ތިނަދޫ އުތުރު ދާއިރާގެ މެމްބަރު ސައުދުﷲ. - ފޮޓޯ: މަޖިލިސް
02 ޖުލައި 2017 - 19:37
14 comments
ސަރުކާރުން ރައްޔިތުންގެ ތާއީދު ހޯދަން އުޅޭ ކަމާ މެދު ޝައްކު ކުރައްވާ ކަމަށް ޕީޕީއެމްގެ ތިނަދޫ އުތުރު ދާއިރާގެ މެމްބަރު އަދި ސްވިފްޓް އިންޖީނިއަރިންގެ އެއް ހިއްސާދާރު ސައުދުﷲ ހިލްމީ ވިދާޅުވެއްޖެ އެވެ.
ސައުދުﷲ މިއަދު ކުރެއްވި ޓުވީޓެއްގައި ވަނީ ތިނަދޫ އިންޖީނުގޭގައި ސީނިއާ ޑްރައިވަރެއްގެ ގޮތުގައި މަސައްކަތް ކުރައްވާ ޔާމީން މުހައްމަދު ހއ. ތުރާކުނު އިންޖީނުގެ އަށް ބަދަލުކުރި މައްސަލައިގައި ކަންބޮޑުވުން ފާޅު ކުރައްވައި ސަރުކާރަށް ވަރަށް ބޮޑަށް ފާޑު ވިދާޅުވެފަ އެވެ.
ސައުދުﷲ ވިދާޅުވި ގޮތުގައި ޔާމީނަކީ ތިނަދޫގައި ހުރި ސަރުކާރަށް ތާއީދު ކުރާ އެންމެ ބޮޑު ސަޕޯޓަރެވެ. ޔާމީން ތުރާކުނަށް ބަދަލު ކުރުމަކީ އޭނާ އަށް ދެވޭ އަނިޔާއެއް ކަމަށް ވެސް ސައުދުﷲ ވިދާޅުވި އެވެ.
Thinadhoogai huri misarukaaruge enmevarugadha supporter ah dhey aniyaa mihuree! Sarukaarun rayyithunge support beynunvaa kamaamedhu shakku. pic.twitter.com/JBoMh2IUxP
— Saudulla (@saudullahilmy) July 2, 2017
ސައުދުﷲ މިއަދު ކުރެއްވި ޓުވީޓު.
"މިއީ ދައުލަތުގެ (ރައްޔިތުންގެ) ކުންފުންޏެއްތަ؟ ނޫނީ ޕްރައިވެޓް ކުންފުންޏެއްތަ؟ އަމިއްލަ ކުންފުނީގައި ވެސް މިފަދަ އަނިޔާވެރިކޮށް ކަންކަން ނުކުރާނެ؟" ޔާމީން .ތުރާކުނު އިންޖީނުގެ އަށް ބަދަލު ކުރުމަށް ނިންމައި އަންގާފައިވާ ޗިޓާއެކު ކުރެއްވި ޓްވީޓްތަކެއްގައި ސައުދުﷲ ވިދާޅުވި އެވެ.
ސައުދުﷲ ގެ ޓުވީޓުތަކާ ގުޅިގެން "މިހާރު" އަށް އޭނާ ވިދާޅުވި ގޮތުގައި ޔާމީން ތުރާކުނު އިންޖީނުގެ އަށް ބަދަލު ކުރީ ޕީޕީއެމްގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދާ ޖެހުނު މައްސަލައެއްގަ އެވެ. އެކަމަކު އެއީ ކޮން މައްސަލައެއް ކަމެއް ސައުދުﷲ ވިދާޅެއް ނުވެ އެވެ.
"އަބްދުﷲ ޕްރެޝަރު ކޮށްގެން ބަދަލު ކުރީ ތުރާކުނަށް. މިއީ ޔާމީން އެ ރަށު ވަޒީފާ އަށް ބަދަލު ކުރި ދެ ވަނަ ފަހަރު، އެއީ ރަނގަޅު ނިންމުމެއް ނޫން،" ސައުދުﷲ ވިދާޅުވި އެވެ.
