ކޮވިޑް-19 ފެތުރޭތީ މާލެ ލޮކްޑައުންކޮށްފައި ވާއިރު ފުލުހަކާއި، އުމުރުން ދުވަސްވީ މީހަކު މަގުމަތީގައި. -- ފޮޓޯ: މިހާރު
29 މެއި 2020 - 01:08
9 comments
ލޮކްޑައުން އަށް ދިން ލުއިތަކުގެ ތެރޭގައި، އުމުރުން ދުވަސްވީ މީހުންނަށް ކޮންމެ ދުވަހަކު ވެސް ބޭރަށް ދިއުމުގެ ހުއްދަ އޮންނާނެ ކަމަށް ފުލުހުން މިރޭ ބުނެފި އެވެ.
ކޮވިޑް-19 ފެތުރޭތީ އިއުލާންކޮށްފައިވާ ލޮކްޑައުން އަށް ދީފައިވާ ލުއިތަކުގެ މައުލޫމާތު ދޭން ބޭއްވި ނޫސްވެރިންގެ ބައްދަލުވުމުގައި އެސިސްޓެންޓް ކޮމިޝަނަރު އޮފް ޕޮލިސް އަބްދުﷲ ފައިރޫޝް ވިދާޅުވީ އުމުރުން 60 އަހަރުން މަތީގެ މީހުންނަށް ފަތިހު 5:00 އާއި 8:00 އާ ދެމެދު ފުލުހުންގެ ހުއްދައާއެކު ބޭރަށް ނުކުތުމުގެ ފުރުސަތު ދޭއިރު ކޮންމެ މީހަކަށް ވެސް ދުވާލަކު ދޮޅު ގަޑިއިރު ބޭރުގައި އުޅުމަށް ހުއްދަ ދޭން ނިންމައިފައިވާ ކަމަށެވެ.
އުމުރުން ދުވަސްވީ މީހުންގެ ތެރެއިން އެހެން މީހެއްގެ އެހީތެރިކަމާ އެކު ނޫނީ ބޭރަށް ނުކުމެ ނޫޅެވޭ މީހުންނާ ހަވާލުވެގެން އިތުރު މީހަކަށް ބޭރަށް ނުކުމެވޭނެ ކަމަށް ވެސް ފައިރޫޝް ވިދާޅުވި އެވެ.
"އަޅުގަނޑުމެން ފަހަކާއި އަށަކާ ދޭތެރޭގަ، އެދިވަޑައިގަންނަވާ ބޭފުޅުންނަށް ދޮޅުގަޑިއިރު ދޭނަން، ހަމަ ކޮންމެ ދުވަހަކު ވެސް ވަކި ދުވަހެއްގައެއް ނޫން"
މާލެއިން ކޮވިޑް-19 ފެނުމާއެކު އޭޕްރިލް މަހުގެ 15 ވަނަ ދުވަހު މާލެ ސަރަހައްދު ލޮކްޑައުންކޮށް އަތޮޅުތެރޭގައި ވެސް ދަތުރުފަތުރު ހުއްޓާލާފައިވާއިރު، ލޮކްޑައުންގެ މުއްދަތަށް މިހާރު ވަނީ އެއް މަހަށް ވުރެ ގިނަ ދުވަސްވެފަ އެވެ.
މިހާރު މާޅޭގެ ހާލަތު އޮތް ގޮތަށް ބަލައި ލޮކްޑައުން އަށް ލުއިތަކެއް ދިނުމަށް ސަރުކާރުން މަސައްކަތް ކުރަމުން އަންނައިރު، ކުޑަކުދިންނަށް ވެސް ވަކި ވަގުތެއްގައި ބޭރަށް ދާން އަންނަ ހަފުތާގައި ހުއްދަ ދޭން ފަށާނެ އެވެ.
