އިދިކޮޅު ފަރާތްތަކުން މިރޭ ބޭއްވި ޖަލްސާގައި ގާސިމް ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
16 އެޕްރީލް 2017 - 00:28
19 comments
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އުޅުނު ކަމަށް ބުނެ ކިތަންމެ ދައުވާއެއް އުފުލިޔަސް ގާނޫނާ ޚިލާފު އެއްވެސް ކަމެއް ކޮށްފައި ނުވާނެ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް މިރޭ ވިދާޅުވެއްޖެ އެވެ.
ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތް ކަމަށް ހުށަހެޅި މައްސަލައާ ގުޅިގެން މެމްބަރުންނަށް ރިޝްވަތު ދޭން އުޅުނު ކަމަށް ބުނެ، ރާއްޖޭގެ މަޝްހޫރު ވިޔަފާރިވެރިޔާ ގާސިމްގެ މައްޗަށް ތިން ދައުވާއެއް އުފުލައި، ޝަރީއަތް ވަނީ ފަށައިފަ އެވެ. މާމިގިލީ ދާއިރާގެ މެމްބަރު ގާސިމަށް ދައުވާކުރަނީ މަސީހާ ދެކޮޅަށް ވޯޓު ދޭ މެމްބަރުން އިތުރު ދައުރަކަށް ހޮވަން އެހީވާނެ ކަމަށް ވިދާޅުވުމުންނެވެ.
އިދިކޮޅު ކޯލިޝަންގެ މިރޭގެ ޖަލްސާގައި ގާސިމް ވިދާޅުވީ، އޭނާ ދެއްކެވި ވާހަކަ އަކީ ޖުމްހޫރީ ޕާޓީގެ ކައުންސިލުންނާއި ޕާލިމެންޓްރީ ގްރޫޕުން ނިންމި ނިންމުމެއްގެ ވާހަކަ ކަމަށެވެ. ގާސިމް ވިދާޅުވި ގޮތުގައި އެއީ އޭނާގެ އަމިއްލަ ނިންމެވުމެއް ނޫނެވެ. އެެއީ ބަޔަކަށް ނުފޫޒު ފޯރުވަން ދެއްކެވި ވާހަކައެއް ނޫން ކަމަށާއި އެކަމުގައި ކޯޓުން އިންސާފުން މައްސަލަ ނިންމަވާނެ ކަމަށް އުއްމީދު ކުރައްވާ ކަމަށް ގާސިމް ވިދާޅުވި އެވެ.
"ފަނޑިޔާރުން އިންސާފުގެ މަގުން ނިންމަވާނެ ކަމަށް އަޅުގަނޑުމެން ޔަގީން ކުރަނީ. އަދި އަޅުގަނޑުމެންގެ ޕްރޮސެކިއުޓާ ޖެނެރަލް އަދި އެހެން ފަރާތްތަކުން ވެސް،" މެމްބަރުންނަށް ރިޝްވަތު ދިނުމުގެ ތުހުމަތާއި ގާނޫނާ ޚިލާފަށް ސަރުކާރު ވައްޓާލަން އުޅުނު ކަމަށް ބުނެ ހައްޔަރު ކުރުމަށް ފަހު، ހައި ކޯޓުގެ އަމުރުގެ ދަށުން މިދިޔަ ބުދަދުވަހު ދޫކޮށްލުމުން، އިދިކޮޅު ހަރަކާތުން މާލޭގައި ބޭއްވި ޖަލްސާއެއްގައި ފުރަތަމަ ފަހަރަށް ވާހަކަ ދައްކަވަމުން ގާސިމް ވިދާޅުވި އެވެ.
އިދިކޮޅު ފަރާތްތަކުން ކުނޫޒްގައި މިރޭ ބޭއްވި ޖަލްސާގައި ގާސިމާއި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ބައިވެރިވެވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
ބަންދުގައި ހުންނެވި ދޫނިދޫގެ ހާލަތާ ގުޅިގެން އޭނާ ވިދާޅުވީ އެތަނުގެ ހާލަތު މިހާރު ހުރީ އެންމެ ކުރީ ޒަމާނަށް ވުރެ ދަށްކޮށް ކަމަށެވެ. ދެހާސް ހަތަރުވަނަ އަހަރު އުފެދުނު ސިޔާސީ އޮއިވަރުގެ ތެރެއިން ޖަލުގައި ދުވަސްތަކެއް ހޭދަކުރެއްވި ގާސިމް ވިދާޅުވީ އެތަނުގެ ކަންކަން އިސްލާހު ކުރަންޖެހޭ ކަމަށެވެ.
