ކުއްލި ނުރައްކަލުގެ ހާލަތުގެ ތެރޭގައި ފުލުހުން ޑިއުޓީގައި: ފެބުރުއަރީ 1 ގެ އަމުރާ ގުޅޭ ފުލުހުންގެ ތަހުގީގު ކަމަށް ބުނާ ގިނަ ބަޔާންތަކެއް ވަނީ ލީކުކޮށްލާފައި.
02 މެއި 2018 - 11:22
14 comments
ފެބުރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން ފުލުހުން ކުރި ތަހުގީގުގެ ބަޔާންތަކެއް ކަމަށް ބުނާ ސިއްރު ބަޔާންތަކެއް ސޯޝަލް މީޑިއާގައި އިއްޔެ ލީކުކޮށްލައިފި އެވެ.
އޭގެ ތެރޭގައި، ބައެއް ފަނޑިޔާރުންނާއި ފުލުހުންގެ އިސް ވެރިންތަކެއްގެ "ބަޔާން" ހިމެނެ އެވެ. ބައެއް ބަޔާންތަކުގައިވާ ގޮތުން، ވަކި ގޮތަކަށް ހުކުމްތައް ނެރެން ގާޒީންނަށް ނުފޫޒު ފޯރުވާފައިވާ ކަމަށް ހެކި ބަސް ދީފައިވެ އެވެ.
މިއީ، ސައްހަ ބަޔާންތަކެއްތޯ ސުވާލު ކުރުމުން، ފުލުހުންގެ ތަރުޖަމާން، އަހްމަދު ޝިފާން ވިދާޅުވީ ބަޔާންތަކާ ގުޅޭގޮތުން، "މިވަގުތު އެއްޗެއް ބުނަން ފުލުހުން ބޭނުން ނުވާ" ކަމަށެވެ.
ލީކުކޮށްލި ބަޔާންތަކުގެ ތެރޭގައި، ފެބުރުއަރީ 1 ގައި ސުޕްރީމް ކޯޓުން އަމުރު ނެރުމުގައި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު އަމަލު ކުރެއްވި ގޮތާއި ބައެއް ގާޒީންނަށް އެ ދެ ބޭފުޅުން ނުފޫޒު ފޯރުވި ކަމަށް ހެކިބަސް ދީފައިވާ ބަޔާންތައް ހިމެނެ އެވެ. އަދި، އަމުރާ ގުޅިގެން ކުރީގެ ޕޮލިސް ކޮމިޝަނަރު، އަހްމަދު އަރީފް އަމަލު ކުރެއްވި ގޮތާ ގުޅޭ ގޮތުން ފުލުހުންގެ އިސް ވެރިން ދެއްވި ކަަމަށް ބުނާ ބަޔާންތަކެއް ވެސް ހިމެނެ އެވެ.
މި ބަޔާންތައް އާއްމުވެފައި މިވަނީ، މައްސަަލަ ބޮޑުވި ސުޕްރީމް ކޯޓުގެ އަމުރަށް ފަހު، ކުއްލި ނުރައްކަލުގެ ހާލަތު އިއުލާންކޮށް، އުއްތަމަ ފަނޑިޔާރާއި ފަނޑިޔާރު އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ރައްޔިތުންގެ މަޖިލީހުގެ ބައެއް މެމްބަރުން ހައްޔަރުކޮށްފައި ވަނިކޮށެވެ. ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ، އެ ބޭފުޅުންގެ މައްޗަށް ޓެރަރިޒަމްގެ ދައުވާ އުފުލައި، ޝަރީއަތް ވެސް މިހާރު ވަނީ ފަށައިފަ އެވެ.
ލީކުވި ބަޔާންތަކުގެ ތެރޭގައި، މައުމޫނާއި އެމަނިކުފާނުގެ ދަރިކަލުން ދިއްގަރު ދާއިރާގެ މެމްބަރު އަހްމަދު ފާރިސް މައުމޫންއާ ގުޅޭ ގޮތުން ނަގާފައިވާ ހެކި ބަސް ވެސް ހިމެނެ އެވެ. މި ބަޔާންތައް އާއްމުވުމާ އެކު، ސޯޝަލްމީޑީއާގައި، ފުލުހުންނާއި ޕްރޮސިކިއުޓަ ޖެނެރަލްގެ އިތުރަށް ކޯޓުތަކަށް ވަނީ ވަރަށް ބޮޑަށް ފާޑުކިއުން އަމާޒުވެފަ އެވެ.
ލީކުކޮށްލި ބަޔާންތަކުން، ފުލުހުންގެ ތަހުގީގާއި ދައުވާ އުފުލުމާއި ޝަރީއަތް ހިންގުމަށް ނުފޫޒު ފޯރުވަމުންދާ ކަމަށް ކުރާ ތުހުމަތަށް ބާރު ލިބޭ ކަމަށް ވެސް އިދިކޮޅު ފަރާތްތަކުން ދަނީ ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަބްނަމް
02 May 2018
ތިޔައީ އެންމެންދަންނަ ކަމެއް. ކޮބާ ހީވިތަ ކަމެއްހެން.
