މިފްކޯ: މިފްކޯގެ ވޭނެއް ހުއްޓުވައި ދެ މިލިއަން ރުފިޔާ ވަނީ ފޭރިގެންފައި --ފޮޓޯ/މިހާރު
20 މާޗް 2019 - 16:20
116 comments
ގިނަ އަދަދެއްގެ ފައިސާ ހިފައިގެން ދިޔަ މިފްކޯގެ ވޭނެއް މަގުމަތިން ހުއްޓުވައި، ދެ މިލިއަން ރުފިޔާ މިއަދު ފޭރިގެންފި އެވެ.
މެންދުރު ހިންގި މި ޖަރީމާ ގައި ފައިސާ ފޭރިގަތީ ބޮޑުތަކުރުފާނު މަގުން މިފްކޯގެ ވޭނެއްގައި ފައިސާ ހިފައިގެން ދަނިކޮށް، ސަައިކަލުން ދިޔަ ބަޔަކު އެ ވޭން ހުއްޓުވުމަށް ފަހު އެވެ. ވޭނުގެ ބިއްލޫރިގަނޑު ވެސް ތަޅައި، ފައިސާ ފޭރިގަތް މީހުން ތިބީ މޫނު ނިވާކޮށްގެންނެވެ.
އެކަމާ ގުޅިގެން ފުލުހުންގެ ބަހެއް އަދި ނުލިބެ އެވެ.
ފަހަކަށް އައިސް ފޭރުމުގެ އަމަލުތައް ވަނީ މާލޭގައި އިތުރުވެފަ އެވެ. އެގޮތުން މި މަހުގެ 10 ވަނަ ދުވަހު ސްޓޭޓް ބޭންކް އޮފް އިންޑިއާ (އެސްބީއައި) ކައިރިން ވެސް ހެލްމެޓް އަޅައިގެން ތިބި ބަޔަކު ވަނީ ސައިކަލުތަކެއްގައި ގޮސް، ދެ މިލިއަނަށް ވުރެ ގިނަ ރުފިޔާ އިންޑިއާގެ މީހެއްގެ އަތުން ފޭރިގެންފަ އެވެ. އެ މައްސަލައާ ގުޅިގެން ހަ މީހަކު ހައްޔަރު ކޮށްފައިވާއިރު، ފޭރިގަތް ފައިސާތައް އަދިވެސް ނުފެނެ އެވެ.
މީގެ އިތުރުން ހުޅުމާލެ އިން މިދިޔަ ދެ މަހެއްހާ ދުވަހުގެ ތެރޭގައި ފޭރުމުގެ ބޮޑެތި އަމަލުތަކެއް ވަނީ ހިންގައިފަ އެވެ. ބޮޑެތި އަދަދުތަކުން ފައިސާ ގެންދާ މީހުންނަށް އަމާޒުކޮށް ފޭރެމުންދާ ކަމަށް ބެލެވޭއިރު އެ ފޭރުންތަކާ ގުޅޭ މައުލޫމާތު ފުލުހުން ތަފުސީލުކޮށް މީޑިއާ އަށް އާންމެއް ނުކުރެ އެވެ. އަދި މި ކުށުގައި ބައިވެރިވާ މީހުންގެ މައުލޫމާތު ވެސް ހާމައެެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެގުނުކަތީބު
21 March 2019
ހެލްމެޓު ޖަރީމާގެ އަޞްލަކަށް ވެއްޖެ! ފޭރުން ވައްކަންކުރުން މުދަލަށް ގެއްލުން ދިނުން މާރާމާރީ ހިންގުން. ވީމާ އެހެން ވިސްނުމަކަށް ދާކަށް ނިޖެހޭބާ. މިސާލަކަށް ބުރިޖާ ހައިވޭގައި ކެމެރާ ނުވަތަ ފުލުހުން ބައިތިއްބައިގެން ބާރަށް ދުއްވާމީހުން ހިފެހެއްޓޭނެ ނޫންތޯ؟
ތުނޑު ހަސަނު
21 March 2019
މިލިޔަން މިލިޔަނުން ފައިސާ އުފުލާއިރު ފުލުހުން ހިލޭސާބަހަށް ފޯރުކޮށްދޭ އެހީތެރިކަން ނުހޯދާ ފަރާތްތަކާމެދު ފިޔަވަޅު އެޅެންޖެހެއެވެ. އަދި މިކަންކަމުގައި މައުލޫމާތު ހިއްސާކުރާ ބަޔަކު ހޯދައި ދައުވާކުރެވެން ޖެހެއެވެ. ރަށު ކައުންސިލެއްގެ ތިޖޫރީގައި ވެސް މިލިޔަނުން ކޭޝް ހުއްޓާ ވަގަށް ނެގުމާއި، މިހާބޮޑެތި ޢަދަދު އުފުލާވަގުތު ފޭރިގަތުމުގައި ކޮންމެވެސް ބަޔެއްގެ އަތެއް ވުމަކީ ގާތްކަމެއްކަމަށް ބެލެވެއެވެ.
