މަޖިލީހުގެ އެންވަޔަރްމެންޓް ކޮމެޓީގެ ބައްދަލުވުމެއް: ގުޅީފަޅު ހިއްކުމުގެ މައްސަލާގައި ކަމާބެހޭ އިދާރާތަކަށް އެ ކޮމެޓީއަށް ހާޒިރުކުރަން ވަނީ ނިންމާފައި -- ފޮޓޯ/މަޖިލިސް
02 ޖޫން 2020 - 21:03
5 comments
ކ. ގުޅީފަޅު ހިއްކުމުގައި ވިލިމާލޭ ފަރަށް ގެއްލުންވާ މައްސަލާގައި އެންވަޔަރްމެންޓަލް ޕްރޮޓެކްޝަން އޭޖެންސީ (އެޗްޕީއޭ) އާއި އެންވަޔަރްމަންޓް މިނިސްޓްރީ އާއި ޕްލޭނިން މިނިސްޓްރީގެ އިސްވެރިން މަޖިލީހުގެ ތިމާވެށްޓާ ބެހޭ ކޮމެޓީ އަށް ހާޒިރުކުރަން ނިންމައިފި އެވެ.
މާލޭގެ ވިޔަފާރި ބަނދަރު ގުޅީފަޅަށް ބަދަލު ކުރުމަށްޓަކައި ގުޅީފަޅު ހިއްކުމުގެ މަޝްރޫއު ކުރިއަށް ގެންދާ ގޮތުން ވިލިމާލޭ ފަރަށް ކިސަޑު ފެތުރި ފަރުތައް މަރުވެދާނެ ކަމުގެ ކަންބޮޑުވުން ތިމާވެށްޓާބެހޭ ފަރާތްތަކުން ދަނީ ފާޅު ކުރަމުންނެވެ. އެހެންވެ، މަޖިލީހުގެ ވިލިމާލޭ ދާއިރާގެ މެމްބަރު އަހުމަދު އުޝާމް އޮތީ މަޖިލީހަށް އެ މައްސަލަ ހުށަހަޅުއްވައިފަ އެވެ.
މަޖިލީހުގެ އިދާރާ އިން ނެރުނު ބަޔާނެއްގައި ވަނީ މަޖިލީހުގެ އެންވަޔަރްމެންޓް އެންޑް ކްލައިމެޓް ޗޭންޖް ކޮމެޓީން އެ މައްސަލަ ބަލަން ނިންމީ އެ ކޮމެޓީގެ އިސް ނެގުމުގެ މަތިން ކަމަށާއި އެ މައްސަލައިގައި އިއްޔެ ބޭއްވި ކޮމެޓީގެ ބައްދަލުވުމުގައި ކަމާބެހޭ ފަރާތްތައް އެ ކޮމެޓީއަށް ހާޒިރުކުރަން ނިންމާފައިވާ ކަމަށް އެ ބަޔާނުގައިވެ އެވެ. އެގޮތުން އީޕީއޭ އާއި އެންވަޔަރްމަންޓް މިނިސްޓްރީ އާއި ޕްލޭނިިން މިނިސްޓްރީގެ އިސްވެރިންގެ އިތުރުން އެ މަޝްރޫއުގެ އެންވަޔަރްމެންޓަލް އިމްޕެކްޓް އެސެސްމަންޓް (އީއައިއޭ) ކޮންސަލްޓެންޓް އަންނަ ހޮނިހިރު ދުވަހު އެ ކޮމެޓީއަށް ހާޒިރު ކުރަން ނިންމާފައިވާ ކަމަށް ވެސް އެ ބަޔާނުގައިވެ އެވެ.
