ސުޕްރިޓެންޑެންޓް އޮފް ޕޮލިސް ޝިފާން.-- ފޮޓޯ: ހުސެއިން ވަހީދު/ މިހާރު
02 މެއި 2018 - 11:46
53 comments
ސޯޝަލް މީޑިއާގައި ލީކުކޮށްލައިގެން އުޅެނީ ފެބުރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން ފުލުހުންގެ ތަހުގީގަށް ނެގި ސައްހަ ބަޔާންތަކެއް ކަމަށާއި އެ ބަޔާންތައް އާއްމުކުރި މައްސަލައިގައި ހަރުކަށި ފިޔަވަޅު އަޅާނެ ކަމަށް ފުލުހުން މިއަދު ބުނެފި އެވެ.
ލީކުކޮށްލި ބަޔާންތަކުގެ ތެރޭގައި، ފެބުރުއަރީ 1 ގައި ސުޕްރީމް ކޯޓުން އަމުރު ނެރުމުގައި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު އަމަލު ކުރެއްވި ގޮތާއި ބައެއް ގާޒީންނަށް އެ ދެ ބޭފުޅުން ނުފޫޒު ފޯރުވި ކަމަށް ހެކިބަސް ދީފައިވާ ބަޔާންތައް ހިމެނެ އެވެ. އަދި، އަމުރާ ގުޅިގެން ކުރީގެ ޕޮލިސް ކޮމިޝަނަރު، އަހްމަދު އަރީފް އަމަލު ކުރެއްވި ގޮތާ ގުޅޭ ގޮތުން ފުލުހުންގެ އިސް ވެރިން ދެއްވި ކަަމަށް ބުނާ ބަޔާންތަކެއް ވެސް ހިމެނެ އެވެ.
ނޫސްވެރިންނަށް ސުވާލުކުރުމުގެ ފުރުސަތު ނުދީ، އިސްކަންދަރުކޮށީގައި ބޭއްވި ނޫސްވެރިންގެ ބައްދަލުވުމެއްގައި، ފުލުހުންގެ ތަރުޖަމާން، އަހްމަދު ޝިފާން ވިދާޅުވީ ތަހުގީގަށް ނެގި ބަޔާންތައް ލީކުކޮށްލި މައްސަލަ ވަރަށް ސީރިއަސްކޮށް ފުލުހުން ތަހުގީގު ކުރަމުން އަންނަ ކަމަށެވެ. އެ ބަޔާންތައް ލީކުކޮށްލީ، ފެބުރުއަރީ 1ގެ އަމުރާ ގުޅިގެން ތުހުމަތުކުރެވޭ ނުފޫޒުގަދަ ބައެއް ކަމަށް ވެސް އޭނާ ވިދާޅުވި އެވެ.
"މިކަމަކީ މި މައްސަލައިގައި ކުރިމަތިކުރެވޭ، ބައެއް ނުފޫޒު ފަދަ ފަރާތްތަކުން އެ ބޭފުޅުންގެ ނުފޫޒު ބޭނުންކޮށްގެން ހިންގަވާފައިވާ ވަރަށް ހުތުރު އަދި ދަށު ދަރަޖައިގެ އަމަލެއް ކަން އަޅުގަނޑު ފާހަގަކޮށްލަން،" ޝިފާން ވިދާޅުވި އެވެ.
އޭނާ ވިދާޅުވި ގޮތުގައި ތަހުގީގަށް ފަހު، އެކަން ކުރި ބައެއްގެ މައްޗަށް ދައުވާ ކުރަން ޕްރޮސިކިއުޓަ ޖެނެރަލްގެ އޮފީހަށް ފޮނުވާނެ އެވެ.
މި ބަޔާންތައް އާއްމުވެފައި މިވަނީ، މައްސަަލަ ބޮޑުވި ސުޕްރީމް ކޯޓުގެ އަމުރަށް ފަހު، ކުއްލި ނުރައްކަލުގެ ހާލަތު އިއުލާންކޮށް، އުއްތަމަ ފަނޑިޔާރާއި ފަނޑިޔާރު އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ރައްޔިތުންގެ މަޖިލީހުގެ ބައެއް މެމްބަރުން ހައްޔަރުކޮށްފައި ވަނިކޮށެވެ. ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ، އެ ބޭފުޅުންގެ މައްޗަށް ޓެރަރިޒަމްގެ ދައުވާ އުފުލައި، ޝަރީއަތް ވެސް މިހާރު ވަނީ ފަށައިފަ އެވެ.