ފުލުހުންގެ ހުއްދައާ އެކު ބޭރަށް ދެވުނަސް އެހެން ގޭގެޔަށް ދިއުން މަނަލެވެ. ކޮވިޑް-19 ގެ ނުރައްކާ އެންމެ ބޮޑީ އުމުރުން ދުވަސްވީ މީހުންނަށެވެ. އެހެންކަމުން އެ އުމުރުގެ މީހުންގެ ރައްކާތެރި ކަމުގެ ފިޔަވަޅުތައް އަޅަން، އެޗުޕީއޭ އިން ތަކުރާރުތައް އަންނަނީ އެދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުރާފުޅު
29 May 2020
ރިސްކް ބޮޑު މީހުންނަށްތަ ބޭރަށް ނެރެން ހުއްދަ ދޭން އެނގުނީ. ޖޮގިންނަށް ދާނ ބޭނުންވާ މީހުންނަށް ތި ފުރުސަތު ދިންނަމަ. ބޯ ހަލާކު. ކަސްރަތުކޮށް އާއްމު ސިއްހަތު ދުޅަހެޔޮ ކަންމަތީ ބޭއްވޭނެ ގޮތަކަށް ތިކަންވެސް ރޭވޭނެ ހަމަ. ހުރެ ބަހައްޓާފަ މުސްކުޅިން ތައް ބޭރަށްނެރެން ހުއްދަތިނީ ކިހިނެއް ވިސްނާފަ. ވައިރަސް ނިދާ ގަޑިތަ އެ؟
ރަދީފްް
29 May 2020
ދުވަސްވީ މީހުންގެ އުމުރުފުރާ ތިކަނޑައެޅީ ކިހިނެތްތޯ ސުވާލުއުފެދޭ! އުމުރުން 60 ނުވަންޏާ އެއީ ޒުވާނުންތޯ؟؟؟؟؟ ކޮންތާކުން އިލްމު އުގަންނަވައިގެން ތިބިބައެއްތޯ ސުވާލުއުގެދޭ؟؟؟؟؟.
ހާމޮދު ޝާހިދު
29 May 2020
ދުވަސް ވީ މީހުން ކޮންމެ ދުވަހަކު ބޭރަށް ނެރެގެން މިވައިރަސް އެމީހުނަށް ޖައްސާ މަރާލަންތަ ތިއުޅެނީ...!
އިޔައްޕެ
29 May 2020
މުސްކުޅިންނަކީ މިބަލިން މަރުވުން އެންމެ ގާތް މީހުން. ސަރުކާރުން ބޭނުންވަނީ މުސްކުޅިން މަރަންތޯ؟ މި ޕާމިޓްއަކީ ވިޔަފާރި ކުރުމާއި ބޭސްފަރުވާއާއި މުޅިން ވަކިން އިންނަ ޕާމިޓްއެއް. ހަމަ މުސްކުޅިން ބޭރަށް ނިކުތުމަށް ހިތްވަރު ދިނުމަށްޓަކާ ހަދާފަ ހުރި ކެޓަގަރީއެއް.
ރަދުން999
29 May 2020
ކޮންކަހަލަ ލުޔެއް ތިދިނީ. ތިޔައީ މީހުން އިތުރަށް ބަލި ބޮޑުވާނެ ގޮތެއްކަމަށް ބައެއް ޑރ އިން ދަނީ ބުނަމުން. ހިޔޮނުވާނެ އަމިއްލަ ވިސްނުން ބޭނުންކޮށްގެން މީހުން ބަލިން ސަލާމަތް ވާނެ ރަނަގަޅު ގޮތެއް ހޯދާދީބަލަ. ލޮކްޑައުން ކުރުމަކީ ހައްލެއްނޫން. ތިޔައީ މީހުން ފަގީރުކޯށް ވިޔާފާރިތައް ހަލާކުކޮށް އަޅުވެތި ކުރުމަށް ބަޔަކު ރާވައިގެން ކުރާކަމެއް ކަމަށް ބައެއް އިލްމު ވެރިން ދަނީ ބުނަމުން.
ާއުނިމާ
29 May 2020
އެއީ ދުވިސްވީ މީހުނަށް ބަލި ޖެހުމުގެ ފުރުސަތު ބޮޑު ކުރަންތޯ
ޖަމީލުބެ
29 May 2020
الحمد لله ޔާ ﷲ، އަޅަމެން މިބަލި މަޑުކަމުން ސަލާމަތް ކުރައްވާނދޭވެ! އަދި މިމަސައްކަތުގައި އުޅުއްވާ އެންމެހާ ފަރާތްތަކަށް ހެޔޮ ގޮތް މިންވަރު ކުރައްވާށި!
ކާފަބޭ2020
29 May 2020
މުސްކުޅިބޭރަށްނރުމުގެބޭނުމަކީ؟؟؟؟؟؟؟)
2ގޔހ
29 May 2020
ކަސްރަތު ކުރަން މެންދަމުން އަލިވެ 3ން ފަތިހު 6ށް ހުއްދަ ދޭން ފެނޭ.. ކޮންމެ މީހަކަށް ހަފްތާއަކު އެއް ދުވަހު ނަމަވެސް.. ސަރުބީ ތަކެއް ނުވިރެޔޭ ގޭގަ ކުރާ ކަސްރަތަކުން.. އަހަރެމެން އަތަކު ނެތް ލާރިއެއް ދުވާ މެޝިން ގަންނާކަށް..