ރާއްޖޭގައި ހުންނަވާ ޗައިނާ ސަފީރު ޒަން ލިޒޮން މިރޭ ނޫސްވެރިންނާ ވާހަކަ ދައްކަވަނީ.--- ފޮޓޯ: ނިޝާން އަލީ/މިހާރު
29 އެޕްރީލް 2019 - 21:16
11 comments
ރާއްޖެ އަށް ޗައިނާ އިން ދޫކޮށްފައި ވަނީ އަނބުރާ ދައްކަން ފަސޭހަ ލޯނުތަކެއް ކަމަށާއި އެކަމާ ގުޅޭ ގޮތުން ދެ ގައުމުގެ މެދުގައި މަތީ ފެންވަރުގެ މަޝްވަރާތައް ކުރުން މުހިންމު ކަމަށް ރާއްޖޭގައި ހުންނަވާ ޗައިނާގެ ސަފީރު ޒަން ލިޒޮން މިރޭ ވިދާޅުވެއްޖެ އެވެ.
ޗައިނާ އެމްބަސީގައި ބޭއްވި ނިއުސް ކޮންފަރެންސެއްގައި "މިހާރު"ން ކުރި ސުވާލަކަށް ޖަވާބު ދެއްވަމުން ޒަން ވިދާޅުވީ، ރާއްޖެ އަށް ޗައިނާ އިން ލޯނުތައް ދީފައި ވަނީ އާމްދަނީ ލިބޭ މަޝްރޫއުތަކަށް ކަމަށެވެ. ނަމަވެސް، ރާއްޖޭގެ ކަންބޮޑުވުމެއް އޮތް ނަމަ ފޮރިން މިނިސްޓަރު އަބްދުﷲ ޝާހިދު ޗައިނާ އަށް ކުރައްވާ ދަތުރުގައި މަޝްވަރާ ކުރެވިދާނެ ކަމަށް ސަފީރު ވިދާޅުވި އެވެ.
"އެކަމަކު، ޗައިނާ އިން ރާއްޖެ އަށް ލޯނު ދޫކޮށްފައިވާ ގިނަ މަޝްރޫއުތަކަކީ އެ މަޝްރޫއުތަކުން އާމްދަނީ ލިބޭނެ މަޝްރޫއުތައް. އޭގެ ޒާތުގައި ދެމެހެއްޓެނިވި މަޝްރޫއުތައް. އެކަމަކު، ރާއްޖޭގެ ފަރާތުން މި ކަންބޮޑުވުންތައް އޮތް ކަމަށް ވާ ނަމަ އަޅުގަނޑު ގަބޫލު ކުރަނީ އެ ކަންބޮޑުވުންތައް ހިއްސާކުރަން މިފަދަ ފުރުސަތުތައް ބޭނުން ކުރެވިދާނެ ކަމަށް،" ޝާހިދުގެ ދަތުރަށް އިޝާރާތް ކުރައްވަމުން ޒަން ވިދާޅުވި އެވެ.
ރައީސް އިބްރާހީމް މުހައްމަދު ސޯލިހުގެ ސަރުކާރުން ކުރިއްސުރެ ބުނަމުން އައީ ރާއްޖެ އަށް ޗައިނާ އިން ދޫކޮށްފައިވާ ލޯނުތަކުގެ އިންޓަރެސްޓް ބޮޑުކަމުން ކަންބޮޑުވާ ކަމަށާއި އެ ލޯނުތަކާ ބެހޭ ގޮތުން އެ ގައުމާ އެކު އަލުން މަޝްވަރާ ކުރާނެ ކަމަށެވެ. އެ މަޝްވަރާތައް މިހާރު ފެށިއްޖެތޯ ސުވާލު ކުރުމުން ޒަން ވިދާޅުވީ، ފޮރިން މިނިސްޓަރު ޝާހިދުގެ ދަތުރުގައި މަޝްވަރާ ކުރުމާ ގުޅޭ އިންތިޒާމުތައް ކުރިއަށް ދާ ކަމަށެވެ.
ރާއްޖޭގައި ހުންނަވާ ޗައިނާގެ ސަފީރު މިރޭ ނޫސްވެރިންނާ ވާހަކަ ދައްކަވަނީ.---ފޮޓޯ: ނިޝާން އަލީ/މިހާރު
"އަޅުގަނޑުމެން މިހާރު މި އަންނަނީ ފޮރިން މިނިސްޓަރު ޗައިނާ އަށް ކުރައްވަފާނެ ދަތުރުފުޅަކާ ބެހޭ އިންތިޒާމުތަކާ ބެހޭ ގޮތުން މަޝްވަރާ ކުރަމުން. ފަހަރެއްގައި ވަރަށް އަވަހަށް [ފޮރިން މިނިސްޓަރު ޗައިނާ އަށް ވަޑައިގެންފާނެ]. އަޅުގަނޑުމެން އަދިވެސް ބަލަމުން މި އަންނަނީ ދެ ފަރާތަށް ވެސް އެކަށީގެންވާ ވަގުތަކަށް،" ޒަން ވިދާޅުވި އެވެ.
