އުއްތަމަ ފަނޑިޔާރު އަބްދުﷲ ސައީދު (ކ) އަދި ފަނޑިޔާރު އަލީ ހަމީދު. - ފޮޓޯ: މިހާރު
20 ޖޫން 2018 - 15:26
26 comments
އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު އެއް އަހަރާއި ދެ މަހަށް ޖަލަށްލާން ކުރި ހުކުމް ރަނގަޅު ކަމަށް ނިންމައި، އެ މައްސަލައިގެ އިސްތިއުނާފް ބަލައިނުގަތުމަށް ސުޕްރީމް ކޯޓުން މިއަދު ނިންމައިފި އެވެ.
ފަނޑިޔާރުންތަކަކަށް ނުފޫޒު ފޯރުވި މައްސަލާގައި އުއްތަމަ ފަނޑިޔާރާއި އަލީ ހަމީދު ޖަލަށްލާން ކްރިމިނަލް ކޯޓުން ކުރި ހުކުމަށް ހައި ކޯޓުން މިމަހު ވަނީ ތާއީދުކޮށްފަ އެވެ.
އެ މައްސަލަ އެ ދެ ފަނޑިޔާރުންގެ ފަރާތުން ހުށަހެޅުމުން ސުޕްރީމް ކޯޓުން މިއަދު ނިންމީ ހައި ކޯޓުގެ ހުކުމަކީ ޝަރުއީ އަދި ގާނޫނީ އުސޫލުތަކާ ޚިލާފް ހުކުމެއް ކަމަށް ބަލަންޖެހޭ އެއްވެސް ސަބަބެއް ނެތް ކަމަށާއި އެ ހުކުމް ރަނގަޅު ކަމަށެވެ.
އެހެންވެ، އެ މައްސަލައިގެ އިސްތިއުނާފް ބަލައިގަތުމުގެ ހުއްދަ ދެވެން ނެތް ކަމަށް އެ ކޯޓުގެ ފަނޑިޔާރުންގެ މަޖިލީހުން ނިންމީ ކަމަށް އެ ނިންމުމުގައިވެ އެވެ. އެގޮޮތަށް ސުޕްރީމް ކޯޓުން ނިންމުމާ އެކު އެ މައްސަލާގެ އިސްތިއުނާފް މަރުހަލާ ނިމުނީ އެވެ. އެހެންވުމުން ފަނޑިޔާރުންގެ ގާނޫނު އޮތްގޮތުން އެ ދެ ބޭފުޅުން މިހާރު މަގާމުން ވަކިވީ އެވެ.
ނުފޫޒު ފޯރުވި މައްސަލާގެ އިތުރުން ފުލުހުންގެ ތަހުގީގަށް ފޯނު ދޭން އިންކާރު ކުރި މައްސަލާގައި ވެސް އެ ދެ ބޭފުޅުންގެ މައްޗަށް ވަނީ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް ވެސް އައިސްފަ އެވެ. އެ މައްސަލައިގެ އިސްތިއުނާފް މަރުހަލާ އަދި ނުފަށަ އެވެ.
އެ މައްސަލާގެ އިތުރުން ޓެރަރިޒަމްގެ ދައުވާ އާއި އިތުރު ދައުވާއެއް ވެސް ދައުލަތުން އެ ބޭފުޅުންގެ މައްޗަށް ކުރެ އެވެ. އެ މައްސަލާގެ ޝަރީއަތް ކްރިމިނަލް ކޯޓުގައި ދަނީ ކުރިއަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ!
21 June 2018
ފަނޑިޔާރުންތަށް ތިބެނީ ބިރުން. އެހެންވީމަ ބޮސް ރުޅިއަތުވެދާނެތީ ބިރުގަނޭ. ކުޑަގޮޅި ފެނިދާނެތީ!!
