ޔާމީން ރަޝީދު ދިރިއުޅުނު ގޭގެ ކައިރި ފުލުހުން ބަންދުކޮށް، އެތަނުގައި ފުލުހުން ފޯރިމަރަނީ: ޔާމީންގެ މަރާގުޅިގެން އަދި ހައްޔަރު ކުރީ އެންމެ މީހެއް.---މިހާރު ފޮޓޯ: ހުސެއިން ވަހީދު
02 މެއި 2017 - 11:46
12 comments
މި ދިޔަ މަހުގެ 22 ވަނަ ދުވަހުގެ ރޭ، ބަޔަކު ތޫނު ހަތިޔާރުން ހަމަލާދީ މަރައިލި ޔާމީން ރަޝީދުގެ މަރުގެ މައްސަލައިގައި ބައިނަލްއަގްވާމީ މިނިވަން ތަހުގީގެއް ހިންގުމަށް ސްރީ ލަންކާގެ ގިނަ އެކްޓިވިސްޓުންތަކެއް ގޮވާލައިފި އެވެ.
ހައްގުތަކަށް ގޮވާލާ، ސްރީ ލަންކާގެ އެކްޓިވިސްޓުންނާއި ސޯޝަލް މީޑިއާގެ އެކި ފަރާތްތަކާއި ނޫސްވެރިންތަކެއް ގުޅިގެން ނެރުނު ބަޔާނެއްގައި ބުނިގޮތުގައި ޔާމީން 29، އަކީ ރާއްޖޭގައި ހުރި އެންމެ ކުޅަދާނަ އެއް ބްލޮގާ އަދި ސޯޝަލް މީޑިއާ އެކްޓިވިސްޓެވެ. އަދި ސަރުކާރުގެ ކޮރަޕްޝަނާއި ހައްދު ފަހަނައަޅައި ދިއުމާ ދެކޮޅަށް އެންމެ ގަދައަށް ވާހަކަ ދެއްކި އެކަކު ކަމަށް އެ ބަޔާނުގައި ބުންޏެވެ.
އެހެންވެ، ޔާމީން މަރައިލުން އެ މީހުން ސިފަކުރީ ދީނީ ހަރުކަށި ވިސްނުމާއި ހައްދު ފަހަނައަޅައި ދިއުމާއި ސަރުކާރަށް ކިޔާ ފާޑުކިޔުންތަކުގެ އަޑު ކަނޑުވައިލުމަށް ރާވައިގެން ހިންގި އަމަލެއްގެ ގޮތުގަ އެވެ.
ލަންކާގެ އެކްޓިވިސްޓުން ވަނީ ޔާމީން މަރައިލި މައްސަލަ ބޭރުގެ ފަރާތްތަކުގެ އެހީގައި މިނިވަން ކަމާއެކު ތަހުގީގު ކުރުމަށް، ގާނޫނު ތަންފީޒު ކުރާ ފަރާތްތަކާއި ދިވެހި ސަރުކާރަށް ގޮވާލައިފަ އެވެ.
ޔާމީން ރަޝީދު
އަދި ނޫސްވެރިންނާއި ބްލޮގް ލިޔާ މީހުންގެ ހައްގުތަކަށް ވަކާލާތު ކުރާ މީހުންނަށް ރައްކާތެރިކަން ޔަގީންކޮށްދީ، ހިޔާލު ފާޅުކުރުމަށް އޮތް ހުރަސްތައް ނައްތާލުމަށް ވެސް ސަރުކާރަށް އެ މީހުން ވަނީ ގޮވާލާފަ އެވެ.
ޔާމީން މަރައިލުން ލަންކާ ސަރުކާރުން ވެސް ވަނީ ކުށްވެރިކޮށްފަ އެވެ. އަދި ގާތިލުން ހޯދެންދެން ތަހުގީގު ކުރިއަށް ގެންދިއުމަށް ގޮވާލާފައި ވެ އެވެ.
ޔާމީންގެ މަރާގުޅިގެން އިއްޔެ ރޭ ފަތިހު އުމުރުން 18 އަހަރުގެ މީހަކު ހައްޔަރުކޮށްފައިވާއިރު އޭނާގެ ބަންދަށް 15 ދުވަސް ވަނީ ޖަހައިފަ އެވެ.
