ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ޕީޕީއެމްގެ ޕާލިމަންޓްރީ ގްރޫޕްގެ ބައްދަލުވުމެއްގައި ވާހަކަ ދައްކަވަނީ
27 ފެބުރުއަރީ 2017 - 13:12
79 comments
ތިން ދުވަހުގެ ތެރޭގައި އެމްޑީޕީ އަށް 100 ފޯމު ފުރުނަސް، އޭނާގެ އެއް އަހަރު ދުވަހުގެ މުސާރަ ހަދިޔާ ކުރައްވާނެ ކަމަށް ފޮނަދޫ ދާއިރާގެ ޕީޕީއެމް މެމްބަރު އަބްދުއްރަހީމް އަބްދުﷲ މިއަދު، ރައްޔިތުންގެ މަޖިލިހުގައި، ވިދާޅުވެއްޖެ އެވެ.
މަޖުބޫރުކޮށްގެން ޕީޕީއެމަށް މެމްބަރުން ވައްދާ ކަމަށް ބުނެ، މާފަންނު ހުޅަނގު ދާއިރާގެ އެމްޑީޕީ މެމްބަރު މުހައްމަދު ފަލާހު މަޖިލީހަށް ހުށަހެޅުއްވި ގަރާރަށް ބަހުސް ކުރައްވަމުން އަބްދުއްރަހީމް ވިދާޅުވީ ޕީޕީއެމަކީ ބަންދުކޮށްގެން ހިންގާ ޕާޓީއެއްގެ ބަދަލުގައި ހުޅުވާލާފައިވާ ޕާޓީއެއް ކަމަށެވެ.
ޕާޓީގެ އަސާސީ ގަވާއިދުގައި ބުނެފައިވާ ގޮތަށް މެމްބަރުން އިތުރު ކުރުމަކީ ކޮންމެ މީހަކަށް ވެސް ކުރެވޭނެ ކަމެއް ކަމަށް އޭނާ ވިދާޅުވި އެވެ. އެ ގޮތުން ރައީސް އަބްދުﷲ ޔާމީންގެ އަނބިކަނބަލުން ފާތުމަތު އިބްރާހިމް، ޕީޕީއެމަށް މެމްބަރުން އިތުރު ކުރެއްވުމަށް ކުރައްވާ މަސައްކަތަށް އޭނާ ތައުރީފްކުރެއްވި އެވެ.
އަބްދުއްރަހީމް ވިދާޅުވި ގޮތުގައި ޕީޕީއެމަށް މެމްބަރުން ވަންނަނީ "ހިތާއި ރޫހުން ޕާޓީއަށް ވަންނަން ބޭނުންވާތީ" އެވެ. އަދި ގައުމުގެ ތަރައްގީއަށް ރައީސް އަބްދުﷲ ޔާމީންގެ ސަރުކާރުން ގިނަ މަސައްކަތްތަކެއް ކުރައްވާތީ ކަމަށް ވެސް ވިދާޅުވި އެވެ.
"ކޮއްޓެއްގެ ތެރޭގައި ޖަލްސާ ބާއްވަނީ އަޅުގަނޑުމެންތޯ، އެމްޑީޕީތޯ ރަނގަޅަށް ވިސްނާވަޑައިގަންނަވާ. މި ގައުމުގެ ރައްޔިތުން ބޭނުންވަނީ ރައީސް އަބްދުﷲ ޔާމީންގެ ވެރިކަން، މިއީ ހަގީގަތް،" އޭނާ ވިދާޅުވި އެވެ.
ވަޒީރުންނާއި ސަރުކާރުގެ އިސް ބޭފުޅުން މަގުމައްޗަށް ނުކުމެ ޕީޕީއެމަށް މެމްބަރުން އިތުރު ކުރަން މަސައްކަތް ކުރަނީ އެ ބޭފުޅުން ޕާޓީއަށް ދެއްވާ ލޯތްބެއްގެ ބޮޑުކަމުންނާއި ސަރުކާރު ދަމަހައްޓަން ބޭނުންވާތީ ކަމަށް ވިދާޅުވެ، އަބްދުއްރަހީމް ވަނީ ވަޒީރުން ކުރައްވާ މަސައްކަތް ވެސް ދިފާއުކުރައްވައިފަ އެވެ.
"ތިން ދުވަހުގެ މަސައްކަތުން އެމްޑީޕީއަށް 100 ފޯމް ފުރުނަސް މުސާރަ ހަދިޔާ ކުރާނަން. ލާހިކެއް ނޫން (އެކަން ކުރާކަށް)، އެއީ ތަރައްގީ ގެންނަން ސަރުކާރުން މަސައްކަތް ކުރާކަން ރައްޔިތުން ގަބޫލުކުރާތީ،" އަބްދުއްރަހީމް ވިދާޅުވި އެވެ.
