އިއްސެގެ މަރު: ގާތިލް ސުމޮން މަރަން ކުރި ހުކުމް އިސްތިއުނާފަށް

ސުމޮން: އޭނާ މަރަން ކުރި ހުކުމް ވަނީ އިސްތިއުނާފަށް ހުށަހަޅާފައި

މުއިއްޒު އިބްރާހިމް، މިހާރު

20 ޖޫން 2022 - 12:32

ހއ. އިހަވަންދޫ އައިސްޕްލާންޓް ތެރޭގައި މަރާލި އިސްމާއިލް އުމަރު (އިއްސެ) ގެ ގާތިލް ސުމޮން މިއާ މެރުމަށް ކްރިމިނަލް ކޯޓުން ކުރި ހުކުމް އޭނާގެ ފަރާތުން އިސްތިއުނާފްކޮށްފި އެވެ.

ޖޫން، 2017 ގައި އިހަވަންދޫ އައިސްޕްލާންޓްގައި މަސައްކަތްކުރި ޅ. ހިންނަވަރަށް ނިސްބަތްވާ އިއްސެއަށް ތޫނު އެއްޗަކުން ހަމަލާދީ މަރާލީ އޭނާއާ އެކު އެތަނުގައި މަސައްކަތްކުރި ބަންގްލަދޭޝްގެ މީހެއް ކަމަށްވާ ސުމޮން އެވެ.

ސުމޮންގެ މައްޗަށް ކުށް ސާބިތުވާތީ އޭނާ މަރަން ކްރިމިނަލް ކޯޓުން ހުކުމްކުރީ މިދިޔަ މާޗް މަހު އެވެ. އެ މައްސަލަ އިސްތިއުނާފް ކުރަން ސުމޮންގެ ފަރާތުން ހައި ކޯޓަށް ހުށަހެޅީ މިދިޔަ ހަފުތާގަ އެވެ.

އިއްސެ މަރާލި ކަމަށް ސުމޮން ކޯޓުގައި ފުރަތަމަ އިއުތިރާފްވެ، އެކަން ކުރި ގޮތް ވެސް ކިޔައިދިނެވެ. އެކަމަކު ފަހުން އޭނާ ދައުވާއަށް އިންކާރުކޮށް، ބުނަމުން ދިޔައީ އޭނާ އެއްބަސްވީ ބިރު ދެއްކުމުން ކަމަށެވެ.

ސުމޮންއާ އެކު ރާއްޖޭގައި ދެން މަރުގެ ހުކުމެއް އިއްވާފައިވާ ބިދޭސީއަކީ އދ. ދަނގެތީގެ ވިޔަފާރިވެރިއަކު މަރާލި ބަންގްލަދޭޝްގެ މީހެއް ކަމަށްވާ ޝާހް އަލޮމް މިއާ އެވެ. ރާއްޖޭގައި މަރުގެ ހުކުމެއް އެންމެ ފަހުން ތަންފީޒުކުރީ 1953 ވަނަ އަހަރު އެވެ.

ކުށްކުރުން ކްރިމިނަލް ކޯޓް ހައި ކޯޓް މީހުން މެރުން ހއ. އިހަވަންދޫ

4 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުު

20 June 2022

ޤިޔާމަތް ދުވަހުން ޤާޒީ ކައިރީގައި ކީއްވެގެންތޯ މަރުގެ ހުކުމް ނުއިއްވީ އެހުމުން، ޤާޒީ : ހެއްދެވި ރަސްކަލާކޯ، ގާނޫނު އަސާސީގައި އޮތީ އެހެންގޮތަކަށް، އަޅުގަނޑު ކީއްތޯކުރައްވާނީ؟