ޕީޕީއެމްގެ ކޮންގްރެސްގައި ރައީސް ޔާމީނާއި އެ ޕާޓީގެ ބައެއް އިސްވެރިން ބައިވެރިވެވަޑައިގަންނަވަނީ. ---ފޮޓޯ: ޕީޕީއެމް
30 ޖެނުއަރީ 2019 - 16:14
3 comments
ޕީޕީއެމް ލީޑަޝިޕާ މެދު ގާނޫނީ ސުވާލުތަކެއް އުފެދިފައި އޮތުމުން، އިލެކްޝަންސް ކޮމިޝަން (އީސީ) އިން ހިފެހެއްޓި އަށް މިލިއަން ރުފިޔާ ދޫކޮށްދޭން ފިނޭންސް މިނިސްޓްރީގައި މާދަމާ އެދޭނެ ކަމަށް އެ ކޮމިޝަނުން މިއަދު ބުނެފި އެވެ.
ސިޔާސީ ޕާޓީތަކަށް މި އަހަރު ކަނޑައެޅީ 24 މިލިއަން ރުފިޔާ އެވެ. މެމްބަރުންގެ ގޮތުގައި 45،865 ރަޖިސްޓަރީ ވެފައިވާ ޕީޕީއެމަށް ދޭން ނިންމީ 11.5 މިލިއަން ރުފިޔާ އެވެ. ދެ ބުރަކަށް ބަހާލައިގެން ޕާޓީތަކަށް ފައިސާ ދޫކުރިއިރު، ޕީޕީއެމްގެ އަށް މިލިއަން ރުފިޔާ އީސީން ހިފެހެއްޓީ އެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވީ ދައުލަތުގެ ބަޖެޓުން ޕީޕީއެމަށް ކަނޑައެޅި ފައިސާގެ ތެރެއިން މިހާތަނަށް ދޫނުކޮށް ހުރި 8.4 މިލިއަން ރުފިޔާ ދޫކޮށްދޭން ފިނޭންސް މިނިސްޓްރީ އަށް މާދަމާ ސިޓީއެއް ފޮނުވަން ކޮމިޝަނުން ނިންމާފައިވާ ކަމަށެވެ. އެ ފައިސާ ދޫކޮށްދޭން އެދެނީ، ޕީޕީއެމުން ބޭއްވި ކުއްލި ކޮންގްރެސް ސައްހަ ކަމަށް ސުޕްރީމް ކޯޓުން މިއަދު ހުކުމްކޮށްފައި ވާތީ ކަމަށް އޭނާ ވިދާޅުވި އެވެ.
މިދިޔަ އަހަރުގެ ރިޔާސީ އިންތިޚާބަށް ބޮޑެތި ޚަރަދުތަކެއް ކޮށް އެ ޕާޓީ އޮތީ ދަރަނިވެރިވެފަ އެވެ. ޕީޕީއެމުން ބުނެފައިވާ ގޮތުގައި އެ ޕާޓީގެ ދަރަންޏަކީ ވެސް އަށް މިލިއަން ރުފިޔާ އެވެ. ޕީޕީއެމަށް ދައުލަތުގެ ބަޖެޓުން ކަނޑައެޅި ފައިސާ ލިބުމުން ދަރަނި ދެއްކޭނެ ކަމަށް އެ ޕާޓީގެ އިސް ބޭފުޅުން ވަނީ ވިދާޅުވެފަ އެވެ.
ކެމްޕޭން ދަތުރުތަކަށް އައިލެންޑް އޭވިއޭޝަނަށް އެކަނި ވެސް 3.8 މިލިއަން ރުފިޔާ ދައްކަން ޖެހެ އެވެ.
ޕީޕީއެމަށް ކުރިމަތިވި ގާނޫނީ މައްސަލަތަކާ ހެދި، ޔާމީން ވަނީ ނެޝަނަލް ކޮންގްރެސް (ޕީއެންސީ) ގެ ނަމުގައި ސިޔާސީ ޕާޓީއެއް އުފެއްދުމުގެ މަސައްކަތް ފައްޓަވައިފަ އެވެ. ކޮންގްރެސް ޕާޓީ އުފެއްދުމުގެ ޖަލްސާ މިހާރު ބާއްވާފައިވާއިރު، ދެން އޮތީ ޕާޓީ ރަޖިސްޓަރީ ކުރުމުގެ މަރުހަލާ އެވެ. ޔާމީން އާ ސިޔާސީ ޕާޓީއެއް އުފައްދަވަނީ ޕީޕީއެމް މެދުވެރިކޮށް ސިިޔާސީ މަސައްކަތްޕުޅު ކުރިއަށް ގެންދަވަން ދަތިތަކެއް ކުރިމަތިވުމުންނެވެ.
އެކަމަކު ޕީޕީއެމްގެ ދަރަންޏާ ހެދި ކޮންގްރެސް ޕާޓީ ރަޖިސްޓަރީ ނުކުރެވުމުގެ ބިރު އެބައޮތެވެ.
ސިޔާސީ ޕާޓީތަކުގެ ގަވައިދަށް ގެނައި އިސްލާހުގައިވާ ގޮތުން، އަލަށް ޕާޓީއެއް އުފައްދަނީ ހިންގަމުން އަންނަ ޕާޓީއެއްގެ ލީޑަޝިޕުގެ މީހުންނަށް ވެފައި އެ ޕާޓީން އަދާކުރަންޖެހޭ ޒިންމާއެއް އަދާކޮށްފައިނުވާ ނަމަ، އާ ޕާޓީއެއް އުފައްދަން ދިން ހުއްދަ ބާތިލް ކުރެވިދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާރަނގާ - އައްޑޫ ސިޓީ
30 January 2019
ދައުލަތުގެ އެންމެއިސްރިޔާގެ ހައިސީއްޔަތުން މިފައިސާ ދޫނުކުރުމަށް ރައީސް ނިންނަމާންޖެހޭ. * * އޮޑިޓް އޮފީހާއި ދައުލަތުގެ ފައިނޭންޝަލް ކޮންޓްރޯލާރ އަދި ދައުލަތުގެ ކުންފުނިތަކުގެ ބެލެނިވެރިފަރާތް ފިނޭންސްމިނިސްޓްރީ މިކަމަށް ހުރަސްއަޅާ ހުއްޓުވާންޖެހޭ. * * އިއާދަނުކުރެވޭނެ ގެއްލުންލިބިދާނެތީ މިފައިސާދޫކުރުމުގެކުރިން މޯލްޑިވިއަންއިން ޔާމީންމެން ނަގާފައިވާ 3.4މ ރުފިޔާގެ ދަރަނީގެމައްސަލަ ސްޕްރީމްކޯޓާއިހަމައިންނިންމަންދެން ފައިސާ ހިފަހައްޓާން މަޖުބޫރުވޭ.
ހަސީނާ މޫސާ
30 January 2019
ދެން ވަރަށް މޮޅުކަމެއް، ޕީޕީއެމްވެސް ހަދަންވީ، ޕީއެންސީވެސް ހަދަންވީ، ދެން ހަމަ ފިނޭންސް އިން ފައިސާވެސް ދޭންވީ، ދެން ހަމަ ވެރިކަން ކުރީމަ ލިބޭ ފައިސާވެސް ދޭންވީ، ރައީސް ގެ އޮފީސް ހިންގަންވެސް ފައިސާދޭންވީ، މިއީ ޖުޑިޝަރީން ކުޅޭ ކުޅިގަނޑެއް، އަހަރުމެން ހީކުރީ ޓިނު ނަގައިގެން ފަނޑިޔާރުން ޖަލައްލި ހިސާބުން މިކަން ހުއްޓޭނެކަމަށް
ދާދޭ
30 January 2019
ރައްޔިތުންގެ ކުންފުންޏަށް ދައްކަންޖެހޭ ފައިސާ ކަނޑާފައި ނޫނީ ބައިތުލްމާލުން އެންމެ ރުފިޔާއެއްވެސް ދޫނުކުރާތި. އައިލެންޑް އޭވިއޭޝަނުން އެފައިސާ ހޯދުމުގެ މައްސަލަ އަވަހަށް ކޯޓަށް ހުށަހަޅުއްވާ.