ޔާމީންގެ ހަށިގަނޑު ވަޅުލުމަށް ސަންދޯކުގައި ސަހަރާ އަށް ގެންދަނީ. - ފޮޓޯ: ހުސެއިން ވަހީދު/ މިހާރު
25 އެޕްރީލް 2017 - 20:12
15 comments
ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދުގެ މަރާލި މައްސަލައިގެ ތަހުގީގު މިނިވަން ފަރާތެއް މެދުވެރިކޮށް ކުރިއަށް ގެންދިއުމަށް ގޮވާލައި އިދިކޮޅު އެމްޑީޕީގެ މެމްބަރަކު ރައްޔިތުންގެ މަޖިލިހަށް ކުއްލި މައްސަލައެއް މިއަދު ވައްދައިފި އެވެ.
ހިތަދޫ ދެކުނު ދާއިރާގެ މެމްބަރު އަލީ ނިޒާރު ހުށަހެޅުއްވި ކުއްލި މައްސަލައިގައި ވިދާޅުވީ ސ. ފޭދޫ އަށް އުފަން ޔާމީން 29، މަރާލުމުގެ ކުރިން ދިން އިންޒާރުތަކާ ދެކޮޅަށް ފުލުހުން އެއްވެސް ފިޔަވަޅެއް އަޅާފައި ނުވާ ކަމަށެވެ. އަދި ޔާމީނަށް ފުލުހުން އެއްވެސް ވަރަކަށް ޖަވާބުދާރީވެފައި ނުވާ ކަމަށް ވެސް ނިޒާރު ވިދާޅުވި އެވެ.
އެހެންވެ، ޔާމީންގެ މަރުގެ ތަހުގީގު އިންސާފުވެރިކަމާއެކު އެންމެ ފުރިހަމަ އަށް ދިވެހި ފުލުހުންނަށް ހިންގިދާނެ ކަމަށް ގަބޫލު ނުކުރެއްވޭ ކަމަށް އޭނާ ވިދާޅުވި އެވެ.
ޔާމީންގެ އިތުރުން މަޖިލިހުގެ މެމްބަރުންނަށާއި ސިޔާސީ އެކިއެކި ބޭފުޅުންނަށާއި ނޫސްވެރިންނަށާއި އާންމު ރައްޔިތުންނަށް އިންޒާރުތައް ލިބި، ފުލުހުންނަށް ރިޕޯޓު ކުރުމާ ގުޅިގެން އެ ފަދަ މައްސަލަތައް ފުލުހުން ބަލާފައި ނުވާ ކަމަށް ވެސް ނިޒާރުގެ މައްސަލައިގައިވެ އެވެ.
އޭނާ ވިދާޅުވި ގޮތުގައި މަޖިލިހުގެ ކުރީގެ މެމްބަރު ޑރ. އަފްރާޝީމް އަލީ އަވަހަރާކޮށްލިތާ ފަސް އަހަރު ވީއިރު ވެސް މިހާތަނަށް ފުލުހުންނަށް ފުރިހަމަ ތަހުގީގެއް ކުރެވިފައެއް ނުވެ އެވެ. އަދި މިނިވަން ނޫހުގެ ނޫސްވެރިޔާ އަހުމަދު ރިލްވާން ވަގަށް ނެގިތާ ތިން އަހަރު ހަމަވާން ގާތްވިއިރު ވެސް އެކަން ކުރި ބަޔަކާ އެކަން ހިނގި ގޮތް ވެސް ފުލުހުންނަށް ހޯދިފައި ނުވާ ކަމަށް ނިޒާރު ވިދާޅުވި އެވެ.
ޔާމީން ބްލޮގުގައި ލިޔާ ލިޔުންތަކާއި ސޯޝަލް މީޑިއާގައި ފާޅުކުރާ ހިޔާލުތަކާ ގުޅިގެން އޭނާ އަށް އިންޒާރު ދިން މައްސަލަތައް ފުލުހުންނަށް ހުށަހެޅުމުން، އެ މައްސަލަތައް ބަލައި ތުހުމަތުކުރެވޭ ބަޔަކާ ސުވާލުކުރި ކަމަށް ފުލުހުން ވަނީ ބުނެފަ އެވެ. އެކަމަކު އެޅީ ކޮން ފިޔަވަޅެއް ކަމެއް ނުބުނެ އެވެ.
ރަހުމްކުޑަ ހަމަލާތަކެއްގައި މިދިޔަ ހޮނިހިރުދުވަހުގެ ރޭ ދަންވަރު މަރާލި ޔާމީންގެ މަރުގެ މައްސަލައިގައި އިތުބާރު ހިފޭ ތަހުގީގެއް ހިންގޭނީ ބައިނަލްއަގުވާމީ ފެންވަރުގެ ތަހުގީގީ ތަޖުރިބާކާރުންގެ ބައިވެރިވުމާ އެކު ކަމަށް އޭނާގެ އާއިލާ އިން ވެސް ވަނީ ބުނެފަ އެވެ.
