ސުޕްރީމް ކޯޓުގައި މިހާރު ތިއްބެވި ފަނޑިޔާރުންގެ ތެރެއިން އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ އަހުމަދު އަރީފް، އަބްދުﷲ މުހައްމަދު އަދި އަބްދުﷲ ދީދީ.---ފައިލް ފޮޓޯ: މިހާރު
23 ޖުލައި 2019 - 16:00
12 comments
ސުޕްރީމް ކޯޓްގެ ފަނޑިޔާރުންގެ އަދަދު ކުރިއެކޭ އެއްގޮތަށް ހަތަކަށް އިތުރު ކުރަން ސަރުކާރުގެ ފަރާތުން ކޯޓުތަކުގެ ގާނޫނަށް ހުށަހެޅި އިސްލާހު ރައީސް އިބްރާހިމް މުހައްމަދު ސޯލިހު މިއަދު ތަސްދީގު ކުރައްވައިފި އެވެ.
ސުޕްރީމް ކޯޓުގެ ބެންޗުގެ އަދަދަކީ ކުރިން އޮތްގޮތުން ފަސް ފަނޑިޔާރުންނެވެ.
ސުޕްރީމް ކޯޓް ބެންޗުގެ ތިއްބަވާނީ އުއްތަމަ ފަނޑިޔާރު ހިމެނިވަޑައިގަންނަވާ ގޮތަށް ހަތް ފަނޑިޔާރުން ކަމަށް ހަމަޖައްސައި، ގެނައި އިސްލާހު ތަސްދީގު ކުރެއްވުމާ އެކު، އިތުރު ދެ ފަނޑިޔާރުން އެ ކޯޓަށް އައްޔަން ކުރާނެ އެވެ.
ގާނޫނުއަސާސީ ބުނާގޮތުން ސުޕްރީމް ކޯޓަށް ފަނޑިޔާރުން އައްޔަން ކުރާނީ ޖުޑީޝަލް ސާވިސް ކޮމިޝަން (ޖޭއެސްސީ) ގެ ލަފާގެ މަތިން ރައީސުލްޖުމްހޫރިއްޔާގެ ފަރާތްޕުޅުން ރައްޔިތުންގެ މަޖިލީހަށް ހުށަހަޅައިގެންނެވެ.
ސުޕްރީމް ކޯޓުގެ ފަނޑިޔާރުންގެ ބެންޗްގެ އަދަދަށް ބަދަލު ގެނައި މިއީ ހަތަރު ވަނަ ފަހަރެވެ. އިންތިގާލީ ސުޕްރީމް ކޯޓު އެކުލަވާލިއިރު އެ ކޯޓުގައި ތިއްބެވީ ފަސް ފަނޑިޔާރުން ކަމަށް ވިޔަސް، އެ މަރުހަލާ ނިމިގެން ދާއިމީ ސުޕްރީމް ކޯޓު އެކުލަވާލިއިރު ހަތް ފަނޑިޔާރުން އެ ކޯޓުގައި ތިއްބެވި އެވެ. އެކަމަކު 2014 ގައި ކޯޓުތަކުގެ ގާނޫނު އިސްލާހުކޮށް، އަނެއްކާވެސް ފަސް ފަނޑިޔާރުންގެ ބެންޗަކަށް ކުޑަކުރި އެވެ.
ސުޕްރީމް ކޯޓުގައި މިހާރު ތިއްބަވަނީ އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ އާއި ފަނޑިިޔާރު އަބްދުﷲ އަރީފާއި ފަނޑިޔާރު އާދަމް މުހައްމަދާއި ފަނޑިޔާރު އަބްދުﷲ ދީދީގެ އިތުރުން ފަނޑިޔާރު އަބްދުލްޣަނީ މުހައްމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައުރާ
24 July 2019
ކޮބައިބާ ރީކޯމޫސަ އޭނަގެ މަގުމަތީ ކޯޓުގެ ހަބަރެއްދަބަރެއްނެތް މިހާރަކު ޔާމީނުގެ ވެރިކަން ބަލިކުރަން ނިހާނާ އަދުރޭ މޫސަ މެން އިހުތިޔާރުކުރުންތީ ވަރައް ދެރަކޮއް ކުރިކަމެއް
އަޙުމަދު
24 July 2019
ތިޔަ ކޯޓުގެ ބެންޗް އިސްލާހުކޮށްގެން ނަމަވެސް ހަމަޔާ އިންސާފުން އެއްކިބާވެފައިވާ ފަނޑިޔާރުންތަށް މިހާރުން މިހާރަށް ބޭރުކުރަންވީ. ތިޔައީ އަދުލުއިންސާފުން އެއްކިބާވެ ހިތުހުރިގޮތަކަށް ޝަރީއަށް ކުރަމުން ދިޔަބައެއް.
ސޯލިހި ސޯލިހު އިބޫ
23 July 2019
ތި ބިލް ތަސްދީޤް ކުރީ ރީޔޫނިއަންގާ ތަ؟
ޙަބީބު
23 July 2019
އުއްތަމަ ފަނޑިޔާރު ބަދަލުކުރަންޖެހޭ ފާއިޒު އެމަގާމުން ދުރުކުރީ ނުހައްގުން
ޝޮކްތެރަޕީ
23 July 2019
އަޅުގަނޑު ހީކުރީ މިސަރުކާރުން ކޯޓުތަ ރަގަޅު ކުރާނެކަމަ. މިފެންނަނީ ބަނީ އިޒްރާއީލް ބާގާގެ މީހުން ކަންތަކުރާގޮތަ މިސަރުކާރުން ކަންތައް ކުރަތަން.
ބޮޑުމީހާ
23 July 2019
5 މީހުންނަށް ވާ ކަމެއް 7 މީހުންނަށް އިތުރުކުރުމުގެ ބޭނުމެއް ނެތް. މުޅި ސްޕްރީމްކޯޓް އެއްކޮށް ބަަދަލުކޮށްލީމަ ހުންނާނީ ރަަގަޅަށް
އަލީބަލީ
23 July 2019
ފުރަތަމަ ހަދަންވީ ގޮތަކީ ބެންޗު 3 އަށް މަދު ކުރަންވީ. ދެން އޭގެ މަހެއްހާ ދުވަސް ފަހުން 7 އަށް އިތުރުކުރަންވީ.
ބަބުރަންޖީ ހާޖީ
23 July 2019
މުސްކުޅިންގެ ބިލްތައް ތަސްދީގުކުރަނީ ކޮންއިރަކުން.
މަރޭމިތުރު
23 July 2019
ހަތަކީ އަސްލު ލަކީ ނަމްބަރެއް! އަތަކަށް ވަކި ބުރަނުވާ އަދަދެއް!............... ބެލެންސް އަދަދެއް ހަތަކީ . ރަނގަޅުނަތީޖާ ނެރެވިދާނެކަމަށް ބެލެބޭ!
ހައްސާ222
23 July 2019
މިހާރު ކޯޓް ގައިތިބި 5 މީހުންވެސް ބަދަލުކޮށް ނަޒާހަތްތެރި ރައްޔަތުން އިތުބާރު ކުރާ 7 މީހުން ފަނޑިޔާރުންނަށް އައްޔަން ކުރުމަށް ޖޭއެސްސީ އަށާއި ރައީސަށް އިލްތިމާސް ކުރަން.