އެ ތަކުރު
20 June 2018
އިސްތިއުނާފު ބަލައި ނުގަނެ ޖަލުހުކުމް ރަގަޅު ކަން އެގޭނީ ހާދަ މޮޅުފުޅު ވެގެން ތޯއެވެ؟
ދާންދޫ ދާއިރާ
20 June 2018
މައްސަލކަ އިސްތިއުނާފަށް ބަލައި ނުގަނެ މައްސަލަ އިސްތިއުނާފު ނުކުރެވޭ ހާލު އަދި މައްސަލަ އިސްތިއުނާފަށް ބަލައިގަނެވެން ނެތް އިރު އަދި މައްސަލަ ބެލުމެއްނެތި ނިންމަން އެގުނީ ކިހިނެތްބާ ، އެމައްސަލާގައި އިއްވި ހުކުމް ރަގަޅުކަމަށް !!!! ތިގޮތަށް ނިންމުމުންވެސް ދެ ފަނޑިޔާރުންގެ މަޤާމް ހުސްވުމުން އެނިމުނީ ދޯ ؟ މިހާރު އެގިގެން މިހިރަދަނީ މައްސަލަބަލައި ބަލައި ފައިސަލާ ކުރަނިވި ހުކުމަކާއި ހަމަށް ތިޔަ ކޯޓްން ތިޔަ ދެފަނޑިޔާރުންނަށް ނުދެވޭނެކަން . ވީމާ ތިތާގައި ިހާރު ތިބި 3 މީހުން ނާއި މެދުވެސް އަނެއް 2 މީހުނަނާއި މެދު އަމަލުކުރި ގޮތަށް އަމަލު ނުކުރި ސަބަބު މިހާރު މިހިރަ ދަނީ އެގެމުން . ﷲ ސުބުހާނަހޫ ވަތައާލާގެ ރަސްކަން ފުޅާއި ތިތާގައި މިހާރު ތިބި 3 މީހުނާއި މެދު އެއްބަސް ވުމެއް އޮތީބާ ތި ތިން މީހުން ކޮއްމެ ގޮތަކަށް ހުކުމް ކުރިޔަސް އެހުކުމާއި އެކަލާން ގެ ރުހި ވޮޑުގަތުމަށް ލާޒިމް ވާ ފަދަ އެއްބަސް ވުމެއް.
މައްމަނު އާދަނާ
20 June 2018
ސްޕްރީމް ކުރި ހުކުމަށް ތާއީދު@
ރޮކެޓް ސައިންސް
20 June 2018
ތިއި ހުކުމެއް ނެރެފަ އެހުކުމް ބާތިލުކުރަން އަމުރުނެރޭބައެއް. މާކުރިން ވެސްއެގޭ ތިގޮތަށްކަން ތިކަންވާނީ.
ހައްގުބަސް
20 June 2018
12 މެމްބަރުންގެ ހައްގުތައް ހިފަހައްޓައި ހައްގުމަތީގައި އަތްއަޅައި, މީ އިންސާފުތޯ? މިވެރިން ބަރާބަރަށް މަހުންމަހަށް މުސާރަނަގައިގެންތިބެ, ބައެއްގެ ހައްގުތައް އަދާނުކޮށް ހިފަހައްޓައިގެން ތިބުމަކީ ކިހާ ނުބައި ކަމެއްތޯ? ﷲ ގެ ދަރުބާރުގައި ޖަވާބުދާރީވާންޖެހޭނެ, އެދުވަހުން ބައެއްގެ ހައްގުތައް ބޮލުގައިއެޅި ސަލާމަތެއްނުވާނެ,
މަރީ
20 June 2018
އެއްދުވަސްވަރެއްގަ މިދެ ފަނޑިޔާރުން ހަމަ ތިސުޕްރީމް ކޯޓުގަ ތިބިގެން ހަމަ މިގޮތަށް ބޭއިންސާފުން އެހެން މީހުންނަށްވެސް ހުކުން ކުރި. މިއަދު ބަލާބަލަ އެ ދެ ފަނޑިޔާރުންގެ ހާލަތު. ދެން ތިތާތިބެގެން މިހުކުން ކުރި ފަނޑިޔާރުންނަށްވެސް ހަމަ ސަލާމަތެއް ނެތް. ސުވާލަކީ ކޮންދުވަހަކުންތޯ.
ްައައިންތު
20 June 2018
އެމީހުން ވެސް ބައިވެރި ވީކަމަށް ވާނީ..އެހެންވެ އިތުރު ވާހަކައެއް އިވުނަ ނުދޭން ބަލައިވެސް ނުގަތީ ތިޔަ..5 މީހުން ސޮއިކޮށްފަނޫންތަ އޮތީ..
ވަންނޭ
20 June 2018
ވިސްނާ ފިކުރު ކުރާ މީހުންނަށް މީގެން ހާދަ އިބުރަތެއް އެބޯތޭ..........
ހުސެންބެ
20 June 2018
ގިނަ ދިވެހިންނަކީ ވިސްނާ ފިކުރުކުރާ ބައެއްނޫން. ބޮޑުވަރިހަމައިގައި ތިބޭނީ!
ސީދާ
20 June 2018
މާތް ﷲ ބާވާލެއްވި އަދުލަށް މިގައމުގައި މިދަނީ ގޮންޖަހަމުން. ބާރުހުރި ފަރާތަކީ ހައްގުކަމަށް ގަބޫލުކުރެވި ނިކަމެތިންގެ ހައްގުތައްތައް ގެއްލެމުން. މިކަމުގެ ހިތި ރަހަ މާތް ﷲ ދައްކަވާނެ. އޭގެ ކުރިން އިސްލާހްވާން އެބަޖެހޭ.