އިންޑިއާއިން ރާއްޖެއަށް 27،000 ޓީބީ ބޭސް ގުޅަ ހަދިޔާކޮށްފި

އިންޑިއާއިން ރާއްޖެއަށް ހަދިޔާކުރި ޓީބީ ބޭސް، އިންޑިއާ ހައިކޮމިޝަންގެ ޗާޖު ޑި އެފެއާޒް ރޯހިތު ރަތީޝް (ވ)، ހެލްތުގެ ސްޓޭޓް މިނިސްޓަރު ޝާހް އަބްދުﷲ މާހިރްއާ ހަވާލުކޮށްދެއްވަނީ -- ފޮޓޯ: ހެލްތު މިނިސްޓްރީ

އިފްރާޒް އަލީ، މިހާރު

20 މެއި 2022 - 11:59

15 comments

ރާއްޖެއިން ޓީބީ ނައްލާތުމުގެ ގައުމީ ކެމްޕެއިނަށް އެހީވުމުގެ ގޮތުން އިންޑިއާ ސަރުކާރުން ރާއްޖެއަށް، އެންޓި-ޓީބީގެ އެކި ބާވަތުގެ 27،000 އަށް ވުރެ ގިނަ ބޭސް ގުޅަ ހަދިޔާކޮށްފި އެވެ.

ރޯޝަނީ ބިލްޑިންގައި އިއްޔެ ބޭއްވި ރަސްމިއްޔާތެއްގައި ރާއްޖޭގައި ހުންނަ އިންޑިއާގެ ހައިކޮމިޝަނުން ވަނީ އެ ބޭސް ހެލްތު މިނިސްޓްރީއާ ހަވާލުކޮށްފަ އެވެ. އެ ރަސްމިއްޔާތުގައި، ހެލްތުގެ ސްޓޭޓް މިނިސްޓަރު ޝާހް އަބްދުﷲ މާހިރްއާ އެ ބޭސްތައް ހަވާލުކޮށްދެއްވީ، ހައިކޮމިޝަންގެ ޗާޖު ޑި އެފެއާޒް، ރޯހިތު ރަތީޝް އެވެ.

އިންޑިއާ ހައިކޮމިޝަނުން ނެރުނު ނޫސްބަޔާނެއްގައި ބުނީ، ހަދިޔާކުރެވުނު ޓީބީ ބޭހަކީ 2025 ވަނަ އަހަރަށް ޓީބީގެ ބަލި ރާއްޖެއިން ނައްތާލުމަށް ކުރަމުން އަންނަ މަސައްކަތަށް ދެވޭ އިތުރު އެހީއެއް ކަމަށެވެ. އަދި ހަދިޔާކުރެވުނު ބޭސްތަކުގެ ތެރޭގައި އެންޓި-ޓީބީގެ އެކި ބާވަތުގެ 27،000 ވުރެ ގިނަ ބޭސް ގުޅަ ހިމެނޭނެ ކަމަށެވެ.

Handover ceremony held today for donation of Anti-TB drugs to Ministry of Health , @HPA_MV by the Government of India @HCIMaldives pic.twitter.com/AwJopniL1j
— Ministry of Health (@MoHmv) May 19, 2022

ޓީބީ ބޭސްތައް ހަދިޔާކުރީ އިންޑިއާގެ "ނެއިބަހުޑް ފަސްޓް" ސިޔާސަތުގެ ދަށުން، އެ ގައުމުގެ ނެޝަނަލް ޓިއުބަކިއުލޮސިސް އެލިމިނޭޝަން ޕްރޮގްރާމް (އެންޓީއީޕީ)ގެ ސްޓޮކްއިން ކަމަށާއި ރާއްޖޭގެ ސަރުކާރުން ސިއްހީ ދާއިރާ ކުރިއެރުވުމަށް ކުރަމުން އަންނަ މަސައްކަތުގައި އިންޑިއާ އިން އެހީތެރިކަން ދިނުމުގައި ސާބިތުކަމާ އެކު ދެމި ތިބޭނެ ކަމަށް ވެސް އެ ބަޔާނުގައި ބުންޏެވެ.

