އިދިކޮޅުން ޕީޕީއެމާއި ޕީއެންސީން ބޭއްވި ޖަލްސާއެއްގައި އާއްމު މެމްބަރުން: ޕީޕީއެމްގެ ހަރަކާތަކަށް ހުޅުމާލޭގެ ރެހެންދި ސްކޫލް ދުލެއް ނުކުރި. ފޮޓޯ.. ހުސައިން ވަހީދު/މިހާރު
26 ޑިސެމްބަރ 2019 - 10:48
މި ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީގެ ސިޔާސީ ހަރަކާތްތައް ހިންގަން ސްކޫލްތައް ދޫކުރި އުސޫލުން އިދިކޮޅު ޕީޕީއެމަށް އެ ތަންތަން ދޫކުރަން ދެކޮޅު ހެދުމުން އެ ޕާޓީން ހިތްހަމަނުޖެހުން ފާޅުކޮށްފި އެވެ.
ޕީޕީއެމުން ހިތްހަމަނުޖެހުން ފާޅުކުރީ، ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީންގެ ސަޕޯޓަރުންނާ އެކު ހުޅުމާލޭގެ ރެހެންދި ސްކޫލްގައި މާދަމާ ރޭ ބާއްވާ ބައްދަލުވުމަށް އެ ތަން ދޫކޮށްދިނުމަށް އެދުމުން އެކަމާ އެ ސްކޫލުން ދެކޮޅު ހެދުމުންނެވެ.
ޕްރިންސިޕަލް ނާޒިމް އަބްދުﷲ ސޮއި ކުރައްވައި ޕީޕީއެމަށް ފޮނުވި ސިޓީގައި ވިދާޅުވީ ސިޔާސީ ހަރަކާތްތައް ހިންގަން ސްކޫލްގެ ތަންތަނާއި ތަކެތި ދޫނުކުރަން އެޑިއުކޭޝަން މިނިސްޓްރީން ލަފާ ދީފައިވާ ކަމަށެވެ. އެހެންވެ، ސިޔާސީ ޕާޓީގެ ހަރަކާތަކަށް ސްކޫލް ދޫކުރުމަކީ ރެހެންދި ސްކޫލްގެ މެނޭޖްމެންޓަށް ކުރެވޭނެ ކަމެއް ނޫން ކަން ވަނީ އެ ޕާޓީ އަށް އަންގައިފަ އެވެ.
MOE Dr.@aisthly,MDP ge Youth Congress Baahvan Hulhumale’ “Huravee School” Dhevvee Kon Usoolakun Tho? MDP Agenda19 Baahvan Hulhumale’ Brightway International School Dhevvee Kon Usoolakun Tho? PPM ge Harakaathakah “Rehendhi School” Nudhevvumakee Ladhuvethi Kameh.#MeeMageyRaajje pic.twitter.com/fAasjl68pu
— Ibrahim Shujau💙 (@shuja3831) December 24, 2019
ސްކޫލުގެ ޖަވާބާ މެދު ހިތްހަމަނުޖެހި ސުޖާއު ކުރެއްވި ޓުވީޓް.
އެ ޖަވާބާ މެދު ހިތްހަޖެހިވަޑައިނުގެން އިދިކޮޅު ކޯލިޝަންގައި ހިމެނޭ ޕީއެންސީގެ ނައިބު ރައީސް އިބްރާހިމް ޝުޖާއު ދެއްކެވީ މި ސަރުކާރުން ގެންގުޅޭ ތަފާތު ކުރުންތަކެވެ. ޕީޕީއެމަށް ވުމުން ސިޔާސީ ހަރަކާތް ހިންގަން ސްކޫލް ނުދޭއިރު، އެމްޑީޕީ އަށް އެ ފުރުސަތު ފަހިކޮށްދިނީ ކޮން އުސޫލަކުންތޯ އޭނާ ވަނީ ސުވާލު ކުރައްވައިފަ އެވެ.
