އިދިކޮޅު ޕާޓީތަކުގެ ކެންޑިޑޭޓް އިބޫ (ވ) އަދި ރަނިން މޭޓް ފައިސަލް ފޮޓޯއަކަށް ހުއްޓިލައިގެން.
16 ޖުލައި 2018 - 12:37
10 comments
ގުޅިފައިވާ އިދިކޮޅު ޕާޓީތަކުގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހް (އިބޫ) އަކީ ރައްޔިތުންނަށް މާޔޫސްކަން ގެންނާނެ ކެންޑިޑޭޓެއް ނޫން ކަމަށް އޭނާގެ ރަނިންމޭޓު ފައިސަލް ނަސީމް އިއްޔެ ވިދާޅުވެއްޖެ އެވެ.
އައްޑޫ މަރަދޫ ޖަގަހަ ހުޅުވުމަށް އެ ރަށުގައި ބޭއްވި ޖަލްސާގައި، ކާށިދޫ ދާއިރާގެ މެމްބަރު ފައިސަލް ވިދާޅުވީ، އިބޫ އަކީ ވަރަށް މަޑުމައިތިރި، ޚުލްގު ހެޔޮ ބޭފުޅެއް ކަމަށެވެ. އިބޫ އަކީ އިގްތިސާދު ވަރަށް ރަނގަޅަށް ދެނިވަޑައިގެން ހުންނެވި، ބޭފުޅެއް ކަމަށް ވެސް ޖުމްހޫރީ ޕާޓީގެ ކައުންސިލް މެމްބަރު ފައިސަލް ވިދާޅުވި އެވެ.
އެމްޑީޕީގެ ޕާލަމެންޓްރީ ގުރޫޕުގެ ލީޑަރު އަދި ހިންނަވަރު ދާއިރާގެ މެމްބަރު އިބޫ އަކީ ވިސްނުން ތޫނު ބޭފުޅެއްގެ ގޮތުގައި ސިފަ ކުރައްވަމުން ފައިސަލް ވިދާޅުވި ގޮތުގައި، ރިޔާސީ ކެންޑިޑޭޓަކަށް ރައްޔިތުން ވޯޓު ދޭއިރު، އެއީ ކޮންކަހަލަ ކެންޑިޑޭޓެއް ކަން އެނގެން ޖެހެ އެވެ. އަދި އެއީ އަމާނާތްތެރި، ތެދުވެރި، ވަފާތެރި ބޭފުޅަކަށް ވާން ޖެހޭނެ ކަމަށް ފައިސަލް ވިދާޅުވި އެވެ.
"ރައްޔިތުންނަށް ޔަގީންކަން އަރުވަނީ އަޅުގަނޑުމެންނަށް ރިޔާސީ ކެންޑިޑޭޓެއްގެ ގޮތުގައި ލިބުނީ ދުވަހަކު ވެސް މާޔޫސް ކަމެއް އަޅުގަނޑުމެންގެ ހިތުގެ ތެރެއަށް އަންނާނެ ބޭފުޅެއް ނޫން،" ފުވައްމުލަކަށް އުފަން ފައިސަލް ވިދާޅުވި އެވެ.
އޭނާ ވިދާޅުވި ގޮތުގައި، ސެޕްޓެމްބަރު 23 ގައި އޮންނަ މި އަހަރުގެ ރިޔާސީ އިންތިޚާބުގައި ދިވެހިން ވަރަށް ބޮޑު މަސްއޫލިއްޔަތެއް އަދާކުރަން ޖެހިފައިވާއިރު، އެ މަސްއޫލިއްޔަތާ މެދު އިހުމާލުވެއްޖެ ނަމަ، ދިވެހި ރައްޔިތުންނަށް ގައުމު އަތުވުމުގެ އެއްވެސް ފުރުސަތެއް ނޯންނާނެެ އެވެ.
އެމްޑީޕީގެ ޗެއާޕާސަން ހަސަން ލަތީފް ވިދާޅުވީ، ސަރުކާރާއި އިލެކްޝަންސް ކޮމިޝަން (އީސީ) އިން ތިބީ އިދިކޮޅު ފަރާތްތަކަށް އިންސާފު އިންތިޚާބެއް ދޭ ގޮތަކަށް ނޫން ކަމަށެވެ. އެކަމަކު، މިހާރު ފެންނަ މަންޒަރުތަކުން އިދިކޮޅު ފަރާތްތަކަށް އިންތިޚާބު ކާމިޔާބުވެފައިވާ ކަމަށް ވެސް އޭނާ ވިދާޅުވި އެވެ. ނަމަވެސް، ބައެއް ކަންކަން އަދިވެސް ފުރިހަމަ ކުރަން ހުރި ކަމަށް ހަސަން ވިދާޅުވި އެވެ.
އިބޫ އާއި ފައިސަލް އައްޑު އާއި ފުވައްމުލަކަށް ކުރެއްވި ކެމްޕެއިން ދަތުރު ނިންމަވާލެއްވުމަށް ފަހު މިއަދު ވަނީ މާލެ ވަޑައިގެންފަ އެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅުހޮއްކޮ
17 July 2018
އިބޫ ވެރިކަމައް އައިސް އުޅުއްވާނީކީ ނަޝީދު އާއި ވެރިކަން ހަވާލުކުރުމަކަށްނޫން،ވިސްނުންތެރިކަމާއެކު ގައުމު ހިންގާނީ.
