މިހާތަނަށް 24،000 މީހުން ރީ-ރަޖިސްޓަރީ ކޮށްފި: އިލެކްޝަންސް

ރިޔާސީ އިންތިޚާބާ ގުޅޭ ގޮތުން އުފައްދާފައިވާ، ގައުމީ ލަފާދޭ ކޮމެޓީގެ ބައްދަލުވުމެއްގައި އަކްރަމް (ވ) ބައިވެރިވެވަޑައިގަންނަވަނީ.---ފޮޓޯ: އިލެކްޝަންސް ކޮމިޝަން

ހަސަން މުހައްމަދު، މިހާރު

01 އޯގަސްޓް 2018 - 10:20

8 comments

މި އަހަރުގެ ރިޔާސީ އިންތިޚާބުގައި، ރަށްވެހި ވެފައިވާ ރަށް ނޫން އެހެން ރަށެއްގައި ވޯޓުލުމަށް މިހާތަނަށް 24،000 މީހުން ރަޖިސްޓަރީ ކޮށްފައިވާ ކަމަށް އިލެކްޝަންސް ކޮމިޝަނުން މިއަދު ބުނެފި އެވެ.

ރީ-ރެޖިސްޓަރީ ކުރުމުގެ ފަހު ތާރީޚަކީ މި މަހުގެ 12 ވަނަ ދުވަހެވެ.

އިލެކްޝަންސް ކޮމިޝަންގެ މެންބަރު އަހުމަދު އަކްރަމް ވިދާޅުވީ، އަނަން މަހުގެ 23 ގައި ބާއްވާ ރިޔާސީ އިންތިޚާބަށް ގާތްގަނޑަކަށް 70،000 މީހުން ރީ-ރެޖިސްޓަރީ ކުރާނެ ކަމަށް ބެލެވޭ އިރު، މިހާތަނަށް އެ ކަން ކޮށްފައި ވަނީ 24،000 މީހުން ކަމަށެވެ.

ރީ-ރެޖިސްޓަރީ ކުރުމުގެ މުއްދަތު ކުޑަތަން ވެފައިވާ އިރު، އެކަމުގައި މަކަރު ހަދާ ކަމުގެ ތުހުމަތު، ވެރިކަން ކުރާ ޕާޓީ ޕީޕީއެމާއި އިދިކޮޅު ކޯލިޝަން ގައި ހިމެނޭ ޕާޓީތަކުން ވެސް ދަނީ ކުރަމުންނެވެ. އަދި އެ ކަމުގެ ތުހުމަތު އެއް ބަޔަކު އަނެއް ބަޔަކަށް ކުރެ އެވެ.

ރީ-ރެޖިސްޓްރީ ކުރުމުގައި ޕީޕީއެމުން މަކަރު ހަދަމުންދާ ކަމަށް ބުނެ އެމްޑީޕީން ވަނީ ފުލުހުންނަށް ވެސް މައްސަލަ ހުށަހަޅައިފަ އެވެ.

އެ މައްސަލަ ފުލުހުންނަށް ހުށަހަޅާފައި ވަނީ ޕީޕީއެމްގެ ފަރާތުން ރީ-ރެޖިސްޓްރީ ކުރާ މީހުންގެ ފޯމުތައް އެ ޕާޓީ އޮފީހަށް ގެންދާ ކަމަށް ބެލެވޭ ގޮތަށް ރައީސް އަބްދުﷲ ޔާމީން އަދި ފަސްޓް ލޭޑީ ފާތިމަތު އިބްރާހިމް ވާހަކަފުޅު ދައްކަވަނިކޮށް ނަގާފައިވާ ވީޑިއޯއެއް އާންމުވެފައި ވަނިކޮށެވެ.

ޕީޕީއެމްގެ ސެކްރެޓަރީ ޖެނެރަލް ޑރ. އަބްދުﷲ ޚަލީލް އިއްޔެ ވިދާޅުވެފައި ވަނީ ރީ-ރަޖިސްޓްރޭޝަން ފޯމު ފުރުމުގައި އެމްޑީޕީން ވަރަށް ބޮޑަށް އޮޅުވާލަައި، ރައްޔިތުންގެ ވޯޓުލުމުގެ ހައްގަށް އަރައިގަންނަމުންދާ ކަމަށެވެ. އޭނާ ވިދާޅުވީ، އެކި މީހުންގެ ނަމުގައި އެމްޑީޕީން ރަޖިސްޓްރޭޝަން ފޯމު ފުރައި އެ ޕާޓީގެ މެމްބަރުންގެ އިނގިލީގެ ނިޝާން ޖަހަމުންދާ ކަމަށެވެ. އެމްޑީޕީން ފުރާ ފޯމުތަކުގެ ތެރެއިން ވޯޓު ނުލިބޭނެ ކަން ކަށަވަރުވާ ފޯމުތައް އިލެކްޝަންސް ކޮމިޝަނަށް ނުފޮނުވައި ނައްތާލަމުންދާ ކަމަށް ވެސް ޚަލީލް ތުހުމަތު ކުރެއްވި އެވެ.

މި އަހަރުގެ ރިޔާސީ އިންތިޚާބުގައި ވޯޓުލުމުގެ ހައްގު 263،000 މީހުންނަށް ލިބެ އެވެ. އަދި އިންތިޚާބުގައި ރާއްޖެ އަދި ބޭރުގެ ބައެއް ގައުމުތަކުގައި 490 އަށް ވުރެ ގިނަ ވޯޓު ފޮށި ބަހައްޓާނެ އެވެ.