އޭނާ އާއި ޕީޕީއެމްގެ ހިތްހަމަނުޖެހުމަކީ އެމްޑީޕީގެ ބައެއް ހަރަކާތްތަކަށް ސްކޫލްތައް ދޫކޮށްފައި ވުމެވެ.
"އެމްޑީޕީގެ ޔޫތު ކޮންގްރެސް ބާއްވަން ހުޅުމާލޭގެ ހުރަވީ ސްކޫލް ދެއްވީ ކޮން އުސޫލަކުންތޯ؟ އެމްޑީޕީގެ އެޖެންޑާ 19 ބާއްވަން ހުޅުމާލޭ ބްރައިޓްވޭ އިންޓަނޭޝަނަލް ސްކޫލް ދެއްވީ ކޮން އުސޫލަކުންތޯ؟" އެޑިއުކޭޝަން މިނިސްޓަރު އައިޝަތު އަލީ ޓެގު ކުރައްވައި ޝުޖާއު އެއްސެވި އެވެ.
"ރެހެންދި ސްކޫލް [ޕީޕީއެމަށް] ނުދެވުމަކީ ލަދުވެތި ކަމެއް."
Copyright © 2024 Mihaaru · Terms and Conditions · Privacy Policy
ކޮމެންޓްތައް
ނަކް
31 December 2019
ކަލޯމެން ލަދު ގަންބަލަ.. ކަލޯމެން ސަރުކާރުގަ އިދިކޮޅަށް ކާނިވާ ސަރަހަށްދުވެސް ނުދެއޭ ބައްދަލުވުމެއް ބާއްވަން.. ސުކޫލުތައަ ހަރާބުކުރާނެކަމެއް ނެތް ތިޔައީ ފެއިލިޔަރުންތަކެއް
ޙަސަނުގެ
26 December 2019
ޕީޕީގެ ބަޔަކު ޕީއެންސީ ހަދައިގެން އެގަހު ކޭލެއް މިގަހު ކޭލެއް ނޭނގޭ ކޮންމެ ބަޔަކުވެސް ތިބެނީ އަނެއްބަޔަކު އަރައިގެންފާނެތީ ބިރުން
ހަސަދު
26 December 2019
އެއްވެސް ސިޔާސީ ހަރަކާތަކަށް އެއްވެސް ސްކޫލެއް ދެވިގެން ނުވާނެ. އެމް.ޑީ،ޕީ ވިއަސް، ޕީޕީއެމް ވިއަސް. ސުކޫލް ތަކަކީ ދަރިވަރުން ފުރިހަމަ އިންސާނަކަށް ހެދުމަށް ބޭނުންވާ އިލްމާ ހުނަރު ދަސްކޮށްދޭ ތަންތަން. މިތަންތަނުގައި ސިޔާސީ މީހުން,މީހުންގެ އަބުރާ ބެހި، ހިތުހުރި އެއްޗެއް ގޮވާ ހަދާ ތަނަކަށް ވެވިގެން ނުވާނެ.
ޝޮކްތެރަޕީ
26 December 2019
ސަރުކާރު ކުރިކަމެއް ނުފެނޭ އަދިވެސް ފެންނަން ހުރީ ރައިސް ޔާމިން ފެއްޓެވި ކަންތަ.
މިލިޓަރީ
26 December 2019
ކަޑަ ސަރުކާރެ އެމްޑީޕީ ހިތުހުރިގޮތަކަ ކަންތައްމިކުރަނީ.
ތެދުވެރިޔާ
26 December 2019
މިވެރިކަން ނިމޭއިރު ރާެއްޖެ އޮންނާނީ މާލީގޮތުން ދަރާފަ.
