ޚަބަރު / އަހުމަދު ނަސީމް، ހެލްތު މިނިސްޓަރު

2025ގެ ނިޔަލަށް ރާއްޖެއިން ޓީބީ ނައްތާލެވޭނެ: މިނިސްޓަރު

2018 ވަނަ އަހަރުވެސް ރާއްޖެއިން ޓީބީ ނައްތާލުމަށް ހާއްސަ ކެމްޕޭނެއް ލޯންޗުުކުރި. އޭރު އަމާޒުހިފީ 2022 ވަނަ އަހަރުގެ ކުރިން ރާއްޖެ އިން ޓީބީ ނައްތާލުމަށް

ޓީބީ ނައްތާލުމާ ގުޅޭގޮތުން މިއަދު ބޭއްވި ހައިލެވެލް ބައްދަލުވުމުގައި މިނިސްޓަރު ނަސީމް ވާހަކަދައްކަވަނީ: 2025 ގެ ނިޔަލަށް ރާއްޖެއިން ޓީބީ ނައްތާލެވޭނެ ކަމަށް ވިދާޅުވި-- ފޮޓޯ: ހެލްތު މިނިސްޓަރު

އާނިފާ ހުސެއިން ސިރާޖް، މިހާރު

26 އޮކްޓޯބަރ 2021 - 18:06

5 comments

ކުރިއަށް އޮތް ހަތަރު އަހަރު ތެރޭގައި ރާއްޖެއިން ޓިއުބަކަލޯސިސް ނުވަތަ ޓީބީ ބަލި އެއްކޮށް ނައްތާލުމަށް އަމާޒު ހިފައިފި އެވެ.

މިކަން ހާމަކުރީ ދެކުނު އިރުމަތީ އޭޝިއާ ސަރަހައްދުގައި ޓީބީ ބައްޔާބެހޭ މަސައްކަތްތައް ހަރުދަނާކޮށް، ސަރަހަށްދުން ޓީބީ ނައްތާލުމާ ގުޅޭގޮތުން މިއަދު ބޭއްވި ހައިލެވެލް ބައްދަލުވުމެއްގަ އެވެ.

ޓީބީ ނައްތާލުމާ ގުޅުންހުރި މުހިންމު މަޝްވަރާތަކެއް ކުރިއަށްދިޔަ އެ ބައްދަލުވުމުގައި ހެލްތު މިނިސްޓަރު އަހުމަދު ނަސީމް ވިދާޅުވީ ރާއްޖެއިން ޓީބީ ނައްތާލުމަށް ސަރުކާރުން ވަރަށް ބޮޑު އަހައްމިއްޔަތުކަމެއް ދޭ ކަމަށެވެ.

މި ސަރަހައްދުގެ އެހެން ގައުމުތަކާ އަޅާބަލާއިރު ރާއްޖޭގައި ޓީބީ ޖެހޭ މިންވަރު މަދުކަން މިނިސްޓަރު ފާހަގަކުރެއްވި އެވެ. އަދި ޓީބީ ދެނެގަތުމަށް ހަރުދަނާ މަސައްކަތްތަކެއް ފަށާފައިވާ ކަމަށް ވިދާޅުވި އެވެ.

މިނިސްޓަރު ވިދާޅުވީ 2025 ވަނަ އަހަރު ނިމޭ އިރު ރާއްޖެއިން ޓީބީ ނައްތާލުމަށް އަމާޒުހިފައި މަސައްކަތް މިހާރު ވެސް ކުރިއަށްދާ ކަމަށެވެ.