ރައީސް އަބްދުﷲ ޔާމީން އެކަންކަން ބައްލަވައި، ޖަލުގެ ހާލަތު ރަނގަޅު ކުރައްވާނެ ކަމަށް އުއްމީދު ކުރައްވާ ކަމަށް ގާސިމް ވިދާޅުވި އެވެ. އެކަމަކު ފުލުހުން އޭނާއާ މެދު އަމަލުކުރި ގޮތް ރަނގަޅު ކަމަށް ވިދާޅުވާ ވިދާޅުވުން ގާސިމް މިރޭ ވެސް ތަކުރާރު ކުރެއްވި އެވެ.
މަސީހުގެ އިތުބާރު ނެތްކަމުގެ މައްސަލައަކާ ގުޅިގެން ގާސިމް ވިދާޅުވީ 42 މެމްބަރުންގެ ސޮޔާ އެކު ނޫނީ މަޖިލީހުގެ ރައީސްގެ އިތުބާރު ނެތްކަމުގެ މައްސަލަ ހުށަނޭޅޭނެ ކަމަށް މަޖިލީހުގެ ގަވާއިދަށް އިސްލާހު ގެނައުމަކީ ހަމަޖެހޭ ކަމެއް ނޫން ކަމަށެވެ. މަސީހުގެ މައްސަލަ ދެވަނަ ފަހަރަށް ހުށަހަޅާފައި އޮއްވައި އެކަން އެގޮތަށް ކުރުމަކީ ގާނޫނީ ގޮތުން ބަލާއިރު ވެސް ހަމަޖެހޭ ކަމެއް ނޫން ކަމަށް އޭނާ ވިދާޅުވި އެވެ.
"އެއީ ކޮންފިޑެންސް ނެތުނީމަ ދެއްތޯ؟ ކޮންފިޑެންސް ނެތުމަށް މެދުވެރިވީ ކީއްވެގެންތޯ؟ ވަރަށް ގިނަ ވާހަކަ ދައްކައިގެން ކަން ނޭނގޭ އެ ހިސާބަށް ދެވޭނީ. އެ ކޮންފިޑެންސް ނެތިގެން މި އުޅުއްވާ ސަބަބު ވަރަށް ސާފު އަޅުގަނޑުމެންނަށް." މަޖިލީހުގެ މެމްބަރުންނާ މެދު ރައީސް ޔާމީނަށް އިތުބާރު ނެތް ކަން ފާހަގަ ކުރައްވަމުން ގާސިމް ވިދާޅުވި އެވެ.
ގާސިމް ވިދާޅުވި ގޮތުގައި ރައީސް ޔާމީނަކީ ރާއްޖެ އަށް އެންމެ އަވަހަށް ތަރައްގީ ގެންނެވި ރައީސް އެވެ. އެކަމަކު އެ ހުރިހާ ތަރައްގީއަކާ އެކު ކޮރަޕްޝަން އޮތީ އިންތިހާ އަށް އިތުރުވެފައި ކަމަށް އޭނާ ވިދާޅުވި އެވެ. ކޮންމެ މަޝްރޫއެއް ހިންގިޔަސް އޭގެ އަނެއް ފަރާތުގައި އޮތީ ކޮރަޕްޝަން ކަމަށާއި އާޚިރުގައި އޭގެ ހުރިހާ ދެރައެއް ލިބެނީ ރައްޔިތުންނަށް ކަމަށް ގާސިމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލޭއަލި
16 April 2017
އުޅުއްވީ އެހީތެރިކަމުގެ އަތެއް ފޯރުވަން.
ޑޯން
16 April 2017
ފާހަގަވޭ ވަރައް ޒައިޒުގަ ހުންނަކަން.....
