ސަރުކާރުގެ ބޭފުޅުން މިއަދު ތިނަދޫ އަށް ފުރާވަޑައިގަތުމުގެ ކުރިން އެއާޕޯޓްގައި. -- ފޮޓޯ: އެމްޕީ މުހައްމަދު އިސްމާއިލް
22 ނޮވެމްބަރ 2017 - 17:16
15 comments
ވެރިކަން ކުރާ ޕީޕީއެމާއި ގުޅިފައިވާ އިދިކޮޅު ޕާޓީތަކުގެ ބޮޑު ދެ ވަފުދެއް ގދ. ތިނަދު އަށް ހިނގައްޖެ އެވެ.
އިދިކޮޅު ފަރާތްތަކުން ތިނަދުއަށް ދިޔައީ މާދަމާ ރޭ އެ ރަށުގައި ޖަލްސާއެއް ބާއްވަން ނަމަވެސް ޕީޕީއެމްގެ ނައިބު ލީޑަރު އަދި ވިލުފުށީ ދާއިރާގެ މެމްބަރު ރިޔާޒް ރަޝީދު "މިހާރު" އަށް ވިދާޅުވި ގޮތުގައި ސަރުކާރުގެ ވަފްދުގެ ބޭނުމަކީ ތިނަދޫގައި ތިބި ޕީޕީއެމްގެ ސަޕޯޓަރުންނާ ބައްދަލު ކުރުމެވެ. އެގޮތުން އެ ރަށު ރައްޔިތުންނަށް އެންމެ ދަތިވާ ކަންކަން އޮޅުން ފިލުވާނެ ކަމަށް ރިޔާޒް ވިދާޅުވި އެވެ. އެކަމަކު ބޮޑު ޖަލްސާއެއް ބާއްވަން އަދި ހަމަޖެހިފައި ނެތް ކަމަށް ވިދާޅުވި އެވެ.
ސަރުކާރުގެ ފަޅީގައި ތިއްބެވި ބޭފުޅުންގެ ތެރެއިން ތިނަދޫ އަށް މިއަދު ވަޑައިގެންނަވާ ބޭފުޅުންގެ ތެރޭގައި ޕީޕީއެމްގެ ޕާލަމެންޓްރީ ގްރޫޕްގެ ލީޑަރު ވިލިމާލެ ދާއިރާގެ މެމްބަރު އަހުމަދު ނިހާން، ޕީޕީއެމްގެ ނައިބު ލީޑަރު އަދި ޓޫރިޒަމް މިނިސްޓަރު މޫސާ ޒަމީރު، ޑިފެންސް މިނިސްޓަރު އާދަމް ޝަރީފް، ހެލްތު މިނިސްޓަރު އަބްދުﷲ ނާޒިމް އަދި ޕީޕީއެމް އާއި އެމްޑީއޭގެ އެހެން މެންބަރުން ހިމެނެ އެވެ.
އިދިކޮޅު ހަރަކާތްތަކުގައި އިސްކޮށް އުޅުއްވާ ބައެއް ބޭފުޅުން ވެސް ތިއްބެވީ ތިނަދޫގަ އެވެ. އަދި އިތުރު ބައެއް ބޭފުޅުން މާދަމާ ވެސް އެ ރަށަށް ވަޑައިގަންނަވާނެ އެވެ.
"ޕީޕީއެމްގެ އާންމު މެމްބަރުންނާ ބައްދަލުކުރެއްވުން ވަފްދުގެ ބޭނުމަކީ. ކުރިއަށް އޮތް ދުވަސްތަކުގައި އިތުރު ބޭފުޅުން ތިނަދޫ އަށް ވަޑައިގަންނަވާނެ،" ޕީޕީއެމްގެ ވަފުދުގެ ދަތުރާ ބެހޭ ގޮތުން ވިލުފުށީ ދާއިރާގެ މެންބަރު ރިޔާޒް ވިދާޅުވި އެވެ.
ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައަޅާފައިވާ ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ "މިހާރު" އަށް ވިދާޅުވީ މާދަމާރޭ ބާއްވާ ޖަލްސާގައި އިދިކޮޅު ފަރާތްތަކަށް އޮތް ތާއީދު ފެނިގެންދާނެ ކަމަށެވެ. އަދި އެ ޖަލްސާގައި ގިނަ ބަޔަކު ބައިވެރިވާނެ ކަމަށް އޭނާ ވިދާޅުވި އެވެ. ސައުދުﷲ ވިދާޅުވި ގޮތުގައި ތިނަދޫގެ 90 ޕަސެންޓު ރައްޔިތުން ސަރުކާރާ މެދު ހިތްހަމައެއް ނުޖެހެ އެވެ.
އިލެކްޝަންސް ކޮމިޝަނުން ވަނީ ސައުދުﷲ ގެ އިތުރުން ތިނަދޫ ދެކުނު ދާއިރާގެ މެމްބަރު އަބްދުﷲ އަހްމަދުގެ ގޮނޑި ވެސް ގެއްލިފައިވާ ކަމަށް ކަނޑައަޅައިފަ އެވެ. ތިނަދޫގައި މުޅިން ވެސް ތިއްބަވަނީ އިދިކޮޅު އެމްޑީޕީއަށް ނިސްބަތްވެވަޑައިގަންނަވާ ކައުންސިލަރުންނެވެ.
ސަރުކާރާއި އިދިކޮޅުގެ ހަރަކާތްތަކެއް ތިނަދޫގައި ހިންގާއިރު ތިނަދު އަށް އިސްކަން ދެއްވައިގެން ރައީސް އަބްދުﷲ ޔާމީން ކޮށްދެއްވި ކަންކަމާ މެދު އެ ރަށުގެ ރައްޔިތުން ވިސްނުން ނުގެންގުޅޭ ނަމަ، "ދެން އަޅާ ފިޔަވަޅުން އަޅުގަނޑުމެން ވިސްނުން ބަދަލުކުރަން ޖެހިދާނެ" ކަމަށް ވިދާޅުވެ ޕީޕީއެމްގެ ޕާލިމެންޓްރީ ގްރޫޕްގެ ލީޑަރު ނިހާނު ވަނީ ތިނަދޫ ރައްޔިތުންނަށް އިންޒާރެއް ދެއްވައިފަ އެވެ. ރުމާލު 2 ޖަގަހައިގައި ރޭ ބޭއްވި ޖަލްސާގައި ތިނަދު އަށް އުފަން ނިހާނު ވިދާޅުވީ ގާތްގަނޑަކަށް 11،700 މީހުން ހިމެނޭ ގދ. އަތޮޅަށް، އަންނަ އަހަރުގެ ބަޖެޓުގައި އެއް ބިލިއަން ރުފިޔާ ހާއްސަކޮށްފައިވާ ކަމަށެވެ. އެހެންކަމުން މިކަމާ މެދު ވިސްނައި، އިދިކޮޅު ހަރާކްތަކަށް ތިނަދޫގެ ރައްޔިތުން ނުނިކުތުމަށް އޭނާ ގޮވާލެއްވި އެވެ. ނަމަވެސް ނިހާނުގެ އެ ގޮވާލެއްވުމަށް ގިނަ ބަޔަކު ވަނީ ފާޑު ކިޔައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަގާނު
23 November 2017
ޔާމީނުގެ ވިސްނުމާ ފެންވަރު މިކަމުންވެސް މި އެނގެނީ!! އަބަދުވެސް އެނގޭނީ ހާޖާނު ހަައްދައް! ކަމެއްގަ އޮތް މަސްލަހަތު ހެޔޮ މަގަކަށް އެއްވަރަކަށްވެސް ނުބަލާނެ!!