ޗައިނާ އިން ހިންގާ ބެލްޓް އެންޑް ރޯޑް މަޝްރޫއުގެ ދަށުން އެހެން ގައުމުތަކަށް މާލީ އެހީ ދިނުމުގައި ގެންގުޅޭ އުސޫލުތައް މިހާރު ކުރިއަށް ވުރެ ހަރުދަނާ ކޮށްފައިވާ ކަމަށް ވެސް ސަފީރު ވިދާޅުވި އެވެ. އެގޮތުން، އެ ގައުމުން ފައިނޭންސް ކޮށްދިނުމުގައި ގެންގުޅެނީ ދެފުށް ފެންނަ، ދެމެހެއްޓެނިވި އުސޫލުތަކެއް ކަމަށް ވެސް ވިދާޅުވި އެވެ.
ޗައިނާ އިން ރާއްޖެ އަށް ލޯނު ދޫކޮށްފައިވާ ގިނަ މަޝްރޫއުތަކަކީ އެ މަޝްރޫއުތަކުން އާމްދަނީ ލިބޭނެ މަޝްރޫއުތައް. އޭގެ ޒާތުގައި ދެމެހެއްޓެނިވި މަޝްރޫއުތައް. އެކަމަކު، ރާއްޖޭގެ ފަރާތުން މި ކަންބޮޑުވުންތައް އޮތް ކަމަށް ވާ ނަމަ އަޅުގަނޑު ގަބޫލު ކުރަނީ އެ ކަންބޮޑުވުންތައް ހިއްސާކުރަން މިފަދަ ފުރުސަތުތައް ބޭނުން ކުރެވިދާނެ ކަމަށް،" ޗައިނާ ސަފީރު
ކުރީގެ ރައީސް އަބްދުﷲ ޔާމީންގެ ސަރުކާރުން ގާތް ގުޅުމެއް ބާއްވަމުން އައި ޗައިނާ އާއި ރާއްޖޭގެ އާ ސަރުކާރާ އެކު އޮތް ގުޅުމުގެ މިންވަރާ ގުޅޭ ގޮތުން ވެސް ސަފީރު ދެއްކެވި އެވެ. އޭނާ ވިދާޅުވީ، ޔާމީންގެ ސަރުކާރު ބަދަލުވިޔަސް ޗައިނާ އިން ރާއްޖޭގައި ހިންގަމުން އަންނަ މަޝްރޫއުތަކަށް އެއްވެސް ބުރުލެއް ނާރާ ކަމަށާއި އެ މަޝްރޫއުތައް ރަނގަޅަށް ކުރިއަށް ދާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަނާނާ ރައީސް
30 April 2019
މިނޫހުގަ އަހަރެން ކޮމެންޓްކުރިން މިމައްސަލަ އާޙިރުގަ ނިމޭނެގޮތް ލަފާކޮއްފަ ތީގަ އެއްވެސް މައްސަލައެނެތްކަމަށް ނިންމާ ޗައިނާއިން މިސަރުކާރު ލޯނުނަގާތަން ބަލަންތިބޭ އިންޑިޔާގެ އެއްބިލިޔަން ޑޮލަރު ދައްކަން ޗައިނާއިން އަލުން ލޯނުގާ ތަރައްގީގެ ސިމެންތިކޮޅުވެސް ޗައިނާގެ އެހީނެތި މިސަރުކާރަކަށް ނުގެނެވޭނެ ރޔާމީން ނެގި ލޯނުތަކުގެ އިންޓްރެސްޓް ރޭޓް ބުނެލަން ހާމަކޮއްލަން ނޫސްވެރިންނަކަށް ނުކެރޭ މައުލޫމާތު ހާދާ ލިބިގަތުމުގެ ގާނޫނުން މިކަންކޮއްބަލަ.