The High-level meeting for renewed TB response in the WHO South-East Asia Region has begun today. Ministry of Health's delegation for the 1 day virtual meeting will be led by the Minister of Health Ahmed Naseem. #endTB pic.twitter.com/THhrdtKktY
— Ministry of Health (@MoHmv) October 26, 2021

އޮންލައިންކޮށް މިއަދު ކުރިއަށް ގެންދިޔަ ހައިލެވެލް ބައްދަލުވުމުގައި ދެކުނު އިރުމަތީ އޭޝިއާގެ ސަރަހައްދުގެ ގައުމުތަކުގެ ސިއްހަތާ ބެހޭ ވަޒީރުންނާއި ހާއްސަ މަންދޫބުންގެ އިތުރުން ދުނިޔޭގެ ސިއްހަތު ޖަމިއްޔާގެ އިސްވެރިން ބައިވެރިވެ ވަޑައިގެންނެވި އެވެ.

އެ ބައްދަލުވުމުގައި ދެކުނު އިރުމަތީ އޭޝިއާ ސަރަހައްދުން ޓީބީ ނައްތާލުމާއި އެކަމާ ގުޅޭ މަސައްކަތްތައް ހަރުދަނާ ކުރުމަށް އެ ގައުމުތަކުގެ ސިއްހަތާ ބެހޭ ވަޒީރުން "ސްޓޭޓްމަންޓް އޮފް ކޮމިޓްމަންޓް" އެއްގައި ސޮއި ކުރި އެވެ. އެގޮތުން 2030 ވަނަަ އަހަރު ޓީބީ ބަލި ނައްތާލުމަށް ޓާގެޓު ކަނޑައަޅައި އެކަމަށް މަސައްކަތް ކުރުމަށް އެ ސްޓޭޓްމަންޓުގައި އެއްބަސް ވެފައި ވެ އެވެ.

އަހުމަދު ނަސީމް، ހެލްތު މިނިސްޓަރު ޑަބްލިއުއެޗްއޯ ދެކުނު އޭޝިއާ ޓިއުބަކަލޯސިސް ހެލްތު މިނިސްޓްރީ

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާސަރ

26 October 2021

ޓީވީ ތައްވެސް ނައްތާލާ . ބޮޑު ސުކުރީނު ބޭނުމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 October 2021

އެކަމަކާއިގުޅޭ ހަރުދަނާ ރޭވުންތަކެއްގެތެރެއިންމެނުވީ ތިފަދަކަމެއް ޙާސިލްކުރުމަކީ ވަރަށްނާދިރުކަމެއް. ތިކަމަށް އަމާޒު ހިފާފައިވާނަމަ ފުރަތަމަކަމަކަށް ބަލިފެތުރެން ނުވަތަ ރައްޔިތުނާއި ހަމައަށް ބަލި އަންނާންހުރިގޮތްތައް ބަލާ އެކަމަށް ފިޔަވަޅު އަޅުއްވާ. # މިގޮތުން ރާއްޖޭގެ އާބާދީގެ %38 އަކީ ބިދޭސިންކަމުގައިވާއިރު ވާކްވީސާގައި އެތެރެވާމީހުން ސިންގަޕޯރ ފަދަ ޤައުމުތަކުގައި ކުރާފެންވަރަށް މެޑިކަލް ސްކްރީން ކޮށްފަނޫނީ އެތެރެ ނުވެވޭގޮތަށް ހަދާންވީ ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނބޮއްމަނޭ

26 October 2021

އެހެންވީމަ މިސަރަހައްދުގަ އެންމެ ބޮޑަށް ޓީބީ ފެތުރިފަވާ ޤައުމުތަކުން އަދިވެސް އިތުރަށް މީހުން ގެނެވޭތޯ ބަލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމްޝީދު

26 October 2021

ކުރަނީ، ވަނީ، ކުރާނަން، މަސައްކަތް ކުރަމުންދަނީ، ކުރީ ސަރުކާރު.. މިއީ މިސަރުކާރުގެ ހާސަރު. ކުރެވުނު ކަމެއް ހަރާމުންހަރާން. ނޫން ބައިއަޅައިގެން ގާތްމީހުންނަށް، ކޯޓު މެދުވެރިކޮށް ފައިސާ ބެހުމާއި ގައުމު ވިއްކުނު.