ސޯޝަލް މީޑިއާގެ އެމްޑީޕީ އެކްޓިވިސްޓު ތޮއްޔިބު. ފުލުހުން ބަލަމުންދާ މައްސަލައަކާ ގުޅިގެން ތޮއްޔިބު ހައްޔަރު ކުރީ ރޭގެ ވަގުތެއްގައި.
17 މާޗް 2017 - 11:51
30 comments
އެމްޑީޕީގެ ސޯޝަލް މީޑިއާ އެކްޓިވިސްޓެއް ކަމަށްވާ ތޮއްޔިބު ޝަހީމް ރޭ ހައްޔަރުކޮށްފި އެވެ.
ފުލުހުންގެ މީޑިއާ އޮފިޝިލަކު ވިދާޅުވި ގޮތުގައި ތަހުގީގު ކުރަމުން އަންނަ މައްސަލައަކާ ގުޅިގެން، ކޯޓު އަމުރެއްގެ ދަށުން ތޮއްޔިބު ހައްޔަރު ކުރީ ރޭ ދަންވަރު 12 ޖަހާކަންހާއިރު ކަމަށެވެ.
ނަމަވެސް ތޮއްޔިބު ހައްޔަރުކުރީ ކޮން މައްސަލައަކާ ގުޅިގެން ކަމެއް އޭނާ ވިދާޅެއް ނުވެ އެވެ.
އެނގިފައިވާ ގޮތުގައި ތޮއްޔިބު ހައްޔަރުކުރީ މާލޭގެ ހޮޓަލެއްގެ ތެރޭގައި ކާން އިންދަ އެވެ.
ތޮއްޔިބަކީ ޓުވިޓާގައި ސަރުކާރަށް ފާޑު ކިޔައި، ސަރުކާރުން ހިންގާ އެކިއެކި ކަންކަމާއި ގުޅޭ ބައެއް މައުލޫމާތުތައް ހާމަކުރަމުން އަންނަ މީހެކެވެ. އޭނާ ހައްޔަރުކުރީ ފ. އަތޮޅުގައި ސައުދީ އަރަބިއްޔާގެ ޝާހީ އާއިލާއަކުން ހިންގަން އުޅޭ މަޝްރޫއާ ބެހޭ މައުލޫމާތުތައް ހާމަކުރަމުން ދަނިކޮށެވެ.
އެގޮތުން ސައުދީ އަރަބިއްޔާގެ ޝާހީ އާއިލާ އަށް ފ. އަތޮޅު ވިއްކާލުމާ ގުޅޭ ގޮތުން، ވިލިމާލެ ދާއިރާގެ މެމްބަރު އަހުމަދު ނިހާން ބަޔަކާ އެކު ދެއްކެވި ވާހަކަތައް ހިމެނޭ އޯޑިއޯއެއް ލީކް ކުރީ ވެސް ތޮއްޔިބެވެ.
Social media activist @thayyib was arrested after posts alleging handling of cargo - in large amounts of US$ -from helicopters to MMA. 1/2
— Mohamed Nasheed (@MohamedNasheed) March 16, 2017
ތޮއްޔިބު ހައްޔަރު ކުރުމާ ގުޅިގެން ކުރީގެ ރައީސް މުހައްމަދު ނަޝީދު ކުރެއްވި ޓުވީޓެއްގައި ވިދާޅުވި ގޮތުގައި، ތޮއްޔިބު ހައްޔަރު ކުރީ މިދިޔަ ބުދަ ދުވަހު ހެލިކޮޕްޓަރުތަކެއްގައި ގެނައި ގިނަ އަދަދެއްގެ އެމެރިކާ ޑޮލަރު، އެމްއެމްއޭއަށް ވެއްދި ކަމަށް ތުޙުމަތުކޮށް ޓްވީޓްތަކެއް ކުރި ފަހުންނެވެ.
އެހެންވެ، ނަޝީދު ވަނީ ސަރުކާރުން ހިންގަމުން އަންނަ މަނީ ލޯންޑްރިންގެ މައްސަލަތައް ބަލައި ތަހުގީގު ކުރުމަށް ގޮވާލައްވައިފަ އެވެ. އަދި ތޮއްޔިބު ވަގުތުން ދޫކޮށްލުމަށް އެ މަނިކުފާނު ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުށޭ
19 March 2017
އޭނަ އަދި ކުށްވެރިއެއް ނުވެއެއްނު؟ ކިހިނެއްވެގެން އޭނަ ހީރޯއަކަށް ހަދައިގެން ތިއުޅެނީ؟ އެއްބަޔަކަށް އޭނަ ކުރިކަންތައް ރަނގަޅުނުވެދާނެ. އަނެއްބަޔަކަށް ހީރޯއަކަށްވެދާނެ؟ ދެކޭގޮތްދޯ؟ މައްސަލައަކީ މިއީ. ރަނގަޅު މޮޅުމީހަކަށް މިހާރުވަނީ، ތަނެއް ހަަބޮލިކޮށްލާމީހާ؟ އެހެޔޮ ކޮންމެފަދަ ވާހަކައެއް ދެއްކިޔަސް.
ކަނޑު ކޮސްބެ
17 March 2017
ދެވަނަ ފަހަރު އަންނި ބުނާނީ އެހެންއެއްޗެކެވެ.ހަމަ ކަނޑު ކޮހެކެވެ
Maldives
17 March 2017
ތައްތިބު ކުށަކީ ސްވައިންފުލޫ އުޅޭކަން ސިއްރުކޮށްފައިވަނިކޮށް ފަޅާއަރުވާލުންތަ..؟
މަންސޫރު
17 March 2017
އާދެ. ރައްޔިތުންނަށް ނުރައްކަލެއް އޮތް ރޯގާއެއްގެ ވާހަކަ ރައްޔިތުންގެ ސަމާލުކަމަށް ގެނެސްގެން ނުވާނެތާ! ރައްޔިތުން ތިބެންޖެހޭނީ ގަޅި ހެދިފައެއްނު ދެއްތޮ؟ ރައްޔިތުން އަޑުއަހަން ޖެހޭނީ ސަރުކާރުން ބުނާއެއްޗެއް ނޫނީ ސައުދީ އެމްބަސީން ބުނާ އެއްޗެއްތާ އެކަނިތާ!
ކާކުކީކެ
17 March 2017
ކުއްވެރިންތާ ހިމާޔަތް ކުރަން ތިބޭނީ ބޯސަލާމަތުން ހުރި މީހަކު އެމްޑީޕީއަކަށް ތާއީދެއްނުކުރެވީއްޔަ އެމްޑީޕީއަށް އަބަދުޖެހޭނީ ކޮންމެވެސްމީހަކު ނޫނީބަޔަކު ދޫކުރަންގޮވާހާ އިތުރުކަމެއްކުރެވޭބައެއްނޫނެ ކުރަންއެގޭބައެއްވެސްނޫނެ އަބަދުވެސްކޮންމެވެސް ކުއްވެރިއެއް ފަހަތުން ދުވަނިކޮންނެ ޔާމީނު މިހިރަ 5އަހަރުގެ ވެރިކަމެއްނިންމަނީ ކުރަންއުޅުނު އެއްކަމެއްވެސްނުވި ވެރިކަމެއްވައްޓައެއްސް ނުލެވުނު މުޒާހަރާއެއްވެސް ނުކުރެވުނު މުޒާހަރާ ކުރަންހަދާނެގޮތެއްކީކުރަން ބަޔަކުވެސްނުވި ކަމެއްކުރީޔަކުރެވުނުކަމެއް ގޮވީއަަށް ހިއްދަތިވާނެ ދޯ
ކަޅުކޮއެ
17 March 2017
މިހިރީ މިވެރިން އަމބުރާ ގޭސް
وِلِ احمد
17 March 2017
އޭ ﷲ މި "ޡައްޔިބުގެ" ދުލާއި އަތުގެ ނުބައިކަމުން އަޅަމެން ނާއި އަޅަމެންގެ މި މުސްލިމުވެރިޔާ عبدالله ޔާމީން ސަލާމަތް ކުރައްވާ ރައްކާތެރި ކުރައްވާނދޭވެ. އަދި އަޅަމެންގެ މި ވެރިޔާ عبدالله ޔާމީނަށް ޘާބިތުކަމާއި ކެތްތެރިކަން އިބަ ﷲ މިންވަރުކޮއްދެއްވާ ހިދާޔާތާއި ތަައުފީޤު ދެއްވާ ހެޔޮރަޙްމަތް ލައްވާނދޭވެ. أمين.
ފަރުދާ
17 March 2017
ވަގުނގެ އަތްވެސް ކަޑަންވީ
GAN Island
17 March 2017
ދިވެހި ފުލުހުންނަކީ ހާއްސަކޮށް ފުލުހުންގެ ތެރޭގައި ތިއްބެވި އިސް އޮފިސަރުންނަކީ Canada އާއި Australia އަދި Thailand ފަދަ ދުނިޔޭގެ ފެންވަރުން ވެސް ''ރަގަޅު ފުލުހުން'' ތިބި ޤައުމު ތަކާއި އެ ޤައުމު ތަކުގެ އެންމެ މަތީދަރަޖަ ތަކުގެ Police Training Institute ތަކުން ކިޔަވާ ވިދާޅުވެ ތަމްރީނު ހޯއްދަވާ އެއްވަނަ ދަރަޖައިގެ ސެޓިފިކޭޓް ތައް ހާސިލް ކުރައްވައިގެން ތިއްބެވި ބޭފުޅުން. . . . . އެހެން ނަމަވެސް ދައުލަތުގެ ހަރަދުގައި (ރައްޔިތުންގެ ފައިސާއިން) ކިޔަވާވިދާޅުގެ ތަމްރީނު ހޯއްދަވައިގެން ރާއްޖެވަޑައިގެން މަސައްކަތް ކުރައްވާތަން ފެންނަނީ މުޅިންވެސް ''ކިޔެވި އެއްޗަކާއި ހެއްދެވި ތަމްރީމް ތަކާއި ދިމާ އިދިކޮޅަށް'' ކަމުގައި ހީވޭ. . . . . ފުލުހުންނާއި ސިފައިންނަކީ ހަމަ އެކަނި އޭރުގައި އޮންނަ ސަރުކާރެއް ދަމަހައްޓަން އެސަރުކާރަކުން އަންގާ ކޮންމެގޮތަކަށް އަމަލު ކުރާންޖެހޭ ބައެއްނޫން. . . ވަކިޤާނޫނު ތަކަތާއި ވަކި ހުވައެްކޮށްގެން ތިއްބަވާ ފުލުހުންނާއި ސަފައިން ޤައުމީ މަސައްލަހަތަށް އިސްކަންދެއްވާ ''ރައްޔިތުންނަށް ހިމާޔަތް ދޭންޖެހޭކަން'' ޤަބޫލުކޮށް ޤާނޫނީ އިމުގެ ބޭރުން ރައްޔިތުންނާއި ދެކޮޅަށް ނުވަތަ އެންމެ ރައްޔިތަކާއި ދެކޮޅަށް ކަމުގައި ވިޔަސް ސަރުކާރުން ފިޔަވަޅު އަޅާން ބުނި ކަމުގައި ވިޔަސް އެފިޔަވަޅެއް އެޅުމުގެ ކުރިން ޤާނޫނު ތަކަށް ތަބާވާން ޖެހޭނެ
މަރީ
17 March 2017
ކޮންމެ ކުއްވެރިޔަކަށް އެމްޑީޕީން ސަޖިދަ ޖަހާނެ.
ޕޮކަންޑިތޭޗޭ
17 March 2017
ހަހަހަހައްހާ. އަސްލު ކުއްވެރިން އެތިބީ ޓައި ބައްދައިގެން ބޮޑު މުސާރަ ނަގައިގެން ގައުމު ސޭލްއަޅުވައިގެން. ތިއުޅެނީ އޮޅިގެން.
ވޯލް
17 March 2017
މީހަކު ލިޔައެއްޗަކުން ނޫނީ ފާޅުކުރާ ހިޔާލަކުން އެއީ ކުށްވެެރިއެއްކަމަށް ދެކެންޏާ އެއީ ތިބާގެ ހުރި ނާތަހުޒަިބުކަން. ޕޕމ ގެ މެޖޯރިޓީ ކީޑަރަކުން ވެސް މިކަހަލަ ހިޔަލުތައއ ފާޅުކޮށް މުޒާހިރާތައް ބާވާ، ބެރިކޭޑުމަތިން ފުންމަ. އެކަމަކު އެއީ ކުށެއްވެސްނޫން.
ޥަރުދާ
17 March 2017
ފަސާދަ އުފައްދާ މީހުންނަށް ދީނުގައި ކަނޑައަޅާފައިވާ އަދަބު ދޭންވީ.