ނައިބު ރައީސް މިއަދު ލ. ގަމުގައި ބޭއްވި އެމްޑީޕީގެ ސައިކަލް ބުރުގައި ބައިވެރިވެވަޑައިގަންނަވަނީ.
15 މާޗް 2019 - 20:11
27 comments
ނައިބު ރައީސް ފައިސަލް ނަސީމް އެމްޑީޕީގެ ކެމްޕެއިނަށް ލ. އަތޮޅަށް މިއަދު ވަޑައިގެންފި އެވެ.
ޖުމްހޫރީ ޕާޓީގެ ސްލޮޓެއްގައި ނައިބު ރައީސް ކަމަށް ވަޑައިގެންނެވި ފައިސަލް ވަނީ ލ. ގަމަށް ވަޑައިގެން އެ ދާއިރާ އަށް އެމްޑީޕީގެ ޓިކެޓުގައި ވާދަކުރައްވާ ކުރީގެ ނޫސްވެރިޔާ މުހައްމަދު ވިސާމަށް ތާއީދު ހޯއްދެވުމަށް ބޭއްވި ސައިކަލް ބުރެއްގައި ބައިވެރިވެވަޑައިގެންފަ އެވެ.
މިއީ ފައިސަލް ކެމްޕެއިން ހަރަކާތެއްގައި ބައިވެރިވެވަޑައިގެންނެވި ފުރަތަމަ ފަހަރެވެ. އެމަނިކުފާނު މިއަދު ގަމަށް ވަޑައިގަތުމުން މަރުހަބާ ދެންނެވީ އެމްޑީޕީގެ ސަޕޯޓަރުންނެވެ.
ނައިބު ރައީސް މިއަދު ލ. ގަމަށް ވަޑައިގަތުމުން އެ ރަށުގައި ދިރިއުޅޭ ރައްޔިތުން އެމަނިކުފާނަށް ހޫނު މަރުހަބާ އެއް ދަންނަވަނީ. --ފޮޓޯ:އެމްޑީޕީ
ނައިބު ރައީސް ފައިސަލް، ވިސާމަށް ތާއީދު ކުރައްވައި ކެމްޕެއިން ހަރަކާތެއްގައި ބައިވެރިވެވަޑައިގެންނެވި އިރު، ގަމު ދާއިރާ އަށް ޖުމްހޫރީ ޕާޓީގެ ޓިކެޓުގައި ވާދަކުރައްވަނީ އާދަމް އާސިފެވެ. އާސިފަކީ ކުރީގެ ރައީސް އަބްދުﷲ ޔާމީންގެ ވަކީލުންގެ ޓީމުގައި ވެސް ހިމެނިވަޑައިގަންނަވާ ބޭފުޅެކެވެ.
ފޮނަދޫ ދާއިރާ އަށް އެމްޑީޕީގެ ޓިކެޓްގައި ވާދަކުރާ ގާނޫނީ ވަކީލް މޫސާ ސިރާޖުގެ ކެމްޕެއިން ހަރަކާތްތަކުގައި ވެސް ނައިބު ރައީސް ބައިވެރިވެވަޑައިގެންނެވި އެވެ. އެކަމަކު، ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ތާއީދު އޮތީ އެ ދާއިރާ އަށް ވާދަކުރައްވާ ކޮންގްރެސް ޕާޓީގެ ލީޑަރު އަދި މިހާރު ވެސް ދާއިރާގެ މެމްބަރު އަބްދުއްރަހީމް އަބްދުﷲ އަށެވެ.
ނައިބު ރައީސް މިއަދު ލ. ގަމަށް ވަޑައިގެން، އެ ދާއިރާގެ އެމްޑީޕީގެ ޓިކެޓުގައި ވާދަކުރައްވާ ވިސާމް (ވ) އާ އެކު ފޮޓޯއަކަށް ހުއްޓިގެން.
ފަހަކަށް އައިސް، ޖޭޕީގެ ލީޑަޝިޕްގައި ތިއްބެވި ބައެއް ބޭފުޅުން މަޖިލިސް އިންތިހާބުގައި ވާދަކުރައްވާ އެމްޑީޕީގެ ކެންޑިޑޭޓުންނަށް ތާއީދު ކުރައްވާތީ ގާސިމް ވަނީ ހިތްހަމަޖެހިވަޑައިނުގެންފަ އެވެ. އަދި ޖޭޕީގެ ސިޔާސަތުތަކާ ދެކޮޅު ޖޭޕީގެ ބޭފުޅުންނަށް ގާސިމް ވަނީ ވަރަށް ބޮޑަށް ފާޑު ވިދާޅުވެފަ އެވެ.