އަސަރޭ
17 July 2018
އިބޭ މާބާރަރަކަށް ފުރައިގެން މިދިޔައީ ކޮންތާކަށްތަ؟ ރޫހާނީ ލީޑަރު ގޮވާލީމަ ނޯ ޗޮއިސް ވީ ދޯ. ދެން ކިހިނެއް މިވަރުގެ މީހަކު ރައްޔިތުން މާޔޫސް ނުކުރާނީ. ޕަޕެޓުންނަކަށް ނޯޗޮއިސް!
ޝާކިރު
17 July 2018
ތެދެއް ކަންނޭންގެ ދެންނޭންގެ މަޖިލިސް ގޮނޑިގަނޑުވެސް ލިބޭނެކަމެއް ،،
ހިކްމަތް
16 July 2018
ހައްގު ބަސް ވެސް ނުބައި ނިޔަތެއްގެ ބުނެފިއްޔާ އެވާނީ ބޮޑު ދޮގަކަށް
ތުރާބެ
16 July 2018
މާޔޫސްކަމެއް ނުގެންނާނެކަމެއް ނޭނގޭ. ވޭތުވެ ދިޔަ 4 އަހަރު ރައްޔިތުންނަށް ޓަކައި ބަޖެޓައް ވޯޓެއްވެސް ނެތް ލާފައެއް. ރައްޔިތުންނަށްޓަކައި ކިހާ ހެޔޮފުޅު
ބާބު
16 July 2018
މާޔޫސްކަމެއް ނުގެންނާނެ ހުޅުޖާނެ ރާއްޖެ ވިއްކާލާނެ އިސްލާމްދީންނޫން އެހެން ދީނަށް ފުރުސަތު ދޭނެ.. އެހެންނު
ޥައްލޯ
16 July 2018
ފައިސަލޫ. ފައިސަލް ތީ މާ ޔޫސް ކަން ފެށުމުގެ ކޮޅެވެ. ތިޔަ ކޭކު ހާސް ބަޔައް ބަހަން ވީމަ ދެން އޮންނާނީ މާޔޫސް ކަން އަތު ނުޖެހޭ ހިސާބު ގައެވެ
ރައްޔަތުމީހާ
16 July 2018
ޢާއްމު ޢާއިލާއކުން ޢާއްމު ބަޔަކު ވެރިކަމށް އަންނަތަން ދުށުމަކީ އަބަދުވެސް އަޅުގަޑު ދެކެމުން އަންނަ ހަވަފެނެކެވެ. މިފަހަރު މިފަދަކަމަކަށް މަގުފަހިވުމުގެ ފުރުޞަތު ލިބުމުން ވަރަށް އުފާވެއްޖެއެވެ. ތާރީޙުން ފެނިފަވާގޮތުގައި ޢާއްމުންގެ ތެރެއިން އަންނަ ވެރިންނަކީ ޢާއްމުންނަށް ގިނަ ގުނަ ހެޔޮކަންތައްތަކެއް ކޮށްދެއްވާފަ ބަޔެކެވެ.
ވެރިބަގުޑި
16 July 2018
ރައްޔިތުންނަށް މާޔޫސް ކަން އަންނާނެ ކަން ޔަގީން އެއީ ވެރިކަމުގެ ކޭކު 5ބަޔަށް ބަހާނިމޭއިރު ރައްޔިތުން ތިބޭނީ ހަނާވެ ނިމިފައި ތިތާންގައި ތިބީ ރައްޔިތުންނަށް ހެއުއެެދިގެން އުޅޭ ބައެއްނޫން މުޅިންވެސް ރައްޔިތުންނަށް ދޯކާދީގެން އުޅޭ މީހުން އެކަމުގެ ޔަގީން ކަން އޮތީ ލިބިފައި 2008ން 2012 ދެންވާ ސަލާމް
ޝިފާގު
16 July 2018
އަހަރެން ވެސް ކުރި އުންމީދަކީ ތިޔައީއެވެ. މިގައުމަށް ރަގަޅު ރައީސަކު ހޮވާނެ ފުރުސަތު ލިބުނީމާ ވަރަށް އުފާވިއެވެ. އިބޫއާއި ފައިސަލްއަށް ވޯޓުލާން ނިންމީމެވެ. އެކަމަކު ތިމަންނަ މިއަންނަނީ ފަށްކަނޑާށޭ، ވެރިކަމަށް ކުފޫ ހަމަވާތީކީނޫނޭ، ބުނީމާ މިހާރު މިދަނީ އަލުން ވިސްނަމުންނެވެ. ޖަލުގައި ތިބި ބަޔަކު މިނިވަންކުރުމަށް އިބޫ ރައީސްކަމަށް ގެންނަން ބޭނުންވާ ގިނަމީހުން ތިބެދާނެއެވެ. އެކަމަކު އަހަރެން ވޯޓުލާން ބޭނުންވީ ފަސްއަހަރުގެ ދައުރަކަށް ރައީސަކު ހޮވާށެވެ.