ޔާމީންނުން
26 December 2019
ޔާމީން ވެރިކަމުން ފޭބި އިރު ދަރުވާލާފަ ފޭބި ވަރަށް ވުރެ މަދުވާނެ
ހައްގުބަސް
26 December 2019
ޤައުމު މިދަނީ ރަގަޅައްތަ ނޫނީ ގޯސްކޮއްތަ.؟؟
މަންޑޭލާ
26 December 2019
މި ވެރިކަން ނިމޭއިރައް. މި އަހަރުގެ ބަޖެޓު ދިރުވާލިމަސްސަލަ ބަލަން ޖެހޭނެ. އެމްޑީޕީ ހީނުކުރާތި އިންޑިޔާގެ ފޫބުޑަ އުޅެވިދާނެކަމަ.
ތުއްތޮންބެ
26 December 2019
ވެރިކަމައް އަންނަންވެގެންކީ ހުރިހާލަވައެއް މިހާރު ފަރިއްސަވެ ނިމުނީދެއްތޮ؟ މުސްކުޅި ހަރުބަހެއްގެއޮވޭ ދައްކަވަން ހުރިތަނެއް ދައްކަވާފައޭ ގެންދަވާނީ.
ހިޔާ
26 December 2019
ތިޔަޕާޓީ ވެރިކަމުގައި އޮތްއިރު އޭރުގެ އިދިކޮޅު ޕާޓީއިން ބައްދަލުވުން ބާއްވާނެތަނެއް ލިބޭތޯ އާދޭސް ކުރަމުން ދިޔައިރު އެތަންފެނުނު މީހަކު ހުރިތަ؟ އެމީހުން ފޮނުވި ގިނަ ސިޓީތަކަށް ޖަވާބެއްހާވެސް ނުލިބުނު. މުޅިމާލެ އޭރުދިޔައީ މުއިއްޒުވަމުން. ނުވިތާކަށް އަމިއްލަ ތަނަކަށް އެއްވިޔަސް އޮތީ އެހާލު. އެކަމަކު ތިޔަޕާޓީގެ ބޭނުންތަކަށް ބޭނުންނުކުރާ ސަރުކާރުގެ އެއްވެސް ތަނެއް ނުވަތަ މުދަލެއް ނެތޭވެސް ބުނެވިދާނެ. މިހާރު ވަކިބަޔަކު ލަދުވެތިވާންޖެހޭ ސަބަބަކީ ކޮބާ؟
ހޭބަލިމިތުރު
26 December 2019
ލަދުވެތިވާންޖެހޭ ސަބަބަކީ ގޯސްކޮންކަންކަންކުރީ މަ އެކަންކަން ރަނގަޅުކުރުމުގެ ނަ މުގަ އައިސް ހަމައެގޮތައް ނޫނީ އެއަެްވުރެވެސް ހުދު މުޚުތާރުކޮއް ވެރިކަން ހިންގާތީ!!!!!.
ތުއްތޮންބެގެ ކޮއްކޮ ތުއްތުނާ
26 December 2019
ތުއްތޮންބޭ ތިކަހަލަ ވާހަކަ ދައްކާތީ އަހަންނާ ތުއްތޮންބެ އަބަދު އެއްގަލަކަށް ނާރާ މިއުޅެނީ. ތުއްތޮންބެ ކާރީގަ މަ ބުނަމެއްނޫންތަ އަހަރެމެން ދެމީހުންގެ ޕާޓީއިންވެސް ގޯސްކޮށް ކަމެއް ކުރާނަމަ އެކަން އަބަދުވެސް ރަނގަޅު ކުރުމަށް ވާހަކަ ދައްކާށޭ އެކަމަކު އަބަދުވެސް ތުއްތޮންބެ އުޅޭނީ ޕާޓީގެ އައިބުތައް ފޮރުވައި އިހުތިބި ބަޔަކު ކޮށްފަ ހުރި ވިޔާނުދާކަންތައް މިސަރުކާރުން ކުރީމަ އެކަންތައް އިހުތިބި މީހުންވެސް ކުރި ނޫންހޭ ކިޔައިގެން ޖަސްޓިފައިކުރަން. ރުޅި!