އިންޑިއާ އައުޓް ހަރަކާތުގެ ބައިވެރިންނަށް ކުރީގެ ރައީސް އަބްދުﷲ ޔާމީން ސަލާމްކުރައްވަނީ. -- ފޮޓޯ: ޕީޕީއެމް
16 ޖެނުއަރީ 2022 - 11:03
79 comments
އުމުރުން 18 އަހަރު ފުރޭ އެންމެންނަށް 2030އާ ހަމައަށް މާލެ ސަރަހައްދުން ބޯހިޔާވަހިކަމެއް ހޯދައިދޭން އެ މަނިކުފާނުގެ ރިޔާސީ ދައުރުގެ ތެރޭގައި ވެވަޑައިގަތް ވައުދު އަދިވެސް ދޫކޮށްނުލައްވާ ކަަމަށާއި ޕީޕީއެމަށް 2023 ގެ އިންތިހާބު ކާމިޔާބުވެއްޖެ ނަމަ އެއީ އަދިވެސް ކުރާނެ ކަމެއް ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ށ. ކޮމަންޑޫ ދާއިރާގެ ބައި އިލެކްޝަންގައި ޕީޕީއެމްގެ ކެންޑިޑޭޓް މޫސާ ފަތުހީ އަށް ތާއީދު ހޯއްދެވުމަށް އެ އަތޮޅު ފޯކައިދު އަށް ވަޑައިގެން ސަޕޯޓަރުންނާ ބައްދަލުކުރައްވައި ޔާމީން ވިދާޅުވީ، ޒުވާނުންނަށް ބޯހިޔާވަހިކަން ހޯދައި ދިނުމަކީ އެ މަނިކުފާނު އިސްކަން ދެއްވި ކަމެއް ކަމަށެވެ. ދެ ވަނަ ދައުރަކަށް ހޮވިވަޑައިގެންފި ނަމަ، 2030އާ ހަމައަށް 18 އަހަރު ފުރޭ އެންމެންނަށް ބޯހިޔާވަހިކަން ހޯދައިދޭނެކަން އޭރު އިއުލާން ކުރެއްވީ އެކަން ކުރެއްވުމުގެ އަޒުމް އޮތުމުން ކަމަށް ވިދާޅުވި އެވެ.
"އެއީކީ ފަސޭހަ ކަމެއް ނޫން, ކުޑަ ކަމެއް ނޫން. ބޮޑު ޒިންމާއެއް. ބޮޑު މަސްއޫލިއްޔަތެއް, ހޭދަ ބޮޑު ނިންމުމެއް. ނަމަވެސް އަޅުގަނޑުމެންގެ ޕާޓީގެ އަޒުމަކީ އެއީ. އަޅުގަނޑުމެން އިރާދަކުރެއްވިޔާ އެކަން ކުރީމުސް،" މިހާރުގެ އިދިކޮޅު ލީޑަރު ޔާމީން ވިދާޅުވި އެވެ.
އެ މަނިކުފާނު ވިދާޅުވި ގޮތުގައި 2023ގެ ރިޔާސީ އިންތިހާބުގައި ޕީޕީއެމާ ވެރިކަން ހަވާލުކޮށްފި ނަމަ ބޯހިޔާވަހިކަމުގެ އެ ވައުދު އެ ޕާޓީން ކުރިއަށް ގެންދާނެ އެވެ. އުމުރުން 18 އަހަރު ފުރޭ އެންމެންނަށް މާލެ ސަރަހައްދުން ފްލެޓެއް، އެޕާޓްމަންޓެއް ނުވަތަ ގެދޮރުވެރިކަމުގެ ކޮންމެވެސް ގޮތެއް ހޯއްދަވައި ދެއްވާނެ ކަމަށް ވިދާޅުވި އެވެ.
"އަދިވެސް އިރާދަކުރެއްވިއްޔާ އަޅުގަނޑުމެންގެ ސަރުކާރެއްގައި އެކަން ކަށަވަރުކޮށްދޭން ކުރެވެން އޮތް މަސައްކަތެއް ކުރާނަން،" ޔާމީން ވިދާޅުވި އެވެ.
