މޯދީގެ ދަތުރުފުޅާ ގުޅޭ ގޮތުން، ރާއްޖޭގެ ފޮރިން މިނިސްޓްރީގެ ސްޓޭޓް މިނިސްޓަރު ޚަލީލް މިއަދު މީޑިއާއާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
07 ޖޫން 2019 - 16:42
26 comments
އިންޑިއާގެ ބޮޑުވަޒީރު ނަރެންދުރަ މޯދީ މާދަމާ ރާއްޖެ އަށް ފައްޓަވާ ދަތުރުފުޅުގައި، އެ ގައުމުން ރާއްޖޭގައި ގާއިމް ކުރަމުން އަންނަ ރާޑަރު ސިސްޓަމްތައް އިފުތިތާހު ކޮށްދެއްވާނެ ކަމަށް ފޮރިން މިނިސްޓްރީން މިއަދު ބުނެފި އެވެ.
ރާއްޖޭގެ ފޮރިން މިނިސްޓްރީގައި ބޭއްވި ނިއުސް ކޮންފަރެންސެއްގައި ސްޓޭޓް މިނިސްޓަރު އަހުމަދު ޚަލީލް ވިދާޅުވީ، ޅ. މާފިލާފުށީ ގައި ހަދާފައިވާ ސިފައިންގެ ކޮމްޕޮސިޓް ޓްރޭނިން ސެންޓަރު މޯދީ ހުޅުއްވައި ދެއްވައި، ރީޖަނަލް ރާޑަރު ސިސްޓަމް އިފުތިތާހު ކޮށްދެއްވާނެ ކަމަށެވެ.
"އެކަން ކުރައްވާނީ ރިމޯޓް ލިންކަކުން،" ޚަލީލް ވިދާޅުވި އެވެ.
ދެ ދުވަހުގެ މުއްދަތަށް މޯދީ ރާއްޖެ އަށް ކުރައްވާ ދަތުރުފުޅުގެ އިންތިޒާމުތައް ހަމަޖެހިފައިވާ ގޮތުގެ ތަފުސީލް ދެއްވަމުން ޚަލީލް ވިދާޅުވީ، ރަސްމީ ހުރިހާ ޕްރޮގްރާމްތަކެއް މާދަމާ ރޭ ނިމޭނެ ކަމަށެވެ. މޯދީ ރާއްޖެ އިން ފުރާވަޑައިގަންނަވާނީ އާދިއްތަ ދުވަހުގެ ހެނދުނެވެ.
އިންޑިއާ އިން ރާއްޖޭގައި ގާއިމް ކުރަމުން އަންނަ ކޯސްޓަލް ރާޑާ ސިސްޓަމަކީ އިންޑިއާ ކަނޑުގެ ސަލާމަތާއި ރައްކާތެރިކަމަށް ދެ ގައުމު ގުޅިގެން ކުރާ މަސައްކަތުގެ ތެރޭގައި ހިމެނޭ ކަމެކެވެ.
މޯދީގެ ދަތުރުފުޅުގެ ރަސްމީ ޕްރޮގްރާމް
މޯދީ އަށް މާލެ އިން ރަސްމީކޮށް މަރުހަބާ ދެންނެވުން އޮންނާނީ މާދަމާ ހަވީރު 4:00 ގައި ޖުމްހޫރީ މައިދާނުގަ އެވެ. އެ އަށް ފަހު އޭނާ ރައީސް އޮފީހަށް ވަޑައިގެން ދެ ގައުމުގެ ރަސްމީ ވާހަކަތައް ރައީސް އިބްރާހީމް މުހައްމަދު ސޯލިހާ އެކު ބާއްވަވާނެ އެވެ. ދެ ގައުމުގެ ދެމެދުގައި އެމްއޯޔޫތަކުގައި ސޮއިކުރުން އޮތީ ރަސްމީ ވާހަކަތަކަށް ފަހު އެވެ.
އިންޑިއާގެ ބޮޑުވަޒީރު މޮދީ މާދަމާ ހަވީރު ރާއްޖެ ވަޑައިގަންނަވާނެ.
އެމްއޯޔޫތަކުގައި ސޮއިކުރުމުގެ ރަސްމިއްޔާތަށް ފަހު ރައީސް އިބްރާހީމް މުހައްމަދު ސޯލިހާއި މޯދީ ބާއްވަވާ ގުޅިފައިވާ ޕްރެސް ކޮންފަރެންސެއް ވެސް އޮންނާނެ ކަމަށް ޚަލީލް ވިދާޅުވި އެވެ. ރައްޔިތުންގެ މަޖިލީހުގައި މޯދީ ތަގުރީރު ކުރައްވާނީ އޭގެ ފަހުންނެވެ. އެއ
މޯދީގެ ޝަރަފްގައި ރައީސް ދެއްވާ ޖާފަތެއް ވެސް މާދަމާ ރޭ ކުރުނބާ މޯލްޑިވްސް ގައި އޮންނާނެ އެވެ.