އެނގިފައިވާ ގޮތުގައި ޔާމީންގެ މަރުގެ މައްސަލައިގައި ހައްޔަރު ކުރީ، އެ ރޭ ޔާމީނަށް ފާރަލައި އޭނާގެ ހަރަކާތްތައް ބަލަން އުޅުނު މީހެކެވެ.
ޔާމީނުގެ މަރުގެ މައްސަަލައިގައި އިންސާފުވެރި ތަހުގީގެއް ހިންގައި ދިނުމަށް އެދި ލިޔުންތަކެއް ހަރުކޮށްފައި.---މިހާރު ފޮޓޯ: ހުސެއިން ވަހީދު
ގދ. އަތޮޅުގެ ރަށަކަށް ނިސްބަތްވާ އެ މީހާއަކީ ޔާމީން ދިރިއުޅުނު ގެއާ ކައިރި އެހެން ގެއެއްގައި އުޅުނު މީހެކެވެ.
ސ. ފޭދޫ ޗަނބޭލީގޭ ޔާމީން 29، ގެ ހަށިގަނޑުގެ އެކި ތަންތަނަށް ތޫނު ހަތިޔާރުން ހަމަލާދީ މަރާލާފައި އޮތީ މާފަންނު ބިސްބުރު ކައިރީގައި ހުންނަ އޭނާ ދިރިއުޅޭ ގެ، މ. ސުޕެޓިއުލާގެ ތިރީބުރީގައި ސިޑި އާއި ލިފްޓު ކައިރީގަ އެވެ. އޭނާގެ ހަށިގަނޑުގެ 32 އަށް ވުރެ ގިނަ ތަނަށް ވަޅި ހަރާފައިވެ އެވެ. ޔާމީންގެ މަރާ ގުޅިގެން ފުލުހުން މިހާތަނަށް ބޭއްވި ނިއުސް ބްރީފިންގައި ބުނެފައިވަނީ ޔާމީން މަރައިލުމުގައި ބައިވެރިވި މީހުން ދެނެގަނެވިފައިވާ ކަމަށެވެ. ނަމަވެސް ފަހުން އޭނާގެ އާއިލާ އަށް އަންގާފައިވަނީ އެއީ ކޮން ބައެއްކަން ނޭނގޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެކޮޅުވެރީ
02 May 2017
ވަކިމީހެއްވީމަ، ބައިނަލް އަގްވާމީ ތަޙްޤީޤު ކުރަން ތި ގޮވަނީ، މިޤައުމުން މަރާލާ އެންމެންގެވެސް ތަޙްޤީޤު ކުރެވެންވާނީ އެއްގޮތަކަށް، ސަބަބަކީ ރައްޔިތުންގެ ފައިސާއިން ތިޔަ ހުރިހާ ކަމަކަށް ޚަރަދު ކުރާތީ، އެހެން ނޫނީ، އަމިއްލަ ފަރާތަކުން ތިޔަ ތަޙްޤީޤު ކުރޭ އަހަރެމެން ނެތިން އެއްޗެއް ބުނާކަށް، ހެޔޮ ބައިނަލް އަޤްވާމީ ކޯޓަކަށް ގެންދިޔައަސް،
ސަރުކާނު
02 May 2017
ނަޝީދަށް ކުރެވުނުކަމެއް މިރާއްޖެ ހަލަބޮލިކުރަން އޭނަކުރާނެ. އަނެއްކާ އެއްގޮތަކުން ނަޝީދާ ޔާމިނަކީ އެއްވަތަރުގެ ޚިޔާލުގެ ދެމީހުން. އެހެންވީމަ ޔާމިނުގެ މަރަކީ ނަޝީދާ ބޭރު ދުނިޔެއަށް ވަރަށް ބޮޑު ހިތާމައެއް.