ފުލުހުން މިއަދު ނޫސްވެރިންނަށް ބުނީ ޔާމީން މަރާލުމުގައި ބައިވެރި މީހުންނާ ބެހޭ މައުލޫމާތު ލިބިފައިވާ ކަމަށާއި ވީޑީއޯތައް ވެސް އެބަހުރި ކަމަށެވެ. އަދި އޭގެ ތެރެއިން ބައެއް ވީޑިއޯ ފުލުހުން ވަނީ މިއަދު ހަވީރު ބޭއްވި ޕްރެސް ކޮންފަރެންސްގައި ދައްކާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަންމަދު
26 April 2017
މަޖިލީހުގެ މެޖޯރިޓީ ޤަބޫލުކުރާނީ ފުލުހުން އަންގާގޮތް. އެހެންވީމަ އެހުރިހައި މެންބަރުން އެއެންގުމަށް ތަބަޢަވާންޖެހޭނެ. ރަސްމީގޮތުން އެއޮތީ "ހައްޕު" ކިޔައިގެންތިއަބަވަން އަންގަވާފަ. އެހެންވީމަ މަޖިލީހުގެ ސަމާލުކަމަށްގެނައިނަމަވެސް، ކުރާނީ ކީއްތޯ؟ އެއްކަމެއްނުވާނެ! ނުކުރެވޭނެ! ކަންކުރިބަޔަކާ، ކުރުވިނަމަ ކުރުވިބަޔަކު މިހާރު އަތުޖެހޭގޮތަކަށް ތިބޭނެބާ!
ސީމެގް
26 April 2017
މީ ހަބަރަށް އަރާވަރުގެ ކަމެއްވެސް ނޫން މިހާރު.
ލޮލީތާ
26 April 2017
ތިދެން 4ރެސްކަން ހަމަވީ! ތިމައްސަލަ ރާއްޖެތެރޭ ގެއެއްގެ ބަދިގެއަކަށް ވެއްދިއަސް މާ އޮށްޓަރުހުރި ނަތީޖާއެއް ނެރެލެވޭނެ.
އަސްތާ
26 April 2017
ތިތަނަށް މީގެކުރިންވެސް ނޫސްވެރިއަކު ވަގަށްނަގައިގެން އެތައްބަަޔަކު ސޮއިކޮށް ޕެޓިޝަން ވެއްދީމަވެސް މަޖިލީސް ހިސޯރުކޮށްގެން އުޅޭ ޕާޓީން އެބޭރުކޮށްލީ އެއަކަމު ބަޖެޓަށް ފައިސާހޯދަން ރައްޔިތުން ފެލަން ވެއްޖެއްޔާ ރޭގަނޑު ހޭލާތިބެގެން ސިފައިންވައްދައިގެން ނަމަވެސް ބިލުފާސްކޮށް އެކަން ބަރާބަރަށްކުރާނެ.
ކޮލޮމްބޯ
26 April 2017
ތިޔަތަނަށް ވައްދާނެ ކަމެއްނެތް! ރިލްވާނު މައްސަލަލީމާ، ހުރިހާ ޕީޕީއެމް މެންބަރުން ވެގެން ބޭރުކޮއްލީ! މިފަހަރު ޑްރާމާ ކުޅެން ދެން އުޅޭނެކަމެއް ނެތް!
އިދުރީހު
25 April 2017
ކުއްލި މައްސަލައިގަ ބަހުސްކުރުމައް އެމީހުންނައް ހާއްސަ އެލަވަންސެއްދޭންފެނޭ އެއީ މިހާރު އެލިބޭ މުސާރަޔާއި އެލަވަންސްތަކުން ތިވަރުގެކަމަކައް ބަހުސެއް ނުކުރެވޭނެ އަދި ބަހުސްނިމުމުން ހަމަސްދުވަހުގެ ޗުއްޓީއެއްވެސް ދޭންފެނޭ ކޮންމެހެންވެސް މިކަންކަން ތިޖަލްސާގަ ފާސްކުރާތި !!!!!!!!!!!!!!!
އަލީ
25 April 2017
އަދި އުމުރު ދުވަހައް އެމުސާރަ ލިބޭގޮތައް ފާސް ކުރަންވާނެ ކޮންމެހެންވެސް!
ދދދ
25 April 2017
ޔާމީން ރަޝީދު ވަނީ ތިޔަށް އަގުވެސް އަދާކޮށްފައި ގައުމަށްޓަކައި އޮހުރުވާލި ލެއިން
ނުވާނެ. ނުވާމެ ޔަޤީމް
25 April 2017
ދިވެހި ފުލުހުން މިހާތަނަށް ޔަޤީން ކޮށްދީފައޮވަނީ ކަންކަމުގެ ނާޤާބިލްކަމެވެ. މިސާލަކަށް އަފްރާޝީމް ޝަހީދު ކޮށްލި މައްސަލަޔާއި. ނޫސްވެރިޔާ ރިލުވާން ވަގަށްނެގި މައްސަލަޔާއި. އަދި 2012 ގެ ހަތެއް އަދި އަށެއް ފެބްރުއަރީ ޢިބްރަތަކަށް ފުދެއެވެ.
