ހުޅުމާލޭގައި ހަދާ ރާއްޖޭގެ އެންމެ ބޮޑު ސްކޫލްގެ މަސައްކަތް ނިމެނީ

ހުޅުމާލޭގެ ފޭސް 1ގައި އިމާރާތް ކުރާ ސްކޫލުގެ މަސައްކަތް ކުރިއަށްދަނީ. -- ފޮޓޯ: އެޗްޑީސީ

އާސިމާ ނިޒާރު، މިހާރު

28 ފެބުރުއަރީ 2018 - 16:36

ހުޅުމާލޭގައި އިމާރާތް ކުރަމުން އަންނަ ސްކޫލުގައި މިހާރު ކުރަމުން އަންނަނީ އެންމެ ފަހުގެ މަސައްކަތްތަކަށް ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު ބުނެފި އެވެ.

އެޗްޑީސީން ބުނީ ހުޅުމާލޭގެ ފޭސް 1 ގައި އަޅާ ސްކޫލުގެ މަސައްކަތްތައް ހަލުވި ސްޕީޑެއްގައި ކުރިއަށްދާ ކަމަށެވެ. އަދި ތިން ބްލޮކް ރާނައި ނިންމައި ފިނިޝިންގެ މަސައްކަތްތައް ވެސް ކުރިއަށްދާ ކަމަށް ބުންޏެވެ.

ލިޓްލް ޖެމްސް ޕްރީސްކޫލު ކައިރީގައި އިމާރާތްކުރާ މިތަން ނިންމައި މި އަހަރުގެ މެދު ތެރޭގައި އެޑިއުކޭޝަން މިނިސްޓްރީއާ ހަވާލުކުރާނެ ކަމަށް އެޗްޑީސީން ވަނީ ކުރިން ބުނެފަ އެވެ.

ހުޅުމާލޭގެ ފޭސް 1ގައި އިމާރާތްކުރާ ސްކޫލް. -- ފޮޓޯ: އެޗްޑީސީ

މި ސްކޫލު މަސައްކަތްތައް ނިމުމުން، އެ އިމާރާތް ވެގެންދާނީ ރާއްޖޭގައި ހުރި އެންމެ ބޮޑު ސްކޫލަށެވެ. މިވަގުތު އެންމެ ބޮޑު ސްކޫލު މިހާރު ވެސް ހުރީ ހުޅުމާލޭގަ އެވެ. އެއީ 2015 ވަނަ އަހަރު ހުޅުވި ރެހެންދި ސްކޫލެވެ.

ހަތް ބުރިއަށް އަލަށް ހަދާ ސްކޫލް އިމާރާތުގައި ޕްރީ ސްކޫލުން ފެށިގެން ގްރޭޑް 10އާ ހަމަ އަށް ކިޔަވައިދޭނެ އެވެ. އެތަނުން ގާތްގަނޑަކަށް 1700 އެއްހާ ދަރިވަރުންނަށް ފުރުސަތު ދޭނެ އެވެ.

މި ތަނުގައި ތިން ބްލޮކް ހަދާއިރު 50 ކްލާސްރޫމް ހުންނާނެ އެވެ. އެ ކްލާސްރޫމްތަކުގެ ތެރެއިން ދެ ކްލާސް ހާއްސަ ކޮށްފައިވަނީ، ނުކުޅެދުންތެރިކަން ހުންނަ ކުދިންނަށެވެ.

The development of Hulhumalé Neighborhood I school is continuing at a fast space. With the structural works of A, B and C blocks completed, the development is currently undergoing masonary works and other finishing works.#HDCMaldives #Hulhumalé #YouthCity pic.twitter.com/T5uIPhrrQV
— HDC (@hdcmaldives) February 28, 2018

އެޗްޑީސީގެ ޓްވީޓް

މުޅިން އާ ކޮންސެޕްޓަކަށް އެ ސްކޫލު އިމާރާތް ކުރަން މިދިޔަ އަހަރުގެ ޖެނުއަރީ މަހު ހަވާލުކުރީ އަމިން ކޮންސްޓްރަކްޝަނާ އެވެ. އެ މަސައްކަތް 14 މަސް ތެރޭގައި ނިންމަން އެ ކުންފުންޏާ ހަވާލުކުރީ 132 މިލިއަން ރުފިޔާ އަށެވެ.

ހުޅުމާލޭގައި މިހާރު ވެސް ސަރުކާރުގެ ޕްރީ ސްކޫލަކާއި އަމިއްލަ ޕްރީ ސްކޫލް ވެސް ހިންގަ އެވެ. މީގެ އިތުރުން ގާޒީ ސްކޫލާއި ރެހެންދި އަދި ގޭޓްވޭ އިންޓަނޭޝަނަލް ސްކޫލު ހުޅުމާލޭގައި ހިންގަ އެވެ.

ސްކޫލް ތައުލީމް ހުޅުމާލެ އެޑިއުކޭޝަން މިނިސްޓްރީ ކިޔަވާކުދިން އެޗްޑީސީ

18 ކޮމެންޓް, 64 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙައްވަ

10 September 2018

ސްކޫލްގެ ސައިޒު ބޮޑުވެފައި ޑިޒައިން މޮޅުވުމުން ނިމުނީތަ؟މިހާރުވެސް ހުޅުމާލެގައި ހުރި ސްކޫލްތަކުގެ ފެންވަރު ރަނގަޅުކޮށް މީހުންގެ ލަދަރީން ސްކޫލަށް ފޮނުވާ ބޭނުން އެތަންތަނުން ފުރިހަމަ ކޮށްދެވޭތޯ ބަލަންވީނު..ޑިސިޕްލިން ގެއްލި ކުއްޖާ ހަލާކުވާ ތަނެއްގެ ގޮތުގައި ތަންހިންގުމުގެ ބަދަލުގައި ކަމަށް ޤާބިލް ޓީޗަރުންނާއި ރިސޯސް ތަށް ފުރިހަމަ ކޮށްދޭންވީނު؟ކުއްޖާއށް ރަނގަޅު ތަޢުލީމެއް ނުދެވުނުތާނގައި ކުއްޖާ ގެއަށްމިއަންނަނީ އެހެން ގޯސް ސިފަތަށް ދަސްކޮށްގެން.ވަރަށް ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީމުއަލިފް

01 March 2018

މަރުހަބާ އާކްއެންޖް! ހާއްސަކޮށް އާކިޓެކް އަދި އާކިޓެކްޓުގެ ޑިޒައިން ހަގީގަތަކަށް ހެދުމުގައި އުޅުއްވި އިންޖިނިއާރ ފާހަގަކުރަން! ތިޔަ ދެބޭފުޅުންނަކީވެސް ކިޔަވައިގެން ތިއްބެވި މޮޅު ދެބޭފުޅުން! ކުރިއަށް އޮތްތަނުގައިވެސް މިފަދަ ފުރިހަމަ މަސައްކަތްތައް ފެންނާނެކަމަށް އުއްމީދުކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަސީމު

01 March 2018

ރެހެންދި ސްކޫލުގެ ބޭރުގަ އެއޮންނަ ހުސްތަންކޮޅު ފިނިކޮށްލެވޭނެ ގޮތެއް ތައުލީމީ ދާއިރާގެ އުޅޭ އެއްވެސް ބޭފުޅެއްގެ ހިޔާލަށް އައިހެނެއް ހީއެއްނުވޭ.. މިހެން މިބުނީ ރާއްޖެ ކަހަލަ މިހާ ހޫނުތަނެއްގައި( ރެހެންދި ސްކޫލުގެ ބޭރުގައި ކުދިން ކުޅެން ތިބޭއިރު ) އެކުދިންގެ ހަށިގަނޑަށް އެހޫނުންވާ އިހުސާސް އެބޭފުޅުންނަން ނުވިސްނޭތި އަދި އެކަމުން އެކުދިންނަން ލިބޭ ގެއްލުންވެސް ނުވިސްނޭތި.. އިސްވެރިން ތިބެނީ ފިނި ކޮޓަރި ތަކުގައިވިއްޔާ.. މިގޮތަން ހޫނުއަވީގައި ކުދިން ކުޅެންގެންގުޅެނީ ހަމައެކަނި ރެހެންދި ސްކޫލުގައި..ދާކޮޅެއްވެސް ނުލިބުނު ހިޔާކޮށްލާކަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލޭ މީހާ

01 March 2018

މިގައުމުގަ ތަރައްގީގެ މަޝްރޫއުތައް މިފެންނަނީ ބާލލި ކޮންމެ ދިމާލަކުން ، އަޅުގަނޑު ހައިރާނެއްނުވޭ ތިކަހަލަ ކިތައްމެ ވާހަކައެއް އަޑު އިވޭނެ. ސާބަހޭ ރައީސް ޔަމީން . ( އއ )

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިޔާއު

01 March 2018

އަނެއްކާވެސް ޕާރކިންގ އަށް ނުވިސްނާ ބޮޑު އިމާރާތެއް އަޅާ ބިން ފުރާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

01 March 2018

ބޮޑެތި ސުކޫލް އަޅާއިރު ކުދިން ކުޅޭނެ ޕާކަކާއި ބެލެނިވެރިން ގެ ވެހިކަލް ޕާކްކުރަން ވަކި ސަރަހައްދެއް ސުކޫލްގެ ބައެއްގޮތުގައި ހަދާނަމަ ވަރަށް ފުރިހަމަވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިރާ

01 March 2018

މިނިސްޓްރީ އޮފް އެޑިޔުކޭޝަން އަކީ ކުރާ މަސައްކަތް ނަމަކަށް ކުރާ ބައެއް. ޢެެއްވެސް ކޮލިޓީ އެއް ނުހުންނާނެ. ޢެެތަނުން ހިންގާ ކޯސް ތަކުގަވެސް ވަރަށް ފެންވަރުދަށް. ޢެއްޗަކަށް އެއްޗެއް ހަދާ ބައެއް. ޢައިޝަތު ޝިހާމް އަކީ ކަންދެއްކުމުގެ މާހިރެއް. ޢޭނަގެ މަގުސަދަކީ ސުރުހީއެޅުން.