މީނާ
23 November 2017
ރާއްޖޭގެ އާބާދީބޮޑު ހޭލުންތެރި އެއްވެސް ތަނެއްގައި ތަމެންނަކަށް ތާއީދެއް ނެތް، ދެން
އަބްދުއްލާ
23 November 2017
އެމްޑީޕީން ތިނަދޫ އަށް ކޮށްދިންކަމަކީ ތިނަދޫގަ ހުރި ޕޮލިސް ސަޓޭސަނާ ، އަތޮޅު ކައުންސިލާ ތިނަދޫކޯޓް އަންދާލުިން. ޕްލިސް ސްޓޭސަން އަނދާލުމުގެ ބޭނުމަކީ ފުލުހުން ދެކެ ނަސީދު ރުޅިއަންނާތީ .ފުލުހުންނާ ހެދި އޭނަ ބޭނުން އެއްޗެއްގެ ބޭނުން ހިފައިގެން ނޫލެވޭތީ މިކަމުގެ ހެއްކަކީ ފުލުހުންނާ ދެކޮޅަށް ކުރި މުޒާހަރާ. އަތޮޅު ކައުންސިލް އަންދާލުމުގެ ބޭނުމަކީ 3 އަހރުގެތެރޭ ވަރަށް ބޮޑެތި ފައިސާގެ މައްސަލަތައް އަތޮޅު ކައުންސިލްގާ ހުރުމުން . ކޯޓް އަންދާލުމުގެ ބޭނުމަކީ ނަސީދުގެ މައްސަލަ ތައް ހުރުމުން ކޯޓްތަކަށް ހުށަހަޅާނެތީ އަދުލު އިންސާފު ދެކެ އަންނަ ރުޅި . މަކަމުގެ ހެއްކަކީ ސްޕްރީމްކޯޓް ތަޅުއެޅުވުން. މިއީ އެމްޑީޕީން ތިނަދޫ އަށް ކޮށްދިންކަންކަން. ވީމާ ތިނަދޫ މީހުނަށް ނަސީދު ގެނެސްދިން އަނެއް ދިވެހިރާއްޖޭގަ އޮތީ ގެއްލުމާ ހަލާކު ކަން ނޭގެނީތަ؟ގައުމަށް ރަށަށް ބޭނުންވަނީ ތަރައްގީ ނޫންބާ ؟ޖީބަށް ސިޓީ އުރަ ލިބުނު މީހުނާ އެހެންމީހުން ދުރުވެގަންނަމާ
އަދީބު
22 November 2017
ދެ ގޯތި ފަޅުކޮށްފައި މާލެއަށް ހިޖުރަކުރައްވައިގެން ހުންނެވި ބޭފުޅަކު ތިނަދުއަށް ވަޑައިގަންނަވަން ލަދުފުޅެއް ނުގަންނަވާތޯ؟ ސަރުކާރު ފަޅީގެ ވަފްދުގެ ބޭނުމަކީ، ތިނަދޫގައި ތިބި ޕޕމ އަށް ތާޢީދުކުރާ މަދު މީސްކޮޅު އިދިކޮޅު ޖަލްސާއަށް ނުފޮނުވުން ނުވަތަ ދެވޭނެ ފުރުސަތު ހަނިކުރުން. އެރަށު މީހަކު ބުނި ގޮތުގައި، މުޅި ރަށުތެރޭގައި ކިޔާ އުޅުނު ކަމަށްވޭ، އެކި ވުޒާރާތަކުގެ މިނިސްޓަރުން ވަޑައިގަންނަވަނީޔޯ. ހުރިހާ މުވައްޒަފުން ވާނޭ އެ ބޭފުޅުންގެ އިސްތިޤުބާލަށް ފާލަން ދޮށަށް ދާން. އެންމެ ފަހަރަކުވެސް ނުބުނެޔޯ ސިޔާސީ ބަޔަކު އަންނަނީއޯ.