ދިސްވޭ
25 April 2017
ޔާމީންގެ މަރުގެ މައްސަލަ މަޖިލިހުގެ ސަމާލުކަމަށް ގެނެސްފިނަމަ މަޖްލީހުން ކޮށްދެއްވަން ޖެހޭނެ ކަމަކީ އެއީ ރޭގަނޑު 12 ގެ ފަހުން މާލޭގައި ސައިކަލް ދުއްވޭނީ އެއީ ޚާއްސަ ހުއްދަ އެއް ނަގައިގެން ކަމަށާއި އަދި މާލެ ސަރަހައްދުގައި ގެންގުޅޭ ހުރިހާ ވެހިކަލްސް ތަކުގައި ހުންނަން ޖެހޭނީ އިލެކްޓްރޯނިކް ޓެގް ހަރުކުރެވިފައި ކަމަށް ނިންމަންވީ. އަދި ގާނޫނަކުން ފުލުހުންނަށް ދިރާގާއި އަދި ވަތަނިޔާ ނެޓް ވޯރްކް އިން ކުރާ ހުރިހާ ފޯން ކޯލްސް ތައް ރިކޯރޑް ކުރުމާއި އަދި އަޑުއެހުމުގެ ހުއްދަ ވެސް ދޭންވީ އެވެ. އަދި ކިތަންމެ ބޮޑު ޚަރަދެއް ކޮށްގެން ނަމަވެސް މާލޭގެ މަގުތައް ދިއްލާ ާމާލޭގެ މަގުތަކުގައި ހުރި ގަސް ތައް ވެސް ކޮށާ އަލި ކޮށް މާލޭގެ މަގުތަކުގައި މާކަރީ ލައިޓްސް ތައް ޖަހާ ދިއްލާ ގަލޮޅު ދަނޑުގައި ރޭގަނޑު ފުޓްބޯޅަ ކުޅޭ އިރު ދިއްލާފައިވާ މިންވަރަށް މާލޭގެ މަގުމަތި ރޭގަނޑު އިރޮއޮއްސި 6 އިން އިރުއަރާ 6 އަށް ދިއްލާ ހަދާ މާލޭގެ މަގުމަތީގައި ކޮންމެ 30 މީޓަރަކުން 24 ގަޑިއިރު ފުލުހުން ޖަގަހަގެ މަގުމަތީގައި ހަދައިގެން 24 ގަޑިއިރު ފޯރި މަރަމުން މަގުމަތި ބަލަހައްޓަމުން ދާން ޖެހޭނެ ކަމަށް ވެސް ބަޔާން ކުރާ ގާނޫނެއް ފާސް ކޮށް ދެއްވަންވީ އެވެ. އެއިރުން ދެން ރާއްޖޭގެ ވެރިކަން ކުރާ ރަށް ކަމަށްވާ މާލެ އަމާން ކުރެވޭނީ.
ޙަސަން އަޙްމަދު
26 April 2017
މާލޭގަ ސައިކަލު ދުއްވުން މަނާކޮށްފަ އޮތްނަމަ ގެއެއްގެ ސިޑިދަށުގައި ފިލައި ތިބެ ޑރ އަފްރާޝީމް އަވަހާރަކޮށްލި ގޮތަށް އެކަން ނުކުރެވޭނީ ހެއްޔެވެ؟ އަދި ހަމަ އެގޮތަށް ޔާމީން ރަޝީދު މަރައެއް ނުލެވުނީސް ހެއްޔެވެ؟ ރިލުވާނު ވަގަށް ނުނެގުނީސް ހެއްޔެވެ؟ ބޮލަކަށް ޖަހާފަ ތިހަރީ މީދާ ކޭ އުނބެއް ހެއްޔެވެ؟
ކޮމެންޓް
26 April 2017
މިވާނީ އެއްކަލަ ބޯގޯސް ކޯަދިނޭޓަރު ކަމަށް! ތާކުންތާކު ޖެހޭ ވާހަކައެއް ނުދައްކާނެ! މީ ކާކުތޯ ބަލާ ކުޑަކަމުދާ އެއްޗެހިވެސް ޓެސްޓްކޮއްލަން ރަގަޅު!
އަހުމަދު
25 April 2017
މަޖިލީހުގެ ސަމާލު ކަމަށޯ ހީހީ ހަލާކު.. ދެން ޖަލްސާބާއްވާފަ ބޮޑުދެގެރި ތެޅުން އޮންނާނީ.. ސަމާލު ކަމަށް ގެނަޔަސް އެމީހުނަށް ފައިދާ ނުވާ ކަމެއްގައި ވާނެކަމެއް ނޯންނާނެ..