އިދިކޮޅު ކޯލިޝަންގެ ރިޔާސީ ކެންޑިޑޭޓު، އިބްރާހިމް މުހައްމަދު ސޯލިހް (އިބޫ) ގެ ކެންޑިޑެސީ ފޯމް ހުށަހެޅުމަށް ބޭއްވި ހަރަކާތުގައި އެމްއާރުއެމް ޖަހާފައިވާ ދިދަތަކެއް ބަޔަކު ހިފައިގެން. - ފޮޓޯ: މިހާރު
09 އޯގަސްޓް 2018 - 21:56
40 comments
ސިޔާސީ ޕާޓީއެއްގެ ގޮތުގައި ރަޖިސްޓްރީ ކޮށްފައިނުވާ ނަންތައް ބޭނުންކޮށްގެން، އަންނަ މަހުގެ 23 ގައި ބާއްވާ ރިޔާސީ އިންތިހާބުގައި ވާދަކުރާ ކެންޑިޑޭޓުންނަށް ތާއީދު ހޯދަން ހަރަކާތްތައް ހިންގައިގެން ނުވާނެ ކަމަށް އިލެކްޝަންސް ކޮމިޝަން (އީސީ) އިން މި ރޭ ބުނެފި އެވެ.
އިލެކްޝަނުން މިގޮތަށް ބުނީ، ކުރީގެ ރައީސް މައުމޫން އަބްދުލްގައްޔޫމް ފެއްޓެވި އިސްލާހީ ހަރަކާތުގެ ސަޕޯޓަރުން، ރިޔާސީ އިންތިޚާބުގައި، "މައުމޫން ރިފޯމް މޫވްމަންޓް (އެމްއާރުއެމް)"ގެ ނަމުގައި ހަރަކާތްތެރިވާން ފަށާފައި ވަނިކޮށެވެ. މައުމޫންގެ ފެކްޝަނުން މަސައްކަތް ކުރަނީ އިދިކޮޅު ޕާޓީތަކާ ގުޅިގެންނެވެ.
އިލެކްޝަނުން ނެރުނު ބަޔާނެއްގައި ބުނީ ރިޔާސީ އިންތިޚާބާ ގުޅިގެން ސިޔާސީ ޕާޓީތަކުން ނެރޭ ކެންޑިޑޭޓުންނަށް ތާއީދު ހޯދުމުގެ ގޮތުން ހިންގާ ސިޔާސީ ހަރަކާތްތައް، ގާނޫނާއި ގަވާއިދުގެ ހުދޫދުގެ ތެރޭގައި ކުރި އަށް ގެންދިއުމަށް ޕާޓީތަކުގެ ބެލެނިވެރި ފަރާތުގެ ހައިސިއްޔަތުން އިލްތިމާސް ކުރާ ކަމަށެވެ.
އެގޮތުން، ރާއްޖޭގެ ޖަލުތަކާއި ޕެރޯލްގެ ގާނޫނުގައި ހުކުމެއް ތަންފީޒު ކުރާ މީހަކަށް ސިޔާސީ ހަރަކާތްތަކުގައި ބައިވެރިވުމުގެ ހައްގު ނުލިބޭތީ ޖަލުގައި ހުކުމެއް ތަންފީޒު ކުރަމުންދާ މީހުން ބައިވެރިކޮށްގެން ސިޔާސީ ޕާޓީތަކުން ހިންގާ ތާއީދު ހޯދުމުގެ ހަރަކާތްތައް ކުރިއަށް ނުގެންދިއުމަށް އިލެކްޝަނުން ވަނީ އެދިފަ އެވެ.
މީގެ އިތުރުން، ސިޔާސީ ޕާޓީތަކުން ބާއްވާ ބައްދަލުވުންތަކާއި ހަރަކާތްތަކުގައި ސިޔާސީ ޕާޓީއެއްގެ ގޮތުގައި ރެޖިސްޓްރީ ކޮށްފައިނުވާ ނަންތަކެއް، ޕާޓީއެއްގެ ގޮތުގައި ބޭނުން ކުރަމުންދާ ކަމުގެ ޝަކުވާ ލިބިފައިވާ ކަމަށް ވެސް އިލެކްޝަނުން ނެރުނު ބަޔާނުގައި ބުނެފައިވެ އެވެ.