ސައުދުﷲ ވިދާޅުވީ ފެނަކަ ކޯޕަރޭޝަންގެ ނިންމުމާ ގުޅިގެން އެ ތަނުގެ މެނޭޖިން ޑިރެކްޓަރު އަހުމަދު ޝަރީފާއި ޕީޕީއެމްގެ ނައިބު ރައީސް އަބްދުއްރަހީމް އަބްދުﷲ އާއި ޓޫރިޒަމް މިނިސްޓަރު މޫސާ ޒަމީރާ އެ މައުލޫމާތު ހިއްސާ ކުރެއްވި ކަމަށެވެ. ނަމަވެސް އެބޭފުޅުންގެ ފަރާތުން ޖަވާބެއް ލިބިފައިނުވާ ކަމަށް އޭނާ ވިދާޅުވި އެވެ.
"އެހެންވީމަ ރައްޔިތުންގެ ތާއީދު ހޯދަން އުޅޭ ސަރުކާރަކުން މިފަދަ ނިންމުމެއް ނުނިންމާނެ، މި ސަރުކާރުން ރައްޔިތުންގެ ތާއީދު ހޯދަން އުޅޭ ކަމާމެދު ޝައްކު،" ސައުދުﷲ ވިދާޅުވި އެވެ.
ސައުދުﷲ ސަރުކާރަށް ފާޑު ވިދާޅުވާން މި ފެއްޓެވީ ރައްޔިތުންގެ މަޖިލިސް މެދުވެރިކޮށް ސިޔާސީ މަސްރަހަށް ބޮޑު ބަދަލެއް ވަރަށް އަވަހަށް ގެންނާނެ ކަމަށް އިދިކޮޅު ފަރާތްތަކުން ބުނަމުންދާ ދަނޑިވަޅެއްގަ އެވެ.
މީގެ ކުރިން ސައުދުﷲ މައުމޫން ފަޅި އަށް އަރާވަޑައިގެންނެވި މައްސަލާގައި އޭނާގެ ވިޔަފާރި އަށް ދަތިތަކެއް ކުރިމަތިކުރި އެވެ. ސައުދުﷲ ގެ ކުންފުންޏާ ސަރުކާރުން ހަވާލުކޮށްފައިވާ ބައެއް ޕްރޮޖެކްޓްތަކުގެ މަސައްކަތް ވެސް ހުއްޓުވި އެވެ. މިގޮތަށް ބިރުދައްކަން ފެށުމުން، ސައުދުﷲ ވަނީ އަލުން ރައީސް ޔާމީން ފަޅިއަށް އަރާވަޑައިގެންފަ އެވެ. އެކަމަކު އޭގެ ފަހުން އޭނާ ހުންނަވަނީ ޕީޕީއެމާ ވަރަށް ބޮޑަށް އެކަހެރިކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާއި
03 July 2017
ތިޔަ ކުުންފުނިތަކުގެ ވެރިން އެބަޖެހޭނޫންތޯ ރައްޔިތުންގެމަޖިލިހަށްޙާޒިރުކުރަން.ގާނޫން އަސާސީން ރައްޔިތުންނަށް ލިބިދީފަިވާ ހަމަހަމަކަން ނަގާލައި ރައްޔިތުންނަށް އަނިޔާކުރާއިރު މެމްބަރުން ބަލަންތިބެގެންނުވާނެ.ތިޔަ ޗިޓްތަކުގައި ދެފަހަރު ދެގޮތަށް އެއް ތާރީޚެއްގައި ސޮއިކުރި މީހުނާމެދު ފިޔަވަޅު އެޅެންޖެހޭނެ. މިގައުމުގައި މިއަށްވުރެބޮޑުަޖަރީމާއެއް ނެތްމިހާރަކު.ވަޒީފާއާބެހޭ ޓްރައިބިއުނަލް ކޮބާ.މިގޮތަކަށްމީސްމީހުންގެ ދިރިއުޅުމާނުކުޅެވޭނެ.2018 އަށް ބޭނުންވަނީ މިކަން ހުއްޓުވޭނެފަދަ ވެރިއެއް.މަގޭވޯޓް އެމީހަކަށް ދޭނަން.ވައްސަލާމް.
