އުތުރުގެ ބައެއް ރަށްރަށުގައި ބޮޑެތި މަޝްރޫއުތަކެއް

ނޮޅިވަރަމުގައި ނަރުދަމާގެ ނިޒާމު ގާއިމުކުރުމުގެ މަސައްކަތް މިނިސްޓަރު ތޯރިގް އިބްރާހިމް އިފްތިތާހުކޮށްދެއްވަނީ. -- ފޮޓޯ: އެންވަޔަރަމަންޓް މިނިސްޓްރީ

އާމިނަތު ޝިފްލީން، މިހާރު

27 އޯގަސްޓް 2016 - 20:28

17 comments

ރާއްޖޭގެ އެންމެ އުތުރުގެ ދެ އަތޮޅު ކަމަށްވާ ހއ. އާއި ހދ. ގެ ބައެއް ރަށްރަށުގައި ސަރުކާރުން ބޮޑެތި މަޝްރޫއުތަކެއް ފަށައިފި އެވެ.

އެންވަޔަރަމެންޓު މިނިސްޓްރީން ވަނީ ހއ. އިހަވަންދޫ ނަރުދަމާ ނިޒާމުގެ މަސައްކަތާއި އެ އަތޮޅު ދިއްދޫގައި ފެނުގެ ނިޒާމުގެ މަސައްކަތާއި ހދ. ނޮޅިވަރަމުގެ ނަރުދަމާ ނިޒާމުގެ އަމަލީ މަސައްކަތް ފަށައިފަ އެވެ. މި ހުރިހާ މަޝްރޫއުތަކެއް ވެސް ފައްޓަވައިދެއްވީ، އެންވަޔަރަމެންޓް މިނިސްޓަރު ތޯރިގު އިބްރާހިމް އެ ރަށްތަކަށް ކުރެއްވި ދަތުރުފުޅުގަ އެވެ.

ހއ. އިހަވަންދޫގައި ފެށި ނަރުދަމާ ނިޒާމުގެ މަސައްކަތަށް ސަރުކާރުން 66.5 މިލިޔަން ރުފިޔާ ހަރަދު ކުރާއިރު މަސައްކަތް ހަވާލުކޮށްފައި ވަނީ އެމްޑަބްލިއުއެސްސީއާ އެވެ. މި މަޝްރޫއުގެ ދަށުން އެ ރަށުގައި 17 ކިލޯ މީޓަރުގެ ނަރުދަމާ އަޅައި ފަސް ޕަންޕު ބަހައްޓާނެ ކަމަށް ތިމާވެއްޓާ ބެހޭ މިނިސްޓްރީން ބުންޏެވެ.

#MEE @Thoriqibrahim Inaugurates Groundbreaking Ceremony of Sewer Network System at Hdh.Nolhivaran. pic.twitter.com/hK69hC2hXP
— environment.gov.mv (@EnvGovMv) August 27, 2016

މިނިސްޓަރު ތޯރިގާއި ނޮޅިވަރަމުގެ ވެރިން އެ ރަށުގެ ނަރުދަމާ ނިޒާމުގެ މަސައްކަތް ފައްޓަވައިދެއްވަނީ

މި މަސައްކަތް ނިންމުމަށް ހަމަޖެހިފައިވަނީ އަންނަ އަހަރުގެ ޖުލައި މަހުގެ ތެރޭގަ އެވެ.

ސަރުކާރުގެ ބަޖެޓުން 53 މިލިޔަން ރުފިޔާ ހަރަދުކޮށްގެން ދިއްދޫގެ ފެނުގެ ނިޒާމު ގާއިމުކުރުމުގެ މަސައްކަތް ވެސް ފަށައިގެން ކުރިއަށް ދާއިރު މި މަސައްކަތް ހަވާލުކޮށްފައިވަނީ ސިއޭރާ މޯލްޑިވްސްއާ އެވެ. އެންވަޔަރަމެންޓް މިނިސްޓްރީން ބުނީ މި މަޝްރޫއުގެ ބައެއް މަސައްކަތްތައް މި އަހަރު ކުރީކޮޅުން ފެށިގެން ކުރަމުން އަންނާތީ އަހަރެއްހާ ދުވަހުގެ ތެރޭގައި މަސައްކަތް އެއްކޮށް ނިންމާލެވޭނެ ކަމަށެވެ.

