މާލެ އާއި ވިލިމާލެ ސާފުކުރުން ވެމްކޯއަށް

މާލެ އާއި ވިލިމާލޭ ސާފް ކުރަން ވެމްކޯއާ ހަވާލުކުރުމުގެ އެއްބަސްވުމުގައި ސޮއިކުރުން-- ފޮޓޯ: އެންވައިރޮމެންޓް މިނިސްޓްރީ

އަހުމަދު ސާއިލް އަލީ، މިހާރު

19 އެޕްރީލް 2018 - 18:57

މާލެ އާއި ވިލިމާލެ ކުނިކަހައި ސާފުކުރުން އަންނަ ހޮނިހިރު ދުވަހުން ފެށިގެން ވެމްކޯ އިން ކުރާ ގޮތަށް ހަމަޖައްސައި އެއްބަސްވުމުގައި މިއަދު ސޮއިކޮށްފި އެވެ.

މާލެ އާއި ވިލިމާލޭގެ މަގުތަކާއި ޕާކުތައް ކުނި ކަހައި ސާފުކޮށް ބެލެހެއްޓުމަކީ މީގެ ކުރިން، ހައުސިން މިނިސްޓްރީން ކުރަމުން އައި މަސައްކަތެކެވެ.

އެންވަޔަރަމަންޓް މިނިސްޓްރީގައި ބޭއްވި ރަސްމިއްޔާތެއްގައި ހައުސިން މިނިސްޓްރީގެ ފަރާތުން މިނިސްޓަރު ޑރ. މުހައްމަދު މުއިއްޒު ސޮއިކުރެއްވި އިރު ވެމްކޯ އިން ސޮއިކުރެއްވީ މެނޭޖިން ޑިރެކްޓަރު މުހައްމަދު ޝިފާއު އެވެ. އެންވަޔަރަންމަންޓް މިނިސްޓްރީން ސޮއިކުރެއްވީ މިނިސްޓަރު ތޯރިގް އިބްރާހިމެވެ.

ތިން އަހަރުގެ މުއްދަތަކަށް ހެދި މި އެއްބަސްވުމުގައިވާ ގޮތުން، މާލެ އާއި ވިލިމާލެ ސާފުކުރުމުގެ މަސައްކަތަށް ނަގަން ޖެހޭނީ ދިވެހި މުވައްޒަފުންނެވެ.

ވެމްކޯ އިން ހިދުމަތް ދޭން ވާނީ މަގުމަތި ބޭނުންކުރުމާ ގުޅޭ ގޮތުން ހައުސިން މިނިސްޓްރީން އެކުލަވާލަފައިވާ ގަވާއިދުތަކާއި ކަނޑައަޅާފައިވާ މިންގަނޑުތަކާ އެއްގޮތަށް ކަމަށް ވެސް އެއްބަސްވުމުގައި ބުނެފައިވެ އެވެ. އަދި ކުނި މެނޭޖްކުރުމާ ބެހޭ ގޮތުން އެންވަޔަރަމަންޓް މިނިސްޓްރީ އިން ކަނޑައަޅާފައިވާ ޤަވާއިދުތަކާއި ހިލާފު ނުވުމަށް ވެސް ވެމްކޯ އަށް އަންގާފައިވެ އެވެ.

މާލޭގެ ކުނީގެ މައްސަލަ ހައްލުކުރަން ވެމްކޯއާ ހަވާލުކޮށްފައިވާއިރު، "އެންވަޔަރަމެންޓް ޕޮލިސް" ގެ ހިދުމަތް ފެށުމަށް ވެސް މިހާރު ވަނީ ނިންމާފަ އެވެ.

ވިލިމާލެ މާލެ ހައުސިން މިނިސްޓްރީ އެންވަޔަރްމެންޓް މިނިސްޓްރީ ކުނި ވޭސްޓް މެނެޖްމެންޓް ޑރ. މުހައްމަދު މުއިއްޒު، މާލޭގެ މޭޔަރު ތޯރިގް އިބްރާހިމް (އެންވަޔަރުމެންޓް މިނިސްޓަރު) ވެމްކޯ

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލިދީދީއައްޑޫސިޓީ

20 April 2018

އެރަށެއްގައި ދުއްވާ އިންޖީނުއެޅި އުޅަނދުން ނަގާ ފީ އާއި އެރަށެއްގެ ރައްޔިތުން ދައްކާ ޖީއެސްޓީ ފައިސާ އެރަށެއްގެ މަގު ކުނިކަހާ އަޑިގުޑަން ފިލުވާ ބަލަހައްޓަން ދޭންވީ ނޫންތޯ؟ މާލޭގެ ކުނިކަހަން އަހަރުމެން އެންމެންގެ ފައިސާ ޚަރަދުކުރުމަކީ އެއްވެސް އިންސާފެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮށަލި

19 April 2018

ވަކިރަށެއްގެ ރަށުތެރެ ސާފުކޮށް ބެލެހެއްޓުން ސަރުކާރު ކުންފުންޏަކާ ސަރުކާރުން ހަވާލުކުރާއިރު ހަމަ އެއްދައުލަތެއްގެ އެހެން ރަށްރަށް އެރަށު ރައްޔިތުން ސާފުކުރުމަކީ ނަސްލީގޮތުން ތަފާތުކުރުމެއްނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމަލޭ

19 April 2018

މިކަހަލަ ކަންތަކުރާތީ މަބުނަނީ މީއެއްވެސް ބުއްދިއެއް ބޭނުންކުރާ ސަރުކާރެއްނޫނޭ. ކޮންމެ މަގެއްގަ އޭގެ ބޮޑު ޕިކަޕެއް ޕާކުކޮށްގެން މުޅިމަގަށް ސެންޓްޖަހަމުންމީ ދެން ކޮން ސަކަރާތެއް. މިހާ ޓްރެފިކް ހަލަބޮލި ތަނެއްގައި އިރުތު ހެވީޑިއުޓީ ވެހިކަލް މަގުމައްޗަަށް ނުނެރެ ކުނިއުކަން ތިބި ބަންގާޅު ކުދިން ތަނަކޮޅެއް އޮގަނައިޒު ކޮށް އެކަން ކުރެވޭ ގޮތަށް ހެދިނަމަ. ގޭސް، ފެން އުފުލާ ޕިކަޕަކާ ނުލާ ނުއުޅެވޭނެ އިރު ކުނިއުކަން މިގޮތަށް ހެދުމުން މުޅި މާލެ ތެރެ އިތުރަށް ހަލަބޮލިވުން ނޫން ކަމެއް ނުވޭ. ނުވިތާކަށް ރަށުތެރެ ކުނިވަހުން ވަސް ހިފާފަ. ހަވީރު ގަޑީގަ ގެސްޓް ހޮޓާ ކުރިމަތީ އޮންނަނީ މީގެ ކުނި ޕިކަޕެއް. މީދުއްވާ މީހުންނަށް ކުރެވުނު އިތުދު ދުއްޕާނެއް ވަކި ކޮންކަމެއް!