ޚަބަރު / ދައުލަތުގެ ބަޖެޓް 2018

ރިޔާސީ އިންތިޚާބަށް 85 މިލިއަން ރުފިޔާ، ސިޔާސީ ޕާޓީތަކަށް 24 މިލިއަން

ޕީޕީއެމްގެ ހަ ވަނަ އަހަރީ ދުވަސް ފާހަގަ ކުރުމަށް ހދ. ކުޅުދުއްފުށީގައި ބޭއްވި ޖަލްސާގައި އެ ޕާޓީގެ ލީޑާޝިޕްގެ ބޭފުޅުން ބައިވެރިވެވަޑައިގަންނަވަނީ. - ފޮޓޯ: ރައީސް އޮފީސް

މުހައްމަދު ޔާމީން، މިހާރު

15 ނޮވެމްބަރ 2017 - 20:30

3 comments

ދައުލަތުގެ އަންނަ އަހަރުގެ ބަޖެޓުން ސިޔާސީ ޕާޓީތަކަށް 24.2 މިލިއަން ރުފިޔާ އަދި އަންނަ އަހަރު ރިޔާސީ އިންތިޚާބު ބޭއްވުމުގެ ޚަރަދަށް 85 މިލިއަން ރުފިޔާ ކަނޑައަޅައިފި އެވެ.

ފިނޭންސް މިނިސްޓަރު އަހުމަދު މުނައްވަރު ރައްޔިތުންގެ މަޖިލީހަށް މިއަދު ހުށަހެޅުއްވި ބަޖެޓުގައިވާ ގޮތުން ސިޔާސީ ޕާޓީތަކަށް އަންނަ އަހަރު 24.2 މިލިއަން ރުފިޔާ ދޭނެ އެވެ. އެއީ ޕާޓީތަކަށް ސަރުކާރުން މި އަހަރު ދިން އަދަދަށް ވުރެ، ތިން މިލިއަން ރުފިޔާގެ ދަށްވުމެކެވެ.

މީގެ އިތުރުން ރައްޔިތުންގެ މަޖިލީހުން ހުސްވެފައިވާ ގޮނޑިތަކުގެ ބައި އިލެކްޝަން ބޭއްވުމަށް 26 މިލިއަން ރުފިޔާ ވަނީ ދާދި ފަހުން މި އަހަރަށް ފާސްކުރި ސަޕްލިމެންޓްރީ ބަޖެޓުގައި ކަނޑައަޅައިފަ އެވެ.

ސިޔާސީ ޕާޓީތަކުގެ ބެލެނިވެރި ފަރާތާއި އިންތިޚާބުތަކުގެ ކަންކަން ކުރަމުން އަންނަ އިލެކްޝަންސް ކޮމިޝަނަށް އަންނަ އަހަރު ބަޖެޓުގެ ގޮތުގައި ކަނޑައަޅާފައި ވަނީ 116 މިލިއަން ރުފިޔާ އެވެ. މި އަހަރު އިލެކްޝަންސް ކޮމިޝަނަށް ކަނޑައަޅާފައިވާ ބަޖެޓަކީ 77 މިލިއަން ރުފިޔާ އެވެ.

ސިޔާސީ ޕާޓީގެ ގާނޫނުގައި ބުނެފައި ވަނީ ކޮންމެ އަހަރެއްގެ ވެސް ދައުލަތުގެ ބަޖެޓުގެ 0.1 ޕަސެންޓުގެ ފައިސާ ޕާޓީތަކަށް ޚާއްސަ ކުރަންޖެހޭ ކަމަށެވެ.

މި އަހަރަށް ފާސްކުރި 27 ބިލިއަން ރުފިޔާގެ ބަޖެޓުން ގާތްގަނޑަކަށް 27 މިލިއަން ރުފިޔާ ޕާޓީތަކަށް ދީފައި ވަނީ މި އަހަރު ނިމެން ދެ މަސް ދުވަހަށް ވެފައިވަނިކޮށެވެ. އެހެންވެ، އިދިކޮޅު ގިނަ ޕާޓީތަކުން ވަނީ ފައިސާ ދިނުން ލަސްވެގެން ސަރުކާރަށް ވަރަށް ބޮޑަށް ފާޑު ކިޔައިފަ އެވެ.

