ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް ނަޝީދަށް ފާޑުކީ ކަމަށް ބުނެ މުވައްޒަފަކު ވަޒީފާ އިން ވަކިކުރި އިރު، މިފަދަ މައްސަލައެއްގައި މި ސަރުކާރުގައި އެއްވެސް މުވައްޒަފެއްގެ ވަޒީފާ ނުގެއްލޭނެ ކަމަށް މީގެ ކުރިން އެތައް ފަހަރަކު އެ ދެ ބޭފުޅުން ވެސް ވިދާޅުވެފައިވޭ.
ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް ނަޝީދު ބައްދަލުވުމެއްގައި: އެ ދެބޭފުޅުންނަށާއި ސަރުކާރަށް ފާޑުކިޔަސް ސަރުކާރުގެ ވަޒީފަ ނުގެއްލޭނެ ކަމަށް އަބަދުވެސް ވިދާޅުވޭ.---ފޮޓޯ: މިހާރު
03 ޖޫން 2020 - 16:54
88 comments
ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ސޯޝަލް މީޑިއާގައި ތަކުރުކޮށް ފާޑުކިޔައި އަބުރާ ބެހޭ ކަމަށް ބުނެ ހިތަދޫ ޕޯޓް ލިމިޓެޑް (އެޗްޕީއެލް) ގެ މުވައްޒަފަކު ވަޒީފާ އިން ވަކިކޮށްފި އެވެ.
ހިތަދޫގެ އެ މީހާ ވަޒީފާ އިން ވަކިކުރި ސަބަބެއް ކަމަށް އެޗްޕީއެލް އިން އިއްޔެ ފުރަތަމަ ފޮނުވި ސިޓީގައި ބުނީ، ރައީސާއި މަޖިލީހުގެ ރައީސްގެ އަބުރު ގެއްލޭ ގޮތަށް ސޯޝަލް މީޑިއާގައި ތަކުރާރުކޮށް ވާހަކަ ދައްކާތީ ކަމަށެވެ. އެ ފިޔަވަޅު އެޅީ އެކަން ތަކުރާރުކުރާ ނަމަ ވަޒީފާ އިން ވަކިކުރާނެ ކަން ކުރިން ވެސް އެ މުވައްޒަފާ ހިއްސާ ކުރުމަށް ފަހު، އިސްލާހު ނުކުރުމުން ކަމަށް އެމްޕީއެލްގެ މެނޭޖިން ޑިރެކްޓަރު ޝާހިދު އަލީ ސޮއިކުރައްވާފައިވާ ސިޓީގައި ވެ އެވެ.
ނަމަވެސް އެ މުވައްޒަފަށް ފުރަތަމަ ފޮނުވި ސިޓީގެ ބައެއް އިބާރާތްތައް ގޯސްކޮށް ހުރުމުން، އެޗްޕީއެލް އިން އެ ސިޓީ އަނބުރާ ގެންގޮސް ފަހުން އެހެން ސިޓީއެއް ފޮނުވި އެވެ. ވަޒީފާ އިން ވަކިކުރިކަން އަންގައި ފޮނުވި ފަހުގެ ސިޓީގައި ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް ނަޝީދުގެ ވާހަކައެއް ނެތެވެ.
ފަހުގެ ސިޓީގައިވާ ގޮތުން އެ މުވައްޒަފު ވަނީ އެޗްޕީއެލްގެ "ކޯޑް އޮފް ކޮންޑަކްޓް ޕޮލިސީ" އާ ޚިލާފުވެފަ އެވެ. ޑިސެމްބަރު 1، 2019 ގައި ފޮނުވި އިންޒާރުގެ ލިޔުމުގައި، އެ މުވައްޒަފު ހިންގި ކަންކަން ތަކުރާރު ކޮށްފި ނަމަ ވަޒީފާ އިން ވަކިކުރާނެ ކަން އަންގާފައިވާތީ އެ ފިޔަވަޅު އެޅީ ކަމަށް އެ ސިޓީގައި ވެ އެވެ. ޑިސެމްބަރު 1 ގައި އިންޒާރުގެ ލިޔުން އެ މުވައްޒަފަށް އެޗްޕީއެލް އިން ފޮނުވީ ރައީސާއި މަޖިލީހުގެ ރައީސްގެ އަބުރަށް ހުތުރުވާ ގޮތަށް ސޯޝަލް މީޑިއާގައި ލިޔުންތައް ލިޔާތީ ކަމަށް ބުނެ އެވެ.
