ރާއްޖޭގެ މިނިވަންކަމަށް 50 އަހަރު ފުރުމުގެ މުނާސަބަތާ ގުޅިގެން 2015 ގައި ބޭއްވި ރަސްމީ ޖާފަތުގައި ރައީސް ޔާމީންގެ ދެކަނބަލުންނާއި ލަންކާގެ ރައީސް ސިރިސޭނާ އަދި މައުމޫންގެ ދެކަނބަލުން ބައިވެރިވެވަޑައިގަންނަވަނީ.---ފައިލް ފޮޓޯ: ރައީސް އޮފީސް
10 ނޮވެމްބަރ 2017 - 21:18
27 comments
ރާއްޖެ އާއި ސްރީ ލަންކާއާ ދެމެދު އޮތީ ވަރަށް ދުވަސްވީ ގާތް ގުޅުމެއް ކަމަށާއި އެ ގުޅުމަށް ބުރޫއެރުވުމުގެ ހައްގެއް އެކަކަށް ވެސް ނޯންނާނެ ކަމަށް ކުރީގެ ރައީސް މައުމޫން އަބްދުލްގައްޔޫމް މިރޭ ވިދާޅުވެއްޖެ އެވެ.
ރައީސް އަބްދުﷲ ޔާމީންގެ ވެރިކަން ވައްޓާލަން އިދިކޮޅު ފަރާތްތަކުން ކުރާ މަސައްކަތުގައި އެހީތެރިވެ، އެކަމުގެ އަޑީގައި އޮތީ ލަންކާގެ ސަރުކާރު ކަމަށް ވިދާޅުވެ، ޕީޕީއެމްގެ ޕާލަމެންޓްރީ ގުރޫޕުގެ ޑެޕިއުޓީ ލީޑަރު އަދި ވިލުފުށީ ދާއިރާގެ މެމްބަރު ރިޔާޒް ރަޝީދު ފާޑުވިދާޅުވެފއި ވަނިކޮށް، މައުމޫން ކުރެއްވި ޓްވީޓެއްގައި ވިދާޅުވީ، އެއީ ރާއްޖޭން ވަރަށް އިތުބާރު ކުރާ ގައުމެއް ކަމަށެވެ.
ވެރިކަންކުރާ ޕާޓީ، ޕީޕީއެމްގެ އިސްވެރިންގެ ތެރޭގައި ވެސް ހިމެނިވަޑައިގަންނަވާ ރިޔާޒްގެ ވާހަކަތަކާ ގުޅޭ ގޮތުން ދިވެހި ސަރުކާރާއި ލަންކާ ސަރުކާރުން އަދި ވަކި އެއްޗެއް ނުބުނެ އެވެ.
ރިޔާޒް ވިދާޅުވީ ރާއްޖޭގައި އޮތް ގާނޫނީ ވެރިކަން ވައްޓާލުމަށް އިދިކޮޅު ފަރާތްތަކުން ކުރާ މަސައްކަތުގައި ލަންކާ ސަރުކާރުގެ މަދަދު ލިބެމުން އަންނާތީ އެކަމާ ކަންބޮޑުވެވަޑައިގަންނަވާ ކަމަށެވެ.
ރިޔާޒް ފާހަގަކުރެއްވި ގޮތުގައި ލަންކާގައި ގިނަ އަހަރުތަކެއް ވަންދެން ހިނގި ދާޚިލީ ހަނގުރާމައާ ގުޅިގެން އެކަމުގެ ގެއްލުން ލިބުނީ ލަންކާގައި ދިރިއުޅޭ މީހުންނަށެވެ. އަދި އެ ފަދަ ދާޚިލީ ހަނގުރާމައެއްގެ ތެރެއަށް ރާއްޖެ ވައްޓާލަން ލަންކާ ސަރުކާރު ބޭނުންވަނީތޯ އޭނާ ސުވާލު އުފެއްދެވި އެވެ.
"ގިނަ އަހަރުތަކެއް ވަންދެން ލަންކާގައި ހަނގުރާމަ ކުރީމަ، އެކަމުން އެ ގައުމަށް ކުރި ނޭދެވޭ އަސަރާއި ގެއްލުން އެ މީހުންނަށް އިހްސާސް ކުރެވޭނެ. އެފަދަ ކަމެއް ލަންކާ ސަރުކާރުން އެދިގެން ނުވާނެ އެހެން ބަޔަކަށް. އެކަމަކު މި ފެންނަނީ އެ މަންޒަރު. ރާއްޖޭގައި އޮތް ގާނޫނީ ވެރިކަން ވައްޓާލަން އިދިކޮޅު ފަރާތްތަކުން ކުރާ މަސައްކަތަށް ލަންކާ ސަރުކާރުން ވާގިވެރިވަނީ،" ރިޔާޒް ވިދާޅުވި އެވެ.
