ސިއްރު ހެކިބަސް ނަގަނީ ގާނޫނާ އެއްގޮތަށް: ފުލުހުން

ފުލުހުންގެ ތަރުޖަމާން އަހުމަދު ޝިފާން-- މިހާރު ފޮޓޯ

އަހުމަދު ސާއިލް އަލީ، މިހާރު

13 ޖޫން 2018 - 15:37

އެކި ތަހުގީގުތަކަށް ފުލުހުން ސިއްރު ހެކިބަސް ނަގައި ޝަރީއަތަށް އެ ހެކިތައް ހުށަހަޅަނީ ގާނޫނާ ޚިލާފަށް ނޫން ކަމަށް ފުލުހުން މިއަދު ބުނެފި އެވެ.

ކުރީގެ ރައީސް މައުމޫން އަބްދުލް ގައްޔޫމާއި އުއްތަމަ ފަނޑިޔާރު އަބްދުﷲ ސައީދު އަދި ސުޕްރީމް ކޯޓުގެ ފަނޑިޔާރު އަލީ ހަމީދު ފަދަ ދައުލަތުގެ ބައެއް އިސް ބޭފުޅުންގެ ޝަރީއަތްތަކުގައި ހެކިންގެ ގޮތުގައި ސިއްރު ހެކިން ހުށަހަޅާފައި ވާތީ ގާނޫނީ ވަކީލުން ދަނީ އެކަމަށް ފާޑު ކިޔަމުންނެވެ. އެކަން ކުރަނީ ގާނޫނުގައި ބުނެފައިވާ ހާލަތްތަކުގައި ނޫން ކަމަށް ވަކީލުން ބުނެ އެވެ.

މި މައްސަލައާ ގުޅިގެން، އިސްކަންދަރު ކޮށީގައި ބޭއްވި ޕްރެސް ކޮންފަރެންސެއްގައި، ފުލުހުންގެ ތަރުޖަމާން އަހުމަދު ޝިފާން ވިދާޅުވީ، ސިއްރު ހެކި ފުލުހުން ނަގައި ބޭނުން ކުރަމުން އަންނަނީ ގާނޫނުތަކުގައި ބުނެފައިވާ ގޮތަށް ކަމަށެވެ.

"ޖިނާއީ ތަހުގީގުތަކުގައި އަޅުގަނޑުމެން ބަލާ މިންގަނޑުތަކަކަށް. ޚާއްސަކޮށް ޖިނާއީ ތަހުގީގުތައް ކުރުމުގައި އެކަންކަމުގެ އޮނިގަނޑު ގެންގުޅޭނެ މިންތަކެއް އެބަހުރި ވަރަށް ސާފުކޮށް ކަނޑައެޅިފައި." ސުވާލު ކުރުމުގެ ފުރުސަތު ނުދީ ބޭއްވި ޕްރެސް ކޮންފަރެންސްގައި ޝިފާން ވިދާޅުވި އެވެ.

ސިއްރު ހެކިބަސް ނެގުމަކީ ރާއްޖޭގައި އަލަށް ކުރާ ކަމެއް ނޫން ކަމަށާއި އެކަން ކުރަނީ ހެކި ދޭ މީހާގެ ސަލާމަތާއި ރައްކާތެރި ކަމަށް ޓަކައި ކަމަށް ވެސް ޝިފާން ވިދާޅުވި އެވެ.

"ހެކިބަސް ދޭ ފަރާތްތަކަށް ނަފްސާނީ އަދި ޖިސްމާނީ ގޮތުން ދޭން ޖެހޭ ރައްކާތެރިކަމާއި ސަލާމަތްތެރިކަން ދިނުމަކީ ފުލުހުންގެ ހައިސިއްޔަތުން ފުލުހުން ކުރަން ޖެހޭ ކަމެއް ކަމަށް ފުލުހުން ގަބޫލް ކުރަނީ،" ޝިފާން ވިދާޅުވި އެވެ.

ރައީސް މައުމޫން އަބްދުލްގައްޔޫމް ފުލުހުން ޖުޑީޝަރީ އުއްތަމަ ފަނޑިޔާރު ކުރީގެ ފަނޑިޔާރު އަލީ ހަމީދު ކުރީގެ އުއްތަމަ ފަނޑިޔާރު އަބްދުﷲ ސައީދު

35 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޙުއްމާ

14 June 2018

ހަމަ އަރާ ޤާނޫނާއި އެއްގޮތަށޭ ބުނީބަ ވޭތަ ޤާނޫނާއި އެއްގޮތަށްކަމަށް؟ އަދި އަހަރެމެނަށް ފެންނާނެ މީނަ ގެންގޮސް ޖަލަށް ލާފަ އޮތްވަ. އެއިރުންވެސް ބުނާނަންތަ ތިމެންނަ ޖަލަށްލީ ޤާނޫނާއި އެއްގޮތަށޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސީ

14 June 2018

މިއީ އަދި ހާދަ ޒާތްކޮޅު ފުޅާވެގެން އުޅޭ މީހެކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިދާ

14 June 2018

ގާނޫނާ އެއްގޮތަށް އިސްލާމްދީނާ ޚިލާފަށް ދެއްތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮނޑާފުށީބޮުޑުހުސޭނު

14 June 2018

ދުނިޔެ ދައްކަމުންދާ ދަޅަމިހިރަ ފެންނަނީ ، ބަލަންތިބެ ތިޔަ ސިއްރުހެކީގެ މަޅީގަ މިއަހަރު އިންތިހާބައްފަހު އެންމެ ވަރުގަދަޔަށް ޖެހޭނީ ޔާމިނާއި ޔާމިނުގެ އައުވާނުން ، އޭރުން މިއަދު އިދިކޮޅުމީހުން ލަވާހޯބޯ ލަވަންތިބޭތި ތިޔަ މީހުން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

14 June 2018

އޭ ޝިފާނޫ، ތިޔާހެންވިއްޔާ ބުނެބަލަ، ސުޕްރީމްކޯޓު ފުރާޅުން ޓިނު ނެގީވެސް ޤާނޫނީ ހަމަތަކުގެ މަތިންނޭ، ދެން ސުޕްރީމް ކޯޓުގެ ފުރާޅުން ޓިނު ނެގުނަކީ ޤާނޫނުގަ މަނާކަމެއްކަމަށް ލިއެފަ ނެތޭ، ޝިފާނުމެން ކަހަލަ ސޮރުމެން މިވެރިންވެސް ނެރިގެން އެސޮރުމެންގެ މުޅި ޒިންދަގީ މި ބަރުބާދުކޮށްލަނީ، ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

14 June 2018

ބަލަގަ ޝިފާނޫ، 1 ފެބްރުއަރީގެ ހުކުމް ފަސްދުވަސް ވީއިރުވެސް ތަންފީޒު ނުކޮށް ކަލޭމެން ތިބީ ކޮން ޤާނޫނުތަކެއްގަ އެގޮތަށް ބުނެފަ އޮތީމަތޯ!؟ މީ ކަލޭމެން ޖަވާބުދާރީ ވާންޖެހޭނެ ކަމެއް، ސަމާލުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

14 June 2018

ކަލޭމެން ބަލާ މީންގަނޑުން ނޫނޭ ހެކި ހޯދަން ނުވަތަ ސާބިތުކުރަން ޖެހޭނީ. އެކަންކުރަން ޖެހޭނީ ގާނޫނު އަސާސީއާ ޖިނާއީ ގާނޫނުގައި ބުނާ މިންގަނޑުންކަން ނޭގޭވަރަށް ބުއްދި ތަޣައްޔަރުވީތަ؟