އެ މަނިކުފާނު ވިދާޅުވީ ކޮމަންޑޫ ދާއިރާގެ ރައްޔިތުން ބޭނުންވާ ހިދުމަތުގެ ލިސްޓު ދިގު ކަމަށެވެ. އެ ދާއިރާގެ ރައްޔިތުންނަށް ދިގުވެލިދޫގައި އެއާޕޯޓެއް އަޅައިދޭނެ ކަމުގެ ވައުދަށް ޔަގީންކަން ދެއްވަމުން ވިދާޅުވީ، މަސްވެރިން ބޭނުންވާ ކަންކަމާއި ޒުވާނުންނަށް ބޭނުންވާ ވަޒީފާގެ ފުރުސަތުތައް ތަނަވަސް ކޮށްދޭން ޖެހޭ ކަމަށް ޔާމީން ވިދާޅުވި އެވެ. ތަރުތީބެއްގެ ތެރެއިން ޒުވާނުން ބޭނުންވާ ކަންކަން ޕީޕީއެމްގެ ވައުދެއްގައި ކުރިއަށް ގެންދާނެ ކަމަށް ވެސް އެ މަނިކުފާނު ވިދާޅުވި އެވެ.
ކޮމަންޑޫ ދާއިރާގެ ގޮނޑި އިދިކޮޅު ޕީޕީއެމަށް ދޭން ޖެހޭ ސަބަބަކީ ދާއިރާގެ އަޑު މަޖިލީހުގައި އިއްވުން ކަމަށާއި އެ ފުރުސަތު ދެއްވަން ޔާމީން އެދިވަޑައިގަތެވެ. އެ މަނިކުފާނުގެ ވާހަކަފުޅުގެ ބޮޑު ބައި ރޭ ވެސް ހޭދަކުރެއްވީ އިންޑިއާގެ ނުފޫޒަށް ސަރުކާރުން ބޯލަނބައި ގައުމުގެ މިނިވަންކަން ނިގުޅައިގެންފި ކަމުގެ ތުހުމަތާ އެކު ފާޑުވިދާޅުވުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
18 January 2022
ކަލޯ ޔާމީނޫ މާލޭ މީހުންގެ ވޯޓާ ނުލާ ކަލޯއަށް އިންތިހާބު ކާމިޔާބުނުވާނެ! ޔާމީނޫ މާލޭ މީހަކަށް ވެ ހުރެ މާލޭ މީހުންގެ ގަޔަށް ފައިން އަރާފައި ދެންވެސް އަރާނަމޭ ބުނާ މީހަކަށް މާލޭ ރައްޔިތުންގެ ވޯޓެއް ނުލިބޭނެ! ކަލޯ ހީކުރީ މާލޭ މީހުން ކަލޯއަށް ވޯޓް ދޭނެ ކަމަށްތަ؟
ވާނެކަމަށް
16 January 2022
ޔާމީނު އޮތީ 7000 އަޅާ ދައްކާފަ. އެސޮރު 18000 ފްލެޓްވެސް އަޅާފާނެ. މިދައުރުގަ އަދި ބިންގަލެއް ނުފެނިގެން މިއުޅެނީ. ބުރިޖު ބިން ހުސްކޮށްފިޔޭ ކިޔާ އަޑުއިވޭ
ރަށު ޒުވާނާ
16 January 2022
ފުލެޓް އަޅާ ވަރަކަށް ރާއްޖެތެރެއިން ލިބޭ ހިދުމަތްތައް ދަނީ މަދުވަމުން. ތަރައްގީއަކީ ހަމައެކަނި މާލެ ސަރަހައްދަށް އެންމެން އެއްތަން ކުރުންތޯ
ބުރިޖުހަވޭލި
16 January 2022
ތިހާ ރައްޔިތުންނަށް ހެޔޮއެދޭމީހެއް ނަމަ ލޮނުޒިޔާރަތްކޮޅުގައި ދަރަންޏަށް ތިއަޅާ ބުރިޖުހަވޭލި ރައްޔިތުންގެ ބޯހިޔާވަހިކަމަށް ޚައިރާތަށް ދޫކޮށްލަންވީނު. މިއިން ކޮންމެ މީހަކު ބަނޑުފުރެންދެން ކައިގެންތިބެ ވަރަށް މޮޅެތި ވާހަކަ ދައްކާނެ.
