ވަޒީރުން މާލީ ބަޔާން ހުށަހަޅަން ފަށައިފި

މާލެ: ނޮވެމްބަރު 19، 2018- މިދިޔަ ހޮނިހިރު ދުވަހު މަގާމުގެ ހުވާކުރެއްވި ރައީސް އިބްރާހިމް މުހައްމަދު ސޯލިހްގެ ސަރުކާރުގެ ފުރަތަމަ ކެބިނެޓް ބައްދަލުވުމުގެ ތެރެއިން.---ފޮޓޯ: ރައީސް އޮފީސް

މުހައްމަދު ޔާމީން، މިހާރު

02 ޑިސެމްބަރ 2018 - 11:14

4 comments

ރައީސް އިބްރާހިމް މުހައްމަދު ސޯލިހްގެ ކެބިނެޓުގެ ވަޒީރުން މާލީ ބަޔާން ހުށަހަޅުއްވަން ފައްޓަވައިފި އެވެ

ސަރުކާރުގެ އިދާރާތަކާއި ކުންފުނިތައް އަދި މިނިވަން މުއައްސަސާތަކަށް އައްޔަން ކުރާ ބޭފުޅުންގެ މުދަލާއި މާލީ ހާލަތު ހުށަހަޅަން ޖެހޭ ގޮތަށް ރައީސް ވަނީ ނިންމަވައިފަ އެވެ. އަދި އެ ބަޔާންތައް އާންމު ކުރާނެ ކަމަށް ވެސް ސަރުކާރުން ބުނެ އެވެ.

ރައީސް އޮފީހުގެ ޗީފް ކޮމިއުނިކޭޝަން ސްޓްރެޓެޖިސްޓް އަދި ރައީސްގެ ތަރުޖަމާނު އިބްރާހިމް ހޫދު މިއަދު ވިދާޅުވީ މާލީ ބަޔާން ހުށަހަޅަން ވަކި މުއްދަތެއް ދީފައިވާ ކަމަށާއި އެ މުއްދަތު ފަހަނައަޅައި ދިއުމުގެ ކުރިން ވަޒީރުން މާލީ ބަޔާން ހުށަހަޅުއްވާނެ ކަމުގެ ޔަގީން ކަން އެބަ އޮތް ކަމަށެވެ.

"މިއީ މުޅިން އަލަށް ޕްރެކްޓިސް ކުރަމުން އަންނަ ކަމެއް. އެހެންވީމަ، މި ހުރިހާ ބޭފުޅުން ވެސް މާލީ ބަޔާން ހުށަހަޅާނެ ކަމުގެ އިތުބާރު އެބަ އޮތް. އެ މައުލޫމާތުތައް ވެސް ހާމަކުރާނަން،" ހޫދު ވިދާޅުވި އެވެ.

މިހާތަނަށް މާލީ ބަޔާން ހުށަހެޅުއްވީ ކިތައް ވަޒީރުން ކަން ހޫދު ހާމައެއް ނުކުރައްވަ އެވެ. އަދި މާލީ ބަޔާން ހުށަހަޅަން ޖެހޭ ވަކި މުއްދަތެއް ވެސް ވިދާޅެއް ނުވެ އެވެ. އޭނާ ވިދާޅުވީ އެ މައުލޫމާތު ފަހުން ހާމަކުރައްވާނެ ކަމަށެވެ.

ރައީސް އިބްރާހިމް މުހައްމަދު ސޯލިހުގެ ސަރުކާރުގެ ފުރަތަމަ 100 ދުވަހު ކުރާނެ ކަންކަން ބަޔާންކޮށް ސަރުކާރުން ނެރެފައިވާ ފޮތުގައި ބުނެފައި ވަނީ، ވެރިން އަދި އެ ބޭފުޅުންގެ ފިރިން ނުވަތަ އަނބިންގެ މާލީ ބަޔާން ހާމަކޮށް، ގަވާއިދުން އެ ބަޔާންތައް ރިވިއު ކުރެވޭނެ ގޮތް ހަމަޖައްސަން ވާނެ ކަމަށެވެ.

ސަރުކާރުގެ އަދި ސަރުކާރު ކުންފުނިތަކުގެ ވެރިންގެ މާލީ ބަޔާން އާންމު ކުރުމަކީ ގާނޫނީ ގޮތުން ލާޒިމު ކަމެއް ނޫނެވެ. އެކަމަކު މިއީ، ސަރުކާރުގެ ވެރިންނާއި މިނިވަން މުއައްސަސާތަކާއި ސަރުކާރުގެ ކުންފުނިތަކުގެ ވެރިންގެ މާލީ ބަޔާން ހާމަކުރަންޖެހޭ ގޮތަށް ނިންމި ފުރަތަމަ ފަހަރެވެ.

އާ ސަރުކާރުގައި ބަންޑާރަ ނައިބާ އެކު 20 ވުޒާރާއެއް ވަނީ އުފައްދައިފަ އެވެ.

ކެބިނެޓް ސިޔާސީ މަގާމުތައް މާލީ ބަޔާން މިނިވަން މުއައްސަސާތައް ރައީސް އޮފީސް ޕަބްލިކް ކުންފުނި އިބްރާހިމް ހޫދު، ކޮމިއުނިކޭޝަންސް ސްޓްރެޓެޖިސްޓް

4 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢައްޔޫ

02 December 2018

ދަރިންގެ ފައިނޭންޝަލްސްތައް ވެސް ބޭނުންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

15246

02 December 2018

ވަރަށް ރަނގަޅު ނިންމުމެއް. އިބޫގެ ވެރިކަމުގައި މިސާލު ދައްކަވައި ޔާމީން ހެދިހެން ސަރުކާރު ނިމިގެންދާއިރު ވަކިބަޔަކު މުއްސަނދިވެގެން ދިޔަނުދީ ހުރިހާ ރައްޔިތުން ފުދުންތެރި ކޮށްދެވޭތޮ ބަލާތި. އިބޫގެ ކޮލިޓީ ދައްކަން މިވަނީ ފުރުސަތު ލިބިފަ. އެހެން ނަމަވެސް އެތައްބައިވަރު ގޮންޖެހުންތަކާއެކު.