"ރަޖިސްޓަރީ ކޮށްފައިނުވާ ސިޔާސީ ޕާޓީއެއްގެ ގޮތުގައި ނުވަތަ އެ ނޫން ވެސް ހައިސިއްޔަތަކުން ރަޖިސްޓަރީ ކުރެވިފައިނުވާ ނަމެއް ބޭނުންކޮށްގެން ތާއީދު ހޯދުމުގެ ހަރަކާތްތައް ނުބޭއްވޭނެ،" ބަޔާނުގައިވެ އެވެ.
ބަޔާނުގައި ވަނީ ސިޔާސީ ޕާޓީއަކުން ތާއީދު ހޯދުމަށް ބާއްވާ ހަރަކާތްތަކުގައި އެހެން ސިޔާސީ ޕާޓީއަކަށް ނިސްބަތްވާ ނިޝާން، ކުލަ ނުވަތަ އެ ޕާޓީއެއް ރަމްޒުކޮށްދޭ ތަކެތި އެ ސިޔާސީ ޕާޓީގެ ހުއްދަ ނެތި ބޭނުން ނުކުރުމަށް ވެސް އިލެކްޝަނުން ވަނީ އިލްތިމާސްކޮށްފަ އެވެ. އަދި ސިޔާސީ ޕާޓީއަކުން ޖަލްސާތަކާއި ތާއީދު ހޯދުމަށް ބާއްވާ ހަރަކާތްތަކުގައި ބޭނުންކުރާ ކުލަ އެހެން ސިޔާސީ ޕާޓީއަކުން އެ ޕާޓީގެ ހުއްދައާ އެކު ނޫން ގޮތަކަށް ބޭނުން ނުކުރުމަށް ވެސް އެ ބަޔާނުގައި ބުނެފައިވެ އެވެ.
ގާނޫނުތަކާއި ގަވާއިދުތަކުގެ ހުދޫދުގެ ތެރެއިން ތާއީދު ހޯދުމަށް ބާއްވާ ހަރަކާތްތަކަށް އަބަދުވެސް ކޮމިޝަނުގެ ފުރިހަމަ އެއްބާރުލުން ދޭނެ ކަމަށް އިލެކްޝަންގެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން ގޮލާ
10 August 2018
އެހެންވީމާ ދިވެހިބަސް ބޭނުންކުރަން ބޭނުންނަމަ ރަދީފުގައިވާ ހުރިހާ ބަސް ތަކެއް ވަކިވަކީން ، ކޮނަމެ ދިވެހި ރައްޔިތަކުވެސް ރަޖިސްޓަރީ ކުރަން ޖެހޭނެ ..
އާދަނު
10 August 2018
ކޮސްނުގޮވާ!
ސާދާސީދާ
10 August 2018
ދުނިޔޭގެ އެންމެ ކުރިއަރާފައިވާ ޑިމޮކްރަސީ އެމެރިކާގައި އުފެދުނު "ޓީޕާރޓީ" މޫވްމަންޓް އަދި "ޕޫމާ" މޫވްމަންޓް އަކީ އެއްވެސް ގޮތަކަށް ރަޖިސްޓްރީވެގެން ހިންގާ ބައެއް ނޫން. މިހާރު އުޅޭ "މަގާ" މީހުންނަކީ ވެސް ރަޖިސްޓްރީވެފައިވާ ސިޔާސީ ޕާރޓީއެއް ނޫން. ވަކިވަރަކަށް ސަޕޯރޓްލިބިގެން ވަކި މަޤްސަދެއް ޙާސިލްކުރުމަށް އުޅޭ ބަޔަކު ވަކިނަމެއްގައި އުޅުމަކީ އެއްވެސް މައްސަލައެއްނޫން. ސިޔާސީ ޕާރޓީ ރަޖިސްޓަރކޮށް ޙަރަކާތް ހިންގާއިރު ޤަވާޢިދާއި ޚިލާފުވަންޏާ ފިޔަވަޅު އަޅާބަލަ. ނަމަވެސް ޕީޕީއެމްގެ ދަރުބާރު ފެކްޝަނުން ހިންގާ ޤާނޫނާއި ޚިލާފުކަންތައްތަކާ ފިޔަވަޅުއެޅޭތޯ؟
މޮޔަސޮރފ
10 August 2018
ސިޔާސީ ވާހަކަ ދައްކާކަށް ޕާޓީއަކަށް ވާހަކަށް ނުޖެހޭ! ޤާނޫނު އަސާސީއިން ލިބެދޭ ހައްޤެއް އެއީ! ޕާޓީ ހަދަނީ ދަޢުލަތުން އިތުރު އިނާޔަތް ހޯދަން! ތިހާ ފިނޑި ބަޔަކު އިންތިޚާބު ނުބޭއްވީމަ ރަނގަޅުވާނެ!