އިދުރީސް އެންޑް އިސްޙާޤް
16 January 2022
ޖީބަށް ބައެއް ކަހާނުލާ މީނާއަށް އެއްވެސްކަމެއް ކުރެވޭނެބާ؟
ޙހހވވވ
16 January 2022
ފްލެޓޭކިޔައިގެން ސިޔަސީމިހުންކުޅެނީ ރައްޔިތުންގެއިހުސާސްތަކާ
ޖުމާދުލްއޫލާ
16 January 2022
ފުލެޓަކީ ކޯއްޗެއްތަ؟ އަހަރެމެންގެ ސައިޒަކީ ކުޑަ ފުލެޓު ގަނޑެއް ކަމަށް ސިޔާސީ މީހުންނަކަށް ނުހެދޭނެ. އަހަރެމެން ބޭނުންވަނީ ފުލެޓެއް އެކަނިތަ؟ ފުލެޓަކީ ކޮބާތަ؟
އަފްރާސިޔާބު
16 January 2022
ތިޔަހެން ނުބުނޭ. 500 އަކަފޫޓްގެ ހަތަރު ފާރުތެރޭ މަރުވާންދެން އުޅެވިދާނެ. ކިހާ ސަޅި 25 ބުރީގެ ޓަވަރުތައް. ބެލްކަނީން ނުކުމެ އަތިމައްޗަށް ބަލާލާފައި އައިސް އެނދުގާ ޖައްސާލައިގެން ނިދާލާފައި ހެނދުނު ނުކުމެ މަސައްކަތްކޮށްގެން ފައިސާ ހޯދައި ކުލިދައްކާލާފައި އަނެއްކާވެސް ބެލްކަންޏަށް ނުކުމެ އަތިރިމަތިބަލާލާފައި ނިދަން އޮތީމާ ނިމުނީނުން. ޖަލު އެއްގޮތަކުން ރަނގަޅު. ނިދަން ލިބިފައި މަސައްކަތެއް ނުކޮށް ކާންބޯން ލިބޭނެ. ބިލެއް ދައްކާކަށް ނުޖެހޭނެ.
އައިމީ
16 January 2022
18 ފުރުމާއެކު ޕޕމ އަށް ސޮއެ ކުރުން މަޖުބޫރުވާނެ. ކޮންމެ ޕޕމ ޖަލްސާ އަކަށް ދާން މަޖުބޫރުވާނެ ސަރުކަރުގެ ބާރު ހިގާ އެއްވެސް ވަޒީފާ އެއްގައި ހުރިނަމަ. ޕާޓީގެ ކުރިއެރުމަށް ހިލޭ ސާބަހަށް މަސައްކަތް ކުރަން ޖެހޭނެ. ހުރިހާ އިންތިހާބަކަށް ނުފޫޒު ފޯރުވައިގެން އާއިލާގެ މެންބަރުންގެ ވޯޓު ހޯދަން މަޖުބޫރުވާނެ. ފުލެޓު ނުލިބުނަސް މިކަން ކަން ކުރިއަށްދާނެ. ވ ސަލާމް.
މައިއީ
16 January 2022
އެމް.ޑީ.ޕީ ވެސް ހަމަ މިހެން ބޯހަލާކު
އައިމީ
16 January 2022
މިހާރު އެއްބަޔަކަށް ހީވާނެ އޭ ތެދެކޭ! ޜާއްޖޭގައި 18 ވުމަށްފަހު ވަޒީފާ އަދާ ކުރާ ކުއްޖަކު މަދުވާނެ. ފެންނަނީ 25 ވާއިރުވެސް މައިންބަފައިން ދިނީމަ ކައިގެން އުޅޭތަން. ހިލޭ ނުދޭނެ ކަން ކަޝަވަރު.
ހަނުހުންނަ މީހާ1
16 January 2022
އަލަތުކާވެންޏާއެކު ފުލެޓްދޭންބުނެގެން އެއްފަހަރު ވޯޓްދީފިން މުސްލިމެއްގައިގަ އެއްހަރަކުން ދެފަހަރު ކައްޓެއް ނުޖެހޭނެ.
އަލީ އަސްފާގު
16 January 2022
ޔާމީނުގެ ވާހަކަ ކިހާ ސަޅި.. އެކަމު ރައްޔިތުންނަށް ކޮއްދިން ކަމަކީ ކޮބާ. އަނިޔާވެރި ޔާމީނު މި ރާއްޖޭގެ ވެރިކަމަށް ކުރިމަތި ނުލާނެ ކަމަށް ހީކުރަން،، ޔާމީނާއި އަދީބަކަށް ތާއީދެއް ނުކުރަން، ޔާމީނު ބޭނުންވަނީ އަދީބު ކަހަލަ ޒުވާނުން