ކޮވިޑް ޖެހިގެން މަރުވީ އައިޖީއެމްއެޗުން ޕޮޒިޓިވްވި ލޭގެ ކެންސަރަށް ފަރުވާ ހޯދި މީހެއް

ދަރުމަވަންތަ ހޮސްޕިޓަލްގައި ފަރުވާ ދެނިކޮށް މިއަދު މަރުވީ އައިޖީއެމްއެޗުން ކޮވިޑް ޖެހުނު ލޭގެ ކެންސަރަށް ފަރުވާ ހޯދާ މީހެއް

16 ޖުލައި 2020 - 18:08

21 comments

ކޮވިޑް-19 ޖެހިގެން ރާއްޖޭން މިއަދު މަރުވި މީހާ އަކީ މައި ހޮސްޕިޓަލް އައިޖީއެމްއެޗުން ކޮވިޑް ޖެހުނު މީހުންގެ ތެރޭގައި ހިމެނޭ ލޭގެ ކެންސަރަށް ފަރުވާ ހޯދަމުން ދިޔަ މީހެއްކަން "މިހާރު" އަށް އެނގިއްޖެ އެވެ.

އައިޖީއެމްއެޗްގައި ކޮވިޑް-19 ފެތުރުނުކަން އެނގުނީ ކޮވިޑް-19 ފެތުރޭތީ އަޅާފައިވާ ރައްކާތެރިކަމުގެ ފިޔަވަޅުތަކަށް ބަދަލު ގެނެސްފައި ވަނިކޮށް އެ ހޮސްޕިޓަލްގެ އައިސީޔޫގައި ކެންސަރު ބައްޔަށް ފަރުވާދެމުން ދިޔަ އިންޑޮނީޝިއާގެ ފިރިހެނަކު ކޮވިޑް-19 އަށް ޕޮޒިޓިވްވުމުން އޭނާއާ ކޮންޓެކްޓްވި މީހުން ޓެސްޓްކުރުމުންނެވެ. އުމުރުން 39 އަހަރުގެ އެ މީހާ އެ ބައްޔަށް ޕޮޒިޓިވްވިކަން އެނގުނީ މި މަހު ކުރީކޮޅު، ކެންސަރު ބަލީގައި ދެވަނަ ސާޖަރީއެއް ހަދަން އެ މީހާ ޓެސްޓްކުރުމުންނެވެ. އެކަމަކު ޓެސްޓުގެ ނަތީޖާ ލިބުނީ އެ މީހާ މަރުވި ފަހުންނެވެ.

އައިޖީއެމްއެޗުގައި ކޮވިޑް ފެތުރުނީ އުސޫލަށް ގެނައި ބަދަލަކުން! https://t.co/lWlkWdwzzr
— Mihaaru (@Mihaarunews) July 5, 2020

މިއަދު މަރުވި 42 އަހަރުގެ ފިރިހެނަކީ އެނގިފައިވާ ގޮތުގައި ލޫކީމިއާ ނުވަތަ ލޭގެ ކެންސަރަށް ފަރުވާ ހޯދަން އައިޖީއެމްއެޗްގައި އެޑްމިޓްކޮށްފައި އޮތް މީހެކެވެ. އޭނާ އެޑްމިޓްކޮށްފައި އޮތީ މަރުވި އިންޑޮނީޝިއާ މީހާ ކައިރީގަ އެވެ.

އައިޖިއެމްއެޗްގައި އޮތް އިރު ވެސް ހާލު ބޮޑު މި މީހާ އަކީ ކެންސަރު ބައްޔަށް ފަރުވާ ހޯދި މީހެއް ނަމަވެސް ބަލާފައި ވަނީ ކޮވިޑް-19 ޖެހިގެން މަރުވި މީހެއްގެ ގޮތުގަ އެވެ.

ކޮވިޑް-19 ޖެހިގެން 42 އަހަރުގެ ދިވެއްސެއް މަރުވެއްޖެ https://t.co/LzOpiU03bd
— Mihaaru (@Mihaarunews) July 16, 2020

މި މަރާ އެކު، އައިޖީއެމްއެޗުން ކޮވިޑް ޖެހިގެން މަރުވި މީހުންގެ އަދަދު ތިނަކަށް އެރީ އެވެ. އަދި މިއީ ރާއްޖޭން މި ބަލީގައި މަރުވި 15 ވަނަ މީހާ އެވެ. އޭނާ މަރުވީ ކޮވިޑް-19 ޖެހޭ މީހުންނަށް ފަރުވާ ދޭން ހާއްސަކޮށްފައިވާ ދަރުމަވަންތަ ހޮސްޕިޓަލުގައި ފަރުވާ ދެމުން އަންނަނިކޮށް މިއަދު މެންދުރު ފަހު 12:25 ކަމަށް އެޗްޕީއޭ އިން ވަނީ ބުނެފަ އެވެ.