މެންޓަލިސްޓް
16 April 2017
ގާސިމް އިބްރާހިމްއަށް ވަރަށްސަލާމް ،،،،، ތިޔަހައްދަވަނީ ކަނޑައެޅިގެން ދޮގެއް ،،،،، ގާސިމްއަކީ ވިޔަފާރިފެށީންސުރެން ބޭނުންވާ ނުފޫޒްތަށް ފޯރުވަމުން ހުރިހާ ކަމެށްވެސް ކުރައްވަމުން ގެންދެވި ބޭފުޅެށް ،،،، ދެން ސިޔާސީ ކަންކަމުގައިވެސް ފޯރުވެން އޮތްގޮތަކަށް ނުފޫޒްފޯރުވަމުން ގެންދެވީ ،،،، އެއީ އަޅުގަނޑުމެންގެ ދެލޯކުރިމަތީގައި ހިނގަމުން ދިޔަކަންކަން ނޫންތޯ ؟؟؟ އެހެންވީމައި ތެދުބަހުން ވާހަކަދެއްކެވުން ވަރަށްއެދެން ،،،، ހުރިހާ ވިޔަފާރިވެރިންނަކީވެސް ސިޔާސީވެރިންނަކީވެސް ނުފޫޒްބޭނުންުކުރައްވާ ބޭފުޅުން ،، އެއީ ސިޔާސީ ކަންކަމުގެ އުކުޅެއްކަމަށްވެސް ބައެއްމީހުންދެކޭ ،،،، ވަރަށްވެދުން
އަހައްމަދު އަހައްމަދޭ
16 April 2017
ހަމަ 100 ގެ ވާހަކައެއް ގާސިމް ތި ވިދާޅުވީ 50 ލިބުނިއްޔާ ރައްޔަތުންނަށް 25 އަނެއް 25 ވީނުވީއެއް ނ ނޭގޭ ގޮތައް ދާހެން ހީވާތީ ،މިހުރިހާކަމަކާ ގުޅިގެން ދެކެވޭ ވާހަކަތަކަކީ ސާބިތު ނުހިފޭ ވާހަކަ،އެކަހަލަ ވާހަކަތަކައް މިލިއަނެއްހާ ރުފިޔާނެތި އަނގަވެސް ނުހުޅެވޭވަރު މިއޮތީ ،ހަދާލާފަ، މަޖިލީހުގެ ނޯކޮންފިޑެންސް އެއޮތީ ރައީސުލްޖުމްހޫރިއްޔާ މަގާމުން ދުރުކުރުމައް އޮތް ގާނޫނީ ފުރުސަތައްވުރެން އެތައްގުނައެއް ބާރުގަދަވެފަ މަޖިލީހުގެ ރައީސް ވަކިކުރަން ހުޝެހެޅޭނެ ގޮތް! އަސްތަގުފިރުﷲ ތަންދޮރު އޮޅުން ނުފިލަނީ އަހަރެމެންނަކަށް އެކަންޏެއްނޫންތާ! މަޖިލީހުގެ 42 މެމްބަރުންގެ ސޮއިހޯދާފަ މަޖިލީހުގެ ރައީސްގެ އިތުބާރު ނެތް ކަމަށް ހުޝަހެޅޭ ހުޝަހެޅުން އެއީ ދުނި އުމުރައް ޕީޕީއެމް ބޭނުންވާ ގޮތް ތޯ ؟ އެއީ ބޮޑު ސުވާލު މި މަޖިލީސް ނިމި ދެން އަންނަ ދައުރަކަށް އިންތިހާބްވާ މަޖިލީހާއި ރައީސް ހަމަ ޕިންކުކަން ޔަގީނީ ތޯ؟ ނުވަތަ އުމުރައްތޯ؟ އެހެން ކަމަށް ވެއްޖިއްޔާ ؟ނެތް .ނޫންނަމަ 42 ހަމަ ކުރާ ބަޔަކު އެހުޝަހެޅުން މަޖިޅީހައް ވައްދަނީ ކީއްކުރަންތޯ އެންމެ ވޯޓެއް އިތުރައް ހޯދަން ،އެއީ ކުޑަ ސުވާލު؟
ފެނުނޭ
16 April 2017
މަމެން ރެޑޭ މެން ގާތު ބުނެދީފާނަން މަމެންނަށް ފެނުނު ހުވަފެނެއް. އެއީ ޖުލައި 26 އަންނަންވާއިރު ޖޭޕީ ގައި ތިބި އެމްޕީންގެ ތެރޭން 2 އެމްޕީން ފިޔަވާ ހުރިހާ އެމްޕީން ޕިންކީން ނަށް ސޮއި ކޮށްފައިވާތީވޭ ޖޭޕީގެ ވެރިފަރާތުން ޖޭޕީ ޝަޓް ޑައުން އިއުލާން ކުރިކަން އާންމު ކޮށް އަންގާ ޖޭޕީ ޕިންކީންނަށް އެކްސްކްލޫސިވް ރައިޓްސް އާއި އެކު ވިއްކި ވާހަކަ އަޑު އިވުނޭ ރޭގައި މަމެންނަށް ފެނުނު ސްވީޓް ޑްރީމް އެއް ގައި.
ސީދި
16 April 2017
އެއްއިރެއްގަވެސް އެކަހަލަކަމަކާ ނޫޅުއްވަންތޯ...؟
222
16 April 2017
ގާސިމް ވެރިކަމަށް
ގާސިމް
16 April 2017
އޮފްކޯޒް.
ތތތ
16 April 2017
ފާރިސް ނައިބުކަމަށް.