މޯދީގެ ދަތުރުފުޅުގައި ރައީސް އިބްރާހިމް މުހައްމަދު ސޯލިހްގެ އިތުރުން ދެން ބައްދަލުކުރައްވާނީ ނައިބު ރައީސް ފައިސަލް ނަސީމާއި ކުރީގެ ރައީސް މައުމޫނު އަބްދުލްގައްޔޫމާއި ހޯމް މިނިސްޓަރު އިމްރާން އަބްދުﷲ އަދި ޖުމްހޫރީ ޕާޓީގެ ލީޑަރު ގާސިމް އިބްރާހީމާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމަ
08 June 2019
ބަލަ އިންޑިޔާގެ ސަލާމަތީ ކަންކަން ބަލަހައްޓަން ރާއްޖޭގައި އިންޑިޔާގެ ރާޑަރު ސިސްޓަމް ބަހައްޓަން ޖެހުނު ސަބަބެއް ހަމައެއްގޮތަކަށްވެސް ނުވިސްނުނު.. ބިމާ، މީހުންނާ، ވަޞީލަތްތަކާއި ހުރިހާއެއްޗެއްހުރީ އެތަނުގަ.. ހިނިއަންނަނީ..
ީިހުވަދޫ މަސްވެރިޔާ
08 June 2019
ދިވެހީންނޭ ހޭ އަރާ ! މިއީ މުސްތަގިއްލު ގައުމެއް ،މިގައުމުގެ ސަލާމަތާއި ރައްކާތެރި ދެމެހެއްޓުމަކީ ރައްޔިތުން އައްޔަން ކުރާ ސަރުކާރު ތަކަށް ލާޒިމް ވާކަމެއް ،މިކަން ތަކެއް މޯދީ ކުރާކަށެއް ނުޖެހޭނެ މިގައުމަކީ މުއްސަތި ގައުމެއް. މޯދީ އަސް ބަރޯސާވާން ޖެހޭ ގައުމެއް ނޫން ވ ސާފު.
ނުވަވަނަ ހަސަނުގެ ރަދީފު
08 June 2019
މިހުރިހާއަގައެއްތަޅާއިރު ކޮބާޔާނު
ނިިބޫ
08 June 2019
ގައުމުގެ ތަރައްގީގެ އެއްވެސް މަޝްރޫޢުއެއް މި ފާއިތުވި 6 މަސްދުވަސް ވީއިރު ފެށިފަނެތް.. އޭގެ ބަދަލުގައި ރައްޔިތުން ދަރަނިވެރިކޮށްގެން އެދަނީ ބޮޑެތި އަދަދުތަކުން ލޯންނަގަމުން ... ގައުމު ދަނީ އަނދަވަޅަކާ ދިމާލަށް... އެތައްއެތައް ސްޓޭޓް މިނިސްޓަރުން ލައިގެން ދައުލަތުގެ ބަޖެޓަށްދަނީ ބާރުބޮޑުވަމުން... ކުރާނެކަމެއް ނޭނގިތިބެ ދެވެނީ ބައެއްގެ އަޅުވެތިކަމުގެ ދަށަށް... 2013 ގައި އަތަށް ގޮވިގޮތަށް މިފަަހަރުވެސް ވުން ވަރަށް ގާތް... އެކަމާ ދޮންބެ ތެޅިފޮޅެނީ..
އަނެއްކާ
07 June 2019
ދެން އަނެއްކާ ކެންސަލްވާނެ.
ދިވެހި ރާއްޖެ
07 June 2019
އަހަރެމެންނަށްއެގޭ ޗައިނާއާ އިންޑިޔާދޭތެރެޔަށް ރާއްޖެ ވައްދަމުންދާކަން. ޗައިނާއުޅުނީ އާ ސިލްކުރޯޑަށްރާއްޖެގަންނަން. ޢިންޑިޔާއުޅެނީއެކަންވިޔަނުދީ ރާއްޖެގަންނަން. ޢެދެނީ އަހަރެމެންގެމިނިވަންކަން
އަންޖުމް
07 June 2019
ހެއްދެވި ފަރާތް ދެކެ ބިރުގަތުމެއްނެތި ގައުމު ފަނާއަރުވާލާއިރުވެސް ދިވެހިން ހނުތިބެނި ތޯއެވެ. އިންޑިޔާއިން އެމީހުނަށް ފައިދާއެއް ނުވާނެގޮތަކަށް،މީހުން އަޅުވެތިނުކުރެވޭނެ ގޮތަކަށް ކަމެއްނުކޮށްދޭނެ ބަލަންތިބޭ އަހަރުމެން މިތިބީ ދިވެހިންގެ ނިންމުންމަތީ ފަހަތައްޖެހި އިބިލީހުންގެ ޖަމާއަތާވެރިކަން ހަވާލުކޮށްކުޅިބަލަން
ދިޔޯބެ
07 June 2019
އެއީ އެމީހުންގެ ބޭނުމަށް އަޅާ އެއްޗެހި... ބަޔަކު ޤައުމު ވިއްކާލަނީ ހަމަ... އަހަރެން ތިކަމާ ނުރުހެން..
އަކްމެޑް
07 June 2019
މޯދީ ބުނީ ވިލާބޯވީމަ ރާޑަރަށް ނާރައޭ. އެކަހަލަ ރާޑަރުތަ؟
ރަދީފުއްދީނުލް އަކްބަރު
07 June 2019
ސިފައިން ނުބޭތިއްބިޔަސް ތިޔަ ރާއްޖޭގެ ކޮންޓުރޯލުނެގުނީ.
ކަދުރޭ2
08 June 2019
ސިފައިންވެސް ބައިތިއްބާނެ. މިރާޑަރތައް އޮޕަރޭޓްކުރާނީ އެމީހުން. އެތަނަށް ދިވެހިސަފައިންގެ ބާރެއް ނޯންނާނެ.
ޚަލީމް
08 June 2019
ރާޑަރު މެއިންޓެނެންސް އައް ބޭނުންވާނެ 100 ވަރަކައް އިންޑިޔާގެ މިލިޓަރީ ބޭކަލުން. ވައްސަލާމް.