ދޭން
30 April 2019
ޗައިނާ ލޯނުތައް ފަސޭހަ، އެކަމަކު މަޝްވަރާ ކުރާނެ ކަމަށް ޗައިނާގެ ސަފީރު ވިދާޅުވާނަމަ ޗައިނާ އިން ރާއްޖެ ނަގާފައިވާ ލޯން ތަކާއި ބެހޭ މައުލޫމާތު ކުރީގެ ސަރުކާރުން ފިނޭންސް މިނިސްޓަރު ކަން ކުރި މީހުން ޖެހޭނެއޭ ރައްޔިތުންނަށް އެކަން އޮތް ގޮތް ހަގީގަތާއި އެއްގޮތަށް އޮޅުން ފިލުވާ ދޭން އެއީ ކުރަން ޖެހޭނެ ކަމެކޭ ކަލެކްޓިވިލީ އުސޫލުން މިކަމުގައި ޖަވާބުދާރީވާން ޖެހޭނީ ރައީސް ޔާމީން އޭ ޕީއެންސީގެ އިސްމީހާގެ ހައިސިއްޔަތުން ވެސް މިކަން ޖެހޭނެއޭ އޮޅުން ފިލުވާ
ކަނބިލި
30 April 2019
ރާއްޖެއިން ގެންގުޅެން ޖެހޭނީ ރާއްޖެއަށް ރާއްޖޭގެ ކުރިއެރުމަށް މަގުފަހިކޮށްދޭ ޚާރިޖީ ސިޔާސަތެއް. ވަކި ބާރެއްގެ ޕަޕެޓަކަށް ވެގެން ބާރުތަކުގެ މެދުގައި އޮންނަ ކޯޅުންތަކުގައި އެއްކޮޅަކަށް އަރައިގެން ބޭކާރު ގޮވެލިތައް ގޮވާ ބަޔަކަށް ސަރުކާރުވެގެން ނުވާނެ. ރާއްޖެއަށް މުހިންމު އިންޑިއާވެސް އަދި ޗައިނާވެސް. މިހާރު ބޮޑަށް ފެންނަނީ ސިޔާސީ ފަރާތްތަކުން އެބައިމީހުންގެ އަމިއްލަ ފައިދާއަށް ސިޔާސަތު ބައްޓަން ކުރާތަން. މިކަމުން ގައުމަށް ލިބޭނީ ނިކަމެތިކަން.
ރަގަޅު.
30 April 2019
ޗައިނާއިން ރާއްޖެ އަށް ލޯނެއްދިނަސް އެހީއެއްދިނަސް އެކަމުގައި ފޮރުވިފާވާ ސިޔާސަތެއްނޯވެ. ޗައެނާއިން ރާއްޖެ އަށް ހެޔޮއެދޭ. އަޅުވެތިކުރުމުގެ ވިސްނުމެއްނުގެންގުޅޭ. ޢިންޑިޔާއިން ލޯނެއްދިނަސް އެހެންކަމެއްކޮށްދިނަސް އެކަމުގައި އަޅުވެތިކަން އިންތިހާއަށް ހިމެނިފައިވޭ. ސާލިހުގެ ސަރުކާރުން ރާއްޖެ އިންޑިޔާއަށް އަޅުވެތިކޮށް ނިންމާފި. ޤައުމަށް ޚިޔާނާތްވެއްޖެ.
ބަބުރަންޖީ ހާޖީ
30 April 2019
ކެންޕޭނުތެރޭގާ ވާހަކަދައްކާއިރު ހީވޭ ޗައިނާއާ އެއްކޮށް ގުޅުންކަނޑާލަންއުޅޭހެންވެސް.
ޖަމީލުބެ
29 April 2019
الحمد لله
ކުރިކެޓު ބަލާމީހާ
29 April 2019
އަޅެ ޗައިނާއިން ރޔ ނަގާފަވަނީ ކިހާވަރެއްގެ ލޯނުކަމާ އޭގެ އިންޓުރަސްރޭޓް ހޯދާލިނަމަ އަދި އެހެން ގައުމުތަކުގެ ލޯނާއި ރޭޓް ހޯދިނަނަ ވ ހަބޭސްވީސް ދޯ
12345
29 April 2019
ބޮޑުބޭބެ އިންޑިޔާ ރުޅި އަތުވެދާނެޔީ މިސަރުކާރުގެ އެކަކަށްވެސް ނުކެރޭނެ ޗައިނާ އަދި ޕާކިސްތާނަށް ރަސްމީ ދަތުރެއް ކޮށްލާކަށް. 5 އަހަރު ނިމޭއިރު މޯދީގެ ޖުމްހޫރީ މަދާނުގެ ބޮޑުދަނޑިއަށް ނެގުން ފިޔަވާ އެއްވެސްކަމެއް ނުވާނެ..
އަލީ12
29 April 2019
ވެރިކަންހޯދަން ޗައިނާއޭ ކިޔައިގެން ޖެއްސީ ސްޓަންޓް ކަން އަދި ދިވެހިންނަށް އިނގޭނެ..
ޙަބީބު
29 April 2019
ޗައިނާގެ 10 ބިލިޔަން ޑޮލަރުގެ ބޯޓުޔާޑު ބިޔަ މަސްރޫއު ފެށުން ވަރައްމުހިންމު އެއީ އެންމެމަތީ ފެންވަރު ހިދުމަތްދެވޭ މަސްރޫއަކައް ވާންވާނެ ހދ އަތޮޅުގައެވާ ސިއްސައިގެންދާވަރު ދެފަޅު 99 އަހަރައް ދީގެން މިކަންކޮއް ދެވަނަ ސިންގަޕޫރައް ހދ އަތޮޅު ހެދުންވަރައްމުހިންމު
ދިޔާނާ
30 April 2019
ތީ ޖާބިރު ތަ؟