ހިތަދޫ ސަރަހައްދީ ބަނދަރު ބަލަހައްޓާ އެޗްޕީއެލުން ވަޒީފާ އިން ވަކިކުރި މުވައްޒަފަކީ 2014 އިން ފެށިގެން އެ ކުންފުނީގައި އެސިސްޓެން އޮޕަރޭޝަން އޮފިސަރެއްގެ މަގާމު އަދާކުރަމުން އައި މީހެކެވެ.
އެޗްޕީއެލް އަކީ އެމްޕީއެލްގެ ދަށުން ހިންގާ ކުންފުންޏެކެވެ.
ރައީސް އިބްރާހިމް މުހައްމަދު ސޯލިހާއި މަޖިލީހުގެ ރައީސް ނަޝީދަށް ފާޑުކީ ކަމަށް ބުނެ މުވައްޒަފަކު ވަޒީފާ އިން ވަކިކުރި އިރު، މިފަދަ މައްސަލައެއްގައި މި ސަރުކާރުގައި އެއްވެސް މުވައްޒަފެއްގެ ވަޒީފާ ނުގެއްލޭނެ ކަމަށް މީގެ ކުރިން އެތައް ފަހަރަކު އެ ދެ ބޭފުޅުން ވެސް ވިދާޅުވެފައިވެ އެވެ. ހިޔާލުފާޅުކުރުމުގެ މިނިވަންކަން އަބަދުވެސް ރައްޔިތުންނަށް އޮންނާނެ ކަމަށް މި ސަރުކާރުން ވަރަށް ބޮޑަަށް ދައުވާކުރެ އެވެ. ރައީސް އިބްރާހިމް މުހައްމަދު ސޯލިހުގެ ރިޔާސީ ކެމްޕެއިންގައި ރައްޔިތުންގެ ތާއީދު ހޯއްދެވުމަށް އެންމެ ބޮޑަށް "ވިއްކެވި" އެކައްޗަކީ ވެސް އެއީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮނޑަގޭ ދޮންއަލިއެ
04 June 2020
ތިޔަ މުވައްޒަފު މީހާ އަކީ ފާއިތުވި 6 މަސްދުވަހު އޮފީހަށް ހާޒިރުނުވާ، މަސައްކަތަށް ފަރުވާ ކުޑަ ފަރާތެއް. މެނޭޖަރ ގަޅިވުމަކީ ފަރުވާކުޑަމީހުން ވަޒީފާގައި ގެންގުޅެންޖެހޭ ކަމެއް ނޫން
ވިއްކީ
04 June 2020
ރިޔާސީ ކެމްޕޭނުގައި ވިއްކި އެއްޗެއް ގަނެގެން ތިބި ބަޔަކު މިއަދު މިކަންވެސް ދިފާއުކޮށްފަ ވާހަކަ ދައްކާނެ. އެހެން ބަޔަކު ކުރީމަ ގޯސްވެފަ ހަމަނުޖެހިފަ އަމިއްލައަށް ކުރީމަ ރަގަޅުވެފަ ޖަސްޓިފައި ކުރުން އެންމެންނަށްވެސް އޮންނަނީ.
ޝޮކްތެރަޕީ
04 June 2020
މި ސަރުކާރަކީ ރާއްޖެގެ މިނިވަންކަމާ ހަމަޖެހުން ނަގާލަމުން އަންނަ ބައެއްކަން ދިވެހިންނަ އެގޭ ހިސާބުން ނަޝީދާ އިބޫއަ ފާޑު ކިއުމުން ކަޑާ ލުމަކީ ދިވެހިން ހާސްވާންޖެހޭ ވަރުކަމެއް ނުން މިކަހަލަ އެތައް ބައެއް ކަޑާނެ. ދިވެހިން އެބަޖެހޭ ޤައުމީ ވިސްނުމަކުން ޤައުމާ ދޭތެރޭ ވިސްނަން އެހެންނޫނީ މިނިވަންކަން ހިގައިދަނެ މީ ވަރައް ވާހަކަ.
ޢަހުމަދު އީސަ
04 June 2020
މިންގަޑުސުލޫކީ ގަދަރު އިއްޒަތް މިހާރުއޮންނަ އެއްޗެއްތަ އިއްޒަތާގަދަރު މިހާރުތޯ އޮންނަންވީ ޑމޮކްރަސީގަ އިއްޒަތާގަދަރާ އޮންނައެއްޗެއްނޫން މިހާރު ވެރިއެއް ގެރިއެއްނޯންނާނެ
ވަތަން އިސްކުރަންޖެހޭ
04 June 2020
ކަޑާލި މިހަކީ ވަރައް ތެދުވެރި މީހެ. ހައްގުބަސް ބުނީމަ ސަރުކާރަ ހަޖަމް ނުވަނީ.
