ސަރުކާރު ކޯލިޝަނުން ބޭއްވި ޖަލްސާއެއްގައި ކާނަލް ނަޝީދު ވާހަކަ ދައްކަވަނީ. ތައިލެންޑަށް ކަނޑައަޅާ ސަފީރަކަށް އޭނާ އައްޔަން ކުރަން ފެންނަ ކަމަށް މަޖިލިހުން ވަނީ ފާސްކުރީ ބޮޑު އަޣުލަބިއްޔަތަކުން.---މިހާރު ފޮޓޯ: ހުސެއިން ވަހީދު
13 ޖޫން 2017 - 13:57
16 comments
ރާއްޖެ އިން ތައިލެންޑަށް ކަނޑައަޅާ ސަފީރުގެ މަގާމަށް ޑީއާރުޕީގެ ލީޑަރު މުހައްމަދު ނަޝީދު (ކާނަލް ނަޝީދު) އައްޔަން ކުރެއްވުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.
މަޖިލިހުގެ މެމްބަރު ކަން ކުރިން ކުރެއްވި ނަޝީދު ތައިލެންޑުގެ ސަފީރު ކަމަށް އައްޔަން ކުރަން ފެންނަ ކަމަށް ފާސްކުރީ ވޯޓުގައި ބައިވެރިވެވަޑައިގެންނެވި 70 މެންބަރުންގެ އިއްތިފާގުންނެވެ.
ނަޝީދުގެ ނަން ދިރާސާ ކުރި ގައުމީ ސަލާމަތުގެ ކޮމެޓީން ވެސް ވަނީ އޭނާ އަށް ރުހުން ދޭން ފެންނަ ކަމަށް ފާސްކޮށްފަ އެވެ. އަދި އޭނާއަކީ އެ ދާއިރާ އަށް ތަޖުރިބާ ލިބިވަޑައިގެން ހުންނެވި ބޭފުޅެއް ކަން ކޮމެޓީ ރިޕޯޓުގައި ފާހަގަކޮށްފައިވެ އެވެ.
ކުރިން އެމްޑީޕީ މެމްބަރެއްގެ ގޮތުގައި ހުންނެވުމަށް ފަހު ނަޝީދު ޑީއާރުޕީއާ ގުޅިވަޑައިގަތްތަނާ އެ ޕާޓީގެ ލީޑަޝިޕް ބައެއް ބޭފުޅުން ޕާޓީން ވަކިވެ، އެމްޑީޕީއާ ގުޅިވަޑައިގަތުމުން ޑީއާރުޕީގެ ރައީސް ކަމާ ހަވާލުވެ ވަޑައިގަތީ ނަޝީދެވެ. އޭގެ ފަހުން މިއަދާ ހަމަ އަށް އައި އިރު އޭނާ ހުންނެވީ އެ މަގާމުގަ އެވެ.
ނޮޅިވަރަމު ދާއިރާގެ މެމްބަރުކަން 2009 އިން ފެށިގެން 2014 އަށް ކުރެއްވި ނަޝީދު ވަނީ ރާއްޖެ އާއި އިންޑޮނޭޝިއާ ގުޅިގެން އުފެއްދި ޕާލަމެންޓްރީ ފްރެންޑްޝިޕް ގްރޫޕްގެ ޗެއާމަން ކަން ވެސް ކުރައްވައިފަ އެވެ. އަދި މަޖިލިހުގެ ބައެއް ކޮމެޓީތަކުގައި ވެސް އޭނާ ބައިވެރިވެވަޑައިގެންނެވި އެވެ.
މަޖިލިހުގެ މެމްބަރު ކަމަށް ވަޑައިގަތުމުގެ ކުރިން ނަޝީދު ވަނީ ކަނިފުށި އިންވެސްޓްމަންޓް ޕްރައިވެޓް ލިމިޓެޑްގަ އާއި ކަނިފުށި ރިސޯޓުގައި އެގްޒެކްޓިވް ޑިރެކްޓަރުކަން ކުރައްވައިފަ އެވެ. އެމްޑީޕީގެ ކައުންސިލް މެމްބަރު ކަމަށް ވަޑައިގަތުމުގެ ކުރިން ނަޝީދު ވަނީ ކުރީގެ ރައީސް މުހައްމަދު ނަޝީދުގެ ސަރުކާރުގައި ރައީސް އޮފީހުގެ ޕޮލިޓިކަލް އެފެއާޒް ޑިވިޝަންގެ ސެކްރެޓަރީ ކަން ކުރައްވައިފަ އެވެ.
ތިން އަހަރަށް ވުރެ ގިނަ ދުވަސް ވަންދެން ދަރުމަވަންތަ ސްކޫލްގެ ޓީޗަރު ކަމަށް ވަޑައިގަތުމުގެ ކުރިން އޭނާ އެންމެ ފުރަތަމަ ވަޒީފާ އަދާ ކުރެއްވީ އެމްއެންޑީއެފްގަ އެވެ.
ނަޝީދު ވަނީ ބިޒްނަސް އެޑްމިނިސްޓްރޭޝަން ދާއިރާ އިން މާސްޓާސް، އާޓްސް އިން ލިންގުއިސްޓިކްސް ދާއިރާ އިން ބެޗްލާސް ހާސިލް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖިލްބޭބްސް
14 June 2017
މާޝާ ﷲ. ހާދަ ލޯތްބޭ!