މި އަހަރު އެންމެ ގިނަ ފައިސާ ލިބުނީ، އެންމެ ބޮޑު ސިޔާސީ ޕާޓީ އަދި ވެރިކަންކުރާ ޕީޕީއެމަށެވެ. އެ ޕާޓީ އަށް 10 މިލިއަން ރުފިޔާ ޖަމާކޮށްދިން އިރު އެންމެ ބޮޑު އިދިކޮޅު ޕާޓީ، އެމްޑީޕީ އަށް ލިބުނީ 7.4 މިލިއަން ރުފިޔާ އެވެ. އަދި ޖުމްހޫރީ ޕާޓީ އާއި ސަރުކާރުގެ ކޯލިޝަންގައި ހިމެނޭ އެމްޑީއޭ އަށް 2.7 މިލިއަން ރުފިޔާ ލިބުނެވެ. މެމްބަރުންގެ އަދަދު ހަމަނުވުމުން އަދާލަތު ޕާޓީ އަށް ސަރުކާރުން ފައިސާއެއް ނުދެ އެވެ.

ސިޔާސީ ޕާޓީތަކުގެ ގާނޫނުގައިވާ ގޮތުން މެމްބަރުންގެ އަދަދު 10،000 އަށް އަރާ ޕާޓީތަކަށް، އަހަރުގެ ފުރަތަމަ ތިން މަސް ދުވަހުގެ ތެރޭގައި އިލެކްޝަންސް ކޮމިޝަނުން ފައިސާ ޖަމާކޮށްދޭން ޖެހެ އެވެ.

އެމްޑީޕީ ސިޔާސީ ޕާޓީ ދައުލަތުގެ ބަޖެޓް ޖުމްހޫރީ ޕާޓީ ޕީޕީއެމް އެމްޑީއޭ ދައުލަތުގެ ބަޖެޓް 2018

3 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

16 November 2017

ރިޔާސީ އިންގިޙާބު ތަންކޮޅެއް ޙަރަދުކުޑަވާނެ އެސްއެމްއެސް އިން ވޯޓްލެވޭގޮތަށް ހެދީމައި ،،، އޭރުން ވޯޓްފޮށިތަކާއި މީހުން ބައިތިއްބާކަށް ނުޖެހޭނެ ،،،،، ވަރަުގަދަ ސާރވަސިްސްޓަމްއެއް ،،،، ދެން އިންޓަރނެޓް ކަނެކްޝަންއިނީމައި ނިމުނީ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

15 November 2017

ބަޖެޓަށް ވޯޓު ނުދޭ ޕާޓީތަކަށް ރިޔާސީ އިންތިޚާބް ގަ ވާދަ ނުކުރެވޭނެ ކަމަށާ އަދި ބަޖެޓުން ފައިސާއެއްވެސް ނުލިބޭނެކަމަށް ނިންމަފާނެބާވައޭވެސް މިހާރު ހިތަށް އެބައަރާ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީގެ ގއ. އެކްޓިވިސްޓުން

15 November 2017

ރިޔާސީ ކެންޑިޑޭޓް އަންނަން ޖެހޭ ޕާޓީ ލޯކަލް ކައުންސިލް އިންތިޚާބު ނަތީޖާ އިންނާއި، ޕާޓީގެ މެންބަރުންގެ އަދަދުން ވަރަށް ސާފު.. އެއީ ބޮޑު މަންޒަރަކީ... ބޮޑުސޭޓާއި، 30 އަހަރުގެ ވެރިޔާއާއި، އަދާލަތު ޝޭޚަށް ވަރަށް ސަލާމް... " ތިޔައީ ބާޣިންނެ ލޮބުވެތި މި ދިވެހި ޤައުމު ހަލަކު އެކުރާ "