ޖައުފަރު
10 August 2018
ކުރިމަތިލައިފައިވަނީ މަހްލޫފު ބުނާގޮތުންނަމަ ބުޅަލެއް. މަހުލޫފު ކުރިންބުނި ޔާމީނާ ބުޅަލެއް ވާދަކޮށްގެންވެސް ޔާމީނު ބަލިވާނޭ. އެކަމަކު މިހާރު ފެންނަމަންޒަރު ތަކުން އެނގިޔަޤީންވަނީ ޔާމީނު ބަލިނުވާނެކަން. އެހެންވީމާ ޖަލުގަތިބި މީހުންނާ ކަށްޅުގަ ތިބި މީހުން ދައްކައިގެންވެސް ކެމްޕޭނު ކުރަން މަޖުބޫރުވަނީ... ކީއްކުރާނީ ދޯ.
އިހުމާލް
10 August 2018
ކޮބާ ހީވޭ ކަމެއްހެން... ތިޔަލައިގަތީ ބޮޑުކަމާއި، މައުމޫން، ނަޝީދު، އިމުރާން، ޤާސިމް ގެ ނަން ކިޔާ އެެއްމެންގެ ނަން ދިވެހިންގެ ހިއްތަކުން ފޮހެލަން ކޯޓުއަމުރެއް ހޯދުމަށް ދަންނަވަން
ޖަހޯބަރާ
10 August 2018
ރައީސް ޔާމީނަށް އިންތިހާބު ކާމިޔާބު ކުރެވޭނެ ހަމައަކަނި ފޯމިއުލާ އަކީ ތީ.. އެކަމަކު ތި ބާވަތުގެ ކަންކަންވެސް މަސައަކަތް ކުރާނީ ވަކިވަރަކަށް.. ކޮންމެ ގޮތެއް ހެދިއަސް އޮތީ އެންމެ ގޮތެއް.. ދެވަނަ އަށް އެންމެ ގިނައިން ވޯޓްލިބޭ މީހަކު ހޮވުނު ކަމަށް އިއުލާން ކުރުން. އޭރުން ހޮވޭނީ
ނުބައިހާނު
10 August 2018
ތިޔަ ގޮނޑިކޮއްކޮ ކަމިސަނަކާ ނުބެހެވޭނެ. ހަމަ ޖަހާނެ ނަމެއް ޖަހައިގެން ކުރާނީ. ދެން ލަލަލާ
ނަސީދު
10 August 2018
ޢަޅުގަނޑު ޔާމިންއައް ތާއީދުކުރަން ބައި ލާރިވެސް ނޯނާނެ ލިބިފަކައި
ތައުބާ
10 August 2018
ނުހޯދާތި!
ހަސަން
10 August 2018
ކިތަންމެ ވަރަކަށް ތެޅުނަސް ދިވެހިން ތިބީ ވަރަށް ޖޯށުގައި މިހުދުމުހުތާރު ވެރިކަން ބަދަލުކުރަން އަޒުމު ކަނޑައަޅައިގެން. މިސަރުކާރަށް މިހާރު ތާއީދު ކުރަނީ ނަޖާއިޒް އެކިގޮތް ގޮތުން ތިމާމީހާއަށް ފައިދާ ކުރާ މަދު ބަޔަކު. 23 ސެޕްޓެމްބަރުގެ ވޯޓުގެ ނަތީޖާއިން އެކަން ފެންނާނެ. ފުލުހުންނާއި ސިފައިންގެ މަތީފަންތި ފިޔަވާ ދެންތިބި މީހުންވެސް ބޭނުންވަނީ މިގޮތް. އެމީހުން ބޭނުންވަނީ އެދެމުއައްސަސާ ކުރަމުން އައި އިހްތިރާމާއި ލޯބި އަލުން ލިބިގަންނަން.