އޭނާ ވަނީ އަަންނަ ރިޔާސީ އިންތިޚާބާއި 2023 ގެ އިންތިޚާބަށް ނިސްބަތްކުރައްވާ ވެސް ވާހަކަ ދައްކަވައިފަ އެވެ. އެގޮތުން އަންނަ ރިޔާސީ އިންތިޚާބުގައި ނެރޭނީ ސިޔާސީ ވާދަވެރިންނަށް ވެރިކަމަށް ކުރިމަތިލާން ވާދަނުކުރެވޭ ވަރުގެ ނަތީޖާއެއް ކަމަށް ސިފަކުރެއްވި އެވެ. އަދި 2023 އަށް މަސައްކަތް ކުރާނީ ގާނޫނީ އިމުގެ ތެރެއިން ކުރަން ޖެހޭ ކަންކަން ކުރުމަށް ފަހު ކަމަށް ވެސް ވިދާޅުވި އެވެ. ނަމަވެސް އެއީ ކޮން ކަމެއް ކަމެއް ވިދާޅެއް ނުވެ އެވެ.
ފަލާހު ހުށަހެޅުއްވި ގަރާރުގައި ބުނެފައިވަނީ މިއީ ސަރުކާރުގެ މުވައްޒަފުންނަށް ޕީޕީއެމަށް ވަންނަން މަޖުބޫރުކޮށް، އެ ޕާޓީއަށް ސޮއިނުކޮށްފި ނަމަ ވަޒީފާއިން ވަކިކުރާނެ ކަމުގެ ބިރުދައްކާތީ އެކަން މަޖިލީހުން ހުއްޓުވަން ބާރުއެޅުމުގެ ގޮތުން ހުށަހެޅި ގަރާރެއް ކަމަށެވެ.
އެއްވެސް މީހަކު ލައްވައި މަޖުބޫރުން މަސައްކަތް ކުރުވައިގެން ނުވާނެ ކަމަށާއި އިންސާނީ ޝަރަފާއި ހަމަހަމަކަމާއި މިނިވަންކަން އަދި ރާއްޖެ ބައިވެރިވެފައިވާ ބައިނަލްއަގުވާމީ މުއާހަދާތަކަށް އަމަލުކުރުން ގާނޫނު އަސާސީން ލާޒިމުކުރާކަން ގަރާރުގައި ފާހަގަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނަމަދު
28 February 2017
އަދުރޭ އަށް ބުނެލަން އޮތީ ލާމު އިސްދޫ ދާއިރާ ގެ ރައްޔިތުން ނާއި މާވަށު ދާއިރާގެ ރައްޔިތުން އަދުރޭ ބުނެގެން މިސަރުކާރަށް ވޯޓް ދޭން ޖެހޭ އެއްމެ ސަބަބެއް ވެސް ނިކަން ބުނެބަލާ ށެވެ.
އައްޑޮ
28 February 2017
ތިކަން ސާބިތުވެސް ކޮށްދީފާނަން ހުވާ މިބުނީ އެކަން އެބަ އެނގޭ ދޯ މި ހަބަރަށް ރިއެކްޓް ކޮށްފަ ހުރި ގޮތުންވެސް ... 100 ދޯ ފުރަންވީ 5000 ވެސް ފުރާ ފާނަން އެކަން ނުވާނެކަމަކީ މުސާރަކޮޅު ކަންތައް. ހަަަަަަަަަަަަަަަަަަަަަަަަހަަަަހަަަަަާހަަަަހާ
ޕޮކަންޑި މޭން
28 February 2017
މިއުޅޭ 'މަމެން' 'ތަމެން" 'ޓްވިޓަރޭމެން' 'ޕިންކީން' 'ރަންރީނދުލޭމެން' އާ ހުރެ ކޮމެންޓް ގަނޑެއް ކިޔާލަން މިތަނަށް އާދެވޭ ވަރެއް ނޫން މިހާރު.
ހަސަނު
28 February 2017
ޢަދުރޭ ބުނަންތަ މަޖުބޫރުން ވަޒީފާގެ ބިރަށް ޕީޕީއެމަށް ވަދެގެން މިއުޅެނީ، އެކަމު ވޯޓެއް ނުލިބޭނެ. ފެނަކައިގަ ތިބީ މުޅިންވެސް ބިރުދައްކައިގެން ޕާޓީ އަށް ވައްދާފަ ތިބި މީހުން. މިހާރު މަސައްކަތް ކުރަނީ ޓީޗަރުން ވެއްދޭތޯ...
ފޯމެޓް
27 February 2017
ޖާހިލުރޭ.
