މަޖިލީހުގެ މާލިއްޔަތު ކޮމެޓީ: މެޖިސްޓްރޭޓުންގެ މުސާރަ އާއި އިނާޔަތްތައް ބޮޑުކުރަން ކޮމެޓީން ވަނީ ނިންމާފައި -- ފޮޓޯ/މިހާރު
22 ޖޫން 2022 - 19:49
28 comments
މެޖިސްޓްރޭޓުންގެ މުސާރަ އާއި އިނާޔަތްތައް ބޮޑުކޮށް އަދި ކްރިމިނަލް ކޯޓުގެ ފަނޑިޔާރުން އިތުރު ވަގުތު މަސައްކަތްކުރާ ދުވަސްތަކަށް ޚާއްސަ އެލަވަންސެއް ދޭން ރައްޔިތުންގެ މަޖިލީހުގެ މާލިއްޔަތު ކޮމެޓީން މިއަދު ނިންމައިފި އެވެ.
މިހާތަނަށް މެޖިސްޓްރޭޓް ކޯޓުތަކުގެ މެޖިސްޓްރޭޓަކަށް މުސާރަ އާއި އިނާޔަތްތަކާ އެކު މަހަކު 23،950ރ. ލިބެމުން އައިއިރު ކޯޓުގެ އިސް މެޖިސްޓްރޭޓުންނަށް 26،100ރ. އަދި ދާއިރާގެ އިސް މެޖިސްޓްރޭޓުންނަށް ލިބެމުން އައީ 28،450ރ. އެވެ. މުސާރަ އާއި އިނާޔަތްތަކަށް މަޖިލީހުގެ ކޮމެޓީން ބަދަލު ގެނައީ ޖުޑީޝަލް ސާވިސް ކޮމިޝަން (ޖޭއެސްސީ) ގެ އެދުމަކަށެވެ.
މަޖިލީހުގެ މާލިއްޔަތު ކޮމެޓީން މިއަދު ނިންމީ ޖޭއެސްސީން ހުށަހެޅި ގޮތަށް، ބަދަލު ކުރުމަށެވެ. އެއީ އަސާސީ މުސާރަ ކުޑަވިޔަސް، މުސާރަ އާއި އިތުރު އިނާޔަތްތަކާ އެކު ޖުމްލަ ލިބޭ މިންވަރު ބޮޑުކުރުމަށެވެ.
ދާއިރާގެ އިސް މެޖިސްޓްރޭޓުންގެ ތެރެއިން 16 އިސް މެޖިސްޓްރޭޓަކަށް މުސާރަ އާއި އިނާޔަތްތައް 33،350ރ. އަށް ބޮޑު ކުރަން ނިންމިއިރު އެއް ދާއިރާގައި އިސް މެޖިސްޓްރޭޓަކަށް ދޭން ނިންމީ ކޮމެޓީން 31،350ރ. އެވެ.
ކޯޓުގެ އިސް މެޖިސްޓްރޭޓުންގެ އަސާސީ މުސާރަ ކުރިއަށް ވުރެ ކުޑަވިޔަސް، މުސާރަ އާއި އިނާޔަތްތަކާ އެކު 32 ކޯޓެއްގެ އިސް މެޖިސްޓްރޭޓުންނަށް މަހަކު 31،400ރ. އަދި 48 ކޯޓެއްގެ އިސް މެޖިސްޓްރޭޓުންނަށް 29،400ރ. ދިނުމަށް ކޮމެޓީން ނިންމި އެވެ.
މެޖިސްޓްރޭޓުންގެ މުސާރަ އާއި އިނާޔަތްތަކުގެ ގޮތުގައި ކޮމެޓީން ނިންމީ 20 މެޖިސްޓްރޭޓަކަށް 31،400ރ. އަދި ހަތަރު މެޖިސްޓްރޭޓަކަށް 29،400ރ. ދިނުމަށެވެ.
މިހާރު ވެސް 48،000ރ. މުސާރަ އާއި އިނާޔަތްތަކުގެ ގޮތުގައި ލިބިވަޑައިގަންނަވާ ކްރިމިނަލް ކޯޓުގެ ފަނޑިޔާރުންގެ އިތުރު ވަގުތު މަސައްކަތްކުރާ ކޮންމެ ދުވަހަށް އިތުރު 500ރ. އެލަވަންސެއް ދޭން ކޮމެޓީން ނިންމީ ހަތަރު މަސް ދުވަހުގެ މުއްދަތަށެވެ. އެއީ އެ ކޯޓުގައި ހުރި ދުވަސްވީ މައްސަލަތައް ނިންމުމަށެވެ.
ގާނޫނުއަސާސީ ބުނާގޮތުން ފަނޑިޔާރުންގެ މުސާރަ އާއި އިނާޔަތްތައް ކަނޑައަޅަން ޖެހެނީ މަޖިލީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލެއްގި
23 June 2022
ހުންނަނީ ބޮޑުތަނުންހަރަދު ކުޑަވެފަ މިއޮތިވާ ކަމަކަދިމާވެފަ!!! މުސާރަ ބޮޑުކޮށްފަ ބޭސްފަރުވަހިލޭ ދެންތިބިމީހުންވީ ގަނަތެޅެން ބޯހަލާކު
ކޮމަންވެލުތު
23 June 2022
ދެން ޚަރަދު ކުޑަކުރަން ފައިނޭންސް މިނިސްޓުރީން ގޮވާލީމާވެސް ތިޔަހެން ހަމަ ހަދާލަނީތަ މަޖިލީހުން؟ މަޖިލީހު ރައީސް އެހެރީ ކޮޅުނބާ ހަމައިން ދުރަށް ނުދެވޭތީ ނުފުރިފަކަމަށްވެސް ބުނި
ޔޔޔާާ
23 June 2022
މިވެރިންގެ މުސާރަ ބޮޑުކުރާނެ ތާ އޭރުން ސިޔާސީ މީހުންގެ ދިފާއުގާ މިމީހުން ތިބޭނީ.ސާބަސް،
އެމްސް
23 June 2022
ޚަރަދުތައް ކުޑަވަނީ!
ޑިމޮކްރަސީ
23 June 2022
ޚާރަދު ކުޑަކުރަންވީ ޢާންމު ރައްޔިތު މީހާ އާއި 5000 ރުފިޔާ ދޭ ސިވިލްސަރވަންޓުން ސަރުކާރުން ހަމަ ހަބޭސް އެމީހުން ބޭނުންބައެއްގެ މުސާރަ ބޮޑުކޮށް އެމީހުން ބޭނުންކަމެއް ބޭނުންގޮތަކަށް މީ ކޮންކަހަލަ އިނސާފެއް އޮތްތަނެއްބާ
ޙައްޤުބަސް
23 June 2022
އެއީ މުޅިން ހަމަޖެހޭ ނިންމުމެއްނޫން! ބައެއް އަތޮޅުތަކުގައި ރަށުންބޭރު އެންމެ ގިނަައިން މައްސަލަ ބަލާ އެއްކޯޓަށްވުރެ ގިނަ ކޯޓު ބަލަހައްޓާ މެޖިސްޓްްރޭޓުންނަށް ބޮޑުވީ 1642 ރުފިޔާ، އެއްރަށުގައި މަދުމައްސަލަބަލާ، ދެމެޖިސްޓްރޭޓުން ތިބޭއިރު ކޯޓެއް ހިންގުމުގެ އެއްވެސް މަސްއޫލިއްޔަތެއް ނެތް މެޖިސްޓްރޭޓުންނަށް 7400 އަށްވުރެ ބޮޑުކުރި! މިއީ ޙަޤީޤަތް
ބަޑިތަކުރު
23 June 2022
ބައެއް ރަށްރަށުގައި އަހަރަކު ދެތިން މައްސަލަވެސް ނިންމާފައި ނުހުންނައިރު މުސާރަ ބޮޑުކުރެވެނީ އުފެއްދުންތެރި އެކަށީގެންވާ މަސައްކަތެއް ކުރެވޭ ތަންތާނގެ ޤާޟީންނަށްތޯ ބަލައިލަން ޖެހެއެވެ.
ވެލިކާން
23 June 2022
ޚަދަރު ކުޑަކުރުމުގެ ގޮތުން އެޅިފިޔަވަޅެއް! ވަރަށް ބަރާބަރު އިބްރާހީމާ ތިޔަ ގެންދާގޮތް!
އަބީރް
23 June 2022
ނަމުގަ މަޖލީހުން ނިންމަނީ..މަޖިލީސް ކޮންޓަރޯލް ކުރަނީ ސަރުކާރުން..ގާޒީންގެ މުސާރަ ބޮޑުކުރީ ސަރުކާރުން.
8އ8ެކޒ
23 June 2022
މިމީހުން ރިޓަޔާ ކުރީމާވެސް އެވަރުގެ މުސާރައެއްދެނީ ކީއްވެބާ؟؟