ހުޅުމާލޭގެ ގެ އަކުން އަތުލައިގަތް މަސްތުވާތަކެތި.---ފޮޓޯ: ޕޮލިސް
04 ޖޫން 2019 - 15:51
52 comments
ހުޅުމާލޭގެ ގެ އަކުން ތިން ކިލޯގެ މަސްތުވާތަކެއްޗާ އެކު ހައްޔަރު ކުރި ދެ މީހުންގެ ތަހުގީގު ނިމެންދެން ބަންދުގައި ބައިތިއްބަން އަމުރު ހޯދަން ކްރިމިނަލް ކޯޓަށް ގެންދިއުމުން އެ ދެ މީހުން މިއަދު ދޫކޮށްލައިފި އެވެ.
ފުލުހުން ބުނީ، އުމުރުން 25 އަހަރުގެ ދިވެހި ފިރިހެނަކާއި 52 އަހަރުގެ ދިވެހި އަންހެން މީހާ ކޯޓުން ދޫކޮށްލާފައިވާ ކަމަށެވެ.
ފުލުހުން ބުނިގޮތުގައި އެ ދެ މީހުން ދޫކޮށްލީ ޖިނާއީ އިޖުރާއަތުގެ ގާނޫނުގެ 32 ވަނަ މާއްދާ (ހ) ގެ 12 ވަނަ މާއްދާ އަށް ރިއާޔަތް ކޮށެވެ. އެއީ ކޯޓު ނެރޭ އަމުރުގައި ފަނޑިޔާރުގެ ނަމާއި ސޮއި އަދި ތައްގަނޑު ޖެހުމާ ގުޅޭ މާއްދާ އެވެ.
އެނގިފައިވާ ގޮތުގައި ތުހުމަތު ކުރި ދެ މީހުންގެ ބަންދުގެ މުއްދަތު ނުޖަހައި ކްރިމިނަލް ކޯޓުން ދޫކޮށްލީ އެ މީހުން ހައްޔަރު ކުރުމަށް ހުޅުމާލޭ ކޯޓުން ނެރުނު އަމުރުގައި ގާޒީގެ ނަން ނެތުމުންނެވެ. އެހެންވެ، ހުޅުމާލޭ ކޯޓުން ނެރުނީ ސައްހަ އަމުރަކަށް ނުވާތީ އެ ދެ މީހުން ދޫކޮށްލީ ކަމަށް އެނގިފައި ވެ އެވެ.
ފުލުހުން ބުނީ އެ ގެއިން މަސްތުވާތަކެތި ފެނުނީ އެތަކެތީގެ ވިޔަފާރި ކުރާ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތުތަކާ ގުޅިގެން، ރޭ ދަންވަރު ތިނެއް ޖަހާކަން ހާއިރު ހިންގި އޮޕަރޭޝަނެއްގައި ކަމަށެވެ.
ފަހަކަށް އައިސް ފުލުހުން ހިންގާ ތަފާތު އޮޕަރޭޝަންތަކުގައި އަތުލައިގަންނަ މަސްތުވާތަކެތީގެ އަދަދު އިތުރުވެފައިވާއިރު، މިހާތަނަށް ވެސް ގިނަ ބަޔަކު ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާޒީ
07 June 2019
ތިން ކިލޯ ވެސް އެމީހުންނަށް ބާ؟؟؟
ޟާމިދު
05 June 2019
3 ކިލޯ ގެ މަސްތުވާ ތަކެއްޗާއެކު ހައްޔަރު ކުރުމުނަ ދެން އިތުރު ކަމެއް ކުރަން ނުޖެހޭގޮތަށް ގާނޫނު އިސްލާހު ކޮށްބަލަ
މުރާސިލު1
05 June 2019
އަނެއްކާ ބާތިލް ކޯޓް އަމުރަކުން ހޯދި މަސްތުވާ ތަކެތި ކަމަށް ޝައްކުކުރެވޭ ސާމާނު އޭގެ ވެރިފަރާތާއި ހަވާލުކުރުމަށް އަމުރު ނުކުރޭބާ.. މިއޮތީވާ ގައުމެއް.. ވަރަށް ސަލާމް
މަ މިއު މަ
05 June 2019
ޣާޒީގެ ނަން ނެތީމަ އެވީ ދޫކޮއްލަން؟
އިސްލާހު
05 June 2019
ޣާޒީ ގެ ނަން އޮތަސް ނެތަސް އެމީހުން ކުއްވެރި ނުވާކަމަކަށް ނުވާނެއެވެ.
ލަކި ލަކި
05 June 2019
ނުގަވައިދުން ހެކި ހޯދުމަކީ މަނާ ކަމެއް. އިސްލާމް ދީނުގައި ޝަރީއަތް ކުރާނީ ބޭރުފުށަށް. ހިސާބް ބައްލަވާ ދުވަހުން އެންމެ ފުހިހަމަ ޖަޒާ ލިބޭނީ.
ޢޙަމީދު
05 June 2019
ދޫނުކޮށް ބަންދުގައި ބަހައްޓަން އަންގާ އެލިޔުން އިސްލާހުކުރަން އެންގިދާނެނު, ކޯޓުތަކުގެ ގުޅުން ކުޑަކަންސަަބިތުވޭ
ބްރޯ
05 June 2019
އަޅެ ފެންކޭސްނެގި ސޮރަށް ވީގޮތެއްބުނެދީބަލަ
ބޭބެ
05 June 2019
ސަރުކާރު ނުހިންގަޔޭ
މަގުފުޅާޓިނު
05 June 2019
ވަރަށް ޒާތަކަށް ހަދާފަ ހުންނައެއްޗެއް ތިޔަ ޤާނޫނަކީ، މީގެ އަހަރުތަކެއް ކުރިން، މައްޗަން ގޮޅި ގެއެއްގެ ޒުވާން ދެމަފިރިއަކު މަސްތުވާ އެއްޗިއްސާއެކު ހައްޔަރުކުރި، ބަންދުގެ މުއްދަތު އިތުރު ކުރަން ގެންދިޔަ މަގުމަތީ ގަނޑިހަމަވިއްޔޯ، ދެން ފުލުހުންނަށް ޖެހުނީ އޭނާ ދޫކޮށްލާށޯ، އަދި އަދާހަމަޔަށް ދާންދެންވެސް އެހުރީ މިނިވަނެއްގެ ގޮތުގަ، ބޮޑު ޖޯކެއްނު، ކުރާ މަސައްކަތެއް ނޭގެ ޓިސްޓިސް ގެންގުޅޭ ލަވަ ކިޔާލާފަ، ދުއްވަނީ އަގު ބޮޑެތި ކާރު.
ކޮކްޓެއިލްރައީސް
05 June 2019
މިފެންވަރުގެ ގާޒީން މިތިބެނީ، ދެން އެއްޗެއްބުނެފިއްޔާ އެމީހަކު ހައްޔަރުކޮށް އުލު ބައިންދާނެ ގާޒީގެ އަބުރު ކަތިލިއްޔޭ ކިޔާފަ، އަމުރެއް ނެރޭއިރު ނަންޖަހަންޖެހޭ ކަމެއްވެސް ނޭގެ، ކޮންވައްތަރު ފަނޑިޔާރު.