މިނިސްޓަރު މުއިއްޒު މަޖިލިހުގެ ޖަލްސާއެއްގައި ވާޙަކަ ދައްކަވަނީ. - ފޮޓޯ: މަޖިލިސް
07 ޖޫން 2017 - 12:50
20 comments
ރައީސް އަބްދުﷲ ޔާމީންގެ ސަރުކާރުން 12 ރަށެއްގައި ބިން ހިއްކައި ނިންމުމަށް 1.7 ބިލިއަން ރުފިޔާ ހަރަދު ކުރި ކަމަށް ހައުސިން މިނިސްޓަރު މުހައްމަދު މުއިއްޒު ރައްޔިތުންގެ މަޖިލިހުގައި މިއަދު ވިދާޅުވެއްޖެ އެވެ.
ތ. ހިރިލަންދޫގެ ބިން ހިއްކުމުގެ މަޝްރޫއުގެ އެންމެ ފަހުގެ މައުލޫމާތާ ގުޅޭ ގޮތުން ކުރެއްވި ސުވާލުގެ ޖަވާވު ދެއްވަމުން މިނިސްޓަރު މުއިއްޒު ވިދާޅުވި ގޮތުގައި 12 ރަށެއްގެ ބިން ހިއްކުމަށް ބިލިއަނަކަށް ވުރެ ގިނަ ރުފިޔާ ޚަރަދުވީ ބިން ހިއްކުމުގެ އިތުރުން ރިވެޓްމަންޓް ޖެހުމުގެ މަސައްކަތަށެވެ. އެ ގޮތުން ސަރުކާރުން 360 ހެކްޓަރުގެ ބިން ހިއްކާފައިވާނެ ކަމަށް އޭނާ ވިދާޅުވި އެވެ.
ހިރިލަންދޫގެ ބިން ހިއްކުމުގެ މަޝްރޫއު ކުރިއަށް ގޮސްފައިވާ ހިސާބެއް ސާފުކޮށް ދެއްވުމަށް ޖުމްހޫރީ ޕާޓީގެ ނައިބު ލީޑަރު އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒް ހުށަހެޅުއްވި ސުވާލުގެ ޖަވާބުގައި މުއިއްޒު ވިދާޅުވީ އެއީ މި އަހަރު ކުރިއަށް ގެންދަން ނުނިންމާ މަޝްރޫއެއް ކަމަށެވެ.
ނަމަވެސް ރައީސް ޔާމީން ވެވަޑައިގެންފައިވާ ވައުުދުތައް ފުއްދަވާނެ ކަމަަށް އޭނާ ވިދާޅުވި އެވެ.
"މި އަހަރުގެ ބަޖެޓުގައި ހިމެނިފައި ނުވާ މަޝްރޫއެއް މި އަހަރުގެ ބަޖެޓުގެ ތެރެއިން ކުރިއަށް ގެންދިއުމަކީ އަޅުގަނޑުމެންނަށް ކުރެވޭނެ ކަމެއް ނޫން،" މުއިއްޒު ވިދާޅުވި އެވެ.
ސަރުކާރުން ބިން ހިއްކުމުގެ މަޝްރޫއު ކުރިއަށް ގެންދިޔަ ބޮޑެތި ބައެއް ރަށްތަކުގެ ތެރޭގައި ހުޅުމާލެ، ސ. ފޭދޫ، ގދ. ތިނަދޫ، ކ. ހިންމަފުށި، ކ. ތުލުސްދޫ ފަދަ ރަށްތައް ހިމެނެ އެވެ.
ބައެއް ރަށްރަށުގައި ބިން ހިއްކުމުގެ މަޝްރޫއުތައް މި އަހަރު ފެށުމުގެ މަސައްކަތް ކުރައްވާކަން މިނިސްޓަރު ފާހަގަކުރެއްވި އެވެ. އަދި އެމްޓީސީސީ އަށް ޑްރެޖަރެއް ހޯދަނީ، ބޭރުން ޑްރެޖަރެއް ގެންނަން ކުރާ ހަރަދު ކުޑަ ކުރަން ކަމަށް އޭނާ ވިދާޅުވި އެވެ.
"ބިން ހިއްކުމުގެ މަޝްރޫއު ހިންގަނީ މުސްތަގުބަލަށްޓަކައި، ރަށްރަށުގެ އާބާދީ އަދި އާބާދީ އެއްފަސް ކުރަން ބޭނުންވާ އަދަދަށް ރައްޔިތުންނަށް ފުރުސަތު ދިނުމަށް،" މުއިއްޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޏ
08 June 2017
ޤްޑް ޖޮބް.