އެޗްޕީއޭގެ ޑޭޝްބޯޑުގައިވާ ގޮތުން އައިޖީއެމްއެޗް ކްލަސްޓާގައި 23 މީހަކު މިހާރު އެބަ ތިއްބެވެ. އައިޖީއެމްއެޗުން ޕޮޒިޓިވްވި މީހުންގެ ތެރޭގައި ނަރުހުންނާއި ޑޮކްޓަރަކާއި ހޮސްޕިޓަލުން ފަރުވާ ހޯދި މީހުންނާއި އެ މީހުންނާ ކޮންޓެކްޓުވި އާއިލާގެ މީހުން ވެސް ހިމެނެ އެވެ.

އައިޖީއެމްޗްގައި ކޮވިޑް-19 ފެތުރު ފަހުން މިހާރު އަނެއްކާ ވެސް ވަނީ އިމަޖެންސީ ކޭސްތައް ފިޔަވައި އެހެން ހާލަތްތަކުގައި، ކޮވިޑް-19 އަށް ޓެސްޓުކޮށް ނަތީޖާ ލިބުމުން ނޫނީ އެޑްމިޓްކޮށް ފަރުވާ ނުދޭ ގޮތަށް އުސޫލު ބަދަލުކޮށްފަ އެވެ.

ރާއްޖޭން އިއްޔެގެ ނިޔަލަށް 2،831 މީހަކަށް ކޮވިޑް-19 ޖެހިފައި ވާއިރު އޭގެ ތެރެއިން 2،320 މީހަކު ވަނީ ރަނގަޅުވެފަ އެވެ. އަދި 15 މީހަކު ވަނީ ބަލި ޖެހިފައި ވަނިކޮށް ރާއްޖޭން ބޭރަށް ގޮސްފަ އެވެ. އެހެންވެ މިހާރު ރާއްޖޭގައި ތިބި އެ ބަލީގެ މީހުންގެ އަދަދަކީ 481 އެވެ.

އައިޖީއެމްއެޗު ހެލްތު ޕްރޮޓެކްޝަން އެޖެންސީ ކެންސަރު ސިއްހަތު ބަލިތައް މަރު

21 ކޮމެންޓް, 99 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚިޔާލު

16 July 2020

ކުޑަ ހުސެން ޖެއްސީ ރަގަޅު މައްސަލައެއް. އެއީ އިމަޖެންސީގައި އޭނާގެ ދަރިފުޅު ޓެސްޓު ނުކޮށް ފަރުވާ ދޭން ހޮސްޕިޓަލުން ދެކޮޅު ހެދުމުން. ދެން އެސްއޯޕީ ބަދަލުކުރީ އެއަށްވުރެ ވެސް ނުބައިކޮށް. އެއީ އަލާމާތެއް ނެތް ނަމަ ޓެސްޓު ނުކުރާ ގޮތަށް. މީގައި ހުސެން ގެ މައްސަލައެއް ނެތް. އޭނާ ސޯޝަލް މީޑިއާގައި ވާހަކަ ދެއްކުމުގެ ހައްގު އޭނާއަށް އެބައޮތް. މައްސަލަ އޮތީ ހޮސްޕިޓަލް ހިންގަން ތިބި ނާގާބިލް ފަރާތްތަކުގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާ

16 July 2020

ވަރަށް ދެރަވެއްޖެ އިހުމާލަކުން މިކަންވީމަ. މަރުހޫމަށް ސުވަރުގެ މިންވަރު ކުރައްވައި އާއިލާއަށް ކެތްތެރިކަން ދެއްވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

16 July 2020

ހޮސްޕިޓަލުގެ އިހުމާލުން 3 މަރު. ހޮސްޕިޓަލާ ދެކޮޅަށް ދައުވާ ކުރުމަށް އެމީހުންގެ އާޢިލާތަކަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދަބު

16 July 2020

ޢެޗްޕީއޭގެ އެންގުންތަކާ ހިލާފުވާ މުއައްސަސާތަކަށް ފިޔަވަޅު އަޅަން ގޮވާލަން. ފުރާނައާ ގުޅޭ ކަންކަމަކީ ސަކަރާތަކަށް ހަދަން ފުރުސަތު ދީގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްމާ

16 July 2020

ނަތީޖާ ލިބެން ދެން މަޑެއް ނުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ރާމީ ހަސަން ނިއުޔޯކް/އެމެރިކާ

16 July 2020

ހަޤީޤަތުގައި ހެލްތު މިނިސްޓަރ އަށް މާ މައްސޫލިއްޔަތު ބޮޑީ. ރާއްޖޭގެ ހެލްތު ސިސްޓަމް ކުރިއަށް އޮތް ތަނުގައިވެސް ރަނގަޅު ކުރެވޭނީ ރާއްޖެތެރޭގެ ސިއްހީ ދާއިރާ އަށާއި ހޮސްޕިޓަލް ތަކަށް މިނިސްޓަރ އޮފް ހެލްތު ފޮރ ރީޖަނަލް ހެލްތު އެފެއަރސް އަކާއި ސެންޓްރަލް ދާއިރާ ތަކަށް މިނިސްޓަރ އޮފް ހެލްތު ފޮރ ސެންޓްރަލް ހޮސްޕިޓަލްސް އެންޑް ހެލްތު އެފެއަރސް އެއް ހުންނަވާގޮތަށް ވަކިކުރެވިގެން. އޭރުން މަޖްލިސް މެމްބަރުނަށްވެސް މިބޭފުޅުންނާއި ޑީލްކުރަން ފަސޭހަވެ، ޖަވާބުދާރީކުރުވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑޭށި

16 July 2020

ކޮސް ނުގޮވާ. އައިޖީއެމްއެޗް ހިންގަނީ ހެލްތު މިނިސްޓްރީ ބެލުމުގެ ދަށަކުން ނޫން. އެތަން ހިންގަނީ ވަކި ގަވަނިން ބޯޑަކުން ސީދާ ރައީސް އޮފީހުގެ ބެލުމުގެ ދަށުން. ރައީސް އޮފީހުން މިކަމާ ހަވާލުވެ ހުރީ އެ އޮފީހުގެ މިނިސްޓަރު އަލީ ޝިޔާމު. ކޮންމެ މީހަކުވެސް އެ މީހެއްގެ ޒިންމާ ފުރިހަމައަށް އަދާކުރީމަ ހުންނާނީ ރަނގަޅަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރަނި އަރަނި

16 July 2020

މި އުޅެނީ ހެލްތު މިނިސްޓަރުގެ ޒިންމާ އޮތް ކަމެއްގައި އިހްމާލެއް ވެގެން ވިއްޔާ. ވާނުވާ ނޭނގުނަސް ކޮންމެވެސް އެއްޗެއް ގޮވާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ރާމީ ހަސަން ނިއުޔޯކް/އެމެރިކާ

17 July 2020

(1) ރައީސް އޮފީހުގެ ގަވަރނިންގ ބޯރޑަކުން ހިންގެވި ނަމަވެސް ޑޮކްޓަރަށް ދައްކަން ނަންބަރު އެއް 3 މަސްފަހުން ލިބުމަކީ ބޮޑުމައްސަލައެއް. މިއީ ޤަބޫލް ކުރެވޭނޭ ކަމެއް ނޫން. (2) ކޮމެންޓް ރަނގަޅަށް ވިދާޅުވުން އެދެން. ހުރިހާ ހެލްތު ދާއިރާ އެއްގެ ކަމެއްގައިވެސް ޖަވާބުދާރީ ވާތަން ފެންނަނީ ހެލްތު މިނިސްޓަރ. ޢަލީ ޝިޔާމް ޖަވާބު ދެއްވާ ތަނެއް ނުފެނޭ. އެހެންކަމުން ކުރިއަށް އޮތް ތަނުގެ ވާހަކަ އަޅުގަނޑު ލިޔެފައިވާނީ. (3) ކޮންމެ ކަމެއް ސިޔާސީ ކޮށް ރުޅިގަދަ ވުމުން ޤައުމަށްވާނީގެއްލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރަނި ބަރަނި2

17 July 2020

ޑޮކްޓަރ ރާމީ އެވިދާޅުވީ ރަނގަޅަށް. ޤާނޫނީ ގޮތުން އައި.ޖީ.އެމް އެޗް ގެ ކަންކަމާ ޒިންމާވާނީ ހެލްތު މިނިސްޓަރ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިތެޔޮ

17 July 2020

އެހެންވީމަ ސިޔާސީ ނުކޮށް އަލީ ޝިޔާމް ޖަވާބުދާރީ ކުރުވަބަލަ. ޕާޓީ މީހެެއްް ވިއްޔާ އަބަދުވެސް ޒިންމާކުރުވުމެއް ނެތީތަ؟ އަޖައިބެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިރާސީ

17 July 2020

ބަރަނި ބަރަނި 2އަށް: މަޖިލީހުގެ ތަޅުމުން ކަންކަން ނިންމާ ގޮތަށް ޗާޓުން ބޭރުން ހެލްތު މިނިސްޓަރުގެ މެންޑޭޓުގައި ނުހިމެނޭ ކަމެއް އޭނާ ބޮލުގައި އަޅުވަންތޯ ތި އުޅެނީ؟ ޢެހެން އެކަން ކުރަން ބޭނުން ނަމަ ނިޒާމުގައި ބަޔާން ކޮށްފައިވާ ހަމަތަކާ އުސޫލުތަކުގެ މަތިން އެކަން ކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްފަ

17 July 2020

ޔާމިނު އަމިއްލައަމިއްލަ އަށްކޮށްފައި ކިތަންމެ ކަމެއްއެބަހުރި. އައިޖީއެމްއެޗް ރައީސް އޮފީހަށްބަދަލުކުރުން. ޔާމިނު އަމިއްލައަމިއްލަ އަށް ކުރާކަންކަމަކީ ޤާނޫނެއް ނޫން. ޤާނޫނުގައި ކަނޑައެޅިގެން ލިޔެވިފައިއޮވޭ ހެލްތުގެ ހުރިހާކަމެއްގައި(އިންކްލޫޑިންގް އައިޖީއެމްއެޗް)ޒިންމާ ނަގާނީ ހެލްތި މިނިސްޓަރު ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީދާ

17 July 2020

ޔާމިނު އަމިއްލަ އަމިއްލަ އަށް ހަދާ މެންޑޭޓް އަކީ ޤާނޫނެއް ނޫން. އައިޖީއެމްއެޗް ހިންގުން ރައީސް އޮފީހުން ހިންގާ މެންޑޭޓެއް ޤާނޫނުގައި ލިޔެވިފަކާ ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

16 July 2020

ކޮބާ މިކަމުގައި ބަހެއް ބުނެލާނެ ސިޔާސީ ވެރިއެއް ނެތްދޯ؟ ލޮކްޑައުން މުއްދަތުގައި ދަތުރުފަތުރު ބަންދުވެ މުޅި ގައުމު އެހާ ތާށިކޮށް އޮތްއިރު އިހުމާލެއްނެތި ކުއްޖަކު ބަނޑަށް މަރުވެގެން ސިޔާސީ ވެރިން ހީވީ ސޯޝަލް މީޑިޔާއަށް އުދަ އަރުވާލިހެން. ކޮބާ ޑރ.ވަހީދު މިއަދު؟ ސީދާ އިހުމާލެއް އޮވެގެން 3 ފުރާނަ ދިޔައިމަވެސް ބަހެއް ބުނެލަން ނުކެރޭ ދޯ؟ ކޮންމެ މީހަކުވެސް މި އުޅެނީ ތިމާގެ އަމިއްލަ ފާއިދާއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯސަލް

16 July 2020

ކަމެއްވާއިރަށް ހޭބޯ ނާރާ ސޯޝަލް މީޑިއާގަ ދެފައިތެޅާފަ ބޮޑާތަ ހާކަންވީ. ކުށްވެރި ނުކުރާކަށް މީހެއް ނެތް. ކަމުދާ އުސޫލެއް އޮތްކަމުގައެއްނުވި. މިހާރު އެނގިފަ އޮންނާނި އުސޫލު އެހެން އޮތީ ކީއްވެކަން. ހާލަތަށް ބަލާފަ ޓެސްޓު ކޮށްފަ ފަރުވާދޭން މަޑުކުރަން ބުނީމަ އެކަން ކަމުނުގޮސްގެން އެކަމުގެ ރުޅި ބޭލި ކުޑަ ހުސައިނަށް މިއަދު އެއްޗެއް ވިސްނޭނެބާ؟ ސޯޝަލް މީޑިޔާގައި ފާޅުކުރާ އުދާސްތަކަށް ބަލައިގެން ޕޮލިސީ ބަދަލުކުރި މީހުންނަށްވެސް ވަރަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޔަލް ޕާޑަން

16 July 2020

އައިޖީއެމްއެޗުން ފަރުވާ ކުޑަކޮށްގެން އުފެދުނު ކްލަސްޓާގެ ސަބަބުން 3 ފުރާނަ މި ދިޔައީ. ޒިންމާ ނަގާނެ ފަރާތެއް، ޒިންމާ ކުރުވާނެ ފަރާތެއް ހަމަ ނެތީތަ؟ ސާބަހޭ