ޚިޔާލް123
27 February 2017
އަދުރޭ މި ބުނިއެއް އެއްޗަކަށް ޗެލެންޖުކޮއްލަން އެމް ޑީ ޕީ އަށް ކެރޭނެބައި، ބޭރުގައި އެއްޗެއް ނުކިޔުނަކަސް ޗެމްބަރ ތެރޭގައި ބުނެލަން އޮންނާނެދޯ އަހަރުދުވަހުގެ މުސާރަ ކޮބައިހޭ، އަޅު ގަނޑު އެމް ޑީ ޕީ އަށް ގޮވައިލަން ތަނާ ގަނޑިއާ އެއްކޮށް އަދުރޭއާ ޗެލެންޖު ކޮއްލަން، ކަމެއް ކުރަންޏާ މިކަން ކޮއްލަން ގޮވައިލަން އަދި ޕާޓީ މުރޮމޯޓް ކޮއްލަން ރަގަނޅު ފުރުސަތެއް މިއޮތީ ، މިއުޅޭ މަމެންނަށް ވަރަށް ސަލާން
ނުކިޔާތި
27 February 2017
އެމްޑީޕީ އަށް ރަނގަޅު ވާނެ ޕީޕީއެމްގެ ކޮންމެ އެމްޕީ އަކު މަލާމާތް ކުރި ނަމަވެސް މިހާރު ދޯ. ސަބަބަކީ އެމްޑީޕީ އަކީ މިއަދު އެއްވެސް ބާރެއް ނެތް ދެން ވަރަށް ލޯ ޕްރޮފައިލްޑް ޓްވިޓަރޭ މެން ޑްރައިވް ކުރާ ތަނަކަށް ވާތީވެ އެތަނުގައި ހެވީ ވެއިޓް ހުރި ސިޔާސީ އެއްވެސް ޝަހްސިއްޔަތު ތަކެއް ނުތިބޭނެއެވެ. މިހާރު އެމްޑީޕީ އަކީ އެއީ ކެނެރީގެ ޕްރައިވެޓް ގޭޓް އަވޭ އެއް ހެންނޭ މަމެން ގާތު ޓްވިޓަރޭ ބިއުޓީ ކްއީނޭ މެން އޮފީހުގައި މަސައްކަތް ކުރާ އައްޑޫ ކުއްޖާ އަކު ބުނި ވާހަކަ މަމެން ނެތީމު ދެން ކޮންމެހެން ޓްވިޓަރޭ ގާތު ބުނަން އިނގޭ.
ފަހުރު
27 February 2017
އެމްޑީޕީ އަކާ ޕީޕީއެމް ގެ މައްސަލައެއް ނޫން މިއުޅެނީ. ޒުލުމްގެ އިންތިހާ
އަލީ
27 February 2017
ﷲ އިރާދަ ކުރެއްވިއްޔާ ޔާމީނުގެ ބާރުވެސް ކެނޑޭނެ ތީދާއިމީ ކަމެއްނޫން ބޮޑާނުވޭ
ސައީދު
27 February 2017
މަ އެކަނިވެސް އެއްްދުވަހުން 100 ހަމަކުރާނަން އަދުރޭޖެހޭނީ މަހައްދާން މަހަކައްވެސްނުދެވޭނެނު މަސްވެރިކަންވެސްކުރާކަށްނޭޏޣެނެވިއްޔާ
ހުރެބަލަ
27 February 2017
އޭއި "ސައިއްޓޭ" ތަމެން އެއްދުވަހުން ހަމަ ކުރާ 100 މަމެން އެއް ސިކުންތު ތެރޭ އުފުރާލާނަން މަމެން ޕިންކީން ކޮޅަށް ކޭޝް ޖަހާލައިގެން ނުވަތަ ކުޑާ ކޮށް އިކޮން ސެންކްޝަންސް ތައް އަޅައިގެން އިނގޭ. އެއިރުން ދެން ތަމެންނަށް ހުންނާނެ ރަނގަޅަށް ރާކަނި މަސްކެވިފައިދޯ..
ވަލީމާ
27 February 2017
"ހުރެބަލަ" ހަވީރުގެ މި ލިޔުންކޮޅު ދުށީމުތަ؟.".ސޯޝަލް މީޑިއާ އެކްޓިވިސްޓް އަހުމަދު އަޝްރަފް (ޝުމްބާ ގޮންގް) ގެ މައްޗަށް ކުރާ ދައުވާގެ އަޑުއެހުމެއް ނުބާއްވާތާ އަހަރެއްހާ ދުވަސް ފަހުން، އެ މައްސަލައިގެ އަޑުއެހުމެއް މިއަދު ބާއްވަން ތާވަލް ކުރުމަށް ފަހު ކެންސަލްކޮށްފި އެވެ.
އަފިހުން ގޮއްޔެ
28 February 2017
އަދުރޭ ވަރަށް ކުޅަދާނަވާނެ ސިމެންތީގެ މަސައްކަތަށް، ހީހީހީ