ޖޭޕީ ކައުންސިލްގެ ވަޓްސްއެޕް ގްރޫޕްގައި ސަރުކާރުގެ އެކިއެކި މަގާމުތަކުގައި ތިއްބެވި ޖޭޕީގެ މެމްބަރުންނަށް އިޝާރާތް ކުރައްވައި ގާސިމް ވިދާޅުވީ އެބޭފުޅުންނަށް މަގާމު ލިބިވަޑައިގަތީ ޖޭޕީގެ "ބުރަކަށި މަތިން"ނާއި ޕާޓީ އަށް "ސަވާރުވެގެން" ހުންނެވީމަ ކަމަށެވެ. ޖޭޕީ ނިކަމެތި ކަމުގައިވިޔަސް، އެ ލިބުނު މަގާމެއް ވެސް ލިބިވަޑައިގެންފައި ވަނީ ޖޭޕީއާ ހުރެ ކަމަށް ވެސް ގާސިމް ވިދާޅުވި އެވެ.
"ވީ އިރު، އިހްލާސްތެރިވުމަކީ ތެދުވެރިވުމަކީ، އަމާނާތްތެރިވުމަކީ އިންސާނިއްޔަ ވަންތަކަމަކީ މި ނިކަމެތި ޖޭޕީ އަށް ހިދުމަތްކޮށް ދިނުން. ޖޭޕީ ނިކަމެތި ވާނެ ކަމެއް ނުކުރެއްވުން،" ގާސިމް ވިދާޅުވި އެވެ.
ޖޭޕީގެ ލީޑަޝިޕްގެ ބައެއް ބޭފުޅުންނާއި ގާސިމާ ދެމެދު ބޮޑެތި ހިޔާލުތަފާތުވުންތަކެއް އުފެދުނީ އިންތިހާބުގައި ޕީޕީއެމް/ކޮންގްރެސް ޕާޓީގެ ބައެއް ކެންޑިޑޭޓުންނަށް ތާއީދުކުރެއްވުމަށް ގާސިމް ނިންމެވުމުންނެވެ.
ޕީޕީއެމް ކެންޑިޑޭޓުންނަށް ޖޭޕީން ތާއިދުކުރަން ދެކޮޅު ހަދާ ބޭފުޅުންގެ ތެރޭގައި ގާސިމްގެ އަނބިކަނބަލުން އަދި ޓްރާންސްޕޯޓް މިނިސްޓަރު އައިޝަތު ނަހުލާ އާއި ޖޭޕީގެ ރައީސް އަދި ޓޫރިޒަމް މިނިސްޓަރު އަލީ ވަހީދު އަދި އެންވަޔަރްމަންޓް މިނިސްޓަރު ހުސައިން ރަޝީދު ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
16 March 2019
މިހިރީ މިމީހުންގެއަމިއްލައެދުންހުރިވަރު ތިމާއައްމަގާމުލިބުނީ ޖޭޕީގެ ބުރަމަސައްކަތުން އެކަމުޕާޓީގެކެންޑިޑޭޓެއްނުކުމެހުއްޓާ އެމްޑީޕީގެކެންޑިޑޭޓައް ތާއީދުކުރުމަކީ އަމިއްލައެދުމުންފޯވެފައިވާމިންވަރު ދައްކުވައިދޭކަމެއް ގާސިމްއައް ގޮވާލަން ޕާޓީގެކެންޑިޑޭޓައް ތާއީދުހޯއްދެވުމައް މިދާއިރާއައް ދަތުރެއްކޮށްދެއްވުމަށް
ޔާންޓޭ ޕޕމ
17 March 2019
ތިޔަ ފެންނަނީ ހައްޤު ފެނި އެއަށް ތަބާވާމީހުން
އަލީ ރަމީޒު
16 March 2019
އަނިޔާވެރި ބަޔަކާ ގުޅޭނީވެސް އަނިޔާވެރިން، ނިިމިދިޔަ ވެރިކަމަކީ އަނިޔާވެރި ވެރިކަމެއް. ގާސިމަށް އެކަން ނޭންގެނީތޯ
ޝުކުރިއްޔާ ގައުމު
15 March 2019
ގާސިިމު ޫ ޫ ކިތައް ފަހަރު ކަށި ޖަހަންވީ؟ މިހާރު ތިހިރީ ހޭ އަރާފަތަ؟ އަދިވެސް ރީނދޫ ބާގައަށް ހޭހަން ކުރާނަމުތަ؟ ރަނގަޅު ބޮނޑިއެއް ބޮވިއްޖެނު.
ޔާންޓޭ ޕޕމ
17 March 2019
ޔާމީނުގެ ހުރަގޭން އަމިއްލަ ނަފުސާއި ދަރި ނެރެ މިނިވަން ކުރީ ތިޔަ ބުނާ ރީނދޫ ލަސްކަރު!!
ނައިބު
15 March 2019
ގައުމުގެ ނައިބު ރައީސަށް ވީމަތޯ ސައިކަލް ގެ ލޯގަނޑުވެސް ހަރުކުރަން ނުޖެހެނީ؟ ނިކަމެތި ރައްޔިތު މީހާނަމަ މިހާރު އެކައުންޓްގަ އެންމެ ރުފިޔާ އެއްވެސް އޮތަކަ ނުދޭނެ. މިއޮތީވާ ޤައުމެއް.