އެމްޑީޕީ އިދިކޮޅު ފަރާތްތައް އިލެކްޝަންސް ކޮމިޝަން ޕީޕީއެމް އިދިކޮޅު އިއްތިހާދު ވޯޓުލާ މީހުންގެ ރެޖިސްޓަރީ

8 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިނަރެސް

01 August 2018

ސަރުކާރު އޮފީސްތަކުންވެސް މެޑަމް އޮފީހަށް ބަލަދު އަރާފަތޯއްޗެއް؟ އެޗްއާރް ސެކްޝަނުން ހުރިހާ މުވައްޒަފުންގެ ޕާސަނަލް ރިކޯޑްތައްވަނީ މުލީއާގެއަށް ފޯރުކޮށްދީފަ. އެތަނަކުން އިރުއިރުކޮޅާ ގުޅާ ރައީސް ޔާމިނަށް ވޯޓުދޭށެ ކިޔާ ބިރުދައްކަނީ. ނިކަން ރީއްޗަށް ވޯޓު ދޭނަން!! ކިތަންމެ ވަރަކަށް ބިރުދެއްކިއަސް ވޯޓު ކަރުދާހުގައި އަހަރެން ބޭނުން މީހަކަށް ފާހަގަ ލާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވ.ދެރަވެއެވެ

01 August 2018

ތިޔަހަރީ ރާއްޖެތެރޭ ރައްޔިތުންނަށް ރީރަޖިސްޓްރޭޝަން އޭކިޔާގެން ސަރުކާރުގެ އިދާރާތަކުންނާއި ސަރުކާރު ހިއްސާވާ ކުންފުނިތަކުން ޖައްސާ ޙާލެވެ. ރަޖިސްޓްރީ ނުކުރާން ދެކޮޅު ހަދައިފި ނަމަ ވަޒީފާ ގެއްލުމުގެ ބިރު އެބައޮތެވެ. ނުބައިތަނަކަށް ރަޖިސްޓްރީ ކުރިޔަސް ދައްކާނެ ވާހަކައެއް ނެތެވެ. ވޯޓްލުމަކީ އަދި ހަަމަ އެހެންމެ ވޯޓްލާން ރަޖިސްޓްރީ ކުރުމަކީ ކޮންމެ ރައްޔިތެއްގެ ފަރުދީ ޒިންމާއެކެވެ. ނަމަވެސް ސަރުކާރުން ރާއްޖެތެރޭ މީހަކަށްވީތީވެ، ކުރާ ކަންތައް މިހިރީއެވެ. އަަޅުގަނޑަކީ އެންސްޕާގެ މަސައްކަތް ކުރާ މުއައްޒަފަކީމެވެ. އަޅުގަނޑުގެ ނުރުހުން އޮވެމެވެސް އަދާ ކުރާ ވަޒީފާގެ ސަބަބުން ރަޖިސްޓަރ ކުރަން ފޯރމްގައި ސޮއިކުރީމެވެ. އަޅުގަނޑުގެ ސައްޚަ އައިޑީކާޑް ކޮޕީއެއް ހޯދަން ނުވެސްބުނެއެވެ. އިނގިލީގެ ނިޝާނާއި ސޮއިކޮށްފަ ފޯރމް ހަވާލު ކުރުމަށް އެންގުމުން އެކަން ކުރީމެވެ. ނަމަވެސް މިއަދު ޗެކު ކުރަން އެސްއެސްއެމް ކުރުމުން އަޅުގަނޑު ރަޖިސްޓްރީ ވެފައިއޮތީ އދ.ވާދުއަށެވެ. އަޅުގަނޑަކީ ހދ. އަތޮޅަށް ނިސްބަތްވާ މީހަކީމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނިޔަ

01 August 2018

ދެހަފްތާ ވެއްޖެ ޕީޕީއެމުން މިގެއަށް އައިސް ފޯމު ފުރައިގެން ގެންދިޔަތާ! އިލެކްޝަނަށް ރޭގަ ގުޅީމަވެސް ބުނަނީ އެތަނަށް ފޯމު ނުލިބޭ ކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާޒީ

01 August 2018

ވާއެއްނުވާއެއްނޭގޭ އެއްނޫހުގަ 24ހާސް އަނެއްނޫހުގަ 20ހާސް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުޅޫ

01 August 2018

އޮފީސްތަކުން ރީ - ރަޖިސްޓްރީ ނުކުރޭ!!! މިކަމަށް ސަމާލުވޭ!! އެންމެ ރައްކާތެރީ އަމިއްލައަށް ގޮސް ރީ ރެޖިސްޓްރީ ވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާ

01 August 2018

70000 ރަޖިސްޓަރީ ކުރާނެ ކަމަށް .......އެކަމަކު އަދި 20000 ..........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިލިހިލާ

01 August 2018

އަހަރެން އޮފީހުން ފޯމު ފުރުވިފަހުން 2 ހަފުތާވަރުވެއްޖެ އެކަމަކު އަދިވެސް އިނީ ރަށުގެ ރެޖިސްޓްރީގަ ކިހިނެއްބާ މިވަނީ. އޮފީސް ތަކުން ފުރުވާ ފޯމާ އިލެކްޝަން އޮފީހުގެ ސައިޓްގަ އިންނަ ފޯމާ ވަރައް ތަފާތު ވާހަކަވެސް އެބަކިޔާ. ރެޖިސްޓްރީ ނުކޮށްދީފިއްޔާ މިފަހަރު ރަށަށް ގޮސްގެންވިޔަސް ޔާމީނާ ދެކޮޅައް ވޯޓް ލާނަން އިންޝާﷲ. ބޭނުމަކީ ދަރިންނަށް އަދުލުއިންސާފު ގާއިމްކޮށްދިނުން.