ޓީބީ އަކީ ސަލާމަތްތެރިވެ، އެއިން ރަނގަޅުވެވޭ ބައްޔަކަށް ވިޔަސް، ދުނިޔޭގައި އެންމެ ހަލުވިކަމާ އެކު ފެތުރި އަދި އޭގެ ސަބަބުން އެންމެ ގިނަ މީހުން މަރުވަމުންދާ އެއް ބައްޔެވެ. ދުނިޔޭގައި ޓީބީ ޖެހޭ މީހުންގެ އަދަދުގެ 43 ޕަސެންޓަކީ، ރާއްޖެ ހިމެނޭ ދެކުނު އޭޝިއާގެ ގައުމުތަކުގެ މީހުން ކަމަށްވާއިރު، ބޭސްފަރުވާއިން ރަނގަޅު ކުރެވޭ މީހުން ވެސް އެންމެ ގިނައީ މި ސަރަހައްދުގައި ކަމަށް ތަފާސްހިސާބުތަކުން ދައްކަ އެވެ.

2025 ah raajje in TB nahthaalanee

The most trusted news source in the Maldives

Mihaaru

ރާއްޖެ އިން ޓީބީ ނައްތާލުމުގެ ގައުމީ ކެމްޕެއިނެއް ސަރުކާރުން ފެށީ 2018 ވަނަ އަހަރުގަ އެވެ. އެ ކެމްޕެއިންގައި އަމާޒަކަށްވީ 2022 ގެ ކުރިން ރާއްޖެއިން އެ ބަލި ނައްތާލުމެވެ. ނަމަވެސް ކޮވިޑް-19ގެ ހާލަތާ ގުޅިގެން އެ އަމާޒު 2025 ގެ ނިޔަލަށް ހާސިލްކުރަން ނިންމި އެވެ.

ސިއްހަތު އިންޑިއާ އިންޑިއާ ހައި ކޮމިޝަން ރާއްޖެ-އިންޑިއާ ޓިއުބަކަލޯސިސް ހެލްތު މިނިސްޓްރީ ޝާހް އަބްދުﷲ މާހިރު

15 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަނެއްހިސާބު

21 May 2022

ޓީބީއަކީ 6 މަސް ނުވަތަ 9 މަހަށް ބޭސްކުރަންޖެހޭ ބައްޔެއް ކަމަށް އެނގިފަ އޮތީ. އެހެންވީމަ ދުވާލަކަށް އެންމެ މަދުވެގެން 2 ބޭސްގުޅަ ކައިފިނަމަ ކިތައް މީހުންގެ ބޭސްފަރުވާބާ 27،000 ގުޅައިން ހަގީގަތުގަ އެ ކުރެވެނީ؟ ދެން އުފެދޭ ސުވާލަކީ މިގައުމުގެ ރައްޔިތުންނަށް ނޭނގި މިގައުމުގަ ޓީބީ މާ ގިނަވަނީބާއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީޓީޔޫ

21 May 2022

އަނެއްކާ ވެކުސިން ގޮތަށް، ތިޔަ ކާން މަޖުބޫރު ނުކުރުވައްޗޭ އެންމެނަށް، ހިލޭ ލިބުނު އެއްޗެކޭ ކިޔާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞިޞީ

21 May 2022

ޓީބީ ފަރުވާއަކީ ހިލޭ ޑަބްލިޔޫ އެޗް އޯ އިން ގައުމުތަކަށް ފޯރުކޮށްދޭ ފަރުވާއެއް....މިއީވެސް އިންޑިޔާގެ އެހީ ދައްކަންކުރާ ކަންތަށް....ސަރުކާރުން މިވަރުގެ ބޮޑެތި އެހީހޯދާފާ ބިންދޫކުރަނީ...2023 މިސަރުކާރުން ހަނދާންނައްތާލާ...ފުދިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީބީ

20 May 2022

ޓީބީ އޮތީ ނައްތާލާފައެއްނޫންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޅަބޭސް

20 May 2022

27،000 ގުޅަ، ކާޑެއްގައި އެވަރޭޖްކޮށް 12 ގުޅަ،2250 ކާޑު، ފޮއްޓެއްގައި 10 ކާޑު (އާއްމުކޮށް އެއަށްވުރެ ގިނަވާނޭ)ގެ ރޭޓުން ހެދިޔަސް 225 ފޮށި، އެހެންވީމާ ގައިގަނޑަކަށް 19 ޑަޒަން ބޭސް. ސުރުހީއަޅަން މޮޅުބައެއް އިންޑިއާ އެންބަސީއަކީ. 3ވޭން، 1000 ބިންބިގަސް، 1 މިލިއަން ކުދިބަތް އޮށް، 3 މިލިއަން ބްރައިން ޝްރިިންޕް ބިސް. މުޅިންވެސް މިކަހަލަ ކޫސަނި އެހީ ދީފަވެސް ސުރުހީ ބޮޑުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

20 May 2022

މިސަރުކާރުން ހޯދި ބޭރުގެ އެންމެ ބޮޑުއެހީ. ސެންޓްރަލް ޕާކުކުގައި ޗާޖިން ސްޓޭޝަނެެއް ހެދުމާއި ބޭސް ގުޅައެއް ހޯދުމާައި، އިންޑިއާގެ އެހީގައި ލޯންޗެއް ހޯދުން މިސަރުކާރުގެ މެގަ ޕްރޮޖެކްޓްތައް. މިވަރުންވެސް 2023 ހޯދަންއެބައުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރަހާ

20 May 2022

ރާއްޖޭގައި ތިބަލި ފެތުރޭނަމަ އޭގެ ސަބަބަކީ މިގައުމުގައި ތިއްބަވާ ބަންގާޅީބޭފުޅުން. އެގައުމަކީ މުޅި ދުނިޔޭގައިވެސް އެބަލި އެންމެ ގިނަ އެއްގައުމު. އަދި ބަލި ފެތުރޭގޮތަށް އާދަަތައް ގެންގުޅުން އާންމު ބަޔަކު އުޅޭ ތަނެއް. މިގައުމުގެ މަގުމަތިން އެކަން ފެނޭ. އެކަމަކު އެބޭފުޅުންނަކީ ހިމާޔަތް ކޮށްފައި ދިވެހިރާއްޖޭގައި ތިއްބަވާ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

20 May 2022

އިންޑިއާ މިހާރު ބޮޑު ޖޯކަކަށް ވެއްޖެ. މައުލޫމާތު ކުށްކަމުގައި ނުވާނަމަ އައިޖީއެމްއެޗް އެޅުމަށް 11 އަހަރު ހޭދަވި. ދެން އެވަރުގެ ބަޔަކަށް ރާއްޖޭގެ ސިއްހީ ދާއިރާ ކުރިއެރުވުމަށް ކޮށްދެވޭނީ ކޮންކަމެއް؟ މައްސަލައަކީ ސަރުކާރުތަކުގެ މައްސަލަ. ސަރުކާރުތަކުން އިންޑިއާގެ އުނގަށް ވެއްޓިގަންނަނީ. އެހިސާބުން އިންޑިއާއިން ހަދަނީ ހަދާނެއެއްޗެއް. އޭގެ ބަދަލުގައި އަމިއްލަ މަސައްކަތުން ރާއްޖޭގެ ސިއްހީ ނިޒާމް ކުރިއަރުވަން މަސައްކަތް ކުރީމައި ހުންނާނީ ރަނގަޅަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމްބަރުޕުލޭޓޫ

20 May 2022

މިހާރު ބަޔަކު ހޭބުއްދި ފިލައިދިޔަޔަސް ރާއްޖޭގެ ސިއްހީ ދާއިރާއަށާއި ދިވެހިންގެ ސިއްހަތައް މިހާތަނަށް އެންމެ ބޮޑު އެހީތެރިކަމެއް ފޯރުކޮށްދީފައި އޮތީ އެގައުމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހަކު

20 May 2022

މިއީ އިންޑިއާއާއި ގާތް ގުޅުން ބާއްވަން ޖެހޭ ސަބަބަކީ؟ މިހުރީ މުޅި ޤައުމާ ނުބައްދަލު ބޮޑަތި އެހީ. މުޅި ޤައުމު ވިއްކައިގެންވެސް ހަތާވީސް ހާސް ބޭސްގުޅަ މިރާއްޖެއިން ހޯދާނީ ކިހިނެތް؟