ޜީޟާ
07 June 2017
ކޮބާ ކުޅުދުއްފުށީގައި ހުއްޓިފަހުރި ރޯހައުސްތަކުގެ ޚަބަރު އަހާލާނެ ގަފޫރެއް ނަޝީދެއް ނެތްދޯ.
ކީއްވެތޭ
07 June 2017
އައްޑޫ ފޭދޫގައި ބިން ހިއްކައިގެން އަދި ވެސް ދައުލަތުގެ ބަޖެޓަށް އެންމެ ރުފިޔާ އެއް ވެސް ނުލިބެއެވެ. އެކަމަކު އަލަށް ހިއްކި ބިމުން ގޯއްޗަށް އެދިފައި އެބައޮތް އެތައް ސަތޭކަ ބަޔަކު. އެކަމަކު ކޮންމެ 10 ގެ އަކުން 8 ގެ ހުންނަނީ ފަޅަށޭ. އަދި ވެސް ދަނީ ފަޅު ވަމުންނޭ. ކަން މިހެން ހުރުމުން ސަރުކާރުން ކޮން ގޮތަކުން ބަލާފައިތޭ އައްޑޫ ފޭދޫގެ ބިން ހިއްކީ. އެއަށް ވުރެން ރަނގަޅު ވީސް ނޫންތޭ އެފައިސާ އިން ގުޅި ފަޅު ހިއްކިނަމަ. އެހެން ނަމަ މިއަދު ގުޅި ފަޅުން ހިއްކި ބިން ތައް އަކަފޫޓަކަށް މަހަކު 1 ރުފިޔާ ގެ ރޭޓުން ކުއްޔަށް ދިނަސް އެއް ބިލިއަން އަކަފޫޓް ކުއްޔަށް ދެެވޭނެ ވަރަށް ބިން ހިއްކޭނެއެވެ. އެހެން ނަމަ ދައުލަތުގެ ބަޖެޓަށް މަހަކު 1 ބިލިއަން ރުފިޔާ މިއަދު އިތުރަށް މިދެންނެވުނު ގުޅި ފަޅުން ކުލީގެ ގޮތުގައި ވަނީސް ނޫން ތޭ. ކަން މިހެން ހުުރުމުން މިފަދަ ކަންކަމާއި މެދު ސަރުކާރުގެ އިކޮނޮމިކް ކައުންސިލުން ނުވިސްނަނީ އެއީ ކީއްވެތޭ އެއީ މަމެން ކޮށްލަން ބޭނުންވާ ސުވާލެކެވެ.
ޔަގީނޭ
07 June 2017
ބާރަ ރަށެއްގައި ބިން ހިއްކަން އެެއް ބިލިއަން ޑޮލަރު ޚަރަދު ކުރުން އެއީ ވަރަށް ބޮޑު އަދަދެކެވެ. ތިޔާ ބާރަ ރަށުގައި ބިން ހިއްކައިގެން ދައުލަތަށް ވަންނަ އާމްދަނީ އެއް ނޯންނާނެއެވެ. ކަން މިހެން ހުރުމުން މިއަށް ވުރެން ރަނގަޅު ވާނެ ނޫންތޭ މިފައިސާ އިން މާލެ ވިލިގިލި ފަޅާއި އަދި މާލެ ގުޅި ފަޅު އެއްކޮށް ހިއްކާލާ އަދި ތިލަފުށި ފަޅު އެއްކޮށް ހިއްކިނަމަ. އެއިރުން އެހެން ނަމަ އެބިންތައް ކުއްޔަށް ދީގެން ދައުލަތަށް އާމްދަނީ ހޯދޭނެ ނޫންތޭ. ދެން ވެސް ހަދަންވީ ގޮތަކީ އިތުރަށް ރާއްޖެތެރޭގެ ރަށްރަށުގެ ބިން ވެސް ނުހިއްކަންވީ އަދި ބަނދަރުވެސް ނަހަދަންވީ މިއަހަރު ދައުލަތުގެ ބަޖެޓުން. އެފައިސާ އިން ހައްދަވަންވީ ގޮތަކީ ހުޅުމާލޭ ދޭއް ގައި 50 ހާސް ހައުސިންގް ޔުނިޓްސް އަޅާ ކުޑަ އަގެއްގައި ކުއްޔަށް ދޫލޮށްލަންވީ އެ ބޭނުންވާ އެންމެންނަށް. އެއިރުން މާލެ ސަރަހައްދުގައި މިހާރު ބޮޑެތި އެޑްވާންސް ނަގައިގެން އަންޑަރވޯލްޑް ގޭމް ކުޅޭ މީހުންނަށް ނިމުމެއް އައިސް ރާއްޖޭގެ އިގްތިސާދުގެ ތެރޭގައި އެނބުރޭ ފައިސާ ފީންނެއް ވަކި ބަޔެއްގެ އަތް މައްޗަށް އެރުމުގެ ބަދަލުގައި އެންމެންގެ މެދުގައި ބެހި ހުރިހާ އެންމެންގެ މެދުގައި ތަނަވަސް ކަން ބެހިގެން ދާނެއެވެ. މީ ހަމަ ޔަގީން ކަމެކެވެ.