ޒަމާން
03 July 2017
ޕީޕީއެމް ކުދިންނަށް ނޭގޭތޯ ސަރުކާރުން ތާއީދު ގަންނަކަމާ، ގަދަބާރުން ހޯދާއެއްޗެއްކަން! ރައްޔިތުން ވޯޓް ނުދިނަސް އަދި ތާއީދެއް ނެތަސް 2018 ވަނައަހަރުވެސް ސްޕްރީމް ކޯޓް ބޭނުންކޮށްގެން ގަދަ ބާރުން ވެރިކަން ހޯދާނެކަން ޔަގީން
ނާޒިން
02 July 2017
ވެރިކަމުގެ ނިޒާމު ގަޑުބަޑު ވެފައިވާ މިންވަރު މި ފެންނަނީ. ރައްޔިތުންގެ މަޖިލީހުގެ މެމްބަރުން ދައުލަތުގެ އާދައިގެ ކުންފުނިތަކަށް ވެސް އަތް ބާނަނީ، އާންމު ރައްޔިތުންގެ ދިރިއުޅުމަަށްވެސް އަތްބާނައި ހިތުހުރި އެއްޗެއް ހަދަނީ. މިއީ ދެން ބޮޑުވަރު. މިވަރަށް ނިޒާމު ގަޑުބަޑު ވީމަ މި ގަޑުބަޑު ފިލުވާނެ ގޮތެއްވެސް އަހަންނަކަށްވާ ނޭނގޭ. ތިނަދޫގަ ސަރުކާރަށް ތާއީދު ކުރާކަމަށްބުނާ ތިޔަ ސޮރަށް ވެސް މިހާރު މިކަންކަން ވިސްނި ކޮރަޕްޝަނުގެ ނުރައްކާ ގަބޫލުކުރެވިފައިވާނެ ކަމަށް އުންމީދުކުރަން. ވަގުތީ އުފަލަކަށް ކޮރަޕްޝަންގެ ކުޑަ ފައިސާ ކޮޅެއްގަ ޖެހުމަކީ ވެސް ކޮރަޕްޝަންގެ ފަސާދަ ފެތުރި ވެރިކަމުގެ ނިޒާމް ތަގައްޔަރުވެ މިފަދަ "ވެރިން"ގެ އަޅުންނަށް މީހާ ތާއަބަދަށް ހަދާލާ ކަމެއް. ދެން ފޮނުވާނެ ތުރާކުނަށްވެސް.
ލޯޔަލް ޕީޕީއެމް މެމްބަރ
02 July 2017
ސައުދު އިދިކޮޅަށް ދާން ބޭނުމިއްޔާ ދޭ؟ ތިކަހަލަ މަނީ މަނީ އެމްޕީސް ބޭނުމެއްނޫން/////////
ޢަބްދުﷲނާފިޒު
02 July 2017
ސައުދުﷲ، އަނެއްކާ ބިރު ފަހަނައަޅާ ދިޔައީތޯ، މިހާރު ހިނގަމުންދާ ޕްރިޖެކްޓް ތަކާދޭތެރޭ ވިސްނާލާ، ނޫނީ ރައްޔިތުންގެ ޙައްޤުގަ އިޚްލާސްތެރިކަމާއެކު ނުކުންނަވާ، މިވަގުތައް ދަތި އުނދަގޫތަކެއް ކުރިމަތި ކުރުވިއަސް މުސްތަޤްބަލުއޮތީ އޭރުން، ޤާސިމުވެސް އެހުންނަވަނީ މިހާރު އެގޮތުގަ.
ދަގަނޑު ދަހަނާ
02 July 2017
ތިކަލަ ކިތަންމެ ކަމެއް ހިނގާނެ. ބައެއް މުއައްސަސާތަކުގެ ސްޓޮކްކީޕަރުންވެސް އެބަބަދަލުކުރޭ އެހެން އަތޮޅުތަކުގެ ސްޓޮކް ބަލަހައްޓާ ގޮތް ރަނގަޅުތޯ ބަލަން 3 މަސްދުވަހަށް. މިގޮތަށް ބަދަލުރަނީ އެމީހުންނަކީ ލޯކަލްއިންތިޚާބުގައި ޕީޕީއެމް ސަޕޯޓް ނުދިން މީހުން ކަމަށް ބަލާފަޔޯ މީހުން ކިޔައޭ.
ހެޔޮ ހިތުން
02 July 2017
ހަޤީޤަތުގައި ސައިދުﷲ ތިކަމާ ބެހިގެން ނުވާނެ އެވެ.ސައުދުގެ ދާއިރާ ނަމަ އޯކޭ އެވެ.ދެ އެއެމްޕީ ދެގޮތަށް ބުނާ ކަމަށް ވާނަމަ ސަރުކާރަށް ކަންތަށް ބޮޑުވާނެ ތާއެވެ
މމމ
03 July 2017
"ހެޔޮ ހިތަކުން" ނޫން ތުކިޔަނީއެއް. ސައުދަށްވެސް މަށަށްވެސް އެވާހަކަ ދެއްކޭނެ!!