މެންޓަލިސްޓް
22 November 2017
އެހެންވީމައި ތިޔަދެބައިމީހުންގެ ޖަލްސާނިމޭއިރު ހާދަހާ ފިތުނައަކާއި ފަސާދައަކާއި ހަަސަދަވެރިކަމެއް އުފެދޭނޭދޯ ؟؟ ކޮބައިތޯ ބޭނުމަކީ 2 ބައިމީހުންގޮސް ރައްޔަތުން ނެރެގެން ގޭސްއެނބުރުމުގެ ،،،، ތިނަދޫގައި މާއަގުބޮޑު މާވަަހަރެއްއޮތީތޯ ؟؟ ނޫނީ ވާތްސަންގެއް ތިނަދޫގައި އޮތީތޯ ؟؟ ދެބައިމީހުން ވާދައަށްގޮސް އެއްބަޔަކަށްވުރެން އަނެއްބަޔަކު އެހޯދަން ތިޔައުޅެނީ ، ނޫނީ ޓީވީތަކަށް ކޮންބައެއްގެތޯ މީހުންގިނައީ ދައްކަންބޭނުންވަނީތޯ ؟؟؟ އަޅުގަނޑަށް ޔަގީން ޕީޕީއެމް ދާނީ އޮޔާކަން ،،،،، ޕީޕީއެމްއަށް އަދިވެސް އެންމެ ބުއްދިވެރިގޮތަކީ ހަމަ ޔާމިންނޫން ކެންޑިޑޭޓެއް ހޯދުން ،،، އެބޭފުޅާގެ ޙިޔާލްހުރީ އެހެންގޮތަކަށް ،،، ވަރަށްވެދުން
އުދުހޭ
22 November 2017
ނިހާނު އަމިއްލަ ރަށުން ފެއިލްވީމާ ދެން ރާއްޖޭގެ އެހެން ރައްރަށުންގަ ސަޕޯޓް އޮތްވަރު ރަގަޅުވާނީ ނުބެލިއްޔާ!
ސޮމާ
22 November 2017
މިވީހާތަނަށް ތާރީހް ދައްކާގޮތުން ތިނަދޫ އަތުން ބަލިވެއްޖެއި ޔާ ބަލިވީ. އަހަރެމެން މިތިބީ ކުޅިބަލަން. ތިޔަދަތުރުން ވާނުވާ އެނގިގެން ދާނެ. ބަލިވެއްޖެއިޔާ ބަލިވީ. ގަދަވެއްޖެއިޔާ ގަދަވީ.
ޥަރަށް ސަލާމް
22 November 2017
ކޮންމެހެން ތިޔަ ތިނަދުއަކާ ހެދި ސަރުކާރުން ތެޅިމަރުވާވަރު ރަށެއް ނޫން ތީކީ. ވޯޓްލާ 3000 މީހުން ތިރަށުގަ އުޅެންޏާ ކޮންމެވެސް އެހެން ދިމާޔަކަށް ތިޔަށްވުރެ ކުޑައެއްޗެއް ހަރަދު ކޮށްލަނިކށް 3000 އަށްވުރެ މާ ގިނައިންވެސް ވޯޓު ލިބޭނެ ސަރުކާރަށް. ތިޔަ ތިނަދޫ މީހުންނަކީ ހަރުގަ ތިބޭ ހިޔަޅު ނަމޫނާއަކަށް ބަލައިގެން އުޅޭ ރަށެއް. ހަރުގަ ބޯހަރުކަންމަތީ ތިބެން ދޯކޮށްލާ.
އލހ
23 November 2017
އައިސް ބަލާބަލަ ހަރުގަ ތިބޭ ބައެއްތޯ ތިނަދޫ މީހުންނަކީ. ކަންވެސް ކުރުވާނަން. ވޯޓް ދޭނީ ބޭނުންގޮތަކަށް. އެއްވެސް ނުފޫޒަކަށް ތަބާނުވާނަން.
ެަެަެަެަެްއެއްެްއެ
22 November 2017
ޑިފެންސް މިނިސްޓަރު ބުނީ އެބައިމީހުން ސިޔާސީ ނުވުމަށް! އެކަމަކު އެބޭފުޅާ މިހުރީ ސިޔާސީ ޕާޓީއެއްގެ ދަތުރެއްގައި ބައިވެރިވެގެން! މީ ކޮން ފާޑެއްގެ ވާހަކައެއް ދައްކާ ބޭފުޅޭއް! ތީތި ކަޑައޭ މިނިސްޓަރޫ!
ތެދު
22 November 2017
ޔާމީނު އަކީ ސިޔާސީ ގޮތުން ފެއިލް ވެފައި ހުރި އެކަމަކު ބާރާ ނިފޫޒްގެ ގޮތުން އެވަރެއް ނެތް ބޭފުޅެކެވެ.