DhiAtoll
21 March 2019
އެއްބާވަތެއްގެ ކުށްތައް ހަމަ އެއްގޮތަކަށް ރޯމާދުވާލު ކުރަމުންދާއިރު ފުލުހުންނަށް ދެތިންކިލޯމީޓަރުވެސް ހަމަނުވާ މާލެ ނުބެލެހެއްޓޭކަން ފާހަގަކުރަން، ބޮޑެތި އަދަދުތަކުން ފައިސާ އުފުލާއިރު ފުލުހުންގެ ސެކިއުރިޓީއަށް އެދޭނަމަ ދޯ! މިފަދަ ކުށްތައް ހުއްޓުވާ ރައްޔިތުންނާ މުދާ ހިމާތް ކުރުމަކީ ފުލުހުންގެ ޒިންމާއެއްކަމަށްވީހިނދު ސަރުކާރޭ ސިސްޓަމޭ ކޯޓޭ ސިޔާސީއޭ ނުކިޔާ ފުލުހުން އެމީހުންގެ ޒިންމާ އަދާކުރެވޭގޮތް ހޯދައިގެން ޒިންމާ އަދާކުރުމަށް ގޮވާލަން
ހޮނޑާފުށީބޮުޑުހުސޭނު
21 March 2019
ނަގުދު ފައިސާ މަދުކޮށްގެން ނޫން ގޮތަކަށް ތިކަން ނުހުއްޓުވޭނެ ، ބޮޑެތި އަދަދު ތަކަށް ފާރަލާލާ އެތިބެނީ ހެލްމެތް އަޅައިގެން ، ކޮންމެ ގޮތަކުންވިޔަސް ބޭންކުތެރޭން ތިޔަފަދަ ޓުރާންފާތައް ހެދޭނެ ގޮތްގޮތް ހޯދައިގެން ނޫން ގޮތަކަށް މިކަން ކަން ނުހުއްޓުވޭނެ
މެތުސް
21 March 2019
ކުރީގެ ސަރުކާރުގެ ވެރިންގެ އަތެއް މި ކަމުގައި ވާނެ ނުވަތަ އެކި ޒާތްޒާތުގެ ކޯޑިނޭޓަރުންނަށް ސަރުކާރުގެ ފައިސާގެ މުއާމަލާތްތައް ހިންގާ ގަޑިތައް ރަނގަޅަށް އެނގިފައިވާނެ! އެހެންކަމުން، އެ ގަޑިތަކާ ދިމާކޮށް ފޭރުން މި ހިންގާލަނީ!
ބޮޑު ބަންޑާރަ
21 March 2019
މަގު ފޭރޭ މީހުންގެ އިސްލާމީ ޝަރީޢަތުގެ ޙުކުމަކީ ކޮބައިތޯ . ޝޭޚް. ޥަގަކަށް ހާސް ދުވަސް ޥެރިޔަކަށް 1 މިލިޔަން ދުވަސް ވިޔަކަސް ވާކަމެއް ޙަރާމް.
ްޣަދީމީ
21 March 2019
މަސްވެރިންނައް ލާރި ނުދޭން ސަރުކާރުން ރާވައިގެން ކުރިކަމެއް ތީ.
މުސަޅުބެ
21 March 2019
ފޭރެންވީނު. ގާނޫނުންނާ ބޯވާ ސިޔާސީ މީހުންގެ ފަރާތުން ހިމާޔަތް ލިބޭނެ ވިއްޔަ
އޮންބެ
21 March 2019
އަދިވެސް ޔާމީނު ޖަލައް ނުލާ ބަހަޓާ... ހޭއަރައިފި އެއްނު ؟؟
ގައުމީ ލޯބީގާ
21 March 2019
ޔާމީނު ޖަލަށް ނުލުމަކާ އެކަމަކާ ކޮންކަމެއް .އެބަ އެގޭތަ ތިކިޔެނީ ކީކޭ ކަން .ހަމަޔަކު ނުން ވިއްޔަ ތިބެނީކީ .
ބައްސާމް، ގއ.ވިލިނގިިލި
21 March 2019
މިއޮތްފަދަ ޒަމާނުގެ، މަސްވެރިންނަށް ނަގުދުކޮށް ފައިސާ ދިނުމުގެ ބޭނުމަކީ ކޮބާ؟ ދޯނި އެކަައުންޓ ހުޅުވަން މަޖުބޫރުކޮށް، އެކައުންޓަށް ފައިސާ ޖަމާކުރާ ގޮތަށް ހެދުމުން، ކެޔޮޅުން އޮޑިވެރިނަށް ހަދާ މަކަރާ، މިފުކޯގެ މުވަޒިފުންގެ ވައްކަން ޔަޤީނުންވެސް މަދުކުރެވޭނެ.