އެ މައްސަލައިގައި ކަމާބެހޭ ފަރާތްތައް މަޖިލީހުގެ ކޮމެޓީއަށް ހާޒިރު ކުރާއިރު، އީޕީއޭ އިން ކުރިން ބުނެފައިވަނީ އެ މަޝްރޫއުގެ ސަބަބުން ވިލިމާލޭ ފަރަށް މިހާތަނަށް ގެއްލުމެއް ލިބިފައި ނުވާ ކަމަށެވެ. އަދި އެކަންކަން ބަލައި، މޮނީޓާ ކުރަމުންދާ ކަމަށް ވެސް އީޕީއޭ އިން ކުރިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން ދީނި
03 June 2020
ތިމާވެށީގެ ކޮމިޓީއަކަށް ނޫން އިގްތިސާދީ ކޮމިޓީއަށް ފުރަތަމަ ގެންދަންވީ. ތީ ކޮންމެހެން މިހާރު ދަރަނިވެރިވެގެން ކުރަން ޖެހޭ ކަމެއްތޯ ބަލަން.
ށައްލެ
03 June 2020
ޕަބްލިކް ޕްރެޝަރ ކުޑަކުރަން ވަގުތު އިސްރާފުކުރަން ކުރާ ކަމެއް. ޕްރޮޖެކްޓަކީ އޭގެ ފަހަތުގައި ފޮރުވިފައިވާ ކަންތައްތަކެއް ހިމެނޭ ޕްރޮޖެކްޓެއް ކަމަށް ބެލެވޭ. އަދި މިކަމުގެ ފަހަތުގައި ޕްލޭނިންގ މިނިސްޓަރ އަދި އެމްޕީއެލްގެ ދައުރު އޮންނާނެ ކަމަށް ބެލެވޭ.
ކައްޓަބެ ޔޫސޭ
02 June 2020
ދެން މި މީހުން ހިތުން ހާޒިރުކުރީމަ އެ ކުރެވެނީ ވަރަށް މޮޅުކަމެއް. ރޭގަވެސް ގާނޫނު އަސާސީ އިސްލާހުކުރަން ބަހުސްކުރަނީ އޭ ކިޔާފަ ހަރާމޭ އެކަމާ ގުޅޭ އެއްވެސް އޮއްޓަރެއް ހުރި ވާހަކައެއް ދެއްކި ނަމަ. ޔާމީނޭ އިދިކޮޅޭ ކައިފިއޭ ދެން ޝުކުރިއްޔާ ދެއްވި ފުރުސަތަށް. އެހުރީ ގާނޫނު އަސާސީ އިސްލާހު ވެފަ.
ސާޖިދު
02 June 2020
ހާޒިރު ކުރިއްޔޯ. ދެން އެ ނިމުނީ؟ މަ ހުވައި ބިއްލާހި މިބުނީ ތީގަ އޮތީ ދެގޮތުން ކުރެ އެއްގޮތް. ގުޅިފަޅު ހިއްކަންޏާ ވަށައިގެން ކައިރީގަ ހުރި ފަރުތަކަށް ގެއްލުން ނުވާނެ ގޮތެއް އެއީ މި އުޑުދަށުގަ ނެތްގޮތެއް. ދެން އޮތީ ގުޅިފަޅު ނުހިއްކުން. އޭރުން އެފަޅު ހިއްކާތީ ލިބޭ އެއްވެސް ގެއްލުމެއް ނުލިބޭން. ދެން ދުވަސްކޮޅަކުން ހާޒިރުކުރޭ އެމް ޕީ އެލް. ހާޒިރުކޮށްފަ އަހާ ކީއްވެހޭ ވިޔަފާރިބަނދަނރުގެ ކަންކަން ބަރާބަރަށް ނުހިގަނީ.
ސަންޕަ ހަސަންފުޅު
02 June 2020
މަޖުލީސް ހުރިހާތަނަކަށް ބޯބާނަންޏާ ކޮބާ ޕޮލިހުންގެ ބޭނުމަކީ؟ ޑރ. އަފްރާޝީމުގެ މަރުގެ ރިޕޯޓުވެސް މާ ފުރިހަމައަށް ތައްޔާރުކޮށް މަޖުލީހަށް ހުށައެޅީ ކޮންމެވެސް އެހެންފަރާތަކުން؟ އަނެއްކާވެސް ސުވާލަކީ އެހެންވިއްޔާ ތަހުގީގުކުރާކަށް ޕޮލިހުން ތިބޭނެކަމެއްނެތޭ. އެމީހުން ތިބޭށޭ އަބަދު މަގުމަތިބެލެހެއްޓުން ހަވާލުކޮށްފާ.