ސިޔާސަ ދިވެއްސެއް
02 July 2017
ތިވާހަކަ މެމްބަރުން ދައްކަން ލަދު ގަންނަން ޖެހޭނެ. ސަރުކާރައް ނުކަތާވަރަށް ބާރުދީ ރައްޔިތުންގެ ބާރު ކަނޑުވާލީ ހަމަ ސީދާ ރައްޔިތުން ތަމްސީލް ކޮށްދޭންތިބި ތިޔަ މެމްބަރުން.
ޙެޙެ ހެހެ
03 July 2017
ﷲ ބާރުދެއް ދެއްވިއަކަސް ނަހަމަ ގޮތުގަ ބޭނުން ކުރުމޭ މަޢް ސަލައަކީ
ގަޑިބުރު ތަލާ
02 July 2017
ޢަޅުގަނޑުގެ ކޮަށްކޮަވެސް ޕޕއމ ޖަލްސާއަށް ނުދިއުމުން ތިލަފުއްޓަށް ބަދަލުކުރި އެސްޓީއޯ އިން
އަނގަ ފޫޅު
03 July 2017
އަންނި ހެދި ގަޑި ބުރެއް ނުހުންނާނެ އެވެ.މާލެ ގައި އެމްޑީޕީ ވެރިކަމުގައި ކޮށް ދެވުނުހާ ވެސް ލަމަކީ މަޖީދީ މަގުގައި ފެންފޯއް ރުއްތަކެއް އިންދާ ދެވުމެވެ.
ކަނައްކަފޫޅު
03 July 2017
ތަގަޅުތާ އެސޮރު ވަޒީފާގައި ބެހެއްޓި ކަން ވެސް!..އެމްޑީޕީގެ ވެރިކަމުގައިނަމަ އެކަހަ މީހުން ލަނީ ކަޑައެވެ.ސިވިލްސާވިސްގެ ވެސް 2000 މުވައްޒަފުން ކަޑާލި އެވެ. ދެންތިބި މީހުންގެ މުސާރަ ކޮޅު އުނި ކޮށްލި އެވެ..އަދި އަދި ކޮބަަ ސިވިސް ސާވަންޓް ކަޑާވހުސްކޮށް ލާފައި އެކަން އައިއެމްއެފްގެ ބޮލުގައި އަޅުވާފައި އެ އެކަން ދިފާއު ކުރުމަށް ޓީވީ ތަކުގައި ބޮޑު ކެމްޕޭނެއް ހިންގި ހަދާން މިހާރު ތިކުދިން ނެތް ތާއެވެ؟ އަދި ކޮބާ ސިވިލް ސާވިގެ ކަޑާލި މުވައްޒަފުންގެ ބަދަލުގައި ސިޔާސީ މަޤާމުތަށް އުފައްދައި އެމީހުންގެ މަސްއޫލިއްޔަތަކީ އެމްޑީޕީ ޕްރޮމޯޓް ކުރުން ކަމުގައި ހެދީ ކޮން ބައެއް ތޯއެވެ؟ ތި ކުދިން މިހާރު ވެސް އެމްމްޑީޕީ ވެރިކަމަށް ގެންނަން ތި އުޅެނީކުރިން ތިބި އެކަހަލަ މަޤާމު ތަކަށް އަންނަން ވެގެން ނޫން ތޭ؟ ބަލަ މިސަރުކާރުން ތަރައްޤީޤި މި ހުރިހާ ކަމެއް ކުރާއިރު އޭތި ހަޖަމް ނުކުރެވިގެން ތި އުޅެނީ އެހެން ވެގެން ނޫން ތޭ..ބަލަ ބޭބެ މެނަށް ވެސް އޭތި އެބަ އެގެއޭ ކޮއްކޯ.
ފަނާކުރަ ނިވި ވެރިކަން
03 July 2017
"ގަޑި ބުރު" އޭ ކިޔާތަނުގައި ގަޑިއެއް ނުހުންނަ ތާ އެތަށް ޒަމާމެއް ވެއްޖެއެވެ.އެގަޑި ބަހައްޓާފައި ހުރި ޓަވަރު ވެސް ނެގީ "ފަނާ ކުރަނިވި ވެރިކަމުގައި" ނޫން ތޯ އެވެ.ތާހިރު ވެއްޖެ ދޯ؟