ކަނބިލި
04 June 2020
ސިޔާސަތުތަކަށް ފާޑު ކިޔުން މައްސަލައެއް ނޫން. ނަމަވެސް ދައުލަތުގެ މުވައްޒަފުން ފާޅުގައި ސަރުކާރަށް ފާޑުކިޔާ ވެރިންގެ އަބުރާ ބެހުމަކީ އެތިކަލީ ގޯހެއް. ސުލޫކީ ރަނގަޅު މިންގަޑެއް ހިފަހައްޓަން ޖެހޭނެ
ކެނެރީގަންޖާ
04 June 2020
ތިހެންވިއްޔާ ދައުލަތުގެ މުވައްޒަފުންނަށް ވޯޓު ލެވިގެންވެސް ނުވާނެ.
ބަހުލޫލާ
04 June 2020
ކުންފުނިތަކައް ލެވިފައިތިބި އެމްޑީންގެ ފެންވަރު ދައްކަން ފާހަގަވަނީ!!
ހޭކެނޑޭ
03 June 2020
ކޮންމެ އިންސާނަކީވެސް އިއްޒަތަކާއި ޤަދަރެއް ލިބިގެންވާ މީހެކެވެ. އެއީ ކިތަންމެ ނިކަމެއްޗަކަސް މަހުޖަނަކަސް އެކަން ހަމަޖެހިފައިއޮންނަގޮތެވެ. ކަންމިހެންހުރުމުން އިންސާނުންގެ އަބުރުކަތިލުމަކީ އަދި އަބުރަށް ހުތުރުވާގޮތަެް ކުރެހުން ކުރުހައި ރައްޔިތުންގެ މެދުގަެި އެމީހަކާއި މެދުނަފްރަތުއުފެދޭ ގޮތައްއަމަލުތައްބައްޓަން ކުރުމަކީއެއްވެސް މީހަކު ކޮއްގެންވާނެކަމެއްނޫނެވެ. މިހެންކަމުން ކަމަކީޙަޤީގަތެއް ކަމުގައިވާނަމަވަޒީފާއިންވަކިކުރުމަކީ މައްސަލަެއް ނޫނެވެ.
ދޯބެ
03 June 2020
ރ ސޯލިހު، ރ ނަޝީދުވެސް ހިއްވަރު ދެނީ ހިޔާލު ފާޅުކުރަން.. އެއީ އެއްވެސް ހެއްކެއްނެތި .ރާބޮނިއްޔޭ، އިސލާމެއްނޫނޭ، ވައްކަން ކޮށްފިޔޭ ކިޔާ މައިންނާ އަޅުވާ ގޮވުމަކަށްނޫން ވަްުދުވީ އެފަދަ އަމަލުތަކަށް ބޮޑު އަދަބު ދޭން.. މިހާރުގެ މިލިޔުމުން ކަމުގެ ހަޤީޤަތް ގެއްލި ފިތުނަ އުފެދުމަށް މަގުފަހިވާކަން ފާހަގަވެ..
ދޯދޯބެ
04 June 2020
ރ. ނަޝީދު ހިތްވަރުދިން ހިޔާލުފާޅުކުރުމުގެ ޒަމާނުގަ މައުމޫނަށް ކުރަހާފަ ހުރި ކާޓޫނުތައް ބަލާބަލަ. މައުމޫނާ ޔާމީނަށް ކުރި ވަރު އެއީ އެންމެ ރަގަޅު ކަންކަން ކަމަށް ހަދައި މިހާރު ވާ ކަންކަން އެކަނި އެއީ މައްސަލައެއް ކަމަށް ބަލާނަމަ ދެން ތިކިޔޭ އެއްޗެއް އަމިއްލައަށް ނޭގިފަ ތިހުރީ.
1234ހިޔާލު...
03 June 2020
މާލޭ ބަދަރުގެ ދަށުން އުތުރާދެކުނުގެ ބަދަރުތައް ވަކިކޮށް ރައިސް ނަޝީދުގެ ވެރިކަމުގަ ހިންގަން މަސައްކަތް ކުރިގޮތަށް އެހެން ކުންފުންޔެއްގެދަށައް ބަދަލުކުރޭ... މާލޭ ބަދަރުގެ ޑިޕާޓްމެންޓް އެއްގޮތަށް ތިތަންތަން ހިންގަން އުޅެގެން އެންމެ ކުޑަވެގެން އިދާރީ ކަންކަންވެސް ތި އުޅެނީ ނުބެލެހެއްޓިގެން... ކިހިނެތް ތިތަންތަން ކުރިއަރުވަން މަސައްކަތެއް ކުރެވޭނީ؟ ޝާހިދު އެހުންނަނީ ބޯގޮވާފަ...ނުބެލެހެއްޓޭ...