ސަނީން
15 March 2019
އެމްޑީޕީ އާ ގުޅިމައް ފެނޭ
ސްޓރެޗް
16 March 2019
ގާސިމް ސަރުކާރާ ދެބަސްވާއިރަށް އޭނާ އެކަން ކުރާނެ.
ޖޮއްބެ
15 March 2019
ރަތްފޮތިގަނޑު ދެއްކީމާ ގެރި އެއާދިމާލަށް ދާހެން ރީނދޫ ފޮތިގަނޑު ދެއްކީމާ ހަމަ އެއާދިމާލަށް ދެވެނީ އިނގޭތޯ ގާސިމް.
ޟަޑު
15 March 2019
ސީރިއަސްކޮން ކިހިނެއްތަ މިވަނީ. ޖޭޕީ ކަންގުރެސް އުން ނިންމީ ޔާމިންގެ ޕަޕެޓުންނަ ތާއީދު ކުރަން. ޢެކަމަކު އެނިންމި މީހުން މިއުޅެނީ އަންނީގެ ޕަޕެޓުންނާ އެކީ. ޢެހެންވީމަ މިއަހަނީ ކިހިނެއްހޭ މިވަނީ.
މަސާޖު ހާނާ
15 March 2019
ގާސިމުގެ ބާރު ޖޕގަނެތްކަން ދައްކަން ގާސިމުގެ އަރިސްމީހުން ފާޅުގަ ގާސިމާ ދެކޮޅަށްނުކުތުމުން ދެރަލިބެނީ ޔާމީނަކަށްނޫނޭ ދަރަލިބެނީ ގާސިމަށް ޖޕއަށް. ޖޕގެ ކެންޑިޑޭޓަކު ވާދަކުރާ ދާއިރާގެ ޖޕގެ ވާދަވެރި މޑޕ ކެންޑިޑޭޓު ހޮވަން ނާއިބުރައީސް ނުކުތުމުން ޕޕމއަށް ވާނެއެއްކަމެވެސް. ދެރަދެވެނީ ގާސިމަށް. މާކުރިންވެސް ރައްޔިތުންބުނެފި ލަހެނުވެ ނާއިބު ޕާޓީ ބަދަލުކުރާނެއޭ މަގާމުލިބުމުން. ދިވެހި ގައުމުގެ މިނިވަންކަމާ ދީންނަށް ގެއްލުންދޭބަޔަކަށް ޕޕމގެ ތާއިދެނުލިބޭނެ.
ތަމެންގެ މަމެން
15 March 2019
ޕޕމ އަކަށް ތާއީދެއް ނެތޯ.. ހަހަ..
އެނގިއްޖެ!
15 March 2019
ޤާސިމްއަކީ ހިއްތިރިކަމުގެ މިސާލެއްނެތްފަދަބޭފުޅެއް އޭގެމިސާލަކީ ޤާސިމްއައްކޮންމެ ހަމަލާއެއްދިނަސް އަނެއްދުވަހުއެކަން ހަނދާނައްތާލާފަ އެބަޔަކާއެކީ ޤައުމީމަސައްކަތުގަހުންނަވާނީ އަނެއްކާވެސްލަނޑެއްދެންދެން ދެހާސްއަށެއްގާނަޝީދުވެސް ޤާސިމްއައްދިންގެއްލުން ވަކިކުޑައެއްނޫން އެފަހަރުވެސްޤާސިމް ޖަލައްލި ވިޔަފާރިވެސް ހަލާކުކޮއްލަންމަސައްކަތްކުރި އެކަމަކު މިފަހަރުވެސް ވެރިކަމައްއާދެވުނީ ޤާސިމްކުރިމަސައްކަތުން އެހެންވީމާމިބުނީހިއްތިރިކަމުގެމިސާލެއްނެތޭ
falcon_autho
15 March 2019
މޮޔަމީހުންނަށް ވެސް ޖެހިގެން އަންނަ ގަޑީގައި ހަނދާނެއް ނުހުންނާނެ ކުރީގައި ހިނގިކަމެއް. ވަކިކަމެއްގެ ދަހިވެތިކަން މީހާގެ ސިކުނޑި މޮޔަކޮށްލާ.
1111
15 March 2019
އެއީ ހިތް ތިރީ އކީނޫން. މިންވަރަށް ވުރެ އެދުންވެވެރިކަން ބޮޑީ. މީހާ މޮއްކޯރައީ މާބޮދަށް. ވެރިކަމަށް އާދެވެން އޮތްހެން ހީވާ ކޮންމެ ގޮތެއް ވަރިކަމައީ. އެކަމަށް ރާއްވާ އަޅާފަ ހުރީ.
ހިތާދޫ ފޮށާ
15 March 2019
އެއްބައިވަންތަކަމުގެ ސަރުކާރުގާ ހުރިހާކަމެއްވެސް ހިނގާނީ އެއްބައިވަންތަކޮށް. އެހެންވީމާ މައްސަލައަކީ ކޮބާ؟