މިކަން ފާހަގަކުރައްވައި ޝިފާން ވިދާޅުވީ ފެބުރުއަރީ 1 ގެ އަމުރާ ގުޅިގެން ބައެއް ބޭފުޅުންގެ ޝަރީއަތް ފަށާފައިވާއިރު، ރިޝްވަތު ދީގެން ޝަރީއަތަށް ނުފޫޒު ފޯރުވަން އެކި ސިފަސިފައިގައި މީގެކުރިން ވެސް ނުފޫޒު ފޯރުވަމުންދާ ކަން ފުލުހުންނަށް އެނގޭ ކަމަށެވެ. މިއީ، ފުލުހުންނާއި ޝަރުއީ ނިޒާމްގެ އިތުބާރު ގެއްލުވާލައި ގާނޫނީ ނިޒާމަށް ދަތިކުރަން ކުރާ މަސައްކަތެއް ކަމަށް ވެސް އޭނާ ވިދާޅުވި އެވެ.
"އަޅުގަނޑު ޔަގީންކަން އަރުވަން، މިފަދަ އެއްވެސް އަމަލަކުން ފުލުހުންގެ ސާބިތުކަމަށް، އަދި އަޒުމަކަށް ބަދަލެއް ނާންނާނެ،" ޝިފާން ވިދާޅުވި އެވެ.
ލީކުކޮށްލި ބަޔާންތަކުގެ ތެރޭގައި، ބައެއް ފަނޑިޔާރުންނާއި ފުލުހުންގެ އިސް ވެރިންތަކެއްގެ "ބަޔާން" ހިމެނެ އެވެ. ބައެއް ބަޔާންތަކުގައިވާ ގޮތުން، ވަކި ގޮތަކަށް ހުކުމްތައް ނެރެން ގާޒީންނަށް ނުފޫޒު ފޯރުވާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
03 May 2018
މި ސޮރު ލަދު ނުގަންނަކަން
އުނބުށެން
03 May 2018
ވަކި ގޮތަކަށް ބައްޓަންކޮށްފައިވާ ވަކި ބަޔެއްގެ ބަޔާންތަކެއް ލީކް ވުމުން އެއީ ދޭން ބޭނުންވާ މެސެޖްތަކެއް މީޑިޔާ މެދުވެރިކޮށް ފުޅާދާއިރާއެއްގައި ފެތުރުމުގެ ގަސްތުގައި ކޮށްފައިވާ ކަމެއް ކަމަށް ބެލުމުގެ ފުރުޞަތު އެބައޮތެވެ.
ޙުސް
03 May 2018
ލީކުކޮށްލީ ކޮންބަޔެއް ކީއްކުރަންކަން އެބައިގޭ. ޙަވީރު ނޫހުގެ ވާހަކަޔަކުން ސްޕރީމް ކޯޓްގެ ހުކުމް ތަންފީޒް ނުކުރިކަން ހަމަޔެއް ނުޖެއްސޭނެ.