ކިހިނަކުން
02 May 2017
ޔާމީންގެ މަރަކީ ކޮންމެ ދިވެއްސަކުވެސް ކަންބޮޑުވާނެ ކަމެއް. އެކަމަކު ލަންކާގެ ބަޔަކު މިކަމުގެ ތެރެއަށް މިވަދެގަތީ ލަންކާގައި މަރާލެވުނު ނޫސްވެރިންނާއި ގެއްލުވާލައި ގެއްލިފައިވާ ނޫސްވެރިންގެ އަދަދު ވަކި މަދުވީމަބާ. މާރަނގަޅުވާނެނުން އެމީހުންގެ މައްސަލަތަކަށް ލަންކާ މިމީހުން ވަކާލާތު ކުރިއްޔާ.
ހަންނަރާ
02 May 2017
ސްރީލަންކާއިން އެދުނަސް މި ސަރުކާރަކުން ބޮލެއް ނުލަނބާނެ. މިއީ ވާ ގަޓްހުރި ސަރުކާރެއް.
444
02 May 2017
ޝުކުރިއްޔާ މައިތިރި!
ބަތޫކް
02 May 2017
ބައިނަލްލަގްވާމީ ތަހުގީގު ޓީމެއް ރާއްޖެއައިސް އެކަން ތަހުގީގުކުރުން އެންމެ ރަގަޅީ، މިތަނަކުން ނުކުރާނެ ތިޔަކަމެއް
އަހައްމަދު އަހައްމަދޭ
02 May 2017
ލަންކާގެ އެކްޓިވިސްޓުން ޔަމީނުގެ މަރުވި މައްސަލައިގަ ބައިނަލްއަގުވާމީ ތަހުގީގަކަށް ގޮވުން ، މިހާރު ދުނިޔޭގެ ގައުމުތަކުގަ ހިނގާ މިފަދަ އަމަލުތަކަށް އެކަށީގެންވާ އިންސާފްނުލިބޭތީ އެކަނކްމަށް ފާޑުކިޔާ އިންސާފް ހޯދަދޭން ވަކާލާތު ކުރަނީ ހުސް އެކަނި އެކްޓިވިސްޓުންތޯ ،؟ ދުނިޔެ ހިންގުން އެކްޓިވިސްޓުންނަށް ތަންތަނުގެ ވެރިން އާސޯހުވެފަ ބޭގަރާރުވެފަ، ކޮންމެސް ކަމަކާލައިގަނެގެން ސަލާމަތްނުވެފަ ،
ހަންނަ
02 May 2017
ތިޔަކަމެއް މި ސަރުކާރަކުން ނުކުރާނެ.
މުސަަ
02 May 2017
މިކަމުން ދޭހަވަނީ ދިވެހިރާއްޖޭގެ ޕޮލިސް ފެއިލް ވެފައިވާ ތަން
މުހަންމަދު
02 May 2017
ސަރުކާރުން ކޮމިޝަނެއްހަދައި، ބައިނަލްއަޤްވާމީއެއްނޫން ކޮންމެ އަޤުވާމީއެއް ބައިވެރިކޮށްގެންބެލިނަމަވެސް، ތިމައްސަލަ ބަލައި ތަޙުޤީޤުކުރަންވެއްޖެނަމަ ނިމޭނީ ކޯނީރިޕޯޓެކޭ އެއްގޮތަށް ތިޔައީ ޤަތުލަކަށްނުވެ، އޭނައަމިއްލައަށް 14 ނޫނީ 16 ފަހަރު ގަޔަށް ވަޅިހަރައިގެންކަމަށް! ހުރިހައިހެކި ފުހެސާފުކޮށް ނައްތާލެވޭހައިދުވަސްވެއްޖެ! ދެން ކުރެވޭނީ ކޮންކަމެއްބާ؟ ބުއްދިޤަބޫލުކުރާގޮތަށް ތިކަންކުރެވި، ތިކަމުގައިބައިވެރިވާ ބަޔަކުހޯދި، ޝަރީޢަތްކުރެވި، އެބަޔަކަށް އަދަބުދެވިއްޖެނަމަ، ތިމަރުޙޫމްގެ މައިންބަފައިންނަށާއި، މުޅިޤައުމަށް ވަރަށްބޮޑު ހިތްހަމަޖެހުމެއް ލިބޭނެ!