ކައުންސިލް މެމްބަރުންގެ އަދަދު މަދުކުރަން މަޖިލީހުން ފާސްކޮށްފި

ރައްޔިތުންގެ މަޖިލީހުގެ ޖަލްސާއެއްގައި މެމްބަރުންތަކެއް ބައިވެރިވެވަޑައިގަންނަވަނީ. މި އިސްލާހުގެ ސަބަބުން ކުރިއަށް އޮތް ކައުންސިލް އިންތިހާބުގައި އިންތިހާބުކުރާ ކައުންސިލަރުންގެ އަދަދު މަދުވާނެ. - ފޮޓޯ: މަޖިލިސް

މުހައްމަދު ޔާމީން، މިހާރު

17 އޯގަސްޓް 2016 - 14:09

11 comments

ރަށު ކައުންސިލާއި އަތޮޅު ކައުންސިލްތަކުގެ މެމްބަރުންގެ އަދަދު މަދުކުރަން ސަރުކާރުގެ ފަރާތުން ލޯކަލް ކައުންސިލް އިންތިހާބުގެ ގާނޫނަށް ހުށަހެޅި އިސްލާހު ރައްޔިތުންގެ މަޖިލީހުން މިއަދު ފާސްކޮށްފި އެވެ.

ވިލިނގިލީ ދާއިރާގެ ޕީޕީއެމް މެމްބަރު ސައުދު ހުސެއިން ހުށަހެޅުއްވި އިސްލާހު ފާސްވީ ވޯޓުގައި ބައިވެރިވެވަޑައިގެންނެވި 61 މެމްބަރުންގެ ތެރެއިން 38 މެމްބަރުންގެ ވޯޓާ އެކުގަ އެވެ. މި އިސްލާހާ ދެކޮޅަށް ވޯޓު ދެއްވީ 23 މެމްބަރެކެވެ. ވަކި ގޮތަކަށް ވޯޓު ނުދެއްވާ ހަތަރު މެމްބަރަކު ތިއްބެވި އެވެ.

ސައުދު ހުށަހެޅުއްވި އިސްލާހަކީ މީގެ ކުރިން އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް ގެނައި އިސްލާހާ ދާދި އެއް ކަހަލަ އިސްލާހެކެވެ. ލޯކަލް ކައުންސިލް އިންތިހާބު ބޯމަތިވެފައި ވަނިކޮށް މަޖިލީހުން ފާސްކުރި މި އިސްލާހުގެ ސަބަބުން ރަށު ކައުންސިލާއި އަތޮޅު ކައުންސިލްތަކަށް އިންތިހާބުކުރާ ކައުންސިލަރުންގެ އަދަދު ބޮޑު ތަނުން މަދުވެގެންދާނެ އެވެ.

މަޖިލީހަށް ހުށަހެޅި އިސްލާހުގައިވާ ގޮތުން 3000 މީހުންނަށް ވުރެ މަދު އާބާދީއެއް ހިމެނޭ ކޮންމެ ރަށެއްގެ ރަށު ކައުންސިލަށް އިންތިހާބު ކުރަން ޖެހޭނީ ތިން ކައުންސިލަރުންނެވެ. އަދި 3000 މީހުންނަށް ވުރެ ބޮޑު އާބާދީއެއް އޮންނަ ކޮންމެ ރަށެއްގެ ރަށު ކައުންސިލަށް އިންތިހާބު ކުރަން ޖެހޭނީ ފަސް ކައުންސިލަރުންނެވެ.

މީގެ އިތުރުން އަތޮޅު ކައުންސިލްގެ މެމްބަރުން އިންތިހާބު ކުރާއިރު، ދެ އިންތިހާބީ ދާއިރާއަށް ވުރެ ގިނަ އިންތިހާބީ ދާއިރާ ހިމެނޭ އިދާރީ ދާއިރާތަކުން އެ އިދާރީ ދާއިރާއެއްގެ އަތޮޅު ކައުންސިލަކަށް އިންތިހާބުކުރާނީ ކޮންމެ އިންތިހާބީ ދާއިރާއަކުން އެއް ކައުންސިލަރު ކަމަށް ވެސް އިސްލާހުގައިވެ އެވެ.

އޭގެ އިތުރުން ދެ އިންތިހާބީ ދާއިރާ ހިމެނޭ އިދާރީ ދާއިރާތަކުން އެ އިދާރީ ދާއިރާއެއްގެ އަތޮޅު ކައުންސިލަށް އިންތިހާބުކުރާނީ މުޅި އަތޮޅުން އިންތިހާބުކުރެވޭ ތިން ކައުންސިލަރުން ކަމަށް އިސްލާހުގައިވެ އެވެ.

ރައްޔިތުންގެ މަޖިލީހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. ކައުންސިލަރުންގެ އަދަދު މަދު ކުރަން މަޖިލީހަށް ހުށަހެޅި އިސްލާހު ވަނީ ފާސްކޮށްފައި. - ފޮޓޯ: މަޖިލިސް

ލޯކަލް ކައުންސިލް އިންތިހާބުގެ ގާނޫނު މިހާރު ބުނާ ގޮތުން އާބާދީ ބޮޑެތި ބައެއް ރަށްރަށުގައި ފަހަކަށް ވުރެ ގިނަ ކައުންސިލަރުން ތިބެން ޖެހެ އެވެ. އަދި ބައެއް އަތޮޅު ކައުންސިލްތަކުގައި ފަހަކާއި ދިހައަކާ ދެމެދުގެ އަދަދަކަށް ކައުންސިލަރުން ތިބެ އެވެ.

މީގެ އިތުރުން 10،000 މީހުންނަށް ވުރެ ގިނަ މީހުންގެ އާބާދީއެއް އޮންނަ ކޮންމެ ރަށެއްގެ ރަށު ކައުންސިލަށް ނުވަ މެމްބަރުންނާއި ފުވައްމުލަކުގެ ކޮންމެ އަވަށެއްގައި ހިމެނޭ ރަށު ކައުންސިލަށް ތިން މެމްބަރުން އިންތިހާބުކުރަން ޖެހޭ ގޮތަށް އޮތް އޮތުން އުނިކުރަން ވެސް މިއަދު ފާސްކުރި އިސްލާހުގައިވެ އެވެ.

ކައުންސިލަރުންގެ އަދަދު މަދުކުރަން މަޖިލީހަށް އިސްލާހު ހުށަހަޅައި ފާސްކުރިއިރު، މަޖިލީހުގެ މެމްބަރުންގެ އަދަދު 85 އަށް ވުރެ އިތުރުނުވާ ގޮތަށް ގާނޫނުއަސާސީ އަށް ގެނައި އިސްލާހަށް އެކަށީގެންވާ އަދަދަށް ވޯޓު ނުލިބިގެން އެ އިސްލާހު އިއްޔެ ވަނީ ފާސްނުވެފަ އެވެ. ގާނޫނުއަސާސީ އަށް ބަދަލުގެނެވޭނީ 64 މެމްބަރުންގެ ވޯޓުންނެވެ. އެ އިސްލާހު ފާސްކުރަން ވޯޓު ދެއްވީ 47 މެމްބަރެކެވެ.

ރައްޔިތުންގެ މަޖިލިސް ލޯކަލް އިންތިހާބު ރަށު ކައުންސިލް އަތޮޅު ކައުންސިލް ސިޓީ ކައުންސިލް އިލެކްޝަންސް ކޮމިޝަން ލޯކަލް ކައުންސިލްތައް

11 ކޮމެންޓް, 58 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިރާށި

16 November 2016

ރަށު ކައުންސިލްގައިވެސް އަތޮޅު ކައުންސިލްގައިވެސް ސިޓީ ކައުންސިލްގައިވެސް ހުންނަންވީ ރަށްޔިތުން އިންތިޚާބު ކުރާ އެކަކު 5 އަހަރު ދުވަހުގެ ޓަރމަކަށް. ދެން ތިބެންވީ ކޮންމެ އިންތިޚާބީ ދާއިރާއަކުން ޖަލްސާތަކަށް ހަމައެކަނި ހާޒިރުވާނެ މެންބަރުން. ހާޒިރުވާ ކޮންމެ ޖަލްސާއަކަށް އެލަވަންސެއް ލިބޭ ގޮތަށް. ތިން މެންބަރުން ތިއްބަސް ސޮއިކޮށްލާފައި ދާނީ ކޮފީއަށް. ނުވަތަ އުޅޭނީ ރަށުން ބޭރުގާ.ބޭކާރު ޚަރަދުތަކެއް ނަތީޖާއެއް ނުލިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

18 August 2016

ކައުންސިލަރުން އިންތިހާބުކުރިޔަސް ތިޔަ ލާމަރުކަޒީ ޤާނޫނުގެ މަގުސަދު ހާސިލެއްނުވޭ، ސަރުކާރުން އެމީހުން ބަލައިގަނެ އެމީހުން އެދޭ ތަރައްޤީ ނުގެނެވެންޏާ ކައުންސިލަރުން ތިބުމުގެ ބޭނުމެއްނެއް، ބޭކާރު ސިސްޓަމްތަކެއް އޮތުމުގެ މާނައެއްނެއް އެސިސްޓަމަށް ހިންދަމާލަން ފުރުސަތުނުދެންޏާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

18 August 2016

ބައެއް ކަންކަމުގަ ގާނޫނު އަސާސީއައް އިސްލާހު ގެނެވޭނީ 64 މެމްބަރުންގެ ވޯޓުން އެހެން ކަންކަމުގަ ގާނޫނުތައްހަދާ ގާނޫނުއަސާސީ ކޮށާހުސްކޮއްލަނީ އެބުނާ 64 މެމްބަރުންގެ ވޯޓެއް ބޭނުމެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑޭ

18 August 2016

އެމްޑީޕީއިން މަޖިލީސް މެންބަރުންގެ އަދަދު މަދުކުރުމަށް ތާއީދުނުކުރީތީ ހިތާމަކުރަން! ރަނގަޅުކަންކަންވެސް ސަރުކާރުން ހުށަހަޅައިފިއްޔާވާނެ ތާއިދުކުރަން. ދުނިޔޭގެ ކޮންގައުމެއްގަ ތޯ އޮތީ ކޮންމެ ދައުރަކުން ދައުރަކުން މެންބަރުން އިތުރުވާނެ އުށުލެއް! އެކަމަކު އަނގަފުޅާކޮއްފައި ބުނާނެ ދުނިޔޭގެ ތަހުޒީބީ ގައުމުތަކުގައި ކަންކުރާގޮތް ބަލާށޭ! ބަލަ އެމެރިކާ ގައި ސެނެޓްގަ ތިބެނީ އެންމެ 100 ކޮނގްރެސްގައި 450 މެންބަރުން އެއީ 300 މިލިއަންގެ ގައުމެއް! އިންޑިޔާގެ އާބަދީ 1.2 ބިލިއަން މަޖިލީހުގަ އެންމެ 547! އެމީހުނެއް ނުދުވޭ ކޮންމެ 5000 އަކަށް މެންބަރުން އިތުރުކުރާކަށެއް! މެންބަރުން އަދަދު ގިނަކުރަނީ 5000 މީހުންގެ ގަނެލަން ފަސޭހަވާނެތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

18 August 2016

ޢަމިޢްލަ އެދުމުން ފޯވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައާދު

17 August 2016

ރަށު ކައުންސިލްތަކަށް 3 މެންބަރުން ހޮވުން ރަނގަޅު. ނަމަވެސް ރަށު ކައުންސިލްތަކުގެ ދައުރު 5 އަހަރަށް ބަދަލުކުރުމަށް ފާސްނުކުރުމުން ހިތާމަ ކުރަން. ރައްޔިތުންގެ މެމްބަރުން މަޖިލީހުގައި މަސައްކަތް ކުރައްވަނީ އެބޭފުޅުންގެ އަމިއްލަ ފައިދާއަށް. މިއީ ވަރަށް ހިތާމަ ހުރި ކަމެއް. އަދި މިއީ އެ މެންބަރުންގެ ފަރާތުން ރައްޔިތުން އެދޭ ގޮތެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާހިދު

17 August 2016

ކޮބާ ފެނޭތަ ރަށްރަށުގެ ކައުންސިލަރުންނަށް މާލޭގެ އިޒަތްތެރި މެންބަރުން ކަންތައް ކުރާ ގޮތް. އިއްޔެ ހުށައެޅީ މެންބަރުން ލިމިޓްކުރަން، ފާހެއްނުވި. މިއަދު ހުށައެޅީ ކައުންސިލަރުން މަދުކުރަން، ފާސްކުރި ބަރާބަރަށް. މާދަމާ ދުރުވާނެ ކައުންސުލަރުން ކައިރިއަށް އިއްޒަތްތެރި މެންބަރުން ވޯޓް ހޯދަން. ފަސް ސަތޭކަ ރުފިޔާ ދިއްކޮށް ލާއިރަށް ކުރިން ކަންތައް ކުރި ގޮތް ޓަސްލާފައި ޑިލީޓްވީ. ދެން ވަރަށް ސަލާން. މީދާ ކޭ އުބެއް ބޮލަށް ޖަހައިގެން އުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާތި

17 August 2016

ލޯކަލް ކައުންސިލަރުންގެ އަދަދު މަދު ކުރަން ސަރުކާރުގެ ފަރާތުން ހުށައެޅި އިސްލާހަކީ އެއީ ރަނގަޅު އިސްލާހެކެވެ. އެއިސްލާހުގެ ސަބަބުން ދައުލަތުގެ ބަޖެޓަށް ވަރަށް ބޮޑު ލުޔެއް ލިބިގެން ދާނެއެވެ. މީ މިރާއްޖެ ބެޓަރ ކަންޓްރީ އަކަށް ހެދުމަށް ޓަކައި ކޮންމެހެން ބޭނުންވާ ކަމެކެވެ. އަދި މާލެ ސަރަހައްދުގައި އަހަރަކު 25 ހާސް ހައުސިންގް ޔުނިޓްސް ހިމެނޭ ފްލެޓްސް ތައް އަޅައިގެން ރާއްޖޭގެ ތިން ހާހުން ދަށް އާބާދީ ތައް މާލެ ސަރަހައްދަށް ބަދަލު ކުރަން މަސައްކަތް ކުރުމަށް ޓަކައިވެސް ގާނޫނެއް މަޖްލީހުން ފާސް ކުރަންވީ އެވެ. އެއިރުން ރާއްޖެ އެއްފަސް ވެގެން ވެސް އެދިޔައީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބީދު

17 August 2016

ބަލަ ތިޔަ ކަުންސިލަރުން ގިނަކުރީ އެމްޑީޕީ ސަރުކާރައް ޖެއްސުން. ކުރަން އޭރުގަ އޮތް ޕިޕީއެމް ކޮންޓުރޯލް ކުރާ މަޖިލީހުން ނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫ

17 August 2016

ބަލަ އެމްޑީޕީން ތިގޮތަށް ހުށަހެޅީމަ އެސަރުކާރަށް ޖެއްސުމަށް ތިމީހުން އަދަދު ގިނަކުރީ އެސަރުކާރުގެ އިޤްތިޞާދީ ސިޔާސަތު ފުނޑާލަން. ތިޔަ އިޞްލާހުންވެސް ހާމަވަނީ އެމްޑީޕީގެ ސިޔާސަތުގެ ހަރުދަނާކަން.