ނީނާނު މޫސާ
03 May 2018
ލީކުކޮށްލި މީހުން އަވަހަށް ހޯދާ، އެމީހުންގެ މައްޗަށް އަވަހަށް ތަހްގީގު ހިންގަންފަށާ، އަދި ފުލުހުންގެ ވަޒީފާއިން އެމީހުން ވަކިކޮށް އެމީހުން ހެކިފޮރުވަފާނެތީ ޖަލައްގެންދޭ، ދެން އެމީހުންގެ މައްޗަށް ސަރުކާރު ވައްޓާލުމުގެ ދައުވާކުރޭ އެއިރުން ތިޔަކަންތަށް ހަމަޖެހުނީ ރައީސް ޔާމީނު އެދޭގޮތްވެސް ހާސިލްވީ، މިހާރު ވަރަށް ސާފްކޮށް އެނގިއްޖެ ތިޔައިން އެއްވެސް މުއައްސަސާއެއްވެސް އަތަނަކަށް ހަދާފައިވާ ޤާނޫނާއި އެއްގޮތަށް ނުހިންގާކަން، ފުލެޓެއްދިނީމަ، ނުވަތަ މަގާމުގެ ކުރިއެރުވުމެއް ދިނީމަ، ނުވަތަ ކުޓުވައިގެން އަމިއްލަ އެދުމަށް މަސައްކަތްކުރާ ބައެއްކަން، އަހަރުމެން ލަދުން ބޯފަޅައިގެންގޮސްފި، ޔުނިފޯމު ތުރުކުރައްވައިގެންތިއްބަވާ ޓެކުސް ފައިސާއިން ތިންއިރު ދެބަޑަށް ކައިގެން މުސާރަ ލިބިގެންތިބި މީހުން އުޅޭގޮތް ފެނިފައި،
ކުއްލި
02 May 2018
އަހަނ ތަކުރާ! މިފަހަރު މިއީ ތެދެއް ކަމަށްވާނަމަ ޕީޕީއެމް ގެ ހަވާލުކުރަން ކުރި ޙުކުމް ރަނގަޅުކަމަށް ބެލެވޭނެތަ. ޙުކުމްކުރަން އެދުނު ފަނޑިޔާރާއި ހުކުމްކުރި ފަނޑިޔާރު ކުށްވެރިނުވާނެތަ! ފަނޑިޔާރު އެގޮތަށް އެދުނީ ކީއްވެގެންކަން ތަހްގީގުކުރަން ނުޖެހޭނެތަ! މިހިރީ ހައްތާވެސް ތަހުގީގުކުރަން ކުރިއަށް ހުރި ކަންކަން. ހުރިހާ ތަހުގީގެއް ކޮށްގެން ނަމަވެސް މިކަންކަން މިގޮތަށް ހިނގީ ކީއްވެގެންކަން ހޯދައި މައިމޫ އުފުރާލަންޖެހޭނެ. އެހެން ނޫނީ ދުވަހަކުވެސް ސަލާމަތެއް ނެތް.
ޙުސެން
02 May 2018
ތެދުބަޔާނެއްވިއްޔާ އެހާސިއްރު ކުރަނީ ކީއްވެ. ދެންނެތްތަ ސިއްރު ބަޔާންގަނޑެއް ދޭނެމީހެއް.
ސަހަރޯ
02 May 2018
އިރުކޮޅަކުން ބުނާނެ އެހެން ބުނެވުނީ އޮޅުމަކުންނޭ ތީ ސަައްހަ ބަޔާންތަކެއް ނޫނޭ..
ހަމަހަމަ ކަމާއި އިންސާފު
02 May 2018
ކޮންބަޔަކަށްތޯ ކޮންކަމެއްތޯ ސާބިތޭކިޔާފަ ތިގޮވަނީ. ތިއީ ސާބިތުކަމާއިއެކު ތިބި ބައެއްނަމަ މިގައުމު މިއަދު މިހާލަތަކަށް ނުދިޔައީސް. ތިއީ ސާބިތުކަންމަތީ ތިބިބައެއް ނަމަ 7 ފެބުރުއަރީގެ ބަޣާވާތް މިގައުމަކަށް ނައަންނާނެ. މިގައުމު މިހާރުވެސް ތަހައްމަލް ކުރަމުންމިދަނީ 7 ފެބުރުއަރީގެ ބަޢާވާތުގެ ކަންތައްތައް.
ވަގު ހިފަން ނުކެރޭ ފުލުސް
02 May 2018
އަނެއްކާ ފުލުހުންގެ އިސްސަފުން ބަޔަކަށް ފުލެޓުގެ ބަދަލުގަ ޖަލުގޮޅި ޔަޤީންވަނީބާ؟ ހާދަހާ ބަޔަކުބާނަން އެއްލާފަ އޮތް ދަލެއްހެން ހީވެޔޭ!
ސުލްތާން
02 May 2018
މުއައްސަސާގެ އަގުވައްޓާލަނީ އެ މުއައްސަސާގެ ބޭފުޅުން، އެހެންވެ އޭރުވެސްބުނިސް ސިޔާސީވެރިންގެ އަވާގައިޖެހި ވެރިކަން ވައްޓަން ހިތްވަރު ނުދޭށޭ. ނަމަވެސް 7 ފެބުރުވަރީގަ ފެނުނީ ބައެއްގެ ހުރި ނުބައިސިފަ. ދެން ތިކަން ހުއްޓޭނެގޮތެއް ނެތް. ގުޅިގެން ހިންގި ހަޑި އެހާބޮޑު އަދި އެހާ ގިނަ. ވެދުމާސަލާމް