އަލީ
07 June 2017
ބޮޑުންގެ ޖީބަށް ދިޔައީ ކިތަށް މިލިޔަން ކަން ވެސް ސާފުކޮށްދެއްވިނަމަ...!
ވަޒަންބެ
07 June 2017
އެއްރަށަށް 12 ބިލިޔަންވެސް ޚަރަދު ކުރެވިދާނެ ދެއްތޯ މުއިއްޒު.
އޮޓަސް
07 June 2017
ތި ހުރިހާ އަގައެއް ތަޅާއިރު ކޮބާ ޓާޓާ ފުލެޓު ތަކުގެ މައްސަލަ
އަހުމަދު
07 June 2017
ކިހާވަރެއް ޖީބަށް ކަޓުވާލެވުނުބާ؟
ދިސްވޭ
07 June 2017
ބާރަ ރަށެއްގެ ބިން ހިއްކަން އެއް ބިލިއަން ރުފިޔާ ޚަރަދު ކުރީ އެއީ ރާއްޖެތެރެއަށެވެ. މަމެންނަށް ޔަގީން ތިޔާ ފައިސާ އިން އެންމެ ލޯ ލާރިއެއް ވެސް ދައުލަތުގެ ބަޖެޓަށް އަނބުރާ ނުވަންނާނެ ކަން. ތިޔާއީ ފޫނެތް ފަޔަށް ފެންފުރުން ފަދަ ކަމެކެވެ. ކަން މިހެން ހުރުމުން މިއަހަރު ރާއްޖެތެރޭގެ ރަށްރަށް ހިއްކަން ހުރި ފައިސާ އިން ގުޅި ފަޅު ހިއްކާ ގުޅި ފަޅުން ބިންތައް ކުއްޔަށް ދޫކޮށްލަންވީ މާލެ ސަރަހައްދުގައި މަސައްކަތް ކުރާ ވިޔަފާރި ކުންފުނި ތަކަށް. އެއިރުން މަމެންނަށް ޔަގީން 1 ބިލިއަން ބަދަލުގައި 1 ޓްރިލިއަން ރުފިޔާ އަނބުރާ ލިބޭނެ ކަން. މިރާއްޖޭގައި އެންމެ ބޮޑު މައްސަލަ އަކީ ރާއްޖެތެރެއަށް ކުރާ ބޮޑު ކެޕިޓަލް އިންވެސްޓްމެންޓް އިން ރިޓާރންގެ ގޮތުގައި އެންމެ ރުފިޔާ އެއްވެސް ދައުލަތުގެ ބަޖެޓަށް އަނބުރާ ނުވަންނާތީއެވެ. މިއެއްނޫން މިކަން ވާން ޖެހޭނެ ގޮތަކީ.
އަޒުމްގަ
07 June 2017
ކިތަންމެ ބިމެއް ހިއްކިޔަސް ސިވިލް ސަރވިސްގަ އުޅޭ ނިކަމެތި މީހުންގެ މުސާރަ ބޮޑު ނުކުރާހާ ހިނދަނކު ވޯޓެއް ނުދޭނަން.
ކިނިބެ
07 June 2017
ބޮޑުކުރިޔަސް ނުދޭނަން ނުދޭނަން ނުދޭނަން ނުދޭނަން ނުދޭނަން ނުދޭނަން ނުދޭނަން ނުދޭނަން ނުދޭނަން
ވެރިބޭ
07 June 2017
ރާއްޖެތެރޭ ރެސޯޓު ތަކުން ލިބޭ ޑޮލަރުގަނޑާއި ރާއްޖެތެރޭގެ އެތަށްމިތަނުން ލިބޭ ބައިވަރުގަނޑުން މާލެ މަގުމައްޗަށާއި މާލޭގެ ބޭފުޅުންގެ ޖީބު ފުޅަށް ނޫންތޯ ގޮސް އެ ވަންނަނީ؟؟ ލަދު
ޢަބްދުﷲނާފިޒު
08 June 2017
ބޮޑު ކުރިއަސް ނުދޭނަން، މިބުނީ ވޯޓު ނުދޭނެ ވާހަކަ، ވޯޓު ދޭނެ ހަމަ އެއްވެސް ގޮތެއް ނެތް ވާހަކަ.