ޕީޕީއެމުން މިދިޔަ ހަފުތާގައި ބޭއްވި ނޫސްވެރިންގެ ބައްދަލުވުމެއްގައި ރިޔާޒް ވިދާޅުވީ ރާއްޖޭގައި ކުރިން އުފެދިފައި ހުރި ވެރިކަންތައް ބަދަލުކުރުމަށް ދިވެހިންގެ ތެރެއިން ބަޔަކު މަސައްކަތް ކުރި ކަން ދިވެހި ތާރީޚުން ފެންނަން އެބައޮތް ކަމަށެވެ. އަދި މިއަދު ވެސް ފެނިގެންދަނީ ބޭރު ގައުމުތަކުގައި ތިބެގެން ރައީސް ޔާމީންގެ ވެރިކަން ބަދަލުކުރަން މަސައްކަތް ކުރާ މަންޒަރު ކަމަށް ވެސް އޭނާ ވިދާޅުވި އެވެ.
Sri Lanka has always been a very close and highly trusted friend of Maldives. No one has the right to disturb our bilateral relations.
— Maumoon Abdul Gayoom (@maumoonagayoom) November 10, 2017
ރިޔާޒް ވިދާޅުވި ގޮތުގައި ރާއްޖެ އަށް އަންނަ ތަރައްގީ ފެނިފައި އަވައްޓެރި ގައުމުތަކާއި ދުނިޔޭގެ ބޮޑެތި ގައުމުތައް ވަރަށް ބޮޑަށް ކަންބޮޑުވެ އެވެ.
ޓެރަރިޒަމް ކުށުގައި 13 އަހަރުގެ ޖަލު ހުކުމެއް އިއްވާފައިވާ ނަޝީދު ބޭސްފަރުވާ އަށް އިނގިރޭސި ވިލާތަށް ވަޑައިގެން ހިމާޔަތް ހޯއްދެވި ފަހުން، އެމްޑީޕީގެ ބޮޑެތި ހަރަކާތްތައް ހިންގަނީ ލަންކާގަ އެވެ. އެހެންވެ، ގިނަ ބަޔަކު ބުނާ ގޮތުގައި ލަންކާ އަކީ އެމްޑީޕީގެ "ކިއްލާ" އެކެވެ. ނަޝީދު ވެސް ގެންދަވަނީ އެ ގައުމަށް ދޭތެރެ ދޭތެރެއިން ވަޑައިގެން ބައެއް ބައްދަލުވުންތައް ބާއްވަވަމުންނެވެ.
ނަމަވެސް ރާއްޖެ އިން ލަންކާ އަށް ދާދި ފަހުން އައްޔަން ކުރެއްވި އާ ސަފީރު މުހައްމަދު ހުސެއިން ޝަރީފް (މުންދު) ވިދާޅުވެފައި ވަނީ ލަންކާ އަކީ އެމްޑީޕީގެ "ކިއްލާއެއް" ކަމަށް ކުރީގެ ރައީސް މުހައްމަދު ނަޝީދު އެ ޕާޓީގެ އާއްމު މެމްބަރުންނަށް ދައްކަވާ ފޮޓޯއަކީ ހަގީގަތެއް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
11 November 2017
ގުޅުން ހީނަރުވެ ބުރޫއަރާނެ ކަމެއްކުރުމުގެ ހައްގު އެއްވެސް ފަރާތަކަށް ލިބިގެނެއްނުވޭ . ރަނގަޅުވާހަކައެއް . ރާއްޖެ އިންފިލައިގެން އުޅޭ ކުއްވެރިޔަކު ސްރީލަންކާގަ ހުރެ ރާއްޖޭގެ ވެރިކަން ނިގުޅައިގަތުމުގެ ސިޔާސީ ހަރަކާތް ހިންގަނީ ލަންކާގެ ސަރުކާރު އަޑީގަ އޮވެ ހިންގާކަމަށް ބެލުމުގެ ފުރުސަތު ދިވެހިރައްޔިތުންނަށް ލިބިގެންވޭ. ވީމާ މިފުރުސަރު ލަންކާސަރުކާރުން ލަންކާ ފަސްގަނޑުގާ ހުރެ ދިވެހި ރާއްޖޭގެ ޓެރަރިސްޓް ކުށްވެރިޔަކު ހިންގުމުގެ ފުރުސަތު ނުދެއްވާ ދެގައުމުގެ ގުޅުން ރަނގަނޅު ކުރައްވަން މަސައްކަތް ކުރައްވާނެ ކަމަށް އުއްމީދު ކުރަން.
