ޚަބަރު / ސުޕްރީމް ކޯޓް

ޖުޑިޝަލް އެކަޑަމީގެ ޗާންސެލަރު ކަމަށް ކުރިމަތިލާން ހުޅުވާލައިފި

ސުޕްރީމް ކޯޓު: ޖުޑިޝަލް އެކަޑަމީގެ ޗާންސެލަރު ކަމަށް ކުރިމަތިލުމުގެ ފުރުސަތު އެ ކޯޓުން ވަނީ ހުޅުވާލާފައި --ފޮޓޯ/މިހާރު

މުއިއްޒު އިބްރާހިމް، މިހާރު

18 ޖުލައި 2018 - 22:10

10 comments

ޖުޑިޝަލް އެކަޑަމީގެ ޗާންސެލަރު ކަމަށް ކުރިމަތިލުމުގެ ފުރުސަތު ސުޕްރީމް ކޯޓުން މިއަދު ހުޅުވާލައިފި އެވެ.

ސުޕްރީމް ކޯޓުން މިއަދު ކުރި އިއުލާނެއްގައިވާ ގޮތުން އެ މަގާމަށް ކުރިމަތިލުމުގެ ފުރުސަތު މި މަހުގެ 25 ވަނަ ދުވަހާ ހަމައަށް އޮންނާނެ އެވެ. އެ މަގާމުގެ ޝަރުތަކީ ކަމާ ގުޅޭ ދާއިރާއިން މަތީ ސަނަދެއް އޮތުމާ އެކު ސުޕްރީމް ކޯޓު ނުވަތަ ހައި ކޯޓުގެ ފަނޑިޔާރު ކަން ކުރުމުގައި މަދުވެގެން ފަސް އަހަރު ހޭދަ ކޮށްފައިވާ އަދި ފަނޑިޔާރު ކަމުން ރިޓަޔާވެފައިވުން ނުވަތަ ޝަރުއީ އަދި ގާނޫނީ ދާއިރާއިން ތައުލީމް ފޯރުކޮށް ދިނުމުގައި މަދުވެގެން ފަސް އަހަރުގެ ތަޖްރިބާ ހުރުމެވެ.

ޖުޑިޝަލް އެކަޑަމީގެ ޗާންސެލަރުގެ މަގާމަކީ ފަސް އަހަރުގެ މުއްދަތަށް އައްޔަން ކުރާ މަގާމެކެވެ. އެކަމަކު މަސައްކަތުގެ ފެންވަރު ވަޒަން ކުރުމަށް ފަހު އެ މީހަކު އިތުރު ދައުރަކަށް އައްޔަން ކުރުމުގެ ބާރު އޮވެ އެވެ. އެ މަގާމަށް ބޭފުޅުން އައްޔަން ކުރާނީ ސުޕްރީމް ކޯޓުގެ ފަނޑިޔާރުންގެ މަޖިލީހުގެ ލަފާގެ މަތިން އުއްތަމަ ފަނޑިޔާރެކެވެ.

އެ މަގާމަށް އައްޔަން ކުރާ ބޭފުޅަކަށް މުސާރަ އާއި އިނާޔަތްތަކާ އެކު މަހަކު 47،000ރ. ލިބޭނެ އެވެ.

ޖުޑިޝަލް އެކަޑަމީއަކީ ފަނޑިޔާރުންނާއި ވަކީލުންނާއި ޝަރުއީ ދާއިރާގެ މުވައްޒަފުންނަށް ބޭނުންވާ ކޮންޓިނިއުއިން އެޑިއުކޭޝަންގެ ތަމްރީނު ދިނުމަށް ސުޕްރީމް ކޯޓުން 2015 ގައި އުފެއްދި އެކަޑަމީ އެކެވެ. އެ އެކަޑަމީ ހިނގަމުންދާނީ ސުޕްރީމް ކޯޓުގެ ބެލުމުގެ ދަށުން އަދި އުއްތަމަ ފަނޑިޔާރު ރިޔާސަތު ބަލަހައްޓަވާ އިސްތިޝާރީ މަޖިލީހެއްގެ ލަފާގެ މަތިންނެވެ.

ފަނޑިޔާރުން ސުޕްރީމް ކޯޓް ކޯޓް ޖުޑީޝަރީ ވަކީލުން

10 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތައުފީްު

19 July 2018

ތިކަމަށް ވަރަށް ރަނގަޅު މީހަކު އެބަހުރި. އޭނާ ޗާންސެލަރަކަށް ލާފަ އެޑްވައިޒަރަކަށް ބަހައްޓާފަ ޗާންސެލަރުކަމަށާ އެޑްވައިޒަރުކަމަށާ މުސާރަދީފަ، ތަން ހިންގަން ވައިސް ޗާންސެލަރަކު ހޯއްދަވާ. މާ މޮޅު ފޯމިއުލާއެއް އެއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުބެ

19 July 2018

މިހާރު އެކަޑަމީތަކުގައިވެސް ޗާންސްސެލަރުން، މަތީތައުލީމް ތަކުގެ އޮނިގަނޑުވެސް އަދި މަގާމުތަށްވެސް ހިތަށް އެރިގޮތަށް ހަދައި ހިންގަނީ، ސްކޫލުތަކުގެ ކުދިންވެސް ގައުން ލައްވައިގެން ކޮން ޗާންސަލަތެއް، ކޮން އެކަޑަމީއެއް، ދެން ކަލޭމެން ޑިގްރީ ބަހައިގެން ކަލޭމެން އަމިއްލައަށް ޖުޑިޝަރީ ހިންގާ، 23 ސެޕްޓެމްބަރު މަހުން ފެށިގެން މިޤައުމު އެބަޖެހޭ ބޮޑު ބުރުހެއް ލައިގެން ވަރަށް ރަނގަޅަށް ދޮވެ ސާފްކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންވަރު

19 July 2018

ޗާންސެލަރުންގެ އަގުވެސް ވައްޓާލައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީމަން ޒާހިރު

19 July 2018

އަޅުގަނޑުމެން ކިޔަވާނިމުނުތާ 17 މަސްފަހުން ހުވާކުރެވުނީ... އަދި އޭގެ ފަހުން 1 އަހަރު ތަމްރީނު ހޯދަން ޖެހޭ... އަދި ޖުޑިޝަލް އެކަޑަމީގެ ޓްރޭނިންގ އެއް ފުރިހަމަ ކުރަން ޖެހޭ އެ އެއް އަހަރު ދުވަހުގެ ތެރޭގައި... މިގޮތަށް ޤަވާއިދު ހަދައި ގެން ފޮށްޓަށް ލައިގެން ތިއްބަވަނީ.. އެބުނާ ޓްރޭނިންގ އެއް ދެއްވަނީ ކީނޫން.. ވަޒީފާއެއް ހޯދުމަށް އެޅޭ ބޮޑު ހުރަހެއް ޕްރެކްޓިސް ނުކުރެވޭ މީހަކަށް ވަޒީފާ ދޭން ބޭނުން ނުވޭ އެއްވެސް ބަޔަކު... ޕްރެކްޓިސް ކުރެވެން އޮތީ މި ޓްރޭނިން ހަދައި ގެން ނޯ.. ކިހާ ދުވަހަެއް ކިހާ ދެރަކަމެއް... އަޅާލާ މީހަކު ނެތް..؟؟؟؟...!! އެކަމަކު ހުސްވެރިން ... ވެރިކަމާ ހެދި އެންމެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުބެ

19 July 2018

ހިތާމައަކީ އަލަށް ވެރިކަމަށް އަންނަން އުޅޭ މީހުންވެސް މިފަދަ ކަންކަމާއި ދޭތެރޭގައި ސިޔާސަތެއް ނުގެންގުޅޭތީ، މިޤައުމުގައި މިއޮތީ ހަމައެކަނި ސިޔާސީ ކުއްވެރިން ޖަލައްލުމުގެ މައްސަލައެއްނޫން، ވަޒީފާއަދާކުރާ މީހުންނާއި ކިޔަވައިގެން ވަޒީފާގެ ބާޒާރަށް ނިކުންނަ މީހުންވެސް ތިޖީ ޖަލެއްގައި، ކަސްތޮޅު އެޅިފައި،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޮމިނޭޓަރ

19 July 2018

އައި ނޮމިނޭޓް ކާނަލް އަދުރޭ ފޯރ ދިސް ޕޯސްޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް ޝަރީފް

19 July 2018

ކޮންމެ މުއައްސަސާ އަކަށް އެކަޑަމީއެއް ހަދަނީ ރައްޔިތުންގެ ފައިސާ އިސްރާފްކޮށް ބައެއްގެ ޖީބު ބަރުކުރުމަށް. ވަރަށް ދެރަވަރުކަންކަން މީ. މިކަމަކީ އިސްލާމިކް ޔުނިވަރސިޓީގެ ތެރެއިން ކުރެވިދާނެ ކަމެއް. ބޮޮޑެތި ގައުމުތަކުގަ ވަކިވަކި ކަންކަމަށް ވަކިއެކަޑަމީ ހެދިނަމަވެސް މި ގައުމަށް އެކަން އެގޮތަށް ކުރުމުގެ ބޭނުމެއް ނެތް. ހަގީގަތުގަ އެންމެ ޔުނިވަސިޓީއަކުންވެސް މި ގައުމަށް ބޭނުންވާ މީހުން ތަމްރީނުކުރެވޭނެ. މީ ދުނިޔޭގެ ނިސްބަތުން ކުންފުންޏެއްގަ އުޅޭވަރަށް މީހުން އުޅޭ ގައުމެއް.