މެމްބަރު އަހުމަދު ރަޝީދު (ވ-2) މިއަދު ޕީޕީއެމްގެ އިސް ބޭފުޅުންނާއެކު ޕާޓީގެ އޮފީހުގައި. - ފޮޓޯ: ނިހާނު ޓުވިޓާ
04 ޖުލައި 2017 - 06:25
25 comments
ރައްޔިތުންގެ މަޖިލިހުގެ ރައީސް އަބްދުﷲ މަސީހު މުހައްމަދުގެ އިތުބާރު ނެތް ކަމުގެ މައްސަލައިގެ ލިސްޓުގައި ސޮއިކުރައްވާފައި ނުވާނެ ކަމަށް ވިދާޅުވެ، އޭނާގެ ސޮއި އެ ލިސްޓުގައި އޮތް މައްސަލަ ބަލައިދިނުމަށް އެދިވަޑައިގެން އިސްދޫ ދާއިރާގެ ޕީޕީއެމްގެ މެމްބަރު އަހުމަދު ރަޝީދު އިބްރާހިމް (ގާރީ) ރައްޔިތުންގެ މަޖިލީހަށް ހުށަހަޅުއްވައިފި އެވެ.
އެހެންވެ، އެ މައްސަލަ ވީ އެންމެ އަވަހަކަށް ބަލައި، އެކަން ކުރި ފަރާތްތަކާ މެދު ގާނޫނާއި ގަވާއިދާ އެއްގޮތްވާ ގޮތުގެ މަތިން ފިޔަވަޅު އަޅުއްވައިދެއްވުމަށް އޭނާ އިއްޔެ އެދިވަޑައިގެންނެވި އެވެ.
މަޖިލިހުގެ ރައީސް ކަމުން މަސީހު ބޭރު ކުރުމަށް ހުށަހެޅި ލިސްޓުގައި ސޮއި ނުކުރައްވާ ކަމަށް މެމްބަރު ރަޝީދު ވިދާޅުވި ނަމަވެސް، އޭނާ ލިސްޓުގައި ސޮއި ކުރައްވަނިކޮށް ނަގާފައިވާ ފޮޓޯއެއް އިދިކޮޅު ފަރާތްތަކުން ވަނީ އާންމުކޮށްފަ އެވެ. އެކަމާ ގުޅިގެން މެމްބަރު ރަޝީދު އަދި އެއްވެސް އެއްޗެއް ވިދާޅެއް ނުވެ އެވެ.
ޕީޕީއެމްގެ 10 މެމްބަރުންނާ އެކު ޖުމްލަ 45 މެމްބަރުންގެ ސޮޔާއެކު މަޖިލީހުގެ ރައީސާ ދެކޮޅަށް މިއަދު މައްސަލަ ހުށަހެޅުމާ އެކު ޕީޕީއެމުން ބުނެފައި ވަނީ އޭގެތެރޭގައި ވަގު ސޮއި ހިމެނޭ ކަމަށެވެ. އަދި މަސީހުގެ އިތުބާރު ނެތް ކަމުގެ ވޯޓު ކާމިޔާބު ކުރަން ކުރާ މަސައްކަތް ފެއިލް ކުރާނެ ކަމަށް ޕީޕީއެމުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޛުނބު
05 July 2017
ޢެކަމަކު ވިޔާނުދާ ގާރީއެއް
ލިލީ
05 July 2017
ތިފޮޓޯގަ ތިތިބީ، (އަދީބުގެ އިތުރުން) އަސްލު ރައީސް ޔާމީންގެ ހަލާކު. މިމީހުންގެ އާރާބާރު ގެއްލި ދާނެހެން ހީވާތީ ދެން ކިހާވަރަކަށް އަޅެ ތެޅިލާނެ. ބަލަ ތިހެން ތެޅިތެޅި ތިއްބަ ކައްވަޅު ގޯވާލާނީވެސް، އެހެންވީމަ މިދުނިޔެއަށް ވުރެއް އާޚިރަތަށް ބޮޑަށް ވިސްނަން ފަށާ!
ދޮންދީނި
05 July 2017
ކާކުތަ މާ ފޮޓޯ ވެފަ ފަހަތުގައި އެހުރީ..ލޮލް.... ބަޔަކުދެން ރޯމަހެއްތެޅޭހެން ތެޅޭތީ ވވ މަޖާ..އެކަމަކު ހާހެއް ނުވެޔޯ!
ހަސަދު
04 July 2017
ބިރުފުޅުގަތީތޯ. ސޮއެްއ ވޯޓެއް ދެއްވާ އިރަށް ހާދަ ޕުރެޝަރު ބޮޑު ވެއޭދޮއްތޯ. މަޖުލިހަކީ މިނިވަން މުއްސަސާ އެއް އިގޭތޯ. ޥޯޓުވެސް ބޭނުން ގޮތަކަށް ދެވޭނެ. ސޮއެވެސް ބޭނުން އެއްޗއްގައި ކުރެވޭނެ.
ރަދީފް
04 July 2017
މި ފަލާހް މިދެން މާފެންމަތިވެގެން އުޅޭ މެމްބަރެއް ، އަހަރުމެން ރޮންދާދަމަން ގެންގުޅުނު ސޮރު ރޮންދާގެ މަތިން ހަނދުމަނައްތާލުން އެއީ ހިތާމަވެރިކަމެއް.
ރަދީފް
04 July 2017
45 މައިނަސް 1 = 44 މެމްބަރުން ގާރީގެ ސޮއި އުނިކުރީމަވެސް 42 އަށް ވުރެން އިތރު ދޯ؟؟ ދެނޯ!!
ޕެރެކޭ
04 July 2017
އެއީ ޤާރީގެ އަތުލިއުންކަން ކަށަވަރު. އުސްތާޒްގެ ކޮންމެ ދަރުވަރަކު މިކަމަށް ހެކިވާނެ.
މޫސާ
04 July 2017
ތައްޞަރަފު ފުދި ބޮޑުވެފައި ތިބިބަޔަކު އުޅޭ ވައްތަރުން ލަދުގަނޭ. އެތައްބައެއް ކުރިމަތީ ސޮއިކޮށްފަ، ތިމަންނަ ސޮއެއް ނުކުަރަމޭ ބުނުމަކީ ދުރާލައި ރާވައިގެން ހިންގާފއިވާ އަކަންބަކުން ކަހަލަ ކުޅިވަރެއް. ބޮޑެތި ޤާރީވެރިން ތިއަފަދަ ދަށުދަރަޖައަށް ވެއްޓުނީމާ ހިތާމަކުރަން. ތިމާގެ ޚިޔާލާއި ފިކުރާއި ވިސްނުމާއި ނިންމާ ނިންމުން ތަކަކީ އެހެންމީހަކު ކުރާކަމަކަށްވެއްޖެ މީހާއަށްވުރެ އަޅުވެތިކަން ބޮޑު މީހަކީ ފަހެކޮބާހޭ؟
އަހުމަދު
04 July 2017
އަނެއްކާވެސް ހީވަނީ އެކަހަލަ ކަމެއްހެން. ގުޑާވެސް ނުލެވޭނެ.
GAN Island
04 July 2017
އަނިޔާވެރިކަން ހައްދު ފަހަނަޅާ ދިއުމުން އިންސާނާ އޭނާގެ ނިކަމެތިކަމާއި މަހާއި ކަށިން އިންސާނާ އުފައްދާ އެހަށިގަނޑުގައި ފުރާނަ ލެއްވި ހާލިޤުވަންތަ މާތްﷲ ގެ މަތިންވެސް ހަދާން ނައްތާލާ އޭނާއަކީ "އެހެން އެއްވެސް ފަރާތެއްގެ އެހީތެރިކަން ބޭނުންވާމީހެއްނޫން" ކަމަށް ދެކޭނެ.