ކޯން
11 November 2017
މިވާހަަކަތަކަކީ، ރިޔާޒު ރަޝީދުގެ ދުލުން ބުންޏަސް ރިޔާޒުގެ ވާހަކައެއް ނޫން. ދިވެހި ރައްޔިތުންނަށް ދުއްތުރާ ކުރުމަކީ މިއަދުގެ ސަރުކާރުގެ ހޮބީއެއް.
ތިބެބަލަ
11 November 2017
ރައީސް މައުމޫނު އަށް ނޫން އިނގޭނީ ލަންކާ އާއި ރާއްޖެއާއި ދެމެދު އޮންނަންވީ ގުޅުން. މިހާރު ވެރިކަމުގައި މިތިބީ އެއީ މަމެން ޕިންކީން ދޯ. ލަންކާ ގައި މިހާރު އޮތް ސަރުކާރު ސައިޒުން ކަނޑާ ތިރި ކުރާނަން މަމެން ޕިންކީން. ރައީސް މައުމޫނު ބަލަން ހުރޭ. މިހާރު ހިނގާ ދިވެހި ގައުމު އެއީ މަމެން ޕިންކީންގެ މިލްކިއްޔާތެކެވެ.
ކޮލަް
11 November 2017
ވެރިކަމުގަ ތިބޭ ބައެއްގެ ހައްގެއް ނޫން އެއީ ބޭނުންގޮތަކަށް ކަންކުރުމަކީ، ފާނާކުރާކަށްނޫން ވެރިކަން ހަވާލުކުރަނީ، ބިނާކުރަން. އޮޅިގެން ނޫޅޭ ކޮން ޕިންކީންނެއް. ޕިންކީގެ ތަރިކަ މުދަލެއް ނޫން މިއީ، ދިވެހި ކޮންމެ ރައްޔިތެއްގެވެސް ހައްގެއް. ހަމައިގައި ތިބޭ.
ގްރީން
11 November 2017
ހުރިހާ ދެރައެއް ރައްޔިތުންނަށް. ދެއްކޭ ނުދެއްކޭ ވާހަކައެއް ނޭނގޭ މީހުން މިއުޅެނީ އުދުހިފަ.
އާނިޔާ ޒަރީރު
11 November 2017
ރައީސު މައުމޫނުގެ މި ޓުއިޓުގެ ދިވެހި ތަރުޖަމާ އޮއިލް މާސްޓަރައް އޮޅުން ފިލުވައި ދޭނެ ފަރާތެއް ބޭނުންވޭ.. އެތެޜެ މުޅީން ހޮއި ތިބޭ މީސް މީހުން ބ ރުގެ ކޮރޮޕުޓު މަސަލް ތަކައް ބަލައި އަޅުގަނޑުމެންގެ ގައުމު ހަލާކުގެ ތެރެއައް ވައްޓައި ނުލުމައް ގޮވަން!!!!
މޮގާބޭ
11 November 2017
މި ރައީސް ވެރިކަމަށް އައީ ކޮށް ގޮތަކުންތޯ އަށްސަވާ.....
މަހަށް
11 November 2017
މަމެން ޕިންކީން ނަށް އެހާ މުހިއްމު ދެ ގައުމެއް ނޫން ލަންކާ އަދި އިންޑިއާ އަކީ. މަމެންނަށް ރަނގަޅީ ލަންކާ އަދި އިންޑިއާ އާއި އެކު އޮތް ޒަމާންވީ ގުޅުން ކަނޑާލާ އާދައިގެ އެކުވެރިކަމެއް ބާއްވާ ލަންކާގެ ކުންފުނި ތަކަށް ސަރުކާރުގެ ޕްރޮޖެކްޓްސް ތައް ނުދޭ ގޮތަށް ވަޒީރުންގެ މަޖްލީހުން ނިންމާ އަދި އިންޑިއާގެ ކުންފުނި ތަކަށް ވެސް ސަރުކާރުގެ ޕްރޮޖެކްޓްސް ތައް ނުދީ ވާނެ ގޮތް ހެދުން އެއީ މަމެން ޕިންކީން އެންމެ ބޮޑަށް ބޭނުންވާ ގޮތަކީ. އެމަސައްކަތް ދޭންވީ ދިވެހި ކޮންޓްރެކްޓަރުންނަށް ނުވަތަ ސަރުކާރުގެ ކުންފުނި ތަކަށް. ދެވޭނެ ހަމަ ބޭރުން ނަގާ ލޯން ތަކުގެ މަޝްރޫއު ތައް ވެސް ސަރުކާރުން ދޭން ބޭނުން ނަމަ. އެމްއާރުޑީސީ ވެސް އަދިވެސް ވަރުގަދަ ކުރަންވީ. އެމެން ސަބްކޮންޓްރެކްޓް އަށް ލަންކާ ކުންފުނި ތަކަށް މަސައްކަތް ދިނުން އެއީ ގަބޫލު ކުރެވޭނެ ކަމެއް ނޫން އިނގޭތޭ. ލަންކާ އާއި ރާއްޖެ އާއި އޮތް ޒަމާންވީ އެކުވެރިކަމެއް ނޯންނާނެ ދެނެއް. ހަނދާން ނައްތާލާ އެކަން. ލަންކާ މަހަށް ދޭބަލަ ދެން. މަހަށް މަހަށް ދޭބަލަ.