ބަލަގަ_ހޫނ
14 June 2017
އައްޗީޑި ދެން...މުސާރައަކާއެކު ރިޓަޔަރ ކުރެއްވީ ދެއްތޯ؟
ހެހެހެ
13 June 2017
ތިވީ ގޮތުން ޑީއާރޕީ އެއްކޮށް ދެން އޮންނާ ތައިލެންޑްގައި! ހެހެހެ
ޕެރަޑޮކްސް
13 June 2017
ރައީސް ޔާމީން އަކީ ސިޔާސީ މީހުންނައް ބެލުމެއްނެތި ތަރައްގީ އައް އިސްކަންދެއްވާ ލީޑަރެއް ކަމައްދައްކަވާ. ނަމަވެސް' އާހް.. ނަމވެސް.. މި ފެންނަނީ ކުދިކުދި ސިޔާސީ މީހުންނައް ދީލާލާ ތަން. ވީމަ ދެކޮޅެއްނުޖެހޭ.
ކަމަނަމަނަ
13 June 2017
ކެނެރީގޭ ނަސީދަށް އިގިރޭސި ރައްވެހިކަން ދީފައި ލަންޑަނަށް ފޮނުވާލުމުން ވީހާ ދެރަ ކާނަލް ނަޝީދަށް އެމްބަސެޑަރ ކަން ދީފައި ތައިލޭންޑަށް ފޮނުވާލުމުން އެމްޑީޕީ އިން ވެއްޖެ ތާއެވެ؟ ހެހެހެ
ލާމު ޕީޕީއެމް
13 June 2017
ވަރަށް ހޫނު މަރުހަބާއެއް ކާނަލް އަށް އަރުވަމެވެ .މަނިކުފާނު އަކީ ތި މަޤާމަށް އެއްމެ އެކަށީގެންވާ ޤާބިލް ބޭފުޅެކެވެ މަޖްލީހުގެ އިއްތިފާޤުން އެކަން ކަަށަވަރު ވެއްޖެ އެވެ".އަޅުގަޑުގެ ވޯޓް" ލިބިވަޑާއި ގަތީ އެހެންވެ ގެން ނެވެ
ޓެޓް
13 June 2017
އަސްލު ކާނަލްއެއްތަ؟
ހިހޫތަނުންކާ
13 June 2017
މިފާޑަށް މީހުނަށް އުޅެވެނީ ރައްޔިތުންގެ ވެސް ފަރުދީ ޒިންމާ ނުނެގުމުގެ ސަބަބުން. ޑީއާރުޕީއަކާ މީނަޔާ ކޮން ބެހޭކަމެއް. ގާމު މެނިފެސްޓޯއެއްވެސް މެމްބަރުން ތަކެއްވެސް ތިބޭނެ
އާދަނޭ
13 June 2017
ރައީސް ނަޝީދުގެ ވެރިކަމުގައި ޕާލަމެންޓްގެ މެޖޯރިޓީވެސް އެމްޑީޕީއަށް ލިބުނު ދުވަސްކޮޅު މީނަޔާ ވައްތަރު މީހެއް އުޅުނު އިންތިޚާބަކާ ނުލައި ރައީސް ނަޝީފު ވެރިކަމުގައި ބަހައްޓަން ގާނޫނު ބަދަލުކުރަން ފެނެޔޭ ކިޔައިގެންވެސް. މީ އޭނަ ބާ؟
ޤުއްޓޭ
13 June 2017
ޑީ އާރ ޕީ ގައި މެމްބަރުން މަދުވުމުގެ ސަބަބުން ސަރުކާރުގެ ކޯލިޝަން ގައި ހިމެނޭ ޕާރޓީ ތަކަށް މެމްބަރުން އިތުރު ކުރުމުގެ ގޮތުން ހިންގާ ޕްރޮގްރާމެއްގެ ދަށުން ކާރނަލް ނަޝީދު ތައިލޭންޑް ގައި ހުންނަވާ ދިވެހި ސަފީރު ކަމަށް ހަމަޖެއްސެވި ކަމަށް ވެދާނެ. ކުޑަ ދުވަސް ކޮލެއްގެ ތެރޭގައި އެ ޕާރޓީ ވާނީ އެންމެ ލޯކުޑަ ތައިބަހުން ވާހާކަ ދައްކާ މެމްބަރުން ގިނަ ޕާރޓީ އަކަށް. 2018 ވަނަ އަހަރު ރިޔާސީ އިންތިހާބު މިހާރުގެ ރައީސަށް ކާމިޔާބު ކުރުމަށް ވަރަށް ބޮޑު ހިތްވަރެއް ލިބިގެންދާނެ. މަދު ދުވަސް ކޮލެއްގެ ތެރޭގައި އެ ޕާރޓީގައި ތިއްބަވާ ލޯކުޑަ މެމްބަރުން ނަށް ވޯޓު ލެވޭނޭ ގޮތައް ދިވެހި ރާއްޖޭގެ ޤާނޫނު އަސާސީ އިސްލާޙު ކުރައްވާނެ ކަމަށް އުއްމީދު ކުރަން.