ދައުރަަކަށް ހޮވިވަޑައިގެންފިނަމަ ކުޑަހުވަދޫގަ ކޮމާޝަލް ބަނދަރެއް ހައްދަވާދެއްވާނެ ކަމަށް ވަޢުދުވެވަޑައިގެންފައި ވަނިކޮށް އެކަންވެސް ކޮޕީކުރީ.. ޔާރބަން ސެންޓަރެއް ނޫން އެހެން އެއްވެސް އައު ކަމެއް އަޅުގަނޑަކަށް ފާހަގައެއް ނުކުރެވޭ. މަގުތައް، ހޮސްޕިޓަލާއި ސްކޫލް މިހާރުވެސް ރާއްޖޭގެ ނިސްބަތަށް ބަލާއިރު ކުޑަހުވަދޫގައި ވަނީ ތަރައްޤީކޮށްދީފައި ބަޔަކު ޤަބޫލުނުކުރިއަސް
ޗެނަލް
17 September 2018
ހުނ! އެކިޔަނީނުން ހިތުން، ރެކެންވެގެން ޔާމީނު ފުރަތަމަ ރ ޓީވީގެ ބަޙުޘްގައި ބައިވެރިނުވީއޭ! ބަލަ އެއީ ޔާމީނުގެ އަބުރާ އެއްފަހަރަށް ވުރެ ގިނަފަހަރު ބެހިފައިވާ ޗެނަލެކޭ! އެތަނަށް ދާން ސަޕޯޓަރުން ކީއްކުރަން، އޭނާގެ ޢާއިލާ ވެސް ކުޑަމިނުން އެއްބަސް ނުވާނެނުން! އެހެން ނޫނަސް، ރިޔާސީ ބަޙުޘް އޮންނަންޖެހޭނީ ޤައުމީ ޓީވީގައި! ކޮންމެނެހެން ޕްރައިވެޓް ޗެނަލްތަކަށް ސޭލް އަޅުވާކަށް ދާކަށް ނުޖެހޭ!
ހައިޓް
17 September 2018
އެމް އެން ޔޫގެ ބަހުސްގައި އިބޫ ބައިވެރި ނުވުމުން އިބޫގެ ފިނޑިކަން އެގިއްޖެ. އިބޫ އަށް ގޮތެއް ވެދާނެތީ އެމްޑީ ޕީ މީހުން ބުނީ އިބޫ ކައިރި ނުދާން. "ފިނޑި" ރައީސް އޮނަރަބްލް އިބްރާހީމް މުހަންމަދު ޞާލީހް ވެ ނިމިއްޖެ. މަށަށް ހީވާނީ ސިފައިން ތަން ކޮޅެއް ބާރަށް ސެލިއުޓް ކޮށްލިއަށް އިބޫ ފިއްކެޑޭނެހެން. އެހާވެސް ފިނޑި ރައީސެއް މި ތައްޔާރު ކުރީ .
ކަރީންބެ
17 September 2018
އީބޫ ތީ މާ މޮޅު މީހެއްތަ ދެން. ގަޓެއް ނެތް.... ނުހޮވޭނެ ވަރަށް ސާފު
މަތީނު
17 September 2018
އަލްހަމްދު ލިއްﷲ.
ހަކުރު
24 September 2018
ނުހޮވުން؟