"އިންޑިއާ އައުޓް" ހުއްޓުވި އޮޕަރޭޝަންގައި ބައިވެރިވި ފުލުހުންގެ މައުލޫމާތު ހާމަކުރަން އެންގި މައްްސަލަ ހައިކޯޓަށް

އިންޑިއާ އައުޓް ހުއްޓުވަން ފުލުހުން ހިންގި އޮޕަރޭޝަންގައި ފުލުހުންތަކެއް ހަރަކާތްތެރިވަނީ: އެ ފުލުހުންގެ މައުލޫމާތު ހާމަކުރަން އެންގި މައްސަލަ ހައިކޯޓަށް ފުލުހުން ވަނީ ހުށަހަޅާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

25 ސެޕްޓެމްބަރ 2022 - 11:47

12 comments

"އިންޑިއާ އައުޓް" ހަރަކާތާ ދެކޮޅަށް ހިންގި އޮޕަރޭޝަންގައި ބައިވެރިވި ފުލުހުންގެ ނަމާއި މައުލޫމާތުތައް ހާމަކުރަން އިންފޮމޭޝަން ކޮމިޝަނަރުގެ އޮފީހުން އެންގި މައްސަލަ ފުލުހުންގެ ފަރާތުން ހައި ކޯޓުގައި އިސްތިއުނާފުކޮށްފި އެވެ.

ރާއްޖޭގައި ތިބި އިންޑިއާގެ ސިފައިން ބޭރުކުރަން ގޮވާލައި އިދިކޮޅު ފަރާތްތަކުން ފެށި "އިންޑިއާ އައުޓް" ހަރަކާތްތައް ހުއްޓުވަން މިދިޔަ އޭޕްރީލް މަހު ރައީސް އިބްރާހިމް މުހައްމަދު ސޯލިހު ނެރުއްވި ގަރާރާ އެކު، ފުލުހުން ވަނީ ގޭގޭގައި ހަރުކޮށްފައި ހުރި "އިންޑިއާ އައުޓް" ބެނާތައް ނަގައިފަ އެވެ.

އެ އޮޕަރޭޝަންގައި ބައިވެރިވި ފުލުހުންނާއި އޮޕަރޭޝަން ހިންގަން އަމުރު ނެރުނު މީހުންނާއި އެ ނޫނަސް އެ އޮޕަރޭޝަނާ ގުޅޭ މައުލޫމާތު ހޯދަން އަމިއްލަ ފަރާތަކުން އެދުމުން އިންފޮމޭޝަން ކޮމިޝަނަރުގެ އޮފީހުން މިދިޔަ މަހު ވަނީ އެ އޮޕަރޭޝަންގައި ބައިވެރިވި ފުލުހުންގެ މައުލޫމާތާއި އެ މީހުން އޮޕަރޭޝަންގައި އަދާކުރި ދައުރާއި އޮޕަރޭޝަންގެ ކޮމާންޑަރުގެ މައުލޫމާތު ދޭން އަންގައިފަ އެވެ.

އެ މައްސަލަ އިސްތިއުނާފު ކުރަން ފުލުހުންގެ ފަރާތުން ހައި ކޯޓަށް ހުށަހެޅީ މި މަހުގެ 15 ވަނަ ދުވަހު އެވެ. އެ މައްސަލަ ބަލައިގަތުމާ މެދު އެ ކޯޓުން އަދި ގޮތެއް ނުނިންމަ އެވެ.

"އިންޑިއާ އައުޓް" ހަރަކާތް ހުއްޓުވަން ރިޔާސީ ގަރާރު ނެރުމާއެކު، ހިންގި އޮޕަރޭޝަންތަކަށް ފަހު އެ ހަރަކާތްތައް މިހާރު ވަނީ ހުއްޓުމަކަށް އައިސްފަ އެވެ.

އިންޑިއާ ފުލުހުން ހައި ކޯޓް އިންފޮމޭޝަން ކޮމިޝަނަރު އިންޑިއާ އައުޓް ރާއްޖެ-އިންޑިއާ

12 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެސީ1

26 September 2022

ފުލުހުންވެސް ޤާނޫނާ އެއްގޮތައް ކަމެއް ކުރިނަމަ މައުލޫމާޔު ދޭންވީ، ތިއުޅެނީ ޕާޓޭން އުޅޭ ވައްތަރައް ފުލުހުންވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

25 September 2022

އިންފޮމޭޝަން ކަމިޝަނަރަކީ ބޯހަމަޖެހޭ މީހެއްތޯ ސުވާލު އުފެދޭ. ވާނުވާ ނޭނގޭ މީހުން ބޮޑެތި މަގާމުތަކަށް ލައިގެން ބޭކާރު ގޮތުގައި އަހަރެމެންގެ ފައިސާކޮޅު ތަޅާ ހުސްކުރުމުގެ އިތުރުން ޒިންމާދާރު އެތައް މުވައްޒިފެއްގެ ވަގުތު ބޭކާރު މިކުރެވެނީ. އިންފޮމޭޝަން ކަމިޝަނަކާއި ކަމިޝަނަރެއް ހުރިކަން ދިވެހިނަށް އަންގަން ކޮށްގެންއުޅޭ ކަމަކާ ވައްތަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

25 September 2022

ހ‫ަމީދު 2023 އައްނަކަން ހަދާން ހުރިހެނެއް ހިޔެއް ނުވޭ. މިރާއްޖޭގަތިބި ހުރިހާ ސިފައިން އައުޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުކުން

25 September 2022

މުއައްސަސާ ތަކަށް ނާގާބިލު މީހުންލީމަ ވާނެ ހައެތި ވެފަ ތިހުރީ. ވަރަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

25 September 2022

ރައީސްގެ ގަރާރަކުން ހުއްޓުވިކަމެއްކަން އެބަ އެނގޭ. ދެން ވަޒީފާގެ ހައިސިއްޔަތުން އެކަން އަމަލީގޮތުން ތަންފީޒުކުރަންޖެހުނު ވަކިވަކި މުވައްޒަފުންގެ މައުލޫމާތު ހޯދަންޖެހޭ ސަބަބަކީ ކޮބާ؟ މިކަހަލަ މައުލޫމާތު ދޭކަށް ނުޖެހޭނެ. އިންފޮމޭޝަން ކޮމިޝަނަރަކަށް އައްޔަންކުރަން ޖެހޭނީ ވެސް ތަންދޮރު ދަންނަ މީހުން. އަދި މިފަދަ ތާކުންތާކު ނުޖެހޭ ކަންކަމުގައި ދައުލަތުގެ ވަގުތު ބޭކާރުކުރުވަން އުޅޭ މީހުނާ ދެކޮޅަށް ދައުވާވެސް ކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމޮޅު

25 September 2022

ހަސަނާ ތިޔާބުނީ ހަމަ ހެޔޮކޮށް. "އިންފޮމޭޝަން" އޭ ކިޔާތީ ބައެއް ބޭފުޅުންނަށް ހީވަނީ ކަންނޭނގެ ދުނިޔޭގައި ލެއްވި ކޮންމެފަދަ މައުލޫމާތެއްވެސް ދޭންޖެހޭނެއޭ. އެތާގައި ކުރީގައި ހުރި ބޭފުޅަކުވެސް ވިޔަފާރި ކުންފުންޏެއްގެ ސިއްރު މައުލޫމާތުތަކެއް ހާމަކުރަން އަންގައިގެން އެނުލިބިގެން ބޮޑާހާކައި އުޅުނު ޚަބަރެއްވެސް މީގެ ތަންކޮޅެއް ކުރިން އުޅުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިކް

25 September 2022

ތީގަ ފިޔަވަޅެއް އަޅަންޏާ އަޅަންޖެހޭނީ އެ އަމުރެއް ކުރި ވެރިންނަށް.. އާދައިގެ ފުލުހުންނަކަށް ނޫން.. ކޮންމެ ފަހަރަކު ތިހެން ތެޅެންވެއްޖެއްޔާ ޤައުމީ ފޭރާން ވީދި ހަލާކުވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން މަނިކު

25 September 2022

ދޭނެ ކަމެއްނެތް. ކޯޓައްވެސް ދާނެކަމެއް ނެތް. ފުލުހުންނަށް އެކަށީގެންވާ ބާރުތައް ނުލީބޭނަމަ ރައްޔަތުންނަށް ފެންނާނީ ފުލުހުންގެ ނާގާބިލް ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މނޔ241

25 September 2022

ނުޖެހޭނެ ދޭކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

25 September 2022

މިކަހަލަ މަޢުލޫމާތެއް ހާމަނުކުރެވޭނެ. ކޮންމެ ސަރުކާރެއް އޮތަސް އަދި އޮޕަރޭޝަނާ މެދު ސުވާލު އުފެދޭ ކަންކަން ހުއްޓަސް ބައިވެރިވި މީހުންގެ މައުލޫމާތު ހާމަނުކުރެވޭނެ. މިއީ މުއައްސަސާގެ ކަރާމާތާ ގުޅިިފައިވާ ކަމެއް. ކަމެއް ގޯސްކޮށް ކޮށްފިނަމަ މުއައްސަސާގެ ވެރިންނަށް ނުވަތަ އަމުރުވެރި ކޮމާންޑަރަށް ފިޔަވަޅުއަޅާ. ސަލާމަތީ ޚިދުމަަތްތަކާއި ސަލާމަތީ ބަރަކީ ކުޅޭކުޅޭ ތަންތަނަށް ނަހައްދަވާ. ވެރިކަން ބަދަލުވިޔަސް މުއައްސަސާ ދެމިއޮންނާނެެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްރަވާސް1

25 September 2022

މައުލޫމާތު ނުދީފިނަމަ އޭނާއަށް އޮތް ގެއްލުމަކީ ކޮބައިބާ؟ އަދި މައުމޫލާތު ދީފިނަމަ އޭނާއަށް އޮތް ފައިދާއަކީ ކޮބައިބާ؟ މައުލޫމާތު ނުދޭނީ ކޮންމެވެސް ސަބަބެއް އޮތީމަ. ތިބުނާ ބެނާ ބާލަން ކޯޓުއަމުރު ނެރުނު ގާޒީގެ ކަރުގައި ވާޖަހާ މަގުމަތީގަ ދަމަންވީކަމަށް ބުނެ އިންޒާރުދީފަ ޓުވީޓެއް ކޮށްފައޮތްކަމަށްވޭ. އަދި އެކަމުގައި އުޅުނު ފުލުހުންނަށް ބިރުދައްކާ ޕޯސްޓްތައްވެސްހުރިޔޯ. ނުރައްކަލެއް ވެއްޖެއްޔާ ކޮމިޝަނުން ޒިންމާވާނެބާ.