އުތުރުގެ ބައެއް ރަށްރަށުގައި ފެށި މި މަސައްކަތްތަކުގެ ތެރޭން އެންމެ ބޮޑު ހޭދައެއް ސަރުކާރުން ކުރަނީ ހދ. ނޮޅިވަރަމުގެ ނަރުދަމާ ނިޒާމުގެ މަސައްކަތަށެވެ. އެގޮތުން މި މަޝްރޫއަށް 79 މިލިއަނެއްހާ ރުފިޔާ ސަރުކާރުން ހަރަދު ކުރެ އެވެ. އެމްޑަބްލިއުއެސްސީއާ ހަވާލުކޮށްގެން ކުރިއަށް ގެންދާ މި މަސައްކަތުގެ ދަށުން 240 ކިލޯ މީޓަރުގެ ހޮޅި އެޅުމަށް ހަމަޖެހިފައިވެ އެވެ.

އެންވަޔަރަމެންޓް މިނިސްޓަރު ތޯރިގް އިބްރާހިމް ވިދާޅުވީ މި ރަށްތަކުގައި ކުރިން ވެސް ސަރުކާރުން ބޮޑެތި މަޝްރޫއުތަކެއް ހިންގާފައިވާ ކަމަށާއި އެ ރަށްތަކަށް އެންމެ ބޮޑަށް ބޭނުންވާ ހިދުމަތްތައް ސަރުކާރުން ފޯރުކޮށްދޭނެ ކަމަށެވެ. އެގޮތުން އިހަވަންދޫގެ ކަރަންޓުގެ ހިދުމަތް އިތުރަށް ރަނގަޅުކޮށް، އެ ރަށުގައި ސްޕޯޓްސް އެރީނާއެއް އަޅައި އެ ރަށާއި ނޮޅިވަރަމުގެ ކުނީގެ މައްސަލައަށް ހައްލެއް ގެނައުމަށް އަންނަ އަހަރު އެ ރަށްރަށުގައި ވޭސްޓް މެނޭޖްމަންޓް ސެންޓަރެއް އަޅާނެ ކަމަށް މިނިސްޓަރު ވިދާޅުވި އެވެ. އަދި ދިއްދޫގައި ވެސް އިތުރު މަސައްކަތްތައް ސަރުކާރުން ފަށާނެ ކަމަށް އިއުލާނު ކުރެއްވި އެވެ.

ތަރައްގީގެ މަޝްރޫއުތައް އެންވަޔަރްމެންޓް މިނިސްޓްރީ ހއ. އިހަވަންދޫ ހއ. ދިއްދޫ ފެން ސަޕްލައިކުރުން ފެނާއި ނަރުދަމާ ތޯރިގް އިބްރާހިމް (ޓޫރިޒަމް މިނިސްޓަރު)

17 ކޮމެންޓް, 71 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ިނޭކުރެންދޫ

28 August 2016

ިނޭކުރެންދޫ ޖަލު ކޮބާ! ނޭކުރެންދޫ އެއްވެސް ކަމެ ނުކޮށް ދޭ|!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

28 August 2016

ކިތަންމެ ބިޔަ ބޮޑު މަޝްރޫއުއެއް ހިންގިޔަސް ޑިމޮކްރަސީނެތިއްޔާ ރައްޔިތުން ހިތްހަމަ ނުޖެހޭނެ، ޑިމޮކްރަސީ ކުރިއަށް އޭގެ ފަހުގައި ތަރައްޤީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާނު

28 August 2016

ސުރުހީކިޔާލުމުން ހީވީ ވަރަށް ގިނަ މަސައްކަތް ފޭށީހެން ؟ އެކަމަކު ތިންރަށެއްގެ މަސައްކަތުގެ ތެރެއިން އެއްރަށުގެ މަސައްކަތް އެއީ މިހާރުވެސް ފެށިގެން ހިގާ މަސައްކަތެއް ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކްސް

28 August 2016

ހެސްކިޔާފަ ޓެކްސް ނަގާއިރު ހެސްކިޔާފަ ޓެކްސްއަށް މަކަރުހަދާ މީހުން މާގިނަ. ދެން ކޯއްޗެއް ލިބޭނީ. ޓެކްސް ނަގައިގެން ތިބެނީކީއެއްނޫން. ކޮންމެ މީހަކަށް ހިލޭ ބޭސް، ހިލޭ ކާޑު، ހިލޭ މުސްކުޅިންގެ ފައިސާ، ނުކުޅޭދޭ މީހުންގެ ފައިސާ، ބަލާނެ މީހުންނެތް މީހުންނާ ކުޑަކުދިން ބެލެހެއްޓުން، އެކަނިވެރި މައިންނަށް ދޭފައިސާ، މިކަންކަމުގެ ހަގީގަތާ ދޭ ފައިސާއާ ދޭ މިންވަރާ ގޮސް ބަލާލަބަލަ ތިކަހަލަ ބޭކާރު އަނގަ ނުތަޅާ. ތަންދޮރު ކުޑަވެގެން ތިއުޅެނީ ކޮންކަމަކާތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކކ

28 August 2016

ދައްކާލުމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޯބެ

28 August 2016

ދިއްދޫގަ ފަށާފަ ހުރި އެއްވެސް ކަމެއް ކުރިޔަކަށް ނުދޭ ކީއްވެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަގަޅު މީހާ

27 August 2016

"ސަރުކާރުގެ ބަޖެޓުން 53 މިލިޔަން ރުފިޔާ ހަރަދުކޮށްގެން ދިއްދޫގެ ފެނުގެ ނިޒާމު ގާއިމުކުރުމުގެ މަސައްކަތް ވެސް ފަށައިގެން ކުރިއަށް ދާއިރު މި މަސައްކަތް ހަވާލުކޮށްފައިވަނީ ސިއޭރާ މޯލްޑިވްސްއާ އެވެ"ކޮމާކޯޅި ތެރޭގައިވާ ތޯރިގު ވިދާޅުވާ އެބަސްކޮޅަކީ ކަމުގެހަގީގަތެނޫންކަން ދިއްދޫގައިއުޅޭ ދިއްދޫ ރަތްޔަތުމީހެއްގެ ފަރާތުން ބުނެލަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުސިހޭނެ

27 August 2016

ރައީސް ޔާމިން އެ ވަޑައިގަންނަވަނީ ފަހަތް ބެލުމެއް ނެތި ކުރިއަށް ރާއްޖެ ނުދެކޭފަދަ ތަރައްގީ އާއި ތަމައްދުން ގެނެސް ދެއްވަމުން. ވޭތުވި ތިން އަހަރަކީ ރާއްޖެ އެންމެ އަވަސް ދުވެއްޔެއްގައިި ކުރި އަރައިގެން ދިޔަ ތިން އަހަރު. ރައްޔިތުން މިތިބީ އުފަލާއެކީ ރައީސް ޔާމިން ފަހަތްޕުޅުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައި

27 August 2016

މި ސަރުކާރު މާ ރަގަޅުކޮށް ކޮމެންޓް ކުރާ ކުދިންނަށް ސަލާމް އަށް ފަހު ދަންނަވަމެވެ، ޓެކްސް ހެސް ކިޔާފަ ނަގައިގެން ރަށެއްގަ ކަމެއް ކޮށްލާއިރަށް ޓެކްސް ނުނަގާ ކަންކަން ކޮށް ދިން ވެެރިންނާ އަޅުވާ ތި ކިޔަނީ ހަމަ ވާނުވާ ނޭގިގެން ހެއްޔެވެ؟ ނޫނީ އިތުރަށް ރައްޔަތުންނަށް އޮޅުވާ ލުމަށް ހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުހުންނާނެ

27 August 2016

މިހަފްތާގައި އަޑުއިވިގެން މިދިޔައީ އެއީ އުތުރުގައި ބޮޑެތި މަޝްރޫއު ތައް ހިނގަމުން ދާ އަޑެވެ. ދެން އަންނަ ހަފްތާގައި އަޑު އިވިގެން ދާނީ ދެކުނު ގައި ބޮޑެތި މަޝްރޫއު ތައް ފެށިގެން ދާ އަޑެވެ. މިފަދަ އުފާވެރި ޚަބަރު ތައް ދެން އަޑު އިވޭނީ މުޅިން ވެސް ރާއްޖޭގެ މަޝްރަހުން. މިހެންވީމާ ދެން މިވެރިކަން ވައްޓާލަން ނިކުންނާނެ ދިވެހި ރައްޔިތަކު ނުހުންނާނެ ނޫންތޯއެވެ.