އައިސް
02 May 2018
ތިއޮތީ ކިތާބީހެކި ލިބިފަިއި ދެން ދޫކޮއްލާ ރައީސްބުނީމެއްނު ހެކިނުލިބިގެންނޭ ދޫނުކުރެވެނީ މިހާރު ތިއޮތީ ލިބިފައި
ނޭހާ
02 May 2018
ފަނޑިޔާރުގެ އިސްލާހުކުރަންވެގެން ނަޝީދު އުޅުނީމަ ގޯސް. މީ ހަމަ އޭނަ ކީ ވާހަކަ މިއޮތީ ފެންނަން.
ޖަމީލުބެ
02 May 2018
ބަލަ މިހާރު ތިފަނޑިޔާރުން ވަރުގެ ބައެއްވެސް ނެތެއްނު..
ސަސހި
02 May 2018
5 ފަނޑިޔާރުން ސޮއި ކޮއްފަ ނެރުނު އަމުރު 3 ފަނޑިޔާރުން ބާތިލު ކުރީމާ އެކަން ރަގަޅުވާއިރު ހަމަ އެ 3 ފަނޑިޔާރުން އަމުރު ނެރެން ސޮއިކުރީމާ އެމީހުންގެ އިންޓެގްރިޓީއަކީ ކޮބޯ؟
ފަނޑިޔާރު
02 May 2018
ދަށު ކޯޓުތަކުން އިއްވާފައިވާ ހުކުމަކަށް ސުޕްރީމް ކޯޓުގެ 5 ފަނޑިޔާރުންގެ އިއްތިފާޤުވެ ނެރެފައިވާ އަމުރެއް ގޯސްކަމަށް ބުނެ ހަމަ އެ ސުޕްރީމް ކޯޓުގެ އެ 5 ފަނޑިޔާރުން އަމިއްލައަށް ބުނާ ބުނުމުގެ ސައްޙަކަމަކީ ކޮބާ؟ އެއްބައި ތިބަލަނީ.
އައްޤު މަގު
02 May 2018
މިސާލަކަށް ޕީޕީއެމް ހިންގުން، ޕީޕީއެމްގެ ރައީސް މައުމޫނު ކިބައިން ވަކިކޮށް މުޝްތަޝާރު ޔާމީނު އަށް ޙަވާލު ކުރުމަށް އަލީ ހަލީ ހަމީދު އަންގާގެން ސިވިލް ކޯޓުން ނެރުނު އަމުރަކީ މައުމޫނުގެ މަސްލަހަތުގައި ނެރުނު އަމުރެއް ތޯ ނުވަތަ ރައީސް ޔާމީނުގެ މަސްލަހަތުގައި ނެރުނު އަމުރެއްތޯ އެވެ؟ވީމާ މި ހުރިހާ އަމުރެއް ވެސް ބާތިލް އެވެ.ޕީޕީއެމްގެ ރައީސް އަކީ ރައިސް މައުމޫނު ކަން އެގިއްޖެއެވެ.
ޥިސްނާފައި
02 May 2018
ތި ބަޔާން ތަކުން އެގެނީ މަތިން ތިރިއަށް ނުފޫޒް ފޯރުވާ ކަމެވެ.ރައީސް ޔާމީނާ ބެހޭ ގޮތުން އުއްތަމަ ފަނޑީޔާރު އަބުދުއްﷲ ސައީދަށް ވެސް އަދި ފަނޑިޔާރު އަލީ ހަމީދަށް ވެސް ތިކަހަލަ ބަޔާން ތަށް ދެވެން ހުންނާނެއެވެ. ޤަޒީން ގެ ބަޔާން ތަކަށް ބަލާއިރު އަބުދުއްﷲ ސައީދު އާއި އަލޯ ހަމީދު އަންގަވާ އެއްޗެއް އަންގަވާފައި ވަނީ ރައީސް ޔާމީނުގެ ބޭނުމާއި މަސްލަހަތުގައި ކަން އެގެއެވެ. ފަނޑިޔާރުންގެ ބޭނުމަށް ނުވަތަ އެބޭފުޅުންގެ އަމިލްލަ މަސްލަހަތަށް އެއްވެސް ކަމެއް ކިށްފައެއެއް ނެތެވެ.
ސައްތާރު / މހއ
02 May 2018
މިއީތޯ ފުލުހުން އެވިދާޅުވާ ކިތާބީ ހެއްކަކީ.
ހަމަހަމަ ކަމާއި އިންސާފު
02 May 2018
ކިތާބީ ހެކި ފެނުނީތާ ދޯ...
އާދަނު
02 May 2018
ތިޔަ ބަޔާންުތަކުގައި ހުރި ވާހަކަތަކަކީ ތެދުކަމަށްވާނަމަ، ތިޔަ ބުނާ ތަރުޖަމާނުވެސް ވަނީ ތިކަމުގައި ބައިވެރިވެފައި. އެކަމު އޭނާއަދިވެސް އެހުރީ ތަރުޖަމާނުކަމުގަހަމަ، އެހެންވީމަ ތިއީ އެއްވެސް ކަހަލަ އިންސާފަކުން ކުރާ ކަންތައްތަކެއް ނޫންކަން އެނގޭ. ހަމަ އެއާއެކީ ބަޔާްންދީފަ ތިހިރަ ގާޒީންވެސް އެވަނީ އެމީހުން ގާނޫނާ ހިލާފުކަންކަން ކުރިކަމަށް އެއްބަސްވެފައި. އެމީހުންގެ މައްޗަށް ކުރާ ތަހްގީގު ކޮބައިތޯ؟
ވަހީދު
02 May 2018
ފޭކް ލިޔުންތަކެއް