ގުޑްގުޑް
11 November 2017
ރާއްޖެ-ލަންކާގެ ގުޅުމަށް ބުރޫ އެރުވުމުގެ ހައްގެއް އެކަކަށް ވެސް ނެތް ކަމަށް ރައީސް މައުމޫނު ވިދާޅުވާއިރު ދެން މިގައުމުގައި ރައްޔިތުންގެ %85 ވޯޓް އިން 2013 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހު ހޮވާފައިވާ ވަތަނީ ގައުމީ ބިއުޓިފުލް އެން އޯސަމް އެން ފްލޯލެސް ސަރުކާރު ވައްޓާލުމުގެ ހައްގު ލަންކާ ގައި މިހާރު އޮތް ސަރުކާރަށް އެބައޮތްތޭ އިދިކޮޅު ފަރާތް ތަކާއި ގުޅިގެން މީ މަމެން ރައީސް މައުމޫނާއި ކޮށްލަން ބޭނުންވާ ސުވާލެކެވެ. ލަންކާ ގައި މިހާރު އޮތް ސަރުކާރަކީ އެއީ ރާޖާ ޕަކްސާ އަށް ވަރަށް ބޮޑަށް އޮޅުވާލައިގެން މަކަރާއި ހީލަތުން އައިސްފައިވާ ހުޅަނގުގެ ޕަޕެޓް ކޮރަޕްޓް ސަރުކާރެކެވެ. އެމެން ރައްޔިތުންގެ ލާބަ އާއި މަންފާ އަށް އެެއްކަމެއް ވެސް ނުކުރެއެވެ. ލަންކާ ގައި މިހާރު އޮތް ސަރުކާރުން އިދިކޮޅު އެމްޑީޕީ އަށް ދޭ ހެބިޓެޓް މިހާރު އުވާލާ އެ އެންމެން މަމެން ޕިންކީން ނާއި ހަވާލު ކުރަންވީ. އެނޫން ނަމަ ބާރުގެ ބޭނުން ކޮށްގެން އެކަން ކުރަން ޖެހިދާނެއޭ މަމެން ބުނަން ނެތީމު ދޯ. ގެޓް ދަ ޕޮއިންޓް. ގުޑް.
ހަސަން
11 November 2017
އަދިވެސް ރިޔާޒް ރަޝީދު ހޮވޭނެ .. ރާއްޖޭގެ އެހިސާބު ތަކުގެ ގިނަމީހުން ވަނީ ދުނިޔެ އުޅެން ދަސްކޮއްފަ ( ދެމުނު އެއްޗެއް ދެމުނު ގޮތަކަށް ކާލުން) ... އަނެއްބަޔަކު އަދިވެސް މައުމޫނު ގެ 30 އަހަރުގަ ވިސްނުމުގަ ( އެބޭފުޅުން ރަށް ޖެނެރޭޓަރެއް ދިނީޔާނޫނީ ނުލިބޭނެޔޭ ). ސިޔާމު ، ގާސިމް އާއި އެމީޙުންގެ ޕާޓީ ގެ މެމްބަރުން އަދިވެސް ހޮވެން ބޭނުންވަނީ މި ވިސްނުން ރަށްޔިތުންނަށް ވިސްނާދީގެން.
އަތްޖަހާ
11 November 2017
ރިޔާޒު މިކިޔަނީ ރާއްޖެ އަންނަ ތަރައްގީ ފެނިފަ ލަންކާ މީހުން ހައިރާން ވަނީޔޯ. މަށަށް އެގުނުގޮތުގަ އެމީހުން ހައިރާން ވަނީ ބޮޑެތި މީހުން ލާރި ޖީބަށް ކަހާލާ މޮޅެތި ގޮތްތައް ފެނިފަ.