ހުސޭނު
16 April 2017
އެރޭ ބުނިދޯ ދޭނަމޭ. މިހާރު އެބުނީ ދޭކައް ނޫޅެމޭ. ޢެހެންވެއޭ މަމިބުނަނީ ވަރައް އަވަހައް ދެއަތައް އެނބުރޭނެޔޭ
ލުގުމާން
16 April 2017
އެއްވެސް ނުފޫޒެއް ފޯރުވާނެ ބޭފުޅެއްނޫން މާމިންގިލީ މެންބަރަކީ.... "މަސީހު ބޭރުކުރުމަށް ވޯޓުދެއްވާ ހުރިހައި މެންބަރުންނަށް އެހީތެރިކަން ދޭނަން އަދި އެމެންބަރަކު ނިސްބަތްވާ ދާއިރާއަކުން އަންނަދައުރަށް ހޮވައިވެސް ދޭނަން" މިހެން ވިދާޅުވުމަކީ މަނިކުފާނުގެ ހެޔޮފުޅުކަން، ނުފޫޒެއްނޫން. ބޮޑެތި ސަވާބުހުރިކަމެއް. މަނިކުފާނު ހީކުރަންތޯ އެމެރިކާއިން ނޯތްކޮރެއާއަށް ބޮން އަޅާއިރު ނޯތްކޮރެއިން އެކަމާބިރުން އަމާންދީ މަޑުން ތިބޭނެހެން. އެހެން ކަމަށް ވާނަމަ ތިޔަ ވިސްނަނީ ގޯސްކޮށް. ނޯތްކޮރެއާއިން ބަދަލުގައި ފޮނުވާނީ ނިއުކުލިއާކަން ހަނދާން ބަހައްޓަންވާނެ. ނިއުކުލިއާ ތަޖްރިބާ ކުރަން ބޭނުން ނަމަ ނިކަން ހަމަލާ ދެއްވާ....
ލުކްވެލް
16 April 2017
ކުށެއް ނުކުރަން، ބަޔަކަށް ނުފޫޒު ފޯރުވާކަށް ނޫޅެން ކަމަށް ގާސިމް އިބްރާހިމް ވިދާޅުވާއިރު ޕާސްޓް ޓްރެކް ރިކޯރޑްސް ތަކުން އިބްރަތެއް ލިބިގަތުން މުހިއްމެވެ. ރާއްޖޭގައި އޮވޭ ކޮރަޕްޝަން ހުއްޓުވުމާއި އަދި މަނާ ކުރުމާއި ބެހޭ ގާނޫނު. އެގާނޫނު ބުނާ ގޮތުން ބާރުގެ ބޭނުން ކޮށްގެން ނުވަތަ ނުފޫޒުގެ ބޭނުން ކޮށްގެން ރައްޔިތުންގެ މަޖްލީސްގެ މެމްބަރުންނަށް ވަކި ފައިދާ ތަކެއް ދޭން ބުނެގެން އެ މެމްބަރުންގެ ވޯޓަށް އަސަރުކުރާ ގޮތަށް އާންމު ތަންތާނގައި ވާހަކަ ދެއްކުމަކީ އެއީ ކުށެެއް ކަމަށެވެ. މިދެންނެވުނު ކޮށްގެން ކަމަށް މިހާރުގެ މަޖްލީހުގެ ނައިބް ރައީސް ކުށްވެރި ވެގެން ޖަލަށް ގަޅާލިއެވެ. ދެން ހަމަ އެގޮތަށް މާލޭގެ ވަރަށް އާދައިގެ މީހަކު މާލޭގެ މަޖްލީހުގެ މެމްބަރު ކަމަށް ކުރިމަތި ލައިގެން ހުރެ ހޮޓަލުގައި މީހަކަށް ސައިދޭން ބުނީ ތިމަންނާ އަށް ވޯޓްދޭށޭ ބުނުމުން އޭނާ ޖަލަށް ލާ އޭނާގެ ކެންޑިޑެސީ ވެސް ބާތިލް ކޮށް އޭނާ ވެސް ޖަލަށް ގަލާޅި އެވެ. މިހުރިހާ ކަންކަން ވެސް ހިނގާފައިވަނީ ތިރީސް އަހަރުގެ އެފްޕީއައިޑީގެ ކޮރަޕްޓް ވެރިކަމުގައި ކަމަށް މަމެންގެ ބެކްއޮފް މައިންޑް ބުނަނީ ދޯ. ދެން އެހެންވީއިރުން މިގާނޫނުގެ ގޮޅި އަކަށް ފެތޭތޯ ބެލުމަކީ އެއީ ޝަރުއީ ދާއިރާގެ ޒިންމާ އެކެވެ.
